حافز .....!

موضوع: حافز .....! الأحد 19 يونيو 2011, 12:36 pm

خلال زيارتي الأخيرة للديار في شهر مايو 2011م تلقيت دعوة من العم العزيز عبد الله عثمان لحضور مناسبة ختان أطفاله بالقعب ، وكانت هذه أول مرة أزور فيها القعب في رحلة ذات اشجان ، بعربة صابر سرور ذي الصحبة الممتعة وفي معية الأخ مهدي مصطفى والعمات العزيزات
وهناك بعد لأي وصلنا بالسلامة بعد صلاة العشاء ووجدنا واحة في قلب الصحراء للواحة راحة نفسية بذاتها فكيف أن كان بها قرابة وصلة رحم؟ وبعد روحة صغيرة أو لفة كدا كما سماها صابر

وبالضبط شبهتها بمراغة في بداية الثامنينات قبال الكهرباء العامة
وتداعيات الوصول والترحيب الجميل الشامل
ومن ثم العشاء الدسم
ولمة الناس وكأن المناسبة عرس .. وحق لهم أن ينبسطوا فالكل مرتاح بعد موسم حصاد الشمار والجيوب مرتعة وريانة
ولهذه الزيارة تفاصيل أوفى واجمل ولها وقع في النفس مريح

ولكن (الحـافز) هنا دافعنا لكتابة هذا البوست
وسألت العم عبد الله : هل القائمين على خدمة الضيوف هؤلاء من كبار القوم وبكل ذاك الحماس .. هل هم -جميعا- معرسن قريب دا ووربما لديهم اطفال صغار؟
فقال لي : بالله كيف عرفتا؟
وهنا تذكرت رحلة بالحافلة الكوستر-ديك يا جمال- في شوراع الرياض من الملز إلى البطحاء ونحن موظفين جدد لسة في شركة (مبرد) وحالة السائق المسن لحدي ما يربط حاجبيه حتى لا يقعا على عينيه فيحجبا عنه رؤية الشارع .. وعلى باب الحافلة يقف محصل (كمساري) صغير لا يتجاوز السابعة أو السادسة من العمر ويستعين بأبيه السائق للحساب .. والسائق الشيخ الهرم (ابن السبعين أو تزيد) يعمل بجدية وحماس وحرص كإبن الثلاثين عندنا

أهـة وضحت الصورة؟

مخارجة : تحذير الفهم على مسؤولية صاحبه.. يعني لا تقرأ ومعك زوجة (على الأقل هسع)
ونعـود لتفاصيل أوفى حول أهمية الدافع للحياة (الحافز) من أجل عدم الاستسلام وفترة التقاعد والخرف اياها

موضوع: رد: حافز .....! الأحد 03 يوليو 2011, 3:54 pm

تحياتي الاخ هيثم ..

قالوا فى المثل / اللبيب من الأشارة يفهم ...

و قصتك دى بتجيب ليك و لينا هواء بااااارد...

و خلينا فى صاحب الحافلة شايف الكمسارى الصغيرون حافزة Thinking

ولا يوجد حوافز ثانية فى رآيك ...( )

موضوع: رد: حافز .....! الأحد 03 يوليو 2011, 8:49 pm

اخونا هيثم

اخونا عبدالله عثمان... حالة خاصة لانه وهو طالب بمدرسة دنقلا الثانوية كان متزوج وانتاجه وفير...جميل ان يستمر الانتاج من المهد الي اللحد (الانتاج بنوعيه).

ذكرتنا الهدوء والطمأنينة الفي القعب... بس انشاء الله تكون اخدت ليك غطسة في رمال القعب الصحية

بس نقول يالطيف

موضوع: رد: حافز .....! الإثنين 04 يوليو 2011, 11:25 am

الاستاذين شريف وماهر
شرفتونا بمروركم الجميل بهنا
ويسعدنا مشاركتكم في تمرير الحافز دا

ويا شريف انتا يعني خايف من الهواء البارد داك الجاي من المغاربية ول شنو؟
ياخي ما تلاوز .. موضوع الحافز المقصود بيهو هنا للشجر الكبار الفيهو السمغ .. وانت لسة بنوارك ياخ
ولو ملاحظ الحالات المذكورة ومحتاجة لـ(حافز) للحياة -من تاني- هم نحن وانتم وهم بعد حين لما نكون في العمر داك زي مثلا ناس 4-4-4 وما قبلهم والذين-في الغالب يعانون الاهمال المتعمد والجماعي للحد من التفاكير التحفيزية دي
ولسة الفهم على مسؤولية فاهمه...

ويا ماهر فعلا العم عبد الله بدأ يتحفز من بدري شديد وربما قبال أوانه زاتو ومر بعدة محطات لحدي ما استقر بمتاعه حيث انبت شفعه ديل .. وبعدين النوعين اللي انت قاصدم ديل شنو بالله؟
والجو بالقعب فيهو كل الهدوء والطمأنينة المشجعة على المزيد من التحفيز لمن يستحقونه بالتأكيد ، وليس كما هو الحال لدينا حيث لا يتناول أحد مشكلة المستحقين ديل رغم كثرتهم وكسرتهم

والغطسة في الرمال الصحية ديك ليها موسم لم يكن قد حان بعد .. ويشكل الموضوع دا (الرمال الصحية) دافعا للاقبال السياحي لأهل العقب الطيبين .. وبالتالي تحقق شروط الحافز المطلوب هناك!

ومعا من اجل الانتاج من المهد إلى اللحد ( الانتاج والعمران ، وبالاخص الاقتصادي)

عدد المساهمات : 604 تاريخ التسجيل : 16/01/2011

[size=18]
ما ممكن يا هيثم أترك ردك على شريف وماهر دا يعدي كدة
بدل ما تقول (زي مثلا ناس 4-4-4) ما كان ممكن تقول الناس الفوق الخمسين
ولا قصدك تجرجرنا ؟؟؟؟؟؟
عموما طال ما في هدوء وطمأنينة يالقعب وغطسة في الرمال زي ما قال ماهر يمكن تجيب نتيجة
ولو أنو (لايصلح العطار ما أفسد الدهر)
في داعي كان للـ .......... خلاص ارتحتا وبطنك بردت

موضوع: رد: حافز .....! الثلاثاء 05 يوليو 2011, 12:51 pm

والله يا عمنا ما دمت من ناس (فوق) الخمسينات دي .. فانت لسة ما وصلت مرحلة الـ(حافـز) المقصودة لانو ديل النصاب حقهم (فوق) الستينات يعني المهمشين منهم

وما في زول جاب سيرة البحر هنـا!

وبس كدي راجع ما حولك من (الأعراب) حتى تتضح الصورة اكتر للمطلوب تحفيزهم من أجل دافع اكبر للحياة ما وجدوا بها
وبشرط بدون عطارات .. ناس دهر ساكت
ودمتم بخير وامان