مادايرين اي عنوان

اهلي الاعزاء في مراغه الاصالة والتاريخ
الاخوه الكرام اعضاء المنتدي
هنالك مسأله غلبت ناس مراغه وناس مراغه من خلال وجودي فيها ما كان في حاجه بتغلبهم اصلا
والله هي مساله ما صعبه لكن الاتفاق عليها يبدو لي هو الصعب ولا ياربي الحاصل شنو انا ما فاهم
والمسأله طرحت اكتر من الف مره ولازال الحال في حالو والان بيناقشو فيها ناس الكيان وهي تخفيف
تكاليف الزواج والحاجه دي والله عشان تنجح لازم تكون الزاميه علي الغني والفقير وبعد العرس الزول الغنيان
دا انشاءالله يضرب السما بوهيه علي كيفو لكن يلتزم بالشروط الموضوعه في البلد يوم العرس مسأله ما مكلفه
لكن في ملاحظه الناس كلهم يامنوا علي الفكره ومافي تطبيق علي ارض الواقع وانا ماكتبت العنوان لانو بقي
عنوان مكرر وبايخ والله المستوي المعيشي للناس ما واحد لكن لو الناس اتفقت علي شي يساعد الناس الظروفهم
صعبه انت بتكون ساعدتهم كأنك اديتم قروش بس بالاتفاق بس قالوا الشيله تلاته تلاته وانت عندك مال ووضعك
سمح اعمل زي ما تم الاتفاق وبعد داك انشاءالله تشتري ليها البوتيك كلو تشحنو في دفار تجيبو البيت شوف لو في زول بلومك
وفي حاجات كتيره مابنقدر نتكلم عنها كلها هنا وموضوع الشيله ده مثال انا بناشد الاخوه في المنتدي للوقوف وقفه صلبه اخيره
حول الموضوع ده
ملحوظه:
ما تفتكروا الجوطه العاملا انا دي عشان انا لسه عزابي ومفلس ماكده والله بس الناس ظروفهم صعبه والحاجات كلها طارت
السما وانا شيلتي انشاءالله بتكون واحد واحد اكان ابوني البنات كمان بقعد كده بس

العم الامين تحيه طيبه ومشكوووووووووووووووووووووووووووووووووووور
علي مرورك وتعليقك الجميل وبت (الياباني) معناها بت التابه واليابه هذا التوضيح
لي ناس الخرطوم عشان ما يفتكروا عمي الامين طلعني في اليابان كمان تبقي مشكله

الاخت العزيزه وصفيه
متعك الله بالصحه والعافيه وانت تحملين هموم المنطقه والله انحن لوكان لقينا في مراغه 15 /20 زوله زيك كده
كان البلد دي مشت لي قدام لانو النسوه لهم دور كبير في الموضوع ده ومن هنا نحن بنحييك ونقول ليك واصلي
في مجهوداتك وافكارك النيره ودمتي في خدمة المنطقه

شيل شيلتك بس

الاخ هاني ياود خالي شيلتي ايوه بشيله براي لانها خفيفه بدون عربيه ممكن تصل لانها واحد واحد
انت ارجي الراجيك/ الاخ العزيز ماهر مشكور علي الملاحظات الممتازه كيف لا وانت استاذنا ومعلمنا
اينما كنت لا تحجبك عنا المسافات مهما كان طولها وسوف نظل نردد يالطيف الي ان يجعل الله لنا
مخرجا/ الاخ الغيور سيف شهلي زميلي في حياة العزوبيه الحلوه والمره نشكر لك حماسك ومجهوداتك
داخل وخارج الكيان وعارفك شايل هم الجميع هذا كله في ميزان حسناتك انشاء الله ولكم التحيه والتقدير