شبكة مراغه الأصاله والتاريخ
الكلمه الطيبه يا سيدي Welcom11
شبكة مراغه الأصاله والتاريخ
الكلمه الطيبه يا سيدي Welcom11
شبكة مراغه الأصاله والتاريخ
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالموقع الرئيسى للشبكةصفحتنا على الفيس بوكأحدث الصورالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

 

 الكلمه الطيبه يا سيدي

اذهب الى الأسفل 
+2
الأمين الياس الأمين
ياسرابراهيم
6 مشترك
كاتب الموضوعرسالة
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

الكلمه الطيبه يا سيدي Empty
مُساهمةموضوع: الكلمه الطيبه يا سيدي   الكلمه الطيبه يا سيدي I_icon_minitimeالأحد 31 يوليو 2011, 4:57 pm

الخضر يقول/سنخلي الموقف ليتحول لميدان تحرير العاوز يكورك يجي يكورك

أعلنت حكومة الخرطوم اعتزامها تحويل الموقف العام للمواصلات «كركر» إلى ميدان شبيه بميدان التحرير بالقاهرة ليكون متنفساً للناس للتعبير فيه عن رأيهم. وقال والي الخرطوم د. عبد الرحمن الخضر: «سنخلي الموقف ليتحول لميدان تحرير العاوز يكورك يجي يكورك» انتهي .......


العاوز يكورك يجي يكورك هكذا قالها والي الخرطوم كانما يتحدث الي قطيع


اسوأ ورثه يمكن ان تتركها حكومه الانقاذ الوطني للشعب السوداني هي مرارات الاستفزاز والاستعلاء والضغينه والتي من الصعب ان تمحوها الايام


امسينا واصبحنا كل يوم علي قاموس غريب من الكلمات والجمل يرميها مسئول هنا وهناك وما ان تلوك تلك الكلمه الغريبه ولا تكاد تبلعها حتي ياتيك باختها اكثر فظاعه وقبحا


فقد تعودنا خلال هذه الحقبه ولع الكثيرون بالمايكرفونات والحشود لتنطلق الكلمات كالسهام دون تروي ودرايه تاخذ في طريقها ما تبقي من المحبه والتسامح بين اولاد البلد.. كل ما يشغل تفكير قائلها كيف ينتزع تكبيرات الحضور وزغاريد اخوات نسيبه


الحكومات السابقه اورثتنا الفقر والجهل والمرض ولكن ظل المواطن السوداني سودانيا في كل شئ تحاوروا وتشاكسوا وتنافسوا انقلابا او عبر صناديق الاختراع وذهب كل في حال سبيله دون احقاد وضغائن واحتفظ كل منهم بمساحه من الود السوداني النادر والشفيف وهي علامه سودانيه خالصه نادرا ان تجدها بين الشعوب الاخري



لست في موقف الوعظ عن الكلمه الطيبه واثرها في النفوس ولست من انصار ان نقيس صلاح وفساد المنهج والحزب بسؤ تقدير وسلوك افراده ولكنك يا والي الخرطوم لو كنت واليا لامير المؤمنين عمربن الخطاب لعلاك بالدره في ميدان كركر ده ذاتو

الرجوع الى أعلى الصفحة اذهب الى الأسفل
الأمين الياس الأمين
 
 
avatar


عدد المساهمات : 604
تاريخ التسجيل : 16/01/2011

الكلمه الطيبه يا سيدي Empty
مُساهمةموضوع: رد: الكلمه الطيبه يا سيدي   الكلمه الطيبه يا سيدي I_icon_minitimeالإثنين 01 أغسطس 2011, 7:52 am


طبعا والي الخرطوم مطمئن تماما بعد ما عطشوا الناس وجوعوهم .. عارف ما في واحد فيهو حيل عشان (يكورك) إذا في واحد فيهو مروة وقادر يكورك خليهو يمشي الميدان يكورك زمان كان من الصباح تسمع بتاع (الحمار) الله يكرمكم ينادي المعاه قزاز .. وزميلو التاني تعبان ما قادر ينادي فضل يقول وأنا كمان.
ياسر إنتا ما صايم ؟؟؟ والله يسمعك والي الخرطوم يشربك الموية المافي دي لما تروى.
كلو سنة وانتا طيب (باس بلمنقون برس بلمنقون) يا كافي البلا.
الرجوع الى أعلى الصفحة اذهب الى الأسفل
وصفية عيسي
 
 
avatar


عدد المساهمات : 719
تاريخ التسجيل : 25/05/2010

الكلمه الطيبه يا سيدي Empty
مُساهمةموضوع: رد: الكلمه الطيبه يا سيدي   الكلمه الطيبه يا سيدي I_icon_minitimeالإثنين 01 أغسطس 2011, 8:55 am

الاخ ياسر كل سنة وانت طيب والاخ الامين كل سنة وانت طيب تصوموا وتفطروا بخير والي الخرطوم عارف انوا مافي زول عندوا حيلة في رمضان عشان يكورك عشان كدا قالها بكل اطمئنان واليكورك حقوا راح حيروح في خبر كان
Cry_1
الرجوع الى أعلى الصفحة اذهب الى الأسفل
ماهر عابدين دياب
 
 
ماهر عابدين دياب


الموقع : لندن
عدد المساهمات : 2905
تاريخ التسجيل : 02/05/2010

الكلمه الطيبه يا سيدي Empty
مُساهمةموضوع: رد: الكلمه الطيبه يا سيدي   الكلمه الطيبه يا سيدي I_icon_minitimeالثلاثاء 02 أغسطس 2011, 12:42 am


ياسر كتب
(ولكنك يا والي الخرطوم لو كنت واليا لامير المؤمنين عمربن الخطاب لعلاك بالدره في ميدان كركر ده ذاتو) laugh



صدقني ياياسر لو كان هذا الرجل واليا لعمر بن الخطاب (لطار راس الوالي بسيف عمر بن الخطاب)


دره ده للحاجات الخفيفه

يابتاع (الطوب الاحمر) قول يالطيف
الرجوع الى أعلى الصفحة اذهب الى الأسفل
نضارعبدالكريم العمده
 
 
avatar


عدد المساهمات : 1064
تاريخ التسجيل : 01/09/2010

الكلمه الطيبه يا سيدي Empty
مُساهمةموضوع: رد: الكلمه الطيبه يا سيدي   الكلمه الطيبه يا سيدي I_icon_minitimeالثلاثاء 02 أغسطس 2011, 7:36 pm

اديببنا كل سنة وانت طيب
الله يصلح الحال لو تابعنا كلمات نافع وجماعته لتعجبنا بقية عمرنا ..والله ربنا يسالهم فى الدنيا قريبا حنسمع عقابهم وزلهم وما فرعون مصر ببعيد اليوم يتذوق العذاب فى سجن طرة ماحل بحسنى بعد فجوره ليس ببعيد
الناس بترفع اكفها وتقول حسبى الله فيك يا نافع ونعم الوكيل كفاها دعوة تقوض اركن عرشهم
اللهم امين
بدينا نكورك وكواريكنا حتجيب فايدة وحنعلقك فى زات الميدان يا نافع الما نافع
الرجوع الى أعلى الصفحة اذهب الى الأسفل
holako
 
 
avatar


عدد المساهمات : 102
تاريخ التسجيل : 03/01/2011

الكلمه الطيبه يا سيدي Empty
مُساهمةموضوع: رد: الكلمه الطيبه يا سيدي   الكلمه الطيبه يا سيدي I_icon_minitimeالخميس 18 أغسطس 2011, 3:25 pm

جميع الاخوةالمتداخلين رمضان كريم

الاخ ياسر لا اري سببا ما اقمت الدنيا واقعتها بسبب كلمة يكورك واصلا ياخي الوالي انسان لم يقل قران لاسامح الله ولم يحرفه

وبالمناسبة عشان ما يكون مجردكلام يذهب ادراج الرياح ان اعرف ان اي كان له قضية يبذل في سبيل قناعاته المهج والارواح ومهما كلفه الامر من ثمن ولا احد يحقق طموحات احد ولايتبني اجندة احد ولا افكارة الاخوة في مصر وتونس دفعوا الثمن للتغيير الذي ارادوه ما بالمهاترة والشتائم الهم اني صائم
الرجوع الى أعلى الصفحة اذهب الى الأسفل
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

الكلمه الطيبه يا سيدي Empty
مُساهمةموضوع: رد: الكلمه الطيبه يا سيدي   الكلمه الطيبه يا سيدي I_icon_minitimeالثلاثاء 06 ديسمبر 2011, 5:58 pm

holako كتب:
جميع الاخوةالمتداخلين رمضان كريم

الاخ ياسر لا اري سببا ما اقمت الدنيا واقعتها بسبب كلمة يكورك واصلا ياخي الوالي انسان لم يقل قران لاسامح الله ولم يحرفه

وبالمناسبة عشان ما يكون مجردكلام يذهب ادراج الرياح ان اعرف ان اي كان له قضية يبذل في سبيل قناعاته المهج والارواح ومهما كلفه الامر من ثمن ولا احد يحقق طموحات احد ولايتبني اجندة احد ولا افكارة الاخوة في مصر وتونس دفعوا الثمن للتغيير الذي ارادوه ما بالمهاترة والشتائم الهم اني صائم
الاخ هولاكو
اعذرني اولا لاني اتيت للرد متاخر لاني والله ما شفت ردك الا اليوم
وكلامي يا سيدي لم يقم الدنيا ولم اقل ان كلام الوالي قرآن فبئس المقارنه يا هولاكو
ولكن وهل يكب الناس علي وجوههم في نار جهنم الا حصائد السنتهم كما قال الحبيب المصطفي (ص)
انما اوجعني كالآخرين استخفاف الوالي بالمواطنين واستخدام كلمه يكورك بدلا ان يقول جعلنا الميدان متنفسا للناس
اما كلامك بعد /بالمناسبه ويذهب ادراج الرياح/ اعذرني اخي الكريم صراحه ما فهمت منو حاجه لاني لم اشير لاي ثوره ان كانت مصريه او تونسيه للتغيير
فارجوا الا تقرا كلامي من مفهوم مسبق وتاخذه في غير الاتجاه الذي قصدته
فعنوان كلامي هو الكلمه الطيبه لاغير
شكرا للمرور والتحيه وارجو ان تأتي هنا مره اخري للسلام
الرجوع الى أعلى الصفحة اذهب الى الأسفل
 
الكلمه الطيبه يا سيدي
الرجوع الى أعلى الصفحة 
صفحة 1 من اصل 1
 مواضيع مماثلة
-
» الكلمه الطيبه جواز مرور
» سيدي الرئيس
» عفوا سيدي الحجاج
» حلاة بلدي وحلاة ناس وحلاة الطيبه والطيبين

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  القسم السياسى -
انتقل الى: