شبكة مراغه الأصاله والتاريخ
لسان الحال Welcom11
شبكة مراغه الأصاله والتاريخ
لسان الحال Welcom11
شبكة مراغه الأصاله والتاريخ
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

 

 لسان الحال

اذهب الى الأسفل 
كاتب الموضوعرسالة
محمد جعفر
 
 
محمد جعفر

الموقع : مترحل
عدد المساهمات : 533
تاريخ التسجيل : 08/01/2010
العمر : 32

لسان الحال Empty
مُساهمةموضوع: لسان الحال   لسان الحال I_icon_minitimeالإثنين 16 مايو 2011, 12:19 pm

تقرير من أم لزوجها المغترب ...

عندما يتغير معنى الاغتراب

يصبح هكذا هو الحال ..



الكاتما فى جواى كتير متملك الجوف والعصـب... وما كت دايرة أقولو ليـك لكن لسان الحال غلـب



ما بنسى يـوم ودعتـنا وسافـرت فى غـرة رجـب. خلـيت وراك الـدار حـزين يتباكـا والدمع انسكـب




أعذرنى والله العظيـم لو ما الضـرورة أنا ما كـتب. وأنا خايفـة فى بعـدك يكون الضاع هو ضعف المكتسـب




اليومـة داك ناس البلـــد هنونى شايقيــــــى وعرب. قالو لى مبروك خير وجاك يكتب سلامـتو الإغــترب




قالو لى دوب نجم السعد طلاكى من بعـــــد إحتجــب.. يا دوبا بالك يستريح وتنسى العــذابات والتعــــب




فضّلت أحسب فى الشهور قاعدالى فوق نيران لهــب.. صابرة وحريصة على العيال لا بيقو للريح فى المهـب




سديت خانتك مــن مشيت قايمـابو واجبــــى كأم وأب.والأســــرة يضنيها المسير .. وتتهاوى لو ما فيها رب




والله ما بنــــكر جميلك برضـــــــــو لينا ثناك وجب.. موكب هداياك ما انقطع .. كان سترة فى الزمـن الصعب




لابسين وماكلين والنعيم كايلنا فى يوم ما نضب ..وعايشين معيشــــــــــــة المترفين .. طولنا والطبع إتخرب




البيت مفرش بالحرير ومليانة إيدى بالدهب. لكن خسارة على محل .. عاش سيدو خمســــــــــة سنين عزب




الشى المهم ما قلتو ليك وليهو إنت ما ظنيت حسب.كبرو الصغيرونين خلاص .. خايفالم الطبــــــــــع الكعب




وصولوها مرحلة الخطر .. والأمن ما زال مستتب. وانا كتّ قادراهم زمان لكــن بعد كبــــــرو اتغلب




حصلنى قبل الجد يفوت .. دوبنهم فوق العتب. قبال نحصـــد الخير ندم .. ومابيجدى كان لمت وعتب




خايفالم الطيش فى الدروس .. ومابرضى لو واحد رسب.... خوفنى المتعبنى الكبيـــــــــر بعدين يمرقو بلا أدب




وريتك الحاصل على لا فيهو ثورة ولا غضب .شان الحديث مايبقى نى والواحــــــــــــــــــة يكتنفا الجدب




أنا قلبى مازال لسة حى .. ونجمو الملاهج ماغرب. وآخر كلامى ترد على لا أبقة بكـــــــــــــرة أنا السبب




الرجوع الى أعلى الصفحة اذهب الى الأسفل
وصفية عيسي
 
 
avatar

عدد المساهمات : 719
تاريخ التسجيل : 25/05/2010

لسان الحال Empty
مُساهمةموضوع: رد: لسان الحال   لسان الحال I_icon_minitimeالخميس 02 يونيو 2011, 6:53 am

لك التحية الاخ محمد علي هذه الكلمات الرائعات
وفعلاً لسان الحال غلب
الرجوع الى أعلى الصفحة اذهب الى الأسفل
ماهر عابدين دياب
 
 
ماهر عابدين دياب

الموقع : لندن
عدد المساهمات : 2905
تاريخ التسجيل : 02/05/2010

لسان الحال Empty
مُساهمةموضوع: رد: لسان الحال   لسان الحال I_icon_minitimeالخميس 02 يونيو 2011, 7:01 am


( لابسين وماكلين والنعيم كايلنا فى يوم ما نضب ..
وعايشين معيشــــــــــــة المترفين .. طولنا والطبع إتخرب
البيت مفرش بالحرير ومليانة إيدى بالدهب.)

صدقني يامحمد جعفر ده شكلها زوجة مسؤول في حكومتنا ... او مغترب في السبعينات والتمانينات ..

شكرا علي الوصايا القيمة علي لسان زوجة المغترب Very Happy bounce

ونقول يالطيف
الرجوع الى أعلى الصفحة اذهب الى الأسفل
محمد جعفر
 
 
محمد جعفر

الموقع : مترحل
عدد المساهمات : 533
تاريخ التسجيل : 08/01/2010
العمر : 32

لسان الحال Empty
مُساهمةموضوع: رد: لسان الحال   لسان الحال I_icon_minitimeالخميس 02 يونيو 2011, 10:01 am

شكراً اختي وصفيية , والاستاذ ماهر على المرور

يا أستاذ ... ده مغترب قديم .. بس في أوئل الالفينات
الرجوع الى أعلى الصفحة اذهب الى الأسفل
نضارعبدالكريم العمده
 
 
avatar

عدد المساهمات : 1064
تاريخ التسجيل : 01/09/2010

لسان الحال Empty
مُساهمةموضوع: رد: لسان الحال   لسان الحال I_icon_minitimeالجمعة 03 يونيو 2011, 8:19 am

هسه لسان حال المغترب غلب ..وبقينا نقول ليهو وااااااااااااااااااااا شرى
يلقاها من الكفيل ولا برنامج نطاقات ولا حكومة السودان
الله غالب
الرجوع الى أعلى الصفحة اذهب الى الأسفل
 
لسان الحال
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  قسم المغتربين -
انتقل الى: