الترابا في خشمك

وانا ماشي في شارع في خرتوم الجن دي.....ومدنقر راسي وبفكر في مية حاجة.... ياربي هسي الواحد يعمل شنو ...وواحدة من الحاجات هسي الواحد يتعشي بي شنو ....وبكرة يا ربي نغسل هدومي ولا ماضروري .... وعلي العلي الهلال خشي دوري الاربعه والحكاية دي مزعلاني شديد ..................

وفجأة اسمع صوت فنان في اضاني دي يغني ........

.. ليك زمن عايش براك........

..وماشي في سكة سراب ...

..خلي ايامك تعدي ... والدنيا اخره كوم تراب....


اها يا الفنان شاطر ... وكت انت عارف اخره كوم تراب .. متمسح وتنبح مالك........... تراب يعصرك انشاء الله......

وين نحنا من زمن العمالقه...

بالامل صبرتو قلبي ... وعشت في دنيا الاماني...

اهدد الشوق بين ضلوعي ... واحكي ليهم ما شجاني.....ز

ههههههههههههههههههه الخال الغالي اللللله يعرس ليك

الحاجة الوحيدة المجنناك ولا غسيل هدوم ولا غيرو وانت اصلا ما قدرت تتعشي وطبعا السبب هو الما يغباك سيد البلد

الحق عرس قبل مايشيل ليه كاس وتحصل ليك حاجة لا قدرالله وانت لس شاب

تحياتى
ههههههههه شفتى ياوصفية يااختى المريخاب ديل وحقدهم طبعا لمانفوز على الترجى حايموتوا

تحياتى
هههههههههه خلاص علشان خاطرك والمغصة ماتشقهم حانقول لى البرنس يعتزل والمعز يقعد احتياطى وميشو يقدم استقالته وكاريكا يبطىء سرعته فى الميدان ومهند يعمل ماشايف الشبكة علشان الترجى يقدر يغلبنا ومانشيل الكاس وعجبى
وفى امان الله

يبدو أن وصفيه خارج الشبكه شويه (التراب في خشمك) قاله قدوره للفنان الكان يغني
.. ليك زمن عايش براك........
..وماشي في سكة سراب ... والكلمات لاعلاقه لها بالكوره ولا كيف ياقدوره ؟؟؟؟؟؟

اما شقيقتنا الدكتوره ربنا يديكي العافيه مامحتاجه تعطلي كاريكا ومهند لانهم اساسا معطلين
اما هيثمكم يعلم الجميع انه يلعب في الوقت الضائع منتصف الثلاثينيات خلاص .. شوفو ليه
كنبه ولا اداره ولا سلموه طبله زي ود الجنيد يشجع بين الجماهير

تحياتي
ههههههههههههههههه يشيلو كاس ايه يادكتور ده فى المشمش طبعا هم بقى كل طموحهم يفرحوا لهزيمة الهلال
وفى امان الله

الاخوة الاماجد .........تحياتي


ابن اختي ..والدكتورة عايدة ..الهلال مقدور عليهو ... ناس تترجي فيا قاعدين ...ولو ما قدرو ساكواها موجود..اصلو طول منكم ....

اخ عبدو طلب بسيط .....تكلم ترباس يوم كورة الترجي ما يمشي يشرب موية عليك الله .....


اخت وصفية ..المزعلني اكتر مياعة الفنان ... وبعدين وكت هو عارف نهاية الدنيا كوم تراب .... مالو متعب نفسو.........

والله يا الخال لسانكم اطول مني

وكتر خيركم يا صفوة واصلا الحاجة دي ما غريبة عليكم كما قالت دكتزرة عايدة قمة نشوة المريخاب ليس في فوز المريخ انما الفرحة والنشوة تاتي عند هزيمة الهلال من اي فريق طبعا لانكم صفوة

لا حول ولا قوة الا بالله ياناس ادوها صنه شوية مالكم متحمسين كدة و نازلين فى الفنانين و الناس الهلال بقيادة الدكتورة عايدة شايلين سهامكم ..

ياقدورة ماتزعل تأكد الفنانين اولا داخلي نار جهنم و الله آعلم بحكم اكثر من فتوه عنهم ...


آما ناس الكورة ديل الله يصبرنا عليهم جابت ليها سحب جنسية من د.بكري..


و الخال عبد الرحمن فاقد حنان بالغربة يولع فيها ...

قريبتي الاستاذة وصفية صبري لينا قدورة جنبك ..

تحياتي
والله يامريخاب خايفة عليكم بعد هزيمة الترجى حاتبقى مكنتكم شنو
وفى امان الله

ياقدورة لو الفنانين السودانيين مزعلنك كدا
انقز ع الفنانين السعوديين
تقبلوا مروري