لحمة والله وحكاية

بالنسبة لي موائد رمضان ( الشهر ) وكدا ........

تلقي دايماً الناس البتطلع بي صوانيها هم الحالاتهم المادية من الوسط وإنتا نازل إلا من رحم؟؟

نجي لي ناس من رحم ديل !!

الواحد فيهم يطلع الشارع بي صينية عاديه ( ويكة / عدس / ولو فول مظبط كدا يكون إتقطع )

ويوم يكون عندو ضيف ضيفين من النوع ابو كديس هاك يا كسير تلج ... وهاك يا فطور جوه البيت

( فراخ / سجوك / لحمة / + حبشتكنات )

يعني المساكين البتطلع معاهم كل يوم ديل ما بستاهلوا الطيبات دي .... ولا المسعلة شنو ؟؟؟

..........................

وعلي قول الصديق العزيز عادل إمام في مسرحية الواد سيد الشغال :

ناس عندهم لحمة ........ يعزموا ناس عندهم لحمة ....... عشان ياكلوا لحمة ؟؟؟

الاخ/ رمضان --- تحياتى لك
والله هذه ظاهره عجيبه وغريبه ومنتشره .. فالمانع ان نكرم الضيف بالموجود
ولماذا عندما تكون الصينيه مدنكله لانطلع بها الى الشارع. فشهر رمضان شهر مبارك
وكريم والكرم بيكون بما نجود به لا بما نحمله فى الصوانى ... والله اصدقك القول
بأن كثير من الصوانى (ويكه . خضره. كداد. عدس) لا يرجع فيها شئ ولكن
الحبتشكانات واللحوم ترجع ولا فى زول بيأكلها.

التحية لك أخي سيف

نتمني أنو ربنا يصلح حالنا

بعدين يا سيف إنت عارف أجمل حاجة عجبتني في ردك هي ( كداد )

لانو أنا شخصياً بعشق ملاح الكداد !! .... اذكر مره ناس خالي ساتي بشير كانوا عاملين ملاح كداد جامد

.... بعدين أنا وسفيان وأيمن محمد يس وحيدر الفاضل و....... عملنا خيانات ما نادينا شهاب نور الدين

....... زعل معانا ثلاثة يوم صاري لي وشو ما داير يتفاهم معانا .... شهاب في الكداد بضارب

عديييييييييييييل

مشكور يا ابو الشوش علي المرور والتعليق

وإنشاء الله رمضان الجاي تكون معانا ........ تجي تضوق القراريص خمسة بوصة والكداد ...

كفاية البيتزا الإيطالية الكتيرة دي بتعمل ليك سمرايز في الرقبة .........

الاستاذ الشاعر ماهر ...... حلوه وملعوبة ......... بس ما وريتنا القصيدة دي من راسك ولا من

كراسك .............. لكن ما تقول لي :

فله ***** شمعة **** منوره

ابو الشوش .... بختك يا سيدي ..... ايامك

ما تنسي التوثيق عشان تغيظ ناس لندن

وصفية يا راقية ......... شكراً كتير علي العزومة ........ نخلي الدعوة مفتوحة ... لي أول

زيارة جاية للبلد إنشاء الله ............. أهم حاجة يكون عندكم لعبية حرفاء ...... اي كياشة ما بتنفع معاي

.... بعدين ما تخافي ما نأكل أكتر من خمسة سبعة عشرة قراريص كدا .

ما تنسي الشطة المطبوخة ...........

وحبذا لو عملتي شوية طورش كدا ...... لزوم التسليك وكدا

العزيز عبد الرحمن لك مني خالص الشكر والتقدير

طيب الضيف الجاي من بعيد أو قريب ..... علي العين والراس يعملوا ليهو الما خمج .... بس المطلوب

إنو الصينة المدنكلة دي ما نلبد بيها جوه تطلع بيها بره مع الضيف .... ضيف ذاتو ما بحب اللمة وقيمة

الإفطار بالشارع ما حبابو ................

بالتأكيد أخي عبد الرحمن ان من الخطا أن نعمم الامر للجميع .... فانا لم أقصد ذلك

.............. ولكن ما اقصده هو أن السواد الأعظم منهم ..... ولا شنو .....

شكراً للتنويه يا حبوب