درس في الاقتصاد من ألمانيا-

ألمانيا بلد صناعي. وهو ينتج أعلى العلامات التجارية مثل بنز، بي أم دبليو، وشركة سيمنز الخ.و يتم ضخ المفاعل النووي في مدينة صغيرة في هذا البلد. في بلد كهذا،يتوقع الكثيرون رؤية مواطنيها يعيشون في رغد وحياة فاخرة. على الأقل هذا كان انطباعي قبل رحلتي الدراسية.

عندما وصلت الى هامبورغ(القول للراوى)، رتب زملائي الموجودين في هامبورغ جلسة ترحيب لي في أحد المطاعم. وعندما دخلنا المطعم، لاحظنا أن كثير من الطاولات كانت فارغة. وكان هناك طاوله حيث تواجد زوجين شابين لم يكن أمامهما سوى اثنين من الأطباق وعلبتين من المشروبات. كنت أتساءل إذا كانت هذه الوجبة البسيطة يمكن أن تكون رومانسية، وماذا ستقول الفتاة عن بخل هذا الرجل. وكان هناك عدد قليل من السيدات كبيرات السن.
كنا جياعا، طلب زميلنا الطعام كما طلب المزيد لأننا نشعر بالجوع.. وبما أن المطعم كان هادئا، وصل الطعام سريعاً. لم نقضي الكثير من الوقت في تناول الطعام.


عندما غادرنا المكان، كان هناك حوالي ثلث الطعام متبقٍ في الأطباق. لم نكد نصل باب المطعم الاّ وبصوت ينادينا!! لاحظنا السيدات كبيرات السن يتحدثن عنا إلى مالك المطعم!! عندما تحدثوا إلينا، فهمنا أنهن يشعرن بالاستياء لإضاعة الكثير من الطعام.! قال زميلي: "لقد دفعنا ثمن الغذاء الذي طلبناه فلماذا تتدخلن فيما لايعنيكن؟" إحدى السيدات نظرت الينا بغضب شديد. واتجهت نحو الهاتف واستدعت أحدهم.

بعد فترة من الوقت، وصل رجل في زي رسمي قدم نفسه على أنه" ضابط من مؤسسة التأمينات الاجتماعية" وحرر لنا مخالفه بقيمة 50 مارك!.

التزمنا جميعا الصمت. وأخرج زميلي 50 مارك قدمها مع الاعتذار إلى الموظف.

قال الضابط بلهجه حازمه "اطلبوا كمية الطعام التي يمكنكم استهلاكها ..... المال لك لكن الموارد للمجتمع. وهناك العديد من الآخرين في العالم الذين يواجهون نقص الموارد. ليس لديك سبب لهدر الموارد "!.

احمرت وجوهنا خجلاً... ولكنا اتفقنا معه.. نحن فعلا بحاجة إلى التفكير في هذا. نحن من بلد ليس غنياً بالموارد ومع ذلك ومن أجل حفظ ماء الوجه نطلب الكثير من الطعام عندما ندعو أحدهم ، وبالتالي يكون هناك الكثير من الطعام المهدوروالذي يحتاجه الآخرون. إن هذا الدرس يجب أن نأخذه على محمل الجد لتغيير عاداتنا السيئه.

قام زميلي بتصوير تذكرة المخالفه وأعطى نسخة لكل واحد منا كهدية تذكارية.
جميعنا الصق صورة المخالفه على الحائط لتذكرنا دائماً بأن لا نسرف أبداً.

"فالمال لك، لكن الموارد للمجتمع"

شكرا ليك عمنا الامين على مرورك المقدر
عاوزه اعرف منك هى الصحيح ( ارتن ولا ارتر ) انا بسمعه من امى وافتكرته نهايته نون

اخونا فخرى لك التحيه
طبعا نفس موقفكم ده شفتو كثير فى الشركه دائما بيكون فى برامج خارجيه (مثل اجتماعات او حفلات وداع او استقبال وغيره) ويكون دائما بوفيه مفتوح بنفس الطريقه الناس تملا الطباقه بصوره عجيبه زى ما بقولوا (التقول اخر زاد ليهم)شىء مخجل جدا والاجانب المعانا بيستغربوا فيهم لان الواحد فيهم بياخد قدر حاجته بس واذا عاوز بيقوم يمشى يزيد تانى بى طبق واحد بس لكن تلقى السودانى قدامه 5 طباقه وبعد داك يسيب نصها ملانه .

دى مشكله السودانين الاكل الدسم والمسبك عشان كده 90% عندهم سكرى وقرحه

والله ما حنكوشه لكن فشلته فى انى اتعلمها،
صلحتها خلاص وشكرا ليك.

شكرا ليك اختى وصفيه الكرم السودانى ما فيه اى نقاش لكن التبزير هو الحاجه الغريبه.

تحياتي الاخت سوسن ..


و الاخوة المتداخلين بالبوست



البداية ابداها بضحكه كبيرة ههههههههههههههههههههه



لان كل الزوار الى أورباء لهم مواقف طريفه جداً مع العالم الاول ان أجاز الوصف ....



أختلاف الثقافه هو العائق الاول أمام تحضرنا الى يوم الدين ..


و أذكر اول يوم مشيت فيه السوبر مركات لشراء ... كانت زوجتي قد اوصتني بأن اشتري 100 جرا من البقدونس ..


و بعد وصولي الى المحل لقيت انو الحكاية مخجله شنوا 100 جرام قمت مليت يدي و عملت لى قبضه محترمه تملاء العين على قول الاستاذه وصفيه شعب كريم ..


و الناس قاعدة تتفرج فى اخوكم الكريم ههههههههه

و طبعاً ما فهمت الحاصل شنوا وقتها


و بعد ذلك عرفت بأنني ممكن أشتري تفاحة واحدة و موز واحد حتي البصله ..


تشتري ما يكفيك لوجبه اليوم و الغد الله كريم


السؤال هنا لماذا ؟؟؟؟


لانهم يفضلوا أن تكون الخضروات و الفواكه طازجه ..


ما ذي ناس الاستاذه وصفيه يشتروا خضار الاسبوع و يعبوا الثلاجه تخوفاً من قدوم ضيف مفاجاء


و الموضوع طويل ...

تحياتى اخى شريف
دى طبعا عادة الوسودانين مابعرفوا يشتروا قدر حاجتهم اذا لاحظته دائما بعد ما يشتروا الحاجه يقولوا للبائع وين الزياده والحاجه تجى وتخرب فى الثلاجه.
وانا لاحظته الحاجه دى فى الامارات يجى هندى يشترى موزه واحده بس بدرهم ويمشى او يعد الحاجه على قدر اسرته لكن السودانى او حتى الامارتى يجى يخم الحاجات بالكميه وتلقاه بعد شويه يكبها عشان الرطوبه بتفسدها بسرعها .
من ده انا بشوفها دى مشكلة ثقافة العرب كلهم .
بالمناسبه الموضوع ده مرفق معاهو صوره ماعرفته انزلها وهى عباره عن مجموعه خلجيين اظنهم من السعوديه خاتين قداهم طبق كبير بتاع كبسه وهم عددهم بسيط احتمال تكون مرة عليكم .

والله اداك عين حاره
وانت بتعمل كده المفروض يعتبروك ارهابى بتخزن الاكل

تحياتي ..


معليش ياسوسن ... البوست بتاعك دايرين نعمل بيهوا تخريمات طويلة و عريضه ..


من زمان داير افتح لى بوست بالقصص الظريفة بالغربه ..


و داير ابرد للاستاذا ماهر شوية ..


عندنا واحد من بلدياتنا (سوداني) دائماً يمشي يشتري كميه من العيش من الدكان بالحي والزبائن يجوا من بعده يلقوا ..

العيش انتهي و صاحب الدكان يقوم يعتزر لباقي الزبائن و فى يوم ناداه و قال ليهوا تحدد لى كميه العيش .. حتي احجزة لك كل يوم ..

و صاحبي فرح بالاقتراح و قال ليهوا تمام كل يوم احجز لى 35 قطعه لان حجمه شويه صغير


و كانت الدهشه .. واضحه لصاحب الدكان ..

عارفين ليه ؟؟؟؟


لان صاحبي كان بيشتري من دكانين فى اليوم حتي يقسم الكمية

[color=green]لكم التحية جميع الاخوة المتداخلين البوست جميل بس ما تنسي الاخ شريف نحن في السودان يعني ما في بلاد برة ماعندنا بقالات متوفرة لذلك بنخزن الاكل عشان نعمل حساب ضيف مفاجئ الاخ فخرالدين ما لدرجة التبزير المهم الواحد يقوم هو شبعان مش جعان[/co

lor]

لك التحيةالاخ فخرالدين حكايتك شنو معاي عايز تخليني اتخلي عن الاكل ولا شنو المهمانا ما باكل كثير ولكن لازم الصينية تكون فيها حاجات كثيرة اعاين بعيني واشبع انت الظاهر عليك حنكوش بتاع حشوات وبس

والله بوست سمح وقصصكم حلووووة مع انى ماا بفهم فى الاقتصاد لاى مبذررررره شديد وكل مرة شلتى كانت بترسلنى اجيب عيش فى الفطور وانا ماشه على النشاط يلاقينى زميلنا يقول لى ماشين رحلة؟؟ههههه.
عندى سعال على قول طارق فى عهد الانقاذ عملوا كليات اسمها اقتصاد اسلامى ..الفرق بينها وبين الاقتصاد العادى شنو؟؟؟؟؟؟
طيب اسمحوا لى اخرم ليكم عبر هذا الرابط
[ندعوك للتسجيل في المنتدى أو التعريف بنفسك لمعاينة هذا الرابط]
المقال التحليلى دا بتناول الاقتصاد والتنمية بدولتنا الحبيبة (قلنا تخريمة ما تكشروا ماقلت ليكم ما بفهم الاقتصاد يعنى شنو

يا ماهر الجماعة القلتهم ديل أكيد معاهم طارق إحميدي

اتحيه للجميع ...............


ياقريبتي الأستاذه وصفيه ..


المشكلة مافى البقالات ؟ المشكلة فى السلوك ..

تعرفى هنا البقالات و جميع المكاتب و كل مايخطر على بالك عندة مواعيد للعمل ..و ازيدك حتي الصيدلية و الاتوبيس عندة زمن ..

و هذا هو مربط الفرس ... تجدي كل الناس محترمه الزمن لان اي تخريمة تضيعك و الضيوف هنا قد تطبعوا بهذا النظام و الحياة عملية جداً اقصد اذا ماشي تزور ليك أسرة او صديق من الضروري جداً ان تتصل حتي تأخذ الأذن اولاً و حتي تضمن أنه موجود بالبيت .. و بيني و بينك حتي الواحد يضمن الاكل يكون جاهز .

هنا يوم الأجازة خلاص أجازة للجميع الساعه السابعه مساء حتي محطه البنزين العامل بها مشي بيته ليرتاح ..

و للاسف السودان عندنا الفوضة الشديدة ضيف يجيب معه ضيفين بدون سابق انزار تلقاها فى نص الحوش يصفك ليك تقول قاعد ينادي فى القرصون بالمطاعم الشعبية ..


و يطلب الغداء حقيقي هذا الطبع فى السودان فقط حتي دول المغرب العربي مافى هذا الشئ ..

صحن عزابه (قدرها و ربنا يسترها) .

الدكتورة نضار ...


تحياتي .. تعرفى المثل بيقول من عاشر قومه اصبح منهم و انتم ما شاء الله قاعدين نهائي

ضروري تكوني مبزرة و سمينه ههههههههههه.

و ما جاء بالتقرير الاقتصادي للكاتب محمد الحسن .. ممكن الواحد يتفائل بابعض الشئ و لكن فى نهايه التقرير لاحظي الفقرة الخاصه بالنقل و الطرق و البحرية ..

يحبط القارء .. و النهاية المطارات ما معقول من واحد و ستون الجاهزين اثنين فقط .. و الغريبة كان عندي فكرة اشتري طائرة هلكوبتر ؟!



و لكن بعد التقرير دة غيرت الفكرة ما معقول واحد فقط فى مليون ميل مربع ..!!

و نعزي هذا التقرير الى الأحصاء بتواريخ قديمة ..




و ما تنسي انتم المغتربين .. اسهمتم فى ضعف الاقتصاد بعدم تحويل القروش الى السودان كما جاء بالتقرير

لك التحية مرة ثانية الاخ فخرالدين ماعندي طريقة ثانية الا اشتكيك للعمة نبوية وهي تشوف شغلها معاك ونشوف حتفضل في سكتي ولا شنوحتعلمك عاداتنا في البلد ولها خالص التحايا وربنا يديها الصحة والعافية

حرام عليك بجد40 عيشة مرة واحدة يا حنكوش

تحياتى اخ شريف ..لو شفت الكبسه فى صحن كبير (نحن بنستعمله فى السودان فى غسيل الملابس طشت يعنى
بعدين انت من زمن المغتربين بيحلوا القروش ..ياخى ابوى لما امى كانت هنا حول ليها مصاريف قال ما بخليها عليكم ولا بعتمد عليكم هههه والله جد حصلت
بس قول يا لطيف ..انت شكلك ما شفت الرغيف بتاع البلد يخلعك كتر كبير وملياااااان وبشبع وبرضو بيلبعوا منو 3 او 4 فى الوجبه
قال اقتصاد قال السودانين وبالذات الدناقله مبذرين
انا غايتو وزنى لما جيت هنا كان 53 وهسه 56 يعنى برااااءاة

لك التحية الاخ شريف يعني عاداتنا اتعلمنا عليه يعني ما بنقدر نخليها بالسهولة دي ربنا يستر وناكل بدل العيش نصف عيش

يادكتورة نضار ما تخافى الله قال 56 كيلو ..!!


و قايلنا من وين عيش البلد ياما اكلناه بس عندما يكون طازج جميل و لكن عندما يكون عنده اكثر من يوم انت عارفه ...

و ناس وصفيه خلاص ارتاحوا من جمع الوقود و عواسه الكسره و الفطيرة قاعدين على البسكويت و الخبز الجاهز .. خليها على الله .

ياقريبتي الاستاذه وصفيه ...


ما عندي مشكله فى كميه الأكل و لكن كلامي كان يهدف الى الاقتصاد و عدم التبزير ..

و داير اديك مثال ثاني ...


الان انت عندما تذهبي الى السوق لشراء الخضار و الاشياء الناقصة فى البيت ؟


هل عارفه بالضبط شنوا المشتريات ؟؟؟

1
2
3

الله اعلم ..

هنا من ضمن الثقافه ان تكتب قائمة بالمشتريات قبل مغادرة المنزل حتي ما تزوغ عيونك الى اشياء اخري ...


لان العرض جميل بلاسواق و الاغراء يسيطر على الواحد ..