مواقف عالقة في الذاكرة

بعض المواقف تجبرنا على الخضوع والامتنان وحتى الزهول ، والبعض الاخر تكبلك لكي تجد نفسك لا تستطيع الحراك إما من جمال الموقف او قبحه.
جئت الخرطوم من قبل اربعة سنة لكي اتلقى تعليمي الجامعي في السودان للعلوم والتكنلوجيا وعندما عزمت رحلة السفر كنت افكر هل سوف انسى من هم وراءي واتطبع بطبع هؤلاء المدنيين تلك الفكرة كانت تجتاحني من وقت لاخر لاجد نفسي في البعض ابكي وفي الاخر اعزم على شق طريقي بنفسي دون الاستعانة باحد وان اكون صائنة لما شبيت عليه من عادات وقيم.
وها انا الان هائمة مع ممرات الامكنة وزحمة الايام بعد انتهاء المراحل الجامعية بخير وشوقي يزداد يوم بعد يوم للبلد وريحة البلد وبحر وممرات مراغة الحبيبة .
قد اكون اكتر من قلت اني ذاهبة لخرطوم السجم والرماد ولكن عندما اجد نفسي في الخرطوم وبين الزحمة وحب النفس والغرور اجد هناك لمعات خير وشهامة ترجعني لتلك الايام في البلد اتمنى ان تكون مازالت قائمة .
نقف صف في انتظار حافلة واحدة للعربي وكمية من الناس ليس غائب صغير او كبير وعندما تأتي هذة الحافلة يركض الجميع (والله صراحة ما الجميع لان بعض البنات بقيفو مكانم خجلة من الجوطة والزحمة للركوب ) وياتي دور امتلاء المركب لتسير وفي المنتصف ينزل شخص وتتحرك مرة اخرى ليحمل ركاب من الامام فيركب احدهم فيقيف في الباب راجل كبير وكمية فتافيت كدا قاعدين فيهب احد الشباب بالوقوف ليتحالفو حتى يصمم الصغير فيجلس الكبير يدعي له بالتوفيق في كثير اتمنى اكون ولد واقوم لي زول كبير لما تحصل وحد منهم ما ينتبه بقوم فيهب جميع الشباب لاجلاس الكبير واجلاسي ويقفون هم مع انخفاض السقف .
بعض من سيقرؤون مقالي هذا سيجدون انه كلام معروف يمكن وكل زول حاسي بيه لكن نظرتي لهذة الامور البسيطة تعتبر لي بداية طريق لرؤية ما خلف الانسان ، تعتريني ابتسامة جميلة (حتى ممكن القريب مني يقول ماله المجنونة دي بتتبسم ).

ولكم الود ولي عودة لانها البداية .

سلامات ومراحب الكمندان وعندك حق المعاملة اختلطت بسماحة السودانين فكونت اجمل عقد والمواقف كتيرة وانتا صاحب مواقف منتظرنك تسرد لينا بعضها.

وابن حلال كنا بنقطع فيك اليوم والسلام امانة كل الاصدقاء في دنقلا بسلمو عليك وبالاخص جمال بركية

عمي واستاذي ماهر يديك العافية ويبارك فيك واولادك .
طيب سؤال اجمل والطف انواع المعاملات واسهلها شنو ؟للجميع السؤال كل شخص ووجة نظرة للامر

الله يبارك فيك ويخليك ياعسل بس دا الدايرنو الميموري كارد بتاعك دي تنورينا شوي .اما مايحصل بعد التخريج فعوضنا الله خخخخخخخ شوية ونلحقكم .