شبكة مراغه الأصاله والتاريخ
اســـــمع كــــــلام امـــــك تعال  Welcom11
شبكة مراغه الأصاله والتاريخ
اســـــمع كــــــلام امـــــك تعال  Welcom11
شبكة مراغه الأصاله والتاريخ
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

 

 اســـــمع كــــــلام امـــــك تعال

اذهب الى الأسفل 
كاتب الموضوعرسالة
عبدالفتاح يعقوب
 
 
عبدالفتاح يعقوب

عدد المساهمات : 161
تاريخ التسجيل : 17/04/2011

اســـــمع كــــــلام امـــــك تعال  Empty
مُساهمةموضوع: اســـــمع كــــــلام امـــــك تعال    اســـــمع كــــــلام امـــــك تعال  I_icon_minitimeالأحد 29 مايو 2011, 2:36 pm



اسـمـع كــلام امــــك تــــــعــــــال الغربه ماها كنز قروش
والــغـــــــــــــــــــربـه مــــــــاهــــــــــــــــــــا بيوت ومال
الــغـــربــه كـــم ذلــت نـفـوس والـغـربـه كـم هانت رجال
بـوصــيــــك يــــا ولـــدي الـحـنـيـــن اسمع كلام امك تعال

سـمـح الـشـغـل فـي ارض ابــوك ارجـع تـعــــال ما تودرا
ارويــهــا مـن عـرقــــك زلال ارمـيـهــا بـي تـيـراب خدرا
شـــوف الــســنــابـل كـيــــف تـمـيـــل تـشـبـع بلدنا نصدرا
والـغــــربـه تــــب مــا فـيـهــا غير عيشة العذاب والدردرا

مــالـك عـلـي شـغـل الإيـجـار واطاتـنـا بور صبحت وراك
لـيـه تـبـقـي خــدام لـلـغـريــب مـا انـتـي سـيــد نفسك براك
انا عيني في نص الليل ترف وقلبي الحنين نوموا اللي راح
مــن شــوفـتـك غـلـبـني الـمـنام واصـبـح مـناي عيني تراك

ارجـع تـعــال لـي يــا الـحـنـيــن مــالـك عـلـي عيشة الشقي
شـوف كـيــف تـمرنا سبيطوا مال والنيل سقي الوديان سقي
مـا بــتــلـقـي غـيـر رزقـك هنـاك يـا ريت نصيحتي تصدقه
ارجـع تـعــال والـزاد المكتوب لـيـك في ارض ابوك بتلحقه

ارجــع تـــعــــال خــلـي الــــشــــقــي وعــيـشــة الـكــرم في
ارضــك الــمــقــســوم بـيجــيـك في الغربه او هنا لـيـك رب
ســودانــا اصـلــوا مـن الــقـريـر لـيـهو الكريم بالنـيــل وهب
ســودانــا والله الـعـظـيـــم واطــــاتـــوا اغـــلـي مــن الدهبـ
الرجوع الى أعلى الصفحة اذهب الى الأسفل
وصفية عيسي
 
 
avatar

عدد المساهمات : 719
تاريخ التسجيل : 25/05/2010

اســـــمع كــــــلام امـــــك تعال  Empty
مُساهمةموضوع: رد: اســـــمع كــــــلام امـــــك تعال    اســـــمع كــــــلام امـــــك تعال  I_icon_minitimeالأربعاء 01 يونيو 2011, 7:14 am

مقطوعة جميلة الاخ عبد الفتاح وفعلاً اسمع كلام امك تعال لكل الطيور المهاجرة في بلاد الغربة واتمني لكم عوداً حميداً وقريباً
الرجوع الى أعلى الصفحة اذهب الى الأسفل
ahmed a.alrahim
 
 
ahmed a.alrahim

عدد المساهمات : 14
تاريخ التسجيل : 06/02/2011

اســـــمع كــــــلام امـــــك تعال  Empty
مُساهمةموضوع: رد: اســـــمع كــــــلام امـــــك تعال    اســـــمع كــــــلام امـــــك تعال  I_icon_minitimeالأربعاء 01 يونيو 2011, 9:59 am

اما ان تسمع كلام امك ترجع أو تاخد امك معاك، برضو حل تاني
الرجوع الى أعلى الصفحة اذهب الى الأسفل
محمد يعقوب
 
 
محمد يعقوب

عدد المساهمات : 13
تاريخ التسجيل : 04/04/2011

اســـــمع كــــــلام امـــــك تعال  Empty
مُساهمةموضوع: رد: اســـــمع كــــــلام امـــــك تعال    اســـــمع كــــــلام امـــــك تعال  I_icon_minitimeالأربعاء 29 يونيو 2011, 11:27 am

يا غربة .. يا غشاشة .. يا بكاية .. يا مستهبلة تغرينا بي درهم قروش وراه قنطار بهدله جيناك سنة .. أو قول سنين بنكمله نبني البيوت في العاصمة وبي كوم أثاث بنجمله وكرولا حاره نرسله أصلو التنقل مشكله
ونكمل الدين بي مهل والسمحة جاهزة نحصله غير القروش اللي الأهل عبر الشهور حا نرسلا والباقي يدخل في البنوك ونشوف دباره نشغله
ناس فكرت تجني العلم تبدأ الدراسة تواصلا أحلام كتيره وشيقه وآمال كبيرة نأملا لكن حساباتنا الغلط في كل عام بنرحله مرت سنين من العمر بنعزها وبنفضله والحسبة وصلت طاشرات يمكن نعيش وندبلا وتعال نحاسبك يا وهم من غير رقم أو أمثله كان للقروش نجري ونحوش لكن تقول بنشاكلا ما راضية تقعد في الجيوب وتقول حرامي بينشلا لكن بترقد في الضهور بديون تقيله متلتلا ممحوقة ما بتقضي الغرض وأقل حاجة تكملا كملانه سفرة وحق وزن ومجاملات مستفحله ضرائب أبعاج المشي وإلزامي حمدي نحولا وأحلامنا صبحت زي سراب نمشي ونجري ما نحصلا يا ريت يكون هم القروش يا غربة فيك هو المعضله لكن تعال شوف الهموم الما إفتكرنا نقابلا ذلة ومهانة واحتقار خلو النفوس متململة
سجنا كبير فيهو الكفيل سجان قيوده مكبله أشغالو شاقة ومؤلمه ودايما تكون مستعجله ما عاد يكفيها النهار تحتاج ليالي مليله أمراض كتيره بدت معاك عايزه الفحوص مستعجله ناس الضغط والسكري ومرض القلب مع الكلى ومصران وقرحة وإكتئاب ونفوسنا ما متحمله وبنينا فيك كيمان لحم تحت الهدوم متندله وأكيد يكون أكل المعلب والمجمد عاملا عدم الرياضة والكونديشن لابد يكون ليهم صــــــلا وكمان تعال لمعادلة ما قدرنا أصلا نعدلا سجن العيال جوه الشقق وفراق الأهل والعائلة جيب العيال بي جيبنا مال وجيوبنا غيرو مميله وصغارنا صبحت بالزهج متوحشة ومتجفله لا قادرة تلعب في خلا ولا ضل شديره يضللا لا قادرة تدرس بي نفس من الدروس المترهله تلقي الولد غالبو الكلام والبت كبيرة ومريله كل الضغوط سوا ما قدرنا حتى نقللا في كل طرف تلقي القرف تلقي الخيوط مداخله يا غربة أديناك كتير أدينا خاطرك يسهلا خلينا نرجع بالفضل نلحق حياتنا نعدلا آمالنا فيك بدري إتنست إلاّ الرجول متوحله وبقينا زي أهل القبور لا البره عارف يدخلا لا الجوه يرجع لي ورا يحكي الحقيقة يوصلا لكن خلاص هان الخلاص عندك نزل مهما علا وإن شاء الله نحيا نودعك وتكوني ذكرى نغازلا يا غربة .. يا بكاية .. يا غشاشة .. يا مستهبله (ارد الله غربتنا )
اعجبتى القصيدة فنقلتها لكم ،، ولكم ودى وتقديرى
الرجوع الى أعلى الصفحة اذهب الى الأسفل
الأمين الياس الأمين
 
 
avatar

عدد المساهمات : 604
تاريخ التسجيل : 16/01/2011

اســـــمع كــــــلام امـــــك تعال  Empty
مُساهمةموضوع: رد: اســـــمع كــــــلام امـــــك تعال    اســـــمع كــــــلام امـــــك تعال  I_icon_minitimeالخميس 28 يوليو 2011, 9:01 am


عارف يا (حمادة يعقوب) كل يوم أدخل أتأمل في التوقيع دا وأطلع بدون ما أعلق
غربة .. غشاشة .. ومستهبلة
نعمل شنو ؟؟؟؟؟؟؟؟؟؟
واحد نايم في وسط المقابر .. زهجان .. أوووووووف .. بالله دي حياة دي ؟؟
قام الميت قال ليهو تبادل ؟؟؟؟؟؟؟؟؟؟
بالله عليك يا محمد يعقوب : خت توقيعي جنب توقيعك .. بس أكتب (دولة الياس). كتو تيق ..
الرجوع الى أعلى الصفحة اذهب الى الأسفل
عبدالرحمن نصرالدين
 
 
عبدالرحمن نصرالدين

عدد المساهمات : 1940
تاريخ التسجيل : 20/06/2010

اســـــمع كــــــلام امـــــك تعال  Empty
مُساهمةموضوع: رد: اســـــمع كــــــلام امـــــك تعال    اســـــمع كــــــلام امـــــك تعال  I_icon_minitimeالأربعاء 03 أغسطس 2011, 5:39 am

تحياتي بالحكيم والمتداخلين
رايكم شنو في هجره جماعيه بقوة قلب للسودان
عزيزنا دوله الياس (كتو تيق) اسان بوكو ياولدي
الرجوع الى أعلى الصفحة اذهب الى الأسفل
holako
 
 
avatar

عدد المساهمات : 102
تاريخ التسجيل : 03/01/2011

اســـــمع كــــــلام امـــــك تعال  Empty
مُساهمةموضوع: رد: اســـــمع كــــــلام امـــــك تعال    اســـــمع كــــــلام امـــــك تعال  I_icon_minitimeالخميس 18 أغسطس 2011, 8:22 am

لوتتغرب تترك وطنك

تبقي فقدت الحضن الدافئ

وبرضو خسرت الزول الوافي

وضاع راس خيتك

ماتتعذب انا وريتك

سارع وسارع وارجع وطنك

انت كويس

ابوك وامك وباقي اخوانك منتظرنك
الرجوع الى أعلى الصفحة اذهب الى الأسفل
 
اســـــمع كــــــلام امـــــك تعال
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  قسم المغتربين -
انتقل الى: