تحت شعار بيئة نظيفة لصحة سليمة

مشكووووورة وصفية والموضوع ليه يومين عايزين نفعل دور الشباب ياجماعة في البلد بالتشجير والنظافة

كل زول ليهو شجرة في منطقة يعتني بيها الاطفال حيحبو الحاجة دي
بس ماعارفة النوم ليكم شنو

على العموم انا بديت المشروع مع مجموعتي وحبيت افيد بيهو منطقتي ومع الركود دا ما اظن حينجح اصلا
فننسى الموضوع افضل

ولكم الود

تحياتي
مشكوره مشيره على الفكره الرائعه مثلك , وانشاءالله دوما بيئتنا نظيفة وصحتنا سليمة , واليوم يالشارع جاءك زول , عندنا فى الحله مشكلة قطع الاشجار فالناس بتقطع الاشجار وتيجى تضعها امام المسجد ,بطريقه غير لائقة ,فتسبب مشاكل كثيره , يعنى كل واحد عنده نظافة امام منزله , اهم من منظر المسجد.
وفى امان الله

سلامات يا بت عمى العزيزة ..الفكرة حلوة وناقشناها فى تغيير المظاهر السالبة وكان التشجير تانى مظهر ايجابى عايزين نبناهو لو اطلعتى عليهو والموضوع التالت كان النفايات ..حتى لا نبعثر الجهود والنقة تكون فى مكان واحد ونطلع بالمفيد..واهم شجرة حتزرعيها هى شجرة عائلتنا منتظرنها باحر من الجمر .
انا قترح عليك اننا نستفيد من الشباب لما يخلصوا امتحانات ونستشير جمال فى مسالة قانونية مسافة التشجير لكل شارع وبيت ونستشير المهندس هوارى كزراعى وممكن يلقى لينا كمية شتول وايضا هناك بكرى محمد فقير جناينى متخصص وممكن نستفيد من خبرته
ومنى ليك هاك

مشكورة بايعة الكسرة النظافة مهمة جدا ومظهر حضاري اكيد

اختي العزيزة نضار عارفة الموضوع وكتبت فيه واقترحت التشجير في عدة مواضع

بس اسبوع البيئة كنتا حابة نبدا لو بجزء بسيط من وضع خط ونوقف كلام شوية

والشجرة شغالة فيها وكلمت منير ينزل صورة من الشغل لاني ماقدرت انزله

طيب حجي اقطعن ليك ياقدورة عشان تبدا معانا تشجير رايك شنو

دا الكلاااااااااااااام يا استاذ كنت وين حايم من زمان ؟؟؟

مشكور جدا وحبدأ مع الرابطة وربنا يسهل للتنسيق مع ناس مراغة