من المفارقات

عدد المساهمات : 604 تاريخ التسجيل : 16/01/2011

مخرب ليبيا (بلا وانجلا) اسمه معمر
قبيح تونس اسمه زين العابدين
ناهب مصر اسمه مبارك
فاسد اليمن اسمه صالح
جبان سوريا اسمه الأسد
غراب البين نذير الشؤم في السودان اسمه البشير - النهاب الوهاب

الخال الأمين يعني داير اشاركك البوست و لكن نهايتنا يارب بتكون ذي نهاية البوست Drop_2

وإذا كان الغراب دليل قومٍ .....فلا هم وصلوا ولا وصل الغراب

شكلو يا خال البوست بتاع الدكتورة ( بريدك يا البشير ) إستفذ مشاعرك

وخلاك تجيب من جوة

ومن المفارقات ايضا ان حكومة (الانقاذ) هي التي (ضيعت) البلد

ورمز (الشجرة) رمز للجوع والغلاء كما كان رمز القندول رمز للقحط والجب

يعني نستبشر خير اذا كان الرئيس المقبل اسمه (مخرب)

عجيييييييييييييييييييييييييييييييييييييييييييييييبة

يالطيييييييييييييييييييييييييييييييييييييييييييييييييف

الأخ العزيز الأمين كل سنه وانت طيب
نعم انها المفارقات التى تتحكم على مصائرنا
وتسير امورنا
يجى عشان يعمر يخرب
يجى عشان يبارك يسرق
يجى عشان يصالح يفتن
وهكذا
يجينا موسى فى النهايه يطلع فرعون
بعد كده مافى طريقه
الشعوب رفعت شعار ..على هامان يافرعون

عدد المساهمات : 237 تاريخ التسجيل : 01/07/2010

عزيزي الامين .. التحية والأشواق أولا
وانت قريب من موقع الحدث والمحلات الجديدة نرجو تنبيه عطالة الجمعيات عشان يستعدوا يمكن يلقوا ليهم تعيين بالشي الفلاني ويختصروا سنين الغربة .. استعدوا للتحول لجدة وخاصة مع المستثمر الآخير
( اكيد جائ بخيرات بلادنا هو ووداد الذهب )
المهم : الاعلان عن بعض محلات ستفتح قريبا بجدة في غضون شهور والمحلات هي :-
1- كوفي شوب بن علي
2- مبارك للملابس الجاهزة
3- بشار للكبة والفتوش
4- بنشر علي عبد الله صالح
5- تشليح عمر البشير

وان شاء الله نشوف فيك يوم يا عمر ود هدية بت بخيت انت والمعاك

قولوا آمين .. بس معاي !!!!!!!!!

عدد المساهمات : 604 تاريخ التسجيل : 16/01/2011

الإخوة الأعزاء: شريف "برلس" فخري "العريس" الخواجة ماهر- قرشي "الهميم" عثمان "سكرفي"
كل عام وأنتم بخير
المعذرة يا اخوانا .. وأنا أقول مين صاحب البوست "البحب البشير" دا ؟؟!! ناسي مع زحمة الحج
بعدين يا عثمان يا أخي : مش كفاية شلح السودان - حتى هنا عايزو يجي يشلح ؟؟
دا ما ينفع معاهـ إلا ترلة بايعة الكسرة

[ندعوك للتسجيل في المنتدى أو التعريف بنفسك لمعاينة هذا الرابط]

بلا يخمو

معقولة بس يا خال !

كتبت البوست وعملت ياااااااااع خفت من السلاسل والأغلال

ولامن لقيت ردود الافعال واقفة معاك تجى تعمل لينا فيها رايح

وناسى وزحمة حج . دى علينا نحنا برضو !؟

عالم ........

دمت

عدد المساهمات : 604 تاريخ التسجيل : 16/01/2011

فخري:
انتا ما سمعت العروب داك قال شنو ؟؟ قال :
أنا ما بخاف وما بعرف الخوف , وإن كركب كديس تلقاني قايم صوف
ولا ما سمعتا ( بخاف يا انتا لو جيتك) لكن إن شاء الله نجي نلقاهو خرج خروج (القذافي) وبدل العود ماسورة مجاري (أخيييييييي
) .
يبعث بها يوم الدين وله خوار

الاخ الامين ختم ب النهاب الوهاب عرفنا النهاب لكن الوهاب ده شنو ما عرفتو .

الاخ امين تحياتى للاسره الكريمه ورد الله غربتك ظافرا غانما انشاء الله