أختي العزيزة : تعرفي علي زوجك من قفاهـ

عدد المساهمات : 237 تاريخ التسجيل : 01/07/2010

لم يعد الزواج في عصرنا الحديث "بطيخة" لا يمكن اكتشاف ما بداخلها الا بعد فتحها وخوض التجربة التي لا مفر منها .. فقد قام علماء النفس وخبراء العلاقات الزوجية بإجراء دراسة طريفة وهامة للغاية تمكن كل امرأة من معرفة السمات الأساسية لشخصية من ترغب في الأرتباط به بشرط ملاحظة شكل رأسه .. وقفاه !

العريضة ..متهور
صاحب الرأس العريضة ويقصد به العريضة من الأمام والمسطح من الخلف فهو متهور ومندفع وراء رغباته يعشق السباحة ويهوى إقامة العلاقات المتعددة مع الجنس اللطيف.

الكبيرة .. احمق
اكدت النتائج أن الشخص الذي يتميز بالرأس الكبيرة هو إنسان أحمق سريع الغضب متقلب المزاج ضعيف الشخصية رغم ما يحاوله من اظهار للقوة فهو جبان رغم سعيه الدائم لإفتعال المواقف التى تثبت شخصيته وشجاعته وكبريائه ، تستطيع المرأة أن تسيطر عليه بمنتهى السهولة ولايتمتع بأية جاذبية للجنس اللطيف كما أنه يعاني عادة من اضطرابات نفسية خطيرة .

البيضاوي ..خجول
صاحب الرأس البيضاوي مثالي لكنه لا يحب الاندماج مع الآخرين والدخول معهم في علاقات فهو انطوائي تنقصه روح الإقدام يهتم بالفلسفة وهوايته الأساسية المطالعة ومشاهدة التلفزيون.

الرأس البارزة ..صادق
يتميز صاحب الرأس البارزة بالصدق وحسن النية وصفاء النفس وطيبة القلب ..مستعد للتضحية من أجل الآخرين وهو متسامح وينسى الإساءة بسهولة.

الرأس المنزلقة .. سليط اللسان
صاحب هذه الرأس شديد القسوة ومتعجرف .. لا يتورع عن ايذاء مشاعر الآخرين .. حقود وغيور ولا يرغب برؤية احد افضل منه، غير دبلوماسي في اختيار عباراته وهو عموما سليط اللسان.

الرأس المحدبة .. خيالي
صاحب هذه الرأس إنسان رومانسي حالم يتميز بالعاطفة متسامح وخيالي غالبا ما يكون شديد الإخلاص متعاون مع الأقربين يعشق القيام بالأعمال الرومانسية الهادئة وهواياته متعددة .

الرأس المتوسطة .. شجاع
هذه الرأس تتناسب مع جسم صاحبها لكنه يتميز بالحكمة والاتزان ويستطيع المحافظة على صحته ويتلهف للعلاقات العاطفية ويفضل ممارسة الحقوق الزوجية بشكل روتيني لكنه شخص شجاع قادر على التضحية يحب الاطفال ويعتني بهم .

صاحب القفا الكبير
أكدت نفس الدراسة أن من يزيد حجم قفاه عن القفا العادي يتميز بفكر ثاقب ورأي راجح ويتمتع بقدر كبير من الذكاء والفطنة، وهو صاحب ثقافة واسعة وشخصية تجمع بين طيبة القلب والحزم ..حنون مع الآخرين لكنه حاد في تعاملاته مع من يخالفه.

صاحب القفا المتوسط
صاحب هذا القفا إنسان موضوعي واقعي وعقلاني يسعى لخدمة الآخرين وينتظر منهم في نفس الوقت أن يعاملوه بالمثل وهو شخصية قيادية كريم، عطوف لا تهمه المادة بقدر تحقيق ذاته كما أنه طموح يسعى جاهدا لتحقيق النجاح والتفوق .

شبه مدببة
أكثر ما يميز صاحب هذه الرأس أنه إنسان أناني تتملكه رغبة شديدة في الإمتلاك كما أنه حقود وغيور لا يريد أن يكون مسؤولا عن اسرة، وهو شخص يحب نفسه ويفتقد إلى قيم الكرامة فهو انتهازي وخبيث .
منقــــول .. للترفيه والتنفيس عن النفس

التخريمة : ما حد يسألني وبالذات أستاذي الاخ أمين.. قفاك من ياتو نوع لانني مما قرات المقال وما قادر أحدد شكل مقاس رأسي

عدد المساهمات : 604 تاريخ التسجيل : 16/01/2011

يا اخي أنا مستعجل متين أكمل قراية عشان أسألك , تقوم تعمل فيا كدة ؟؟
لكن بنتنا أكيد أخذت المقاس مظبوط

وإنشاء الله جماعتك يا عمنا الأمين يكونوا عرفوا ياخدوا المقاس المظبوط

عدد المساهمات : 604 تاريخ التسجيل : 16/01/2011

والله يا فخري طالما شيخ عثمان دا طلعنا لينا في الحظ وبقى ينبه بنات حواء على بعض الأسرار
كل واحدة حتاخد المقاس البناسبا في شنطتا وتعاين في قفا الرجال , وصاحب الراس البيضاوي حيكمل في السوق
بس خلي الكلام دا في سرك ما تطلعا لينا وصفية تشيل حالنا , أصلها اليومين ديل قايما علينا

تحياتى
موضوع ممتاز شكرا الاخ عثمان على هذه المعلومة المهمة يعنى ثانى الواحد يدعى ويقول
اللهم ابعد عننا ابوقفا شبه مدببه والعريضة وقرب الينا ابو قفا الكبير والمتوسطة
وفى امان الله

عدد المساهمات : 719 تاريخ التسجيل : 25/05/2010

لك التحية الاخ عثمان علي هذه المعلومات التي لاتقدر بذهب لانك اطلعتنا علي حسن الاختيار بس في ناس زعلان شديد الاخ الامين واكيد انا حشيل حالكم لانكم دائماً واقفين ضد المراة نفس اعرف السبب شنو ساعتها بقعد في قصاتكم عن جد انت ومعاك الاخ فخري

laugh

وصية للشباب.... احسن حاجة تعملوا زي ما انا كنت عامل عشان تدقسوا الجماعة.... تعرفوا انا كنت بعمل شنو؟

كنت بلبس طاقية واسعة كبيرة تغطي الراس والقفا

شكرا عثمان

عدد المساهمات : 237 تاريخ التسجيل : 01/07/2010

التحية خاصة وخالصة للأعزاء والعزيزات : الامين ، فخر الدين ، بايعة الكسره ، وصفية

والشكر أجزله علي المرور الجميل والتعليقات المرحة

وطبعا عشان خاطر الأخ الأمين وشافو زعلان شديد لنصرتي للمرأة وحقوقها .. ونقول ليك مقولة :علي بن أبي طالب

رضي الله عنه وكرم الله وجه: هن رياحيين خلقن لنا ولكن مشو كلهن طبعا، وعشان رضاك مشيت فتشت المعادلة وجيتك

يلا هاك :

اوعك تعرس واحدة فيهن... !!!!!!!!!!!!!

ان بقيت بخيت.....ربنا يديك....مرا هدية ورضية.... السماحة ما ضروري لانو بعد شوية...... ما حتكون لك سمحة..... حتكون عادية....... نصيحة لك..... النسوان البقولن ديل اوعك تعرس واحدة فيهن.................

'الفنانة..........والحنانة........والحردانة,,,,,ال م درسة.......والمدبرسة........والمفلسة

,,,,,, النوامة.......والحوامة......واللوامة,,,,,البوبارة. .....والكوُبارة.....والخبّارة

,,,, الممحوقة.....والمطلوقة.....واللايوقة'

طيب...اجي اوريك ليه؟

الفنانة...... حتمرق معاها وتقعد تحوم.....في الحفلات...وتشوف كرسي قدام. وتقعد فيهو..شايل عكازك....وسكينك في ضراعك....وعينك عليها.......ان راجل بشّر ساكت..... تتحنفش...وتقوم......الا يهجروك اتنين...علي الكرسي.....وتجو نص الليل راجعين اهلكم....والنهار كلو نايمين....

الحنانة........طول النهار برا البيت....تحنن في نسوان الرجال....وهي كرعيها يكونن ما شافن حنة ليهن سنتين...والنهار كلوانت تحاحي في الشفع ما يلمسو الصبغة....

الحردانة...... دي حتكرهك حياتك....اقل كلمة...تتقنّع توبها وتجري بيت ناس ابوها...وتلحقها انت.....وتلقى ابوها....تقعد في طرف العنقريب.... تطقطق...في اصابعيك.. ومدنقر في الواطة...وداير تراضيها ترجع البيت....... لكن احسن حل لك يا تسكنو مع ناس ابوها...ياتجيب ناس ابوها عندكم ....عشان توفر المشاوير والجري..........

المدرسة..........اول حاجة دي ما بتقدر تفرق بينك وبين الطلبة...... وحتقعد..... تعيد وتكرر في الكلام مليون مرة..زي برنامج من الامس الفي تلفزيون السودان....وممكن جدا تسرح وتقول لك فاهم يا شاطر؟

المدبرسة........تلقها طوالي زهجانة.....وشايله اخلاقها في طرف نخرتها...وان كلكلتها ما تضحك........في النهاية حتوديك التيجاني الماحي...... نزيل اكتئاب

المفلسة.........ما دايرة أي شرح

النوامة......... تجي من الشغل نص النهار وزهجان.... تلقها....تانية المخدة وخاته ايدها تحتها....وتشخر... وريالتها سايله...وحالتها بالبلا.....وتكره اليوم الفكرت انت فيهو في التكاثر........

الحوامة.........طول اليوم فوق كرعيها...في الحلة من بيت لبيت.....وتدخل البيت.. قبال ما انت تجي من الشغل بخمسة دقائق....وتجري تولع النار.......وتطبخ لك القطر قام....واول ما ينتهي الغدا .....تدخل في سفنجتها....استعداد لرحلة جديدة

اللوامة.....دا نوع مزعج جدا.....لو جبت سيرة اخوك ساكت....تفتح فيهو... الله بيسألني.......سنتنا ديك وقت انت خليتنا بلا قروش وسافرت.... يدخل ويمرق علينا مدلدل ايدهو...كويس موز ساكت ما بيجي شايلو.......ولو جبت سيرة امك...... هي والله امك دي اصلها ما بتريدني.....من تشوفني تزعل والنيران تطلق فيها...وتمد قدومها.....ووليداتي ديل السلام.... يا الله ويا امين تسلم عليهم......

البوبارة.......دي تحملك فوق طاقتك...تشريك الما بينشري....وجيت ناس في البيت...تجري علي علبة الدهب...وتتعنكش علها من راسها لكرعيها....وتقعد تنضم..بايديها وكرعيها ورقبتها...واضنيها...عشان توري الدهب

الكوبارة........ دي تكبر أي موضوع...وتسوي ليهوتوم وشمار..... وتقول لك ناس القبور دقو الطنبور...... لو شافع من شفعك.....عتر ووقع...... تصرخ وتخت ايديها في نص راسها.....وبطول حسها.....ووووووووب علي ووووووووب علي ...مااااااات ...ماااااااااات........ يسمعوها في الشارع....والغريبة لو انت كنت نايم وسمعتها..... تقوم مخلوع.....وتمرق من الاوضة لحدي نص الصالة.....وانت بهدومك الداخليه........اما لو كان عندك قلب مرضان....اللحظة ديك....من المهد الي اللحد

الخبّارة...... البتدور الخبار..... لو في نضم تلقاها سكتت الشفع....ونهرتهم عشان تسمع.......الجيران مالهم بيهرجو وصوتهم عالي......ولو كانت بتكوي لك في هدوم.....قطع شك......قميص ولاّ جلابيه.....حيكون في عداد ضحايا الحريق.....وممكن الملاح...يحرق وممكن الجردل يكون في الماسورة.... يتملي والبيت يغرق من الفيضان......وحرمكم المصون واقفة فاتحة خشمها وتصنت للجيران........

الممحوقة ..............دي ان جبت دكان كامل وختيتو لها في البيت تكملو في يومين......تسوطو كلو فوق تحت...........لكن ممكن توديها لاصحابك الزعلان منهم لو عندهم مناسبة تطبخ ليهم.... عشان....لما المناسبة تنتهي يشحدو وانت تتبسط........

المطلوقة...........واضحة وضوح الشمش

اللايوقة..........دي حكاية تانية.... تمسك في موضوع يحلك منو الجليل الرحيم......يا...دا ....هوي يا دا..... الليله يا يمة.... طرشت؟...وقدرما تطنش هي مصرة.....وممكن تجي جنبك وتخجك.....خجة جامدةعشان تنتبه...... للنقة

عدد المساهمات : 604 تاريخ التسجيل : 16/01/2011

الحمد لله أنا ما علقتا خالص على الموضوع دا عثمان براهو شغال لي بنات حواء
يا اخي حرام عليك يا عثمان ؟؟
(أنا ما بحب الفتنة) .. وصفية لو قرت الكلام دا تقول عليك شنو ؟؟؟؟؟؟؟؟؟؟؟؟؟؟؟
الرسول صلى الله عليه وسلم قال:
استوصوا بالنساء خيرا

عدد المساهمات : 719 تاريخ التسجيل : 25/05/2010

الاخ عثمان ما كنا حلوين الحصل شنو ولا الاخ الامين اسر عليك ولكن حشتكيك للبتقدر تادبك وترجعك عن هذا الكلام انتظر العقوبة عن قريب والاخ الامين طبعا فرحان وشايفك بقيت مسالم الحاصل شنو ما تكون انهرشت هرشه صح
Laught_2

عدد المساهمات : 237 تاريخ التسجيل : 01/07/2010

والله يا أختي العزيزة وصفية
أنا بس حبيت نراضي الأخ الأمين ونجبر بخاطره ..وطبعا هو فرحان شديد للمعادلة بدليل ما علق خالص وحاول ينال مني
وهو ما عارف انو انا متزوج من الفئة المذكورة ..بس مبسوط والله ...طبعا فئة المدرررررررررسة ......ناس اسكت يا ولد وفاهم يا شاطر .. المهم بنسمع الكلام ونمشي ذي التلاميذ .. بدون تعيلق يا أمين

تحياتي
اىوه ياخال الرسول صلى الله عليه وسلم وصاكم علينا ده احنا غلابه ومساكين وبنسمع الكلام

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

وفى امان الله[center]

عدد المساهمات : 719 تاريخ التسجيل : 25/05/2010

لك التحية الاخ عثمان اكيد انهرشت لذلك قمت بالتعديل وانت تلميذ في البيت معليش لازم تتحمل تسلمي الاخت بائعة كسرة علي هذه الاهدائية الجميلة لاخوانا الامين وعثمان وغيرهم ولكن شايف الاخ الامين اختفي من الشاشة اكيد اتهرش هرشة شديدة ربنا يكون في عونك ياخي
quite

عدد المساهمات : 1064 تاريخ التسجيل : 01/09/2010

هاهاهاها قلت لى الشغله متعلقه بالقفا وخلاص وانا اقول البنات ديل بسرعة بيقتنعن بسرعة كدا القى الواحدة تشوفوا اليوم وتوافق بيهو بكرة والعرس بعد اسبوع يعنى الشغله قفا وكدا Laught_2

ادعى معاى يا وصفية الله يدينا واحد صاحب قفا كبير او بالعدم متوسط واجرنا على الله Laught_2

ولا اقول ليك احتياطى كدا الله يدينا الفى بالنا ولو ماعندو قفا laugh

عدد المساهمات : 719 تاريخ التسجيل : 25/05/2010

الله امــــــــــــــــين يا نضارولك التحية الصباحية

عدد المساهمات : 43 تاريخ التسجيل : 25/05/2011

والله موضوعك ياعثمان شيق ومدهش واخونا فخرالدين كايس عروسه اليومين دي واقول للراغبين فيي ابن الحلال اخوي فخرالدين عثمان قفاه كبير وجاهز مويه ونور

عدد المساهمات : 161 تاريخ التسجيل : 17/04/2011

عندى مداخلتين اخونا عثمان المحسى
1/ افضل قفا للنساوين هو القفا القابل للضرب ( عشان تضربو على قفاه)
2/ وبعدين اصلاً العندو راس ما بزوج ايه فايدة الاوصاف دى كلها
مجرد راى تحياتى للجميع

عدد المساهمات : 719 تاريخ التسجيل : 25/05/2010

شكرا لك الاخ عبد الفتاح علي هذه الاضافة الجيدة القابلة للضرب بس ما يسمعك الاخوة الامين وفخر الدين شيل شيلتك معاهم
Laught_2

غايتو يا جماعة أنا راسي مرات بارزه ومرات كدا كبيره

عدد المساهمات : 604 تاريخ التسجيل : 16/01/2011

عبدالفتاح : دا ما كلامك !!!!!!!! الموضوع فيهو إنٌ ؟؟؟ ماعهدناك متطرف يا حكيم .!!!
عموما الحمد لله الواحد طلع متزوج وما عندو راس عشان ينضرب فيهو. .
مواصفات القفا المفضلة للنساء موجودة عند فخر الدين .. دا كلام جنابو عوض عزالدين .. أنا ما لي أي دخل ولا شفتا فخر الدين اصلا (بس باين)
وصفية شمتانة : الله يرزقا بواحد ابن حلال وكفو كبيرة ومبطنة .
إيه يا رمضان ؟!! معترف براسك يعني ؟؟ مبروك عليها "طاخ
"

عدد المساهمات : 719 تاريخ التسجيل : 25/05/2010

مقبولة منك الاخ الامين هذه الادعية اكيد ما بتتمني لي الكعب

عدد المساهمات : 13 تاريخ التسجيل : 11/01/2011

ههههههههههههه والله موضوع جميل عمى العزيز

واهو عرفنا معلومة بعد نركز ع القفا والباقى ربنا كريم

» الى امى العزيزة