مقترح : سوقنـا

ادينا تفاصيل اكثر يا استاذنا الكبير

تحياتي
الاخ هيثم اولا كويس انك نقلته من قسم الشكاوى ومقترحات التطوير لانى حاولت أشارك وماقدرت لانه مامسموح بالكتابة فى ذاك القسم , ماشاءالله عجبتنى الفكرة حلوة ورائعه الله يوفقك لعمل الخير دائما , وهى بداية لمشروع كبير اذا الناس اخذته ماخذ الجد , مثلا بذكر انى كنت كتبت فى بوست مؤتمر التنمية و الاستثمار بقسم شئون مراغة والمشاريع المهمة شهر مارس 2011م عن انفتاح السوق المصري للحوم الابقار واهمية التفكير بقيام مسلخ خاص فى مراغة ولكن لم اجد رد , الان بدات الاجراءات فى انشاء مسلخ فى المنطقة للطلب المتزايد على اللحوم السودانية واكتملت كل الاجراءات حتى الشركة المنفذة وانشاءالله سيري النور قريبا , كنت اتمنى ان يستفيد منه ابناء مراغة .
انا عن نفسي بدعو كل واحد من الاهل عنده رغبة يعمل فى مجال صادر الحيوانات وماادراك ماصادر الحيوانات (اذا الواحد باجر طايرة كاملة بى 70000 دولار معناها الربح حايكون كم ) اي سؤال مساعدة لو قدرنا انشاءالله احنا فى الخدمة.
وانشاءالله نجعل البوست ده حلقة تواصل بينا مثلا انا عايزة iPad اكتب المواصفات والسعر فى حدود كده , واذا اى واحد وجد عروض تخفيضات برضو نزكرها وعايزنك ياهيثم تبدا لينا ضربة البداية
وفى امان الله

وبرضو محتاجة تفصيل اكتر

تحياتي استاذا هيثم و الاخوة المتداخلين..


فكرة المشروع ممتازة الا انني عندي وقفه صغيرة فى التعامل بالنيت بخصوص المؤسسات السودانية لدي تجارب عدة فى ارسال مراسلات لهم و للاسف لم اجد رد واحد منهم و اذكر اخر رسالة كانت للخطوط السودانية لحجز تذاكرة و قبلها لشركات عقار ؟


ما عارف بيستخفوا بالاميل المرسل رغم وضع كل الشروط و الالتزام بالقوانين ..


و املا انجاح هذا البوست و خاصة للادارة ستكون من الاعضاء اي الردود ...

و الشكر موصول لدكتورة على الاضافة .

الاخوة المتداخلين
تحتاج البلد الي عشرات السنوات للبيع والشراء والتعامل عبر النت كما ذكر الجميع
هي حقيقة مؤسفة

لكن مافهمته ان الاخ هيثم اراد سوق مابين الاعضاء في المنتدي فقط
وهو امر في غاية السهولة في تقديري
ونحن في انتظار هيثم

ولحينها...قولوا يالطيف

تحياتى
كل عام وانتم بخير وسنة سعيدة
ياريت نفعل الخدمة دى وتكون طبعا على نطاق المنتدى فقط علشان تكون مصدر جذب للمنتدى , وعلى قول الاخ عبدالرحمن السلع والمواد التموينيه وممكن برضو الاموال من بلد لاخر ويكون شخص واحد هو المسئول فلنقل ود السوق(هيثم) ذاتو وليه عمولة هو والمنتدى , بس اظهر وبان عليك الامان .
اما بخصوص البيع والشراء والتعامل عبر النت ياجماعة خليكم واقعييييييييييييييييييييييين وقولوا بسم الله الرحمن الرحيم واصحوا من نومكم وخلوا الاحلام دى , هههههه اذا كان الناس مرتباتها اللى بتصرف من الصراف الالى اذا الشبكة طاشة مابتقدر تصرف , تجى تتعامل بالنت والله الاتبقي فى اللى يلمك فى قروشك وياهو ده السودان