المرحوم كان غلطان

وصل المرحوم عزالدين عيسي قريبا من منزل المرحوم حمزه الامين ولما لمح الاخ شريف برسي من بعيد(قاطع)الزلط متوجه الي (الدكان) اوقف العربيه بشكل مفاجئ ليقول له احد( الركاب) :اطلع ياعزو..مافي زول نازل,,,,فردعليه عزالدين:طالما شريف مشي علي الدكان حيظهروا(الشفع)عاوزين حلاوة الصباح,,,وبالفعل مافي ثواني وظهر (مصطفي شريف)بلا ادني حزر ومعاه اطفال في سن(التاتتي)قاطعين الزلط بكل طيب خاطر ولو لاخبرات السائق لقضي الامر,,,اسوق هذه الواقعه لتقارنو معي بين سائق اليوم وهؤلاء الافذاذ من جيل( شميل وعلي بادي)و(بالمره)كده اطرح ليكم قضيه قد يراها البعض ليست ذات جدوي ولكن الفوضي التي ينتهجها البعض من السائقين علي شارع دنقلا مراغه تثير القلق...وتدعوني ادعو جميع الاعضاء بضرورة تبني( مشروع المطبات الصناعيه)لان هذا الطريق اصبح هو الاكثر كثافه من حيث المركبات والماره من العجزه والاطفال والطلاب من الجنسين..والطريق قد اضحي معبدا نظرا للضروروه مع انه غير مؤهل من حيث كل المقاييس والمعايير لان يكون كذلك,,,وخوفي والله قبل كل الصغاروالعجزه علي اصحاب المواتر (قدوره..جدو..برسي اخوان..عمار يعقوب..خالدنقد..وكل الاحبه)لانو ليس هناك اسهل من مقولة (المرحوم كان غلطاااااان) (فمشروع المطبات) قد قامت به الكثير من الاحياء حتي امبده والثورات كان لهم السبق في ذلك وهيا يا احبه قبل ان ترن الهواتف وهي محمله (بخبر الشوم)وياروح مابعدك روح.......وتمنياتي بالسلامه للجميع

9

الاعلامى المخضرم /اسماعيل
نخن معك يااخى مع عمل مطب خوفا من الحوداث ياحليل زمن السواقين القدامى ونحن العم صالح محى الدين وخليل فقير وساتى بشير وكل قدامى السواقين
مع خالص تحياتى ليك ياسمعه وصلح علاقتك مع الحكومه وصيه من عاقل

العزيز سمعه تحياتي
لما كنا انا والغالي باشمهندس مجدي جارييييييين وراك للتسجيل في المنتدي
ذلك لمعرفتنا ان المنتدي بدونك في مطب مؤقت اصغر قليلا من من نظرتك البعيده
وقلبك الكبير الذي يسع كل البلد
خوفي من رنه التلفون وبدايه الرقم 00249 الا ما تحمل من البشريات
لذلك تحذيرك يجب ان يصحي الجميع
لو نقلت الفكره الي فلان في المسجد الكبير وفلان في المسجد الفوق وفلان
في مسيد المرحوم الحاج نصر وفلان في مسجد اقجه ستجد آذان صاغيه
وسينتبه الجميع الي حجم الكوارث المتوقعه
نسأل الله السلامه للجميع
اتكاءه
قالت مريم تحدث جدتها( المطر شديد والسيل كسر الجسر وفي الليل يظهر القطار
وحياه الناس في خطر يا جدتي) ذهبت مريم وجمعت الصبيان واشعل الصبيان
النار في طريق القطار، السواق نظر النار من بعيد واوقف القطار، ولم يدخل
القطار الجسر المكسور هتف الناس عاش الصبيان مريم الشجاع انقذت ارواح الناس

شكرا للاخوه الجعلي و ماهر وعبدالرحمن والجميل وياسر ابراهيم..خلاص يافتاح حنغير عمار بحماده وحنقول ليه احزر من الشارع الفوق وذي ما غني صديق احمد لودابوزيد(بالدرب التحت لاتمشي خافلو من الكباري وسوق براحه مامتعودين سفر اللواري) وانشاءالله هواتفكم ماترن الا للبشريات.....وياياسر لحدي المساء لوما لقيت تعليق من ناس بحري حافهم حاجه وحاتصل بسعادة اللواء عطا وسعادتو امير ونتم الزلط بصوره عاجله بس بعدما اشاورالعم باشنتود......دمتم

استاذ نشكرك علي اهتمامك ولو موضوع ذي ده ماحيوي كما قلت
يبقي الحيوي شنو ؟؟؟؟؟؟؟
انا علي استعداد بالاتصال بالاخ مدير مرور الولابة لتزليل الصعاب
ان وجدت فهو صديقي ودفعتي
مع شكري وتقديري

تحياالسعاده ويحيي المنتدي اللي ربطنا من جديد بهذه الاسماءالعتيقه الغايبه عننا...ومشكور علي الاهتمام ياجنابو...طبعا انا دفعة جعفر ورغم غيابك الطويل لكن ما زلت بحتفظ بتفاصيلك كلها...وبالمناسبه وبحكم عملي كمقدم برامج بدنقلا تعمقت العلائق بيني والعقيد طارق محمدابراهيم والراجل طلع صديقكم..وهوالان مدير تنفيذي للواء مكاوي...ويمكن الاتصال بيه لتدعيم الموقف...مع خالص تحياتي

الاخ سمعة متعك اللة بالصحة
دائما المبادرات الطيبة تاتى من الطيبين دة هو الطلوب مش المناكفات السياسية التى لاتغنى
اخى سمعة دائما فى رياراتى لمراغة موضوع المطبات دة هوبيشغلنى لكن دائما ناتى فى عجالة ونرجع قبل ان نبدا فى اى خطوة عملية
مع الامنيات لك بالتوفيق

الرائع سمعة ادمعت عينى وانت تعيد لنا زكريات المرحوم العم عزالدين عيسى صديق الوالد العزيز
وكيف انة كان يوصل كيس الخصار داخل الراكوبة ومرات مرات يزودا ويقول الليلة دايرين شوربة
ربنا يرحمك يا ابوايهاب وياريت اى زول يخش البوست دة يدى الفاتحة ولموتانا ....

اماموضوع المطبات فهو امر غاية فى الاهمية ولذلك تدخل العسكر وبلغة الجيش والشرطة تعليمات وماعلى الشباب الا التنفيذ ودمت لنا زخرا ..... بس ياسمعة صلح جنابو لسعادتو وجنابو دى لناس ابركبة ههههههه .... اما سعادتو امجد فبقى حتى فى المنتدى يجى بعجالة ويخرج بصاروخ .... وعلقنا ليك فى بوست عيد ميلاد الهيثم امشى شوفو ....

نتمنى ان نرى مطبات ارضية فى القريب العاجل ........

عدنا والعود احمد وتحياتي لكل من سال عني.....حرصت ان ابدا خطوتي الاولي من هذاالبوست.......لاتقدم بعزائي الحار لكل الاهل والاحبه وانا لفراقك لمحزونون الا ايها الوسيم ناجي جعلك الله مع زمرة الصديقين والشهداء ياصديقي الحبيب.............رجائي يا احباب الاهتمام بموضوع هذا البوست ان اقنعتكم الفكره

الأخ العزيز اسماعيل....بين غيابك وحضورك سقط شهيد.
التحرك السريع مطلوب حتى لا نفجع مره أخرى .

التحية للاخوة الاعضاء

في الحقيقة مادعاني للبحث عن هذا الموضوع القديم

حادثة طريفة حدثت قبل ايام وهي ان احد السائقين الذين يعملون في خط مراغة دنقلا

صدم خروف للاخ اسماعيل عبد الحميد وعندما التقيت بالاخ اسماعيل حكي لي مازحا بانه قد حزر

من خطورة القيادة بتهور خاصة في طريق مراغة وكان قد طالب حينها بعمل مطبات صناعية علي الطريق

حتي ياخذ السائقين حزرهم واخيرا هو مازال يردد (الخروووف كان غلطان



ملاحظة المساهمة هذة كتبت قبل وفاة المرحوم ناجي سري بايام))

العمدة سلام

اليوم خروف وبكره مامعروف حيحصل ايه؟؟

نقول يالطيف

نسأل الله السلامة