شبكة مراغه الأصاله والتاريخ
مرت سنين فوق السنين Welcom11
شبكة مراغه الأصاله والتاريخ
مرت سنين فوق السنين Welcom11
شبكة مراغه الأصاله والتاريخ
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

 

 مرت سنين فوق السنين

اذهب الى الأسفل 
كاتب الموضوعرسالة
عبدالرحمن نصرالدين
 
 
عبدالرحمن نصرالدين

عدد المساهمات : 1940
تاريخ التسجيل : 20/06/2010

مرت سنين فوق السنين Empty
مُساهمةموضوع: مرت سنين فوق السنين   مرت سنين فوق السنين I_icon_minitimeالسبت 16 أبريل 2011, 7:31 pm

اْمرك عجيب يا مغترب
شايل حقايبك ماشي وين أنعل أبوك يا أغتراب؟؟؟
ما الغربة طالت يامسيكين
وانت في نص الدرب
والناس هناك ماشايلة هم
لاهم حكومة ولا لحم
سكت ليه يامغترب؟؟؟
حاول اْجب؟؟
الناس وراك دفنت اْلوف
وانت جالس تنتحب
الناس هناك هزمت
طوابير الصفوف
وازدادو نجمات في الكتوف
وانت جالس زي خروف
لا فيك لبن لافيك صوف
شعار جميل مكتوب حروف
زول مغترب
انت يا اْبوي مين اللي زيك
انت مازول مغترب
لا ليك اْرض
لا ليك راْي
لا خطة اسكان لا حزب
انت عندك حزب واحد
اسمه حوّل
اْخوك وراك راقد تعب
جاك اتصال من ناس منال
يا اْخوي حول وماتطول
جدي الكبير عضو الكلب
يا اْخوي حول
في الشهر مرتين
ود اللمين جاهو المقص
في الكليتين
خلآهو زي زول الكٍتب
يا اْخوي حول وما تطول
وجيب معاك طقم العشاء
ودهب الكضب
وانت جالس يامسيكين
الغربة طالت
وانت في نص الدرب
مرت سنين فوق السنين
لا اشتريت قطعة اْرض
ولا سقفت الغرفتين
والحالة طين
يا اْخوي صلي ركعتين
بعد الفرض
يا اْخوي حول جيب قروش
وخاتم الجنيه للسيدتين
اْم العريس واْم العروس
ولا تقول فلنفترض
اْضرب خماسيك في سداسيك
واْضرب الطول في العرض
الغربة طالت
والعيال كبرت وجالت
وانت حالك يامسيكين
والله تغني عن سوْالك
والفكر مشغول
وشايل هم عيالك وين بتقراْ
والغريب كل الحكومات
في البلد تنكر نضالك
وحتي العيال في الجامعات
يامسيكين
بدل الجنيه تدفع ريالك
ومهما تكتب اْو تقول
هذا اختيارك
لا ليك راْي ولا هناك
من يرد ليك اعتبارك
شد حيلك واشتغل
عشرين شغل خارج مجالك
شد حيلك والثغور راجاك كتيرة
ست البنات صارت مديرة
ولسه ما جاها العريس
والبيت ملان
يابا ماتخليك معصلج
وانت ماتخليك عويرة
وما مهم ود اللعم
ومامهم من القبيلة
المهم اْبقي راجل
وما اْكون زولا خميلة
اْلم اْقل اْمرك عجيب يامغترب ؟؟
جيت شباب تلبس خفيف
حتي في عز البرد
بعد السنين الجلود اتكرمشت
واْصبحت ودعم القرد
وآخر المطاف السنين
صارت عجاف
شالوك مقفل في طرد
وآخر المطاف السنين
صارت عجاف
شالوك مقفل في طرد.
الرجوع الى أعلى الصفحة اذهب الى الأسفل
وصفية عيسي
 
 
avatar

عدد المساهمات : 719
تاريخ التسجيل : 25/05/2010

مرت سنين فوق السنين Empty
مُساهمةموضوع: مرت سنين فوق السنين   مرت سنين فوق السنين I_icon_minitimeالأربعاء 20 أبريل 2011, 6:45 am

تسلم الاخ عبد الرحمن كلماتك رائعات مثل روعتك والله يكون في عونك يا مغتربين ويرد غربتكم سالمين والقصيدة محزنة
الرجوع الى أعلى الصفحة اذهب الى الأسفل
عبدالرحمن نصرالدين
 
 
عبدالرحمن نصرالدين

عدد المساهمات : 1940
تاريخ التسجيل : 20/06/2010

مرت سنين فوق السنين Empty
مُساهمةموضوع: رد: مرت سنين فوق السنين   مرت سنين فوق السنين I_icon_minitimeالخميس 28 أبريل 2011, 9:33 pm

التحيه لك الاخت وصفيه علي مرورك الكريم من اين لنا قناعة التخلي عن الغربه ... والبلاد طارده ..
الرجوع الى أعلى الصفحة اذهب الى الأسفل
فاروق الطاهر فضل
 
 
avatar

عدد المساهمات : 4
تاريخ التسجيل : 11/01/2011

مرت سنين فوق السنين Empty
مُساهمةموضوع: مرت سنين فوق السنين   مرت سنين فوق السنين I_icon_minitimeالأحد 01 مايو 2011, 9:22 am

يا كندي رماد إنت قايل الغربة خم ما قلنليك لكن ما سمعت كلامنا عشان كده أنا و إسحق ويسن عملنا ليك بارتي و ثبتناك في الغربة و أخونا عبدالرحيم جعفر كان قعد يقول لي إنت ما بترجع من السعودية إلا يشيلكوك عضم يمشو يرموك قدام الوالده الله يرحمها كرررر Mad
الرجوع الى أعلى الصفحة اذهب الى الأسفل
عبدالرحمن نصرالدين
 
 
عبدالرحمن نصرالدين

عدد المساهمات : 1940
تاريخ التسجيل : 20/06/2010

مرت سنين فوق السنين Empty
مُساهمةموضوع: رد: مرت سنين فوق السنين   مرت سنين فوق السنين I_icon_minitimeالأحد 01 مايو 2011, 3:56 pm

الله يطوحك يافاروق انت واصحابك التلاته اسحق ويسن السجمان وأنا اشك في عزومتكم التعبانه والعدس والفول
فول رحلة سيد احمد عبدالرازق ونورالدين ابراهيم في قعب اللقيه كان احسن من عزومتكم دي
الله يخلصنا من الغربه دي شوفوا لينا حل ياعالم
الرجوع الى أعلى الصفحة اذهب الى الأسفل
منال نورالدين
 
 
avatar

عدد المساهمات : 9
تاريخ التسجيل : 17/01/2011

مرت سنين فوق السنين Empty
مُساهمةموضوع: رد: مرت سنين فوق السنين   مرت سنين فوق السنين I_icon_minitimeالثلاثاء 24 مايو 2011, 9:58 am

انت يا أخ عبدالرحمن بالجد الغربة اسرت عليك لدرجة بقيت تنسى الناس ياخي اسال اصغر زول عندكم السماني اخوك عشان يعرفك عني
الرجوع الى أعلى الصفحة اذهب الى الأسفل
عبدالكريم سعيد
 
 
عبدالكريم سعيد

عدد المساهمات : 174
تاريخ التسجيل : 13/10/2010

مرت سنين فوق السنين Empty
مُساهمةموضوع: رد: مرت سنين فوق السنين   مرت سنين فوق السنين I_icon_minitimeالثلاثاء 24 مايو 2011, 5:56 pm

السلام عليكم يا ودالعم
انت ابدعتنا بل القصيده الجميله ديه
وين انت من زمان المفروض كان تدين
دا من بدرى الان نحن المغتربين محتاجين زى كده
شكرا ياودالعم وكثر منها
الرجوع الى أعلى الصفحة اذهب الى الأسفل
عبدالرحمن نصرالدين
 
 
عبدالرحمن نصرالدين

عدد المساهمات : 1940
تاريخ التسجيل : 20/06/2010

مرت سنين فوق السنين Empty
مُساهمةموضوع: رد: مرت سنين فوق السنين   مرت سنين فوق السنين I_icon_minitimeالإثنين 08 أغسطس 2011, 10:12 pm

أهدي القصيده
للاخوه عوض بشير وعثمان هولاكو
ان كنا مبسوطين من الغربه هذه القصيده انزلتها في 16\
4
الرجوع الى أعلى الصفحة اذهب الى الأسفل
 
مرت سنين فوق السنين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  قسم المغتربين -
انتقل الى: