كملتوا فهمنا .....!!!!

ايوا انا من زمان راجية دا .خخخخخخخ
تسلم طارق كملتا فهمنا.

العزيز طارق/سلاماتي
انما يأسرنا الذين يلتقطون الحكمه والدهشه والمفارقه وعيونهم تنظر في كل الاتجاهات
والموقف مسرحيه مكتمله العناصر(التي اعرفها)-الموضوع-الحوار-المعالجه-والمفارقه والنكته
والسودان بدون هذا الحوار اليومي يا عزيزي لا لون له ولا طعم
وقبل ما اعمل شتات من الحته دي ارجو ان اسجل تقديري لكتاباتك الانيقه والفاهمه
خليك كده مقلّع عيونك وتعال لينا بكل ما تشوفو
شكرا طارق

تستاهل الشويه بتاعين الدوش ديل

وركزْتَ
شان البِتْ سُعاد
أصلى عارف جِنَّها فى زول بيرْكِز وينْسَتِر
لكنِّى عارِف إنَّها
لو كلو زول فى الحلة بالسُتْرَهْ إنجَلَد
يانى الآزاها وجِنَّها
برْضِى عارِف أظنَّهَا
دِيمهْ فى صَرَّ ة وشيهَا
يلفحْنى شوق نافِر لَبَد

ما شاء الله عليك وعلى قوة ملاحظاتك.
والكتابة في الحافلات والبصات السفرية واللواري "معليش" "بقت الشاحنات الآن" تذكرنا الأيام السمحة:
(يا النشفتي ريقنا - عشان خاطرنا ترجع - جناين الشاطي- مندوكورو- ولما يقدم خالص يكتب: يا ود السايح -"يا لطيف"زي ما قال ماهر عابدين) وما لفت نظري في المقرن بجوار كازينو المقرن "لما كان كازينو" لاحظت هايلكس واقف مقابل "توتي" مكتوب من الخلف (تود مني).. والله عشان تقراها إلا تستعين بأهلك الدناقلة الكبار.

المبدع طارق .......
ياخ مشكور على هذة التحفة الرائعة ....

قبل فترة فى طريق دنقلا امدرمان واقفين البص ضارب لستك جا لورى شاحن غبرنا وفى موخرتو مكتوب
باعرض خط (وجع) ........ يكنى كية بس ......... هههههههه

طارق معليش جيت تاني
وسلامات برضو
كلام الاخوان الامين ومجدي ذكرني كومر بتاع واحد من اولاد اقجه
كان مكتوب عليهو عباره غريبه جدا
اتخيل العباره دي
(النفط مقابل الغذاء !!!!!!!!!!!!! )
لي حوالي خمسه سنوات وانا بضحك

عربية قديمة شكلها من الستينات...يلفت نظرك الشكل والصوت وهي قادمة نحوك... تبدء تفكر كيف استطاعت ان تكون في الطريق ماشه حتي اليوم...وحينما تعطيك مؤخرتها وسط الدخاخين المنبعثة يمكنك ان تقرأ عبارة:

]

اكل عيش ياناس


حكمة اليوم:

العفش داخل البص علي مسؤولية صاحبه




ونقول يالطيف

الأخ طارق تحياتى ...حقيقه كملت فهمنا ...يديك العافيه.
ابن عمى ياسر (النفط مقابل الغذاء)أكيد العربيه دى يا من تعويضات الكويت أو العراق.
الأخ الصديق ماهر (العفش داخل البص على مسئولية صاحبه)ترفع راسك تقرا العباره دى ستماية ألف مره.
وبعد دا كلو يادوب تكون وصلت الباجه...واليوم قبل ماتكمل جريده تكون وصلت الخرطوم.
أخى العزيز ماهر هذه العباره ذكرتنى كيف كان أمسنا وكيف يوم الآخرين الآن.

واحد صاحب (كارو "بي دحيش") في السوق المركزي تقابلو واحدة بصفيحة طماطم يوصلا .. وهو راجع تقابلو واحدة بقفة خضار يرجع تاني يوصلا وهكذا .. كاتب (أنا الفي الدنيا ما مرتاح).
المرة دي "من حلتنا" ياود اختي "الشمار كاتلك"

ماهو الا تسلم وتستلم خخخخخخخخخخخخخخخخخخخ

كملت فهمنا يا ود العمة بالبوست الفاااااااااااااهم دا والعبارات ومدلولاتها يبدو ليا السواقين بيكتبوا عما يعبر عن دواخلهم وعواطفهم واشيائهم الاجتماعيه وهمومهم وافراحهم وثقافتهم يعنى تلقى مثلا واحد كاتب من اشتغل بالناس مات هما
او المعايش جبارة
وغيرها من العبارات الشيقة
والعجب ناس الركشات
تسلم طارق