ايام الاسبوع

موضوع: ايام الاسبوع الجمعة 01 أبريل 2011, 11:15 am

سلامات انت بتختار ياتو يوم وليه

[ندعوك للتسجيل في المنتدى أو التعريف بنفسك لمعاينة هذا الرابط] [flash][ندعوك للتسجيل في المنتدى أو التعريف بنفسك لمعاينة هذا الرابط][/flash]

تحياتي بنت الشيخ اولا انا فتحت الربط الموجود بالبوست و مافهمت اي حاجة لقيت صورة صغيرونة هههه ...

اما اليوم فأكيد يوم الجمعة الانه عيد فى الارض و السماء و لكن يوجد يوم اخر عندي حقيقة يوم السبت الانني في اجازة السبت و الاحد و يوم السبت اذهب الي المسجد من صلاة المغرب الي العشاء و فى المنتصف عندنا دروس الفقة و هي يوميا ولكن بظروف العمل لا يوجد غير السبت ...

سلامات يااخوي انا عندي مشكله فى انزال الصور والبوربوينت ماقادره اظبطها ماعارفه عندي احساس انها مابتظهر للناس
لكن السؤال هو لو كانت الايام الناس فايهم تختار صديقك وايهم عدوك ولماذا انا بحب الخميس من زمان لان بعده اجازه اما عدوي فهو حقيقي الاحد لان الشغل بكون كثييييييييييير وانا بقول ليهم عندنا مرض فى الخيول يسمي مرض صباح الاثنين بعد الاجازة تصاب الخيول بالتعب والارهاق ده حالى يوم الاحد

عدد المساهمات : 1940 تاريخ التسجيل : 20/06/2010

الاخت الفاضله بايعة الكسره
افكارك جميله ورائعه وكنا نفتقدها والبحث عن حلولها متعه لاتقل عن ايجادها واذا كانت الايام هي الناس بالتأكيد
سأختار الجمعه صديقا لان هذا اليوم بروحانياته ايضا يمثل الهدوء والراحة خاصة في هذه الغربه اللعينه .. هذا اليوم ايضا
يمثل السمو بالنفس والصفاء والنقاء أما بمدرسة مراغه كان يوم الخميس احلي الايام علي الاطلاق لنرتاح من استاذ صبري
وسيطان النيم وكنت اتمني ان لاياتي هذا اليوم ابدا (السبت صديقي اللدود)

[ندعوك للتسجيل في المنتدى أو التعريف بنفسك لمعاينة هذه الصورة]
شكرا علي المرور

موضوع: رد: ايام الاسبوع الأحد 03 أبريل 2011, 2:58 pm

ايام الدراسة في السودان اجمل يوم كان يوم الخميس ... لان الخميس يعقبه الجمعه... يعني يجي يوم الخميس تكون مبسوط لانه بكره مافيش مدارس... المفارقه ان اسوء يوم هو يوم الجمعه لا لشئ الا لانه يعقبه السبت... يعني يجي يوم السبت تكون زهجان لانه بكره السبت والحصه الاولي رياضيات والجلد للشاطر والبليد.
اما اليوم الامور اختلفت... الويك اند جميل لان البلد في صمت تام وكل واحد في بيته والشارع فاااااااااااااضي... وممكن تسوق عكس الشارع... والسكون في البيت حاصل.

الخميس

معناها طلع الخميس حبيب الشعب
يوم الـسبت يـوم الهـنا
الساعـة فيهو قدر سـنة!
يوم الأحـد يـوم السـعد
الحبسـة فيـهو إلى الأبد!
يوم الهناي يـوم البـتاع
وجع الضهر وجع الكراع!
أما الخميس ما يوم تعيس
لا صفقة فيهو ولا رقيص!
والجمعة حيا على الفلاح
وفجأة السبت تلقاهو لاح!

موضوع: رد: ايام الاسبوع السبت 09 أبريل 2011, 8:46 am

ههههههههههههههههه خلاص مادايرين اي يوم

عدد المساهمات : 719 تاريخ التسجيل : 25/05/2010

تسلمي الاخت بايعة كسرة علي هذه المعلومات القيمة

واحلي الايام يوم الجمعة لانها يوم روحاني واصعب الايام يوم السبت لانها تمثل اول الاسبوع وفية الجلد في المدرسة كان زمان طبعاً الواحد كان يتمني انا يوم السبت يتاخر خوفاً من التسميع

خطر في بالي اجمل يوم في الشهر واجمل شهر في السنة.....مع ان الايام كلها لله لكن يوم 30 في كل شهر في السودان محبوب لسبب معروف...اما انا احب يوم 15 لاادري لماذا؟؟؟ واجمل شهر في السنة شهر سبعة لانه شهر الصيف بشرط ان لا اكون في السودان...كذلك شهر ديسمبر لمن يسكن اوربا هو الاجمل علي الاطلاق....اما في السودان افضل شهر اكتوبر لدواعي مناخية...كذلك شهر اغسطس لوجود الكجكول...

تحياتي استاذا ماهر : افسر ليك حبك ليوم 15 لان المرتب يكون وصل الحساب اما هنا بايطاليا هذه الايام بداء الربيع و الأرض كلها تلونت بالون الأخضر و الزهور تفتحت و اصبحت الحدائق كلوحة مرسومة بريشة فنان و تعج بالأطفال اما الشهر أغسطس فيه الاجازه الصيفيه و أكيد شهر ديسمبر الآرض تلبس الثوب الأبيض تكون كلها مغطاة بالثلوج و كثرة الأجازات و تختم برأس السنه ....

تحياتي
اجمل يوم فى الشهر هو يوم المرتب 30 واليوم اللى بعده هو اسواء يوم لانك بتكون وزعته كله ديون طبعافتجد نفسك اكبر مفلس وبعد داك تستلف من البنك المركزى لتتم الشهر اما اجمل شهر هو شهر3 لانه الجو جميل
وفى امان الله

» صيام الثلاث ايام من كل شهر
» اول ايام عيد الاضحي المبارك
» الوصفة العجيبة كل صباح لمدة 10 ايام