دا ياهـــو الفضـــل

قال الديك تور توفيق عكاشة المرشح للرئاسة في جمهورية مصر العربية أن

أحد أركان خطته أن يعود جنوب مصر إلي شمال مصر واضاف أنه لا يعترف بدولة إسمها السودان

ولا يعترف برئيس السودان ولا يعترف بنظام دولة في السودان خالص وأعلن أنه سيضم السودان إلي مصر

إذا نجح في الإنتخابات لأنو السودان جزء من مصر وحان الوقت لأن يعود جنوب مصر إلي شمال مصر

............

إنشاء الله يا رب الديك تور دا ينجح في الإنتخابات عشان نشوف جعجعته دي حدها وين

عليكم الله يا أهلنا زي ده تقول عليهو شنو

اللهم ارحم شهداء بلادي الذين ضحوا بارواحهم الطاهره ليرفع إسم السودان عالياً خفاقاً

شامخاً كما الجبال

عدد المساهمات : 1940 تاريخ التسجيل : 20/06/2010

مايحدث في مثلث حلايب هو ماجعل امثال هؤلاء يتطاولون ويصرحون
اقرأ لبعض شيوخ القبائل هناك ... يتم ارهابهم وتجنيسهم دون تدخل
من حكومتنا وكأن حلايب هذه في كوكب آخر .. الاهالي يعانون
وهنا يغضون الطرف ..وسنسمع عن ديوك وتيران امثاله كثيرين
طالما البلد مافيها والي علي حسب قول حبوباتنا
(بلد من والي كومو)

تحياتي الأخ / رمضان

و خال عبد الرحمن

حقيقي لم يدهشني ماقرأت لانوا نحن أصبحنا و بحمد لله لا نسوي قشرة بصلة بفضل جماعتنا ديل !!

و ربنا يعطيكم الصحة و تسمعوا أكثر من ذلك صمت الحكومة على تصريح كهاذا يجعلك تقف مائة مرة و مرة ؟

قلنا عدم أحترام المواطن أصبح شئ عادي طيب الرجل قصد الحكومة برمتها ..

خلوها بالنيه

الأخ العزيز رمضان
كل مايقال فى مثل هذا الموقف
عشم ابليس فى الجنه

العزيز رمضان
احدي افرازات الديمقراطية هي ظهور الفتاوي والاراء الشاذة والتي لايلتفت اليها الناس
المعني هو احد نتاج الحرية التي تبرز الصالح والطالح...لكن الصالح هو من سيبقي

لاحظ فتاوي السلفيين الشاذة التي تملأ الصحف

لكن الجميع لايلتفت الي نباح الكلاب

خلي الدكتور يهو هو زي ماعاوز

قول يالطيف

الأخوة الأعزاء الكرام : عبد الرحمن / شريف / قرشي / ماهر

نشكر لكم مروركم الكريم والتعقيب

أنا لا أعتقد أنه ستكون هنالك رد فعل وستمر هذه التصريحات مرور الكرام

الاخ/ رمضان
يكفى رد شركة(كابرو كنترول) المنزلة اعلانها فى شريط الاعلانات الموجود في الفيديو(فى الثانية51)من الفيديو

ودام السسسسسسسسسسسسسسسسسسسسسسسودان حرررررررررررررررررا مسسسسسسسسسسسسسسسسسسسستقلا

ام(فيء)

تحياتى
ههههههههههه مابعترف بى الريس بعد كسير الثلج ده كله لا خلينا ضان ولابقر هدايا للمصريين يقولوا كده بالغوا معاه

عدد المساهمات : 161 تاريخ التسجيل : 17/04/2011

هههههههههههههههههههههه والله الراجل ده لو عندو شنب وبرم شنبو كده واتكلم كان خوفنا شويا لكن الحمد لله طلع من
غير شنب والله انا خايف لو لفة شوية كمان نلقى بى ضنب ده شكلو ورل ... خلى فى الاول يضم شرم الشيخ لمصر وفلسطين
للعرب بعدين نحن نهديهو السودان هدية فوق البيعة ونضرب لى تعظيم سلام ...لكن شكلها كمرة خفية يا رمضان

الاخت ( أم فئ )

د. عايده .

الحكيم عبد الفتاح

لكم التحية والتقدير علي المرور والتعليقات الجميلة

صدقتي يا أم فئ فمثل هذا الصرصور يحتاج لمبيد حشري عالي الفعالية

يا دكتوره عايده نحنا الجايبنو لنفسنا ودا آخر كسير التلج

والله يا عبد الفتاح لو كان كاميرا خفيه ما كان بيعملوها بالصورة دي دا راجل بجح