الحنين للشمال -طمبور ودليب

الظروف حارمانى الأستاز(ز) عز الدين شكرى

كيفن ألم عليك وإتهنى مادام الظروف حارمانى والزمن العنيد ماحن الدنيا العبوس حارمانى
حرب الريد على ماونى وأسياف الغرام كاتلانى والقلب الجريح ومعنى أضمد جرحو ينزف تانى

ماعزرونى فيكى أهلنا فيك كل الخلوق لايمانى ماأصلو البحب فى زمنا فى قانونا يصبح جانى
قيس لو مره حب وجن برضى أنا زيو روح شقيانى بين الآهه بين الأنه الشقى والعزاب عنوانى

كل ما القمرى قوقا وغنى تتهيج على أشجانى حس طنبور موتر ورن أحسبو جوه فى وجدانى
راجى الله البيدى الجنه بيك يجمعنى ياالمأزانى أضوق ربط الحرير والحنه أبشر والخلوق تابعانى

تبسملى الزهور فى الجنه تتبكى السحاب باكانى شاركنى الفرح مابنى رش وخدرت وديانى
كيفن ألم عليك وإتهنى مادام الظروف حاكمانى والزمن العنيد ما حن الدنيا العبوس حارمانى


مع تحياتى

الشوق للبلد محمد النصرى

الشوق للبلد فى الليل الهجد من دون الخلوق تلقانى منى النوم شرد
فى مدن النكد وكت الليل برد الطيف والمنام جافانى للنجمات جرت
جنح الليل برد كل كائن خلد الشوق والحنين صحانى للعينين سهد
يانسمه السلام بى فوق الغمام داعب لى دفين وجدانى ضرانى البلد


الليل فى البلد حب عاشق كمد دليل شعرى وجميل الحانى للإلهام مدد
حليل وكت السعد للاحزان بعد للليل الشجون نسانى لاهم لا نكد

مابين الضلوع زكراك والدموع زكراك والدموع بينات الضلوع
درب الرجعه وين من تانى ليه منى إبتعد

ياواحد أحد أحفظ للبلد سترك للبعيد والدانى والفيها إتولد
الشوووووووووووووووووووووق للبلد في الليل الهجد
من دون الخلوق تلقانى مني النوم شرد

الي صهيب وكل من يقف معه علي ثغور بلدنا

والي كل محبي النصري

ياسلام ياإستاز ماهر قمة الروعه والإبداع






أسعدنى مرورك

لما الحرف
الأستاز خالد شقورى

لما الحروف تمرق تفتش قبلة الزول الوفى
ولما العيون تصدق تبين قوة إحساسنا الخفى
حتى الأسف يهدى الكلام للبسمه والهم يختفى
ماغاب نجمنا إلا يوم غابت أغانى الكادحين
ومامات فرحنا إلا يوم جف الوفا الساقى الحنين
نحنا البقينا بلا عمر ورمينا همنا فى السنين
أصبح عشمنا حزم غنا ترمينا فى الشاطئ الأمين


لما الحروف تنبض وجع وتنزل على الصفحات أسف
ولما العيون تبدأ الطمع وما ترمى إلا على الهدف
حتى الشمس يمكن تضن وتمنع ضياها عن الصدف
الدنيا أيه غير أمنيات منسابه فى مجرى العبير
وغير زفه من الأغنيات ممزوجه بى فرح الصغير
وما دام صحيح إنو المصايب حددت سير المصير
كيف يحزن الزول البشوف وكيف يضحك الزول الضرير


لما الحروف تتحدى حزن الليل تشيلو من الصباح
لما العيون تتمنى خير النيل يعم كل البطاح
ما بنلقى في جوف الزمن إلا الغنا الصافى المباح

شوفو الكنار مالاقيه عيش لكنو غرد وإنتشى
لمن لمح خيط الندى فى صفحة الأزهار مشى
ليه ما نكون زى الطيور الفيها حب الغير نشأ
ليه مانكون زى النسيم نهدى الزمان الوشوشه


لما الحروف تصبح رياح وتوزع الشوق فى الضفاف
لما العيون تمطر سماح فى عزة الأرض الجفاف
حتى الزمن يزهر وفا وتلبس غنيواتنا الزفاف

مليون عشم فى الإنتظار يتقلى فى حر القلب
ومليون قمر حافى الطريق يهدينا لو الشوق ضهب
كل العيون تهتف تقول لازم نفى ولازم نحب
ما الطيبه يا الناس الحنان راجيانا فى آخر الدرب


لما الحروف تصبح عيون وناسه فى جلسة هنا
ولما العيون تصبح حروف أفراحا فينا ومننا
ياداب بنعرف كيف نكون ونعرف كمان معنى الغنا
ويادوب بنعرف كيف نكون ونعرف كمان معنى الغنا


إليكم جميعا ودمتم أهلى وأحبابى

هدية مني ليكم

                                                                    






                                                                  مشكوزه يارائعه

ياسلااااااااااام يا جنابو عليك على بوستاتك واختياراتك
جميل ودا اهداء لكل الطيور المغردة المهاجرة عن بلدها واسرها ..
ود النصرى يمتعنا