كلام الرندوق

الرندوق هى اللغة التى يمارسها غالبية الشعب السودانى دون ان يدرى , فهى مصطلحات يتداولها

الجميع او شفره حتى لا يفهم احد هذه الكلمات , ودون ان يحس بها احد تجد الشخص منا يرندق تلقائياً دون ان

يدرى انه يستخدم مصطلحات الرندوق .


من فهم لغة قوم أمن شرهم


إليكم بعض المصطلحات ومعانيها

ضفادع+نحل+دبايب +ضهب + مظلات = شخص يفرض نفسه

ويتواجد فى كل مكان (زول ما معزوم(

مرطّب= مرتاح أو بحاله ممتاز.

ربه=حفله.

دكاكينيه= خاصه.

ياعمك= ياأخونا.

كهارب+حنه +فله + ضحاكات + قنزب + شرتيت= فلوس اونقود.

هكر+شجر= زول قديم.

قلب= أنسان عزيز.

شتت+تلاشى= ذهب أوغاب.

شاكوش او همر =عندما يقابل شخص بالصد والرفض خصوصا من فتاه.

شديد+دسيس+مكسب + زابط = أمرجميل رايع.

تفاتيح+شرامه= الشخص الذى يدعى معرفته بالامور.

هوى بارد= شى لاتحمد عقباه.

القسم+القرد+غرز + الفقس = أسماء لرقصات شبابيه.

قائد الاسطول= مسطول

سكروتا + مسنن = سكران .

ورل= اكبردرجه من(دبيب ونحل وضفادع(.

سحلية + حربويه = البنت التى تفرط من أستخدام مستحضرات تفتيح البشره.

نجرته + بيكمون + عقربه + غنمايه + الناموسة = البت الشينه

عشمانا+غدمبليه+سفاسف + جومة + عضة = اكل او طعام

مهوى= جائع.

كبكابه = أنسان يتوتر بتعامله مع الجنس اللطيف.

لغم= أنسان صاحب تخريب وتدمير. او انسان ما مرحب بيو في الحته

تبشه= شخص(عوير(

مسطح= شخص لم يفهم الموضوع.

فاره + فرندقس ساي = شخص لا يعرف شي

الجلكين = الوالد

الجلك = الشخص الكبير

الألفة = الأخ الكبير

حرس الصيد = الحبوبة

الطيارة =من لا حبيبه له

شرط للأرض =بنت سمحة شديد .


حنااااك = يعني زول لسانو حلو

الحنك شنو = الموضوع شنو او الخبر شنو

بُقاقه = بنت سمحة

قرمبوزه = بنت عمر 18 عام

تتوية = بنت في عمر الزهور

نار منقد + نجاضه + شديدة = يعني بت سمحة شديد

الاستكش + الخدرا +الدوكو = البنقو او سجاير البنقو

والله داير اعمل أبو حمامة : داير امشي الحمام

خوجلي عثمان : تعنى الخجل الشديد

عشه الفلاتية : تعني وجبة العشاء

فاطنة الحاج: تعني الفطور

الفاتح النقر: التجاهل

عبد العظيم حركة : عامل حركات

عمر إحساس : متحسس شوية

زيدان إبراهيم : تعني الوصلة : زيادة الأكل

صلاح مصطفي: الإصلاح بين شخصين

على السقيد : شخص يحب السهر

كمال ترباس : قفلت الموضوع

عقد الجلاد : عقد الزواج

صديق منزول : النزول

زيادة حمور : زيادة في السعر

أبو القاسم الشابي = قسمة الأشياء وبالتساوي

محمد مسكين= الشخص المسكين

جوزيف لأقو =مجازفة

جيب حبنة + حبكة + كلب + حربه+ كابو = آلف جنيه

سمسمية + جخسم = 500 جنية

الحمرا =خمسة آلف

الزرقاء= عشرة آلف

هاجر كباشي= عشرين

نانسي عجرم= خمسين

متر= مائة

دي علينا يا مشيرة عاملة فيها شهادة عربية

ههههههههههههههه

تحياتي

والله يا رمضان يا ولدنا _ إنتا حناك -
أما شيرين - براية وبتاعة شمارات (الظاهر هي نفسها القالت - زي الحرامي السرق التلفزيون والمسلسل شغال) -
مشيرة - لون منقة دا - بريئة
ماهر - طلع زول فطقة ساكت
عايز رمضان - وشيرين يفسروا لينا معنى :
علي فلة
أبل ألير
فولمايسين
كابو
اخترتكم انتوا بالزات لأني عارف الشمارات كاتلاكم ...ومستغرب جدا (طارق أحميدي) الشمشار دا ما شاف البوست دا ولا إيه ؟!

الحبيب ماهر

لك التحية وشكراً علي المرور والإضافات

عمنا الأمين / منور والله

وشكراً لمرورك وتعليقاتك الجميلة

بالنسبة لي سؤالك والله أنا الشمار ذاتو كاتلني نخلي شيرين تجاوب ونشوف

لك التحية

ترجم يا طارق الشمار حيوفيني

والله يا رمضان أنا عارف طارق دا ما شاء الله
زول (قرنقيع) مافي حاجة بتتعدي منو بلاش
ويورط الناس ويمشي بدون ما يشرح بالله (زمبعور) دي يلقوها في ياتو قاموس ؟!!!

عمنا الأمين : إنت وطارق حيرتونا الظاهر مزاجكم عالي

إن منلي

مناحة شماسية على عريسة المات يوم العرس


الليلة يا عشا البايتات.......
بدري علي الشتات .........
انت ليه تتلحس..............
في يوم العرس.............
خليتني وراك عزبة......
يا اب سجارتن قصبة.....
يا الشرط ماك.. شين.....
يا الصغير.. ماك.. جلكين...
يا الخدرتك ...عجور....
حليلك انت يا اب بابور..
ما بتعرف الفلس........
واصلك... ما دقس .....
من بعدك البيت.......
عدمان الشرتيت. .....
انت يا العنقالي.........
يا الساتر احوالي .......
يا البتريد البوش.........
يا الماك حنكوش.......

كبيتي الحنك دا من وين

بهدي الحنك الجامد دا للجلك الأمين

وبينى بينك يا شيرين( سمبتيك ) بقت تتفهم اسرع من الوجى الوحل فى زمنا ده

ياخ (سمبتيك ) معناها ( سمبتيك ) والمعنى واضح

والله يا ماهر شرط عين الجلاكين كلهم
الأولاد الصغار ديل (رمضان وشيرين حنكشة) يطلعوا بيك العالي ؟

انتا ما سمعتا بي والله سمبتيك .. يعني ما علي فلة
نجاضة .... سكة حدددددددددددددددددددددديد