الاخ سيف والله هذا هو بيت القصيد وسر الحياة والوجود حتى تستمع بتعم الله اكتفى بما حباك الله من نعم
ولا تنظر الى اشياء الغير.. فتستمتع بشربة الماء اكثر من استمتاعهم باطيب العصاير وتستمتع بقطعة الخبز
اكثر من استمتاعهم باطيب المشويات .. عش فى عالمك واترك لكل شخص عالمه فاذا طمعت فى عالمه
وذهبت اليه ستشعر بغربة ووحشة وحنين الى عالمك القديم ... من فترة كنت بحكى مع واحد فى ليبيا
عن شخص صديق لينا هو انسان متكبر شديد .. من الدواخل يعنى الاقاليم طبعا هو من دخل الجامعة تانى
ما رجع لى اهلو وللبلد وناسب عيلة كبيرة وبقى يتحاشى ناس بلدوا وكبر فى الوظيفة المهم هسى
لمن الحكاية بقت فيها انتخابات ودوائر رجع البلد عشان يرشحوا ويفوز .. طيب من الاول خليك فى
وضعك وعالمك الربنا خلقك فيهو وقسمو ا ليك ... الا فى حالة واحدة اذا فى عالم فيهو الخلود ومافيهو
موت والله كلنا نطمع فيهو لكن مافى فايدة الكل ميت والكل مودع وخليك زى طلبة الجامعة كل ما كانت
المواد قليلة كلما كان سهل المرور خلى حملك خفيف ولاقى ربك بى ليس الكورة زى ما قالو او زى
ما قال ادروب فى بوابة الجمارك انا شايل بولتين بس لكن القدامى شايل اسبيرات كتيرة والله تكب لى بنزين
بس يدور ........... ابقى مارق يا سيف وخليك خفيف احسن... ايهما افضل ان يسالك الله عن الروح
او عن السيارة ... الحكمة هى ان تتقى الله فيما عندك