الشعر الحلمنتيشي

سيكون هذا البوست مخصص لمحبي الشعر الحلمنتيشي وشعر الاخوانيات
المرجو الاسهام بقصيدة اعجبتك حتي يستمتع بها الجميع

كل القصائد منقولة لجمع اكبر عدد من القصائد الحلمنتيشية بهذا المنتدي

في الليلة ديك
القصة ذاتها بقت عليك يا عبدو وأدوك الشريط
يوم قولنا ليك أنضم معاها وكلّمها
لكن أبيت تسمع كلامنا
بقيت لميض وقلتَ.. أحسن أكون تقيلأ
نا يا جميل باكر بعد باكر
بكهربها ليك بي نظرة
كتيل وبقيت تقيللا
من سقوك موية الغسيل
يوم جيت تنطط زي زمان
وتباري بقعور الشجر
كايس كراسي الخيزران ..
وقعدتَ يا زينة الرجال
كهربجي قال رفعوا الستار
والبت تجي وتمشي و تلف
ومرات تقيف ومعاها كان زولاً حريف
والوقفة كان وقفة ولف
وصاحبنا بالاحساس عرف
وسألتَ والناس كلّموك
ملعون أبوك دنيا أم قدد
بقت البقت ووقعتَ في شارع الزلط
تبكي وتجعّر والعيون اتورّمت
يد القميص.. ضهر القميص.. كم القميص
حتى الفنيلة اتشرّطت
يا عبدو عيب قوم يلا صلي على الحبيب
الواطه صبحت داير ننوم
يا أخوانّا لأ أنا عايزأموت
أقع البحر يا عبدو عيبا لدنيا حر ..
والموية بتسخّن عليك
ثلاثة ساعات في الطريق
وزولنا قاعد يسب ويكيل
ودموعو سايلات بالكفوف
وشرايطو تلمع في الكتوف
بقى فيلسوف
شي كلام عن الدنيا أم قدود
وعلاقة بين يوما لسبت وعين الحسود
ومقارنات بين الجمال والجهل وسوء الإختيار
قال شينة قال ...! قال شينة
قلنا كلام صحيح و خطيبها زاتو ولد قبيح
بس ياخي قوم الواطة ليل..
دايرين ننوم
قام تاني جاب سيرة البحر
وقام تااااااااااااااااااني جاب سيرة البحر

سمـاحـتـك عـقّـدتـنـي عــديــل
أعـايـن لـيــك دمـوعــي تـسـيـل
أكُـر فــي الحـمـدو عشـريـن مــرّة
وأقــرى معـاهـا ســـورة الـفـيـل
ولمن تمسكي المنديل وتمسحي بيو كحل عينيك
لـمّـي الـدمـعـة فـوقــوا تـسـيـل
أعـايــن فـــي عـيـونـك ديـــل
وأقــول أريتـنـي كـــان مـنـديـل
مــا بنـفـع كـــلام يـــا ريـــت
نـوعـي ده مـــا شَـبَــه مـنـديـل
مـلامـحـي قـريـبـة للـصـارقـيـل!
كـيـفـن بـــس أكـــون مـنـديـل
ولــمّــا تـقـومــي مـنـعـدلــة
وتـقـدلـي لـيــك كـــم قــدلــة
أفـنـجــط بــــي وراك ســــاي
الــتـــقـــول ســخـــلـــة
أعــايــن وأقـــــول هَـمَــلــة
وحـــلاة الـقـدلـة فـــي أهـلـهـا
حلـيـوه وتـمـشـي بـــي جَهـلـهـا
وتـتـقـصّـد مــشــي الأصــلــة
وأنــا الفجـغـونـي بـــي عَـدلــة
أنــا الـيـادوب فــي دنـيـا الـريـد
منـاي يــا رب ســلام فــي الإيــد
عـيـونـك زي عـيــون الـصـيــد
كُـبــار زي خــــروف الـعـيــد
تـكـهـربـي بـيـهــا خــلــق الله
ونـوعـي ده عــاد جنـونـو يـزيــد
وأقـول يـا رب تسلّـم لــي أو سـاكـت
تأشّر لـي، وكـان غمـزت ده يـوم العيـد
وعينـيـك طالـعـا بينـهـا طـــوّاف
لا الـكـبـكـابــة لا الـــرجّـــاف
تـقـول رشّـونـي بـــي البـفـبـاف
يــجــيــنــي رعــــــــاف
وأقـعـد ألـــف، عـيـونـي تـــرِف
وأقـول أكيـد ده أثــر فـطـور الـفـول
لـمــنّ تضـحـكـي فـــي نُـكـتـه
التـقـول لبـعـونـي بـــي شـنـطـة
وأكــب فــوق العـصـيـر شـطّــة
وأقـرطـع مـــا أسـيــب نُـقـطـة
وأقـول "يـا ســلام عصـيـر لُقـطـة"
وإنتِ تقولي"بالغت وشربت الشطّة يـا إنـتَ"
مالها الشطّـة، مـا شربـات عصيـر كُفتـه
عصـيـر جـركـان مـــن الـدُكّــان
يـتـرشّـه فـــي صـحــن فـتّــة
مـــا مـهــم شـرابــي الـشـطـة
والـمـهــم الـكـلـمـة "بـالـغــت "
و "شـربـت الـشـطّـة يـــا إنـــتَ

طالبة عريس

لي إيــدينا بنــــــــرفع *** والعازب كلو بيســــــــمع
نفوسنا كتير مشــتاقة *** للراعي دوام نتضـــــــــرع
شعارنا عريس متواضع *** ياخي ياقدر اسمع أجمع
نحن البايرات في لهفة *** والعمـــــــــر ولـــي وودع
نحن مساكين ياجماعة *** وللجنة دوام نتطــــــــــلع
لو واحد قام وأتقــــــدم *** في لحظة نلبي ونسمع
***
بلاش عربيــــة خصوصي *** مالو الكداري دا هســـع
بلاش من شبكة وشيلة *** بي أبســط حاجة بنقنع
البيت ماشــــــرط عمارة *** دي مظاهر ساكت تخدع
لي جنة نضيرة نحــــــول *** البيـــت الخرب البجمـــع
ما شـــــرط تجيب تلاجة *** كفاية الزيـــــــــــر البنقع
***
ما دايرين كبدة وشـية *** بي ويكة تقيلة بنشـــــــبع
ما أصلو شــبابنا الودع *** ما ممكن تانــــــي بيرجــــع
أحلامنا الكانت بــدري *** ما عادت تانـــــي بتنفــــــع
دايرين الشاب الأغبش *** حتى لو فقــــــران ومقطع
لانو الفيهو الفايــــــــدة *** ليهــــــــــــو دوام نتطلــــع
حياة الســــــترة أملنا *** انشاء الله ربنــــــا يجمــــع
يحن الله عليــــــــــــنا *** ونشــــــيل أيدينا ونرفـــــع
***
للرب شـــــكوانا بنرفع *** والبايـــر كله بيســـــــــــمع
في دربك يامـــا جرينا *** والعين الســــــاهرة بتدمع
كم مرة ايدينا اتمـدت *** والرد الجــــــارح اقنــــــــــع
احلامكم والله غريبــة *** وللعـــــــين بتزغلل وتذلــــع
طلباتكم لينا تحيــــــر *** جايين تتواضعوا هســــــــــع
ما جينا زمان شن قلتو *** يافقير يامقطـــــــع أرجــــع
***
ما عندك حق الســــــــفة *** لابس دمـــــــور ومرقع
دايرين العنــــــــــدو مصانع *** لو كان لي غيروا بيركع
ما جينا زمان شــــــن قلتو *** يافقير يا مقطـــع أرجع
في جيوبك ساكنة عناكب *** لو كان باعوك ما بتنفع
دايرين العنـــــــدو الفـــــلة *** لو كان حنكوش ومدلع
ما جينا زمان شـــــن قلتو *** يا فقير يا مقطـــع أرجع
***
لو ماشـــي لآخر الدنيا *** تركــب رجليك تتبرطــــــع
دايرين العنــــــــدو البنز *** لو يبقى عجـــــــوزاً أصلع
ما جينا زمان شن قلتو *** يافقير يامقطع ارجـــــــــع
يا البيتـــك مبني زبالة *** ومن غير فيضــــان يتزعزع
دايرين العنــــــدو الفيلا *** لو كان صغيـــــر بيرضــــع
ما جينا زمان شن قلتو *** يا فقير يامقطـــــع أرجــع
***
وموكيتاً فخـــماً فاخــــــــر *** ونجفاً بالـــدر مرصــــع
والكندشة فريون ضــــاربة *** وثلاجة فريــــــزر تجمع
بي فيديو كاسـيت وأتاري *** نتسلى لو وكتنا نضيع
ما جينا زمان شـــن قلتو *** يافقير يامقطع أرجــــع
***
دايرين زنقيل ومقنــــــدل *** لو كان تمســـــاحا يبلع
والعملة الحرة ضــــــروري *** والمهر دولارا يدفــــــــع
وبشرط الشــيلة العامـرة *** والكرسي الجابر يلمـــع
وذهباً مختوم وأســـــــاور *** مليانة الإيد للأصـــــــبع
وضروري الحفــــــلة بوردي *** والكابلي اللحنو موقـع
ونقضي عسل في أوروبــا *** ونطوف العالم أجمــــع
بي لندن وروما وموســـكو *** وفينا المدن الأربــــــــع
نلبس في الكاسي العاري *** ولو طلعت موضة بنتبع
وناكـــل فاكهة طـــــــازجة *** وبالخير نتمتع ونشـبع
أفلامـــكم والله عجيبـــــــة *** خلونا نحمض ونطبـــع
ماجينا زمان شـــــــن قلتو *** يامبهدل أوعك تطمـع
***
مد رجليك قـــــدر لحافك *** وشوف ليك طـورية وأزرع
لي مين تتقــــــــدم انت *** يا قرد ياقبيح يا مبرقـــــع
كيفن بتحـــــب يا أغبش *** من غير شاكوش تتفرقع
لو كان بنحــــــــب الزيك *** ما أخير الموت الأســـــرع
لو مت وفاتك تفــــــــــرح *** ولو عشت حياتك تفجـع
ولو تبقي ضراعي الأيمن *** في لحظة بنقطع ونجدع
***
ما قلنا الدنيا دي فانية *** وآمالنا مظاهـــــر تخــــدع
اختاروا العندو ديانـــــة *** الديمة وشـــــــو بيلمـــــع
قلتولنا خلاص انتظـــرو *** الحــور في الجنة بتنفـــــع
الليلة قطـــــــركم صفر *** والعمـــــــــــــــر ولى ودع
عجزتو قعــــــدتو تقولوا *** واشبابنا الأغبـــــش أجدع
ماجينا زمان شن قلتو *** يافقير يا مقطــــع أرجــــــع
***
ما جينا زمـــان ليه كنتو *** جاهــلننا زي الشــــــــفع
ما خلاص الليلـة وقعتوا *** من قد القفة الأوســـــــع
والليلة قطركــــــــم دور *** وقعتوا في وش المدفــــع
رافعين الراية البيضـــــاء *** لكن هيهــات ما بتنفــــــع
رافعين لعرس جماعي *** وفي العشرة ألف ما بنطمع
وهنياً ليكم كبدة وشية *** بعـــد الأضراس تتخلــــــــع

f
تدفق في البـطـحـاء بعد تبهطلِ وقعقع في البيداء غير مزركلِ‎

وســار بأركان العـقيش مقرنصاً وهام بكل القارطات بشنكــلِ‎

يقول وما بال البـحاط مـقرطماً ويسعى دواماً بين هك وهنكـلِ‎

إذا أقـبـل البعـراط طاح بهمةٍ وإن أقرط المحطوش ناء بكلكلِ

يكاد على فرط الحطيـف يبقبـق ويضرب ما بين الهماط وكندلِ

فيا أيها البغـقـوش لسـت بقاعـدٍ ولا أنت في كل البحيص بطنبلِ‎

معاني الكلمات

تبهطل : أي تكرنف في المشاحط

المزركل : هو كل بعبيط أصابته فطاطة

العقيش : هو البقس المزركب

مقرنطاً : أي كثير التمقمق ليلاً

البحطاط : أي الفكاش المكتئب

مقرطماً : أي مزنفلاً

هك : الهك هو البقيص الصغير

البعراط : هو واحد البعاريط وهو العكوش المضيئة

أقرط : أي قرطف يده من شدة البرد‎

المحطوش : هو المتقارش بغير مهباج

يبقبق : أي يهرتج بشدة

الهماط : هي عكوط تظهر ليلاً وتختفي نهاراً

الكندل : هو العنجف المتمارط

البغوش : هو المعطاط المكتنف

البحيص : هو وادٍ بشمال المريخ

الطنبل : هو البعاق المتفرطش ساعة الغروب‎

بقي ان اقول لكم ان قائل هذه الابيات هو الشاعر الكبير (الليث بن فار الغضنفري

نـــــــــــــــــــــــــدى

قلتي ليّ سموك ندى!؟!

وده منو السمّاك ندى؟

ده أكيد أبوك

إنعل كِدة!

فيك شنو يسمّك ندى!؟

في صوتك أتخن مننا

إضنين كُبار زي دِشّنا

وتقولي ليّ سمّاك ندى!

خشمك ده ريحتو معفّنة

ايدين كبار حقات بُنى

وتقولي لي سمّاك ندى!؟

المشية كتّاحة وعلال

كرشك تقول شايل جَنى

وتقولي لي سمّاك ندى!؟

قالت لي "ها هدى في البطاقة إسمي ندى"

شوف يا أخ..

مافيش علاقة بينك وبين ندى

خلّيها ندى ..

خالت قريبة جارت صديقة ناس ندى

ما فيش علاقة

ندى في العيون أكحل مجعّد مسوّدة

انتي العيون فوقن قضى

ندى في الحواجب زي هلال

قصة نصوم دي مؤكدة!

انتي الحواجب دلجة بس

قلم الحواجب هاردها

وتقولي لي سمّاك ندى!؟

ندى تبتسم آلالاف مؤلفة تسعدها

وانتي الخشم شارّة التلاليش

بس طبق ومغطّي صينية الغدا

ندى في الوشيش نظرك بشيش..

ما يعقّدها

وانتي الوشيش وش الجحيش

نخرين كُبار كُرعين ردا

وتقولي سمّاك ندى!

قاتلي "آي أنا إسمي ندى"

شوفي أوعك تقولي اسمك ندى

ندى ما بس الاسم

ندى الجمال زايد الأدب زايد العلم زايد الفهم

ندى في الجمال ما شُفنا أجمل من كِده

ندى في الدلال خصّاها بيو رب العباد حين أوجدها

ندى في الأدب ..

ربّوها بيو رجال ياكلو النار مولّعة موقدة

ندى في الكلام

طبيعي صوتا بيجيب صدى

ندى في "البزاغ" ..

شربتي "سفن أب" ياهو ده !

وتقولي لي سمّاك ندى!

ايكون ده شنو ؟؟؟

هو زى طالع
وما طالع
وزى واسع
وما واسع
وزي واقع
وما .. لا اظن واقع
إكون دا بنطلون شافع !!؟؟
إكون دا شنو؟؟
إكون لابساه بالمقلوب؟
إكون نص توب؟
هه يا المتخرجين يا دوب..!
إكون دا الروب؟
إكون دا شنو ..؟
كيف يا شاب
إكون شراب..؟
الشراب تحت ما فوق
إكون دا بنطلون مشنوق؟
حاجة عجيبة مالية السوق
إكون طاقية ممطوطة؟
إكون فوطة ...؟
غايتو عمل جنس جوطة!
إكون دا شنو...؟
إكون ماكسي ..؟
إكون عراقي بالعكسي؟
غايتو يا ناس جنس لبسه
تخلى الزول اموت هسي
إكون دا شنو..؟؟
ناس قالوا إكون فركه!
وناس قالوا
إكون باقيهو
واقع منو في السكه!!!
وواحد قال:
إكون سروال بدون تكه!!!
دي ما شبكه
إكون دا شنو؟؟؟
إكون دا بنطلون نص كم
إكون دا ردا وعندو جضم
إكون بى كم ؟؟
إكون دى بلوزة مجروره؟
إكون دي ملايه مفروره؟
ولا اكون لبس كوره!؟
دخلو موضه كندوره
دا برمودا .. دا برمودا
امانه وقعتك سودا
لبستي الليله برموادا؟؟
بكره تجينا بالشراب
وبرضو تقولي لي موضه

دنيا غريبة

ناس ضايقاها ماكنتوش
وناس دافساها صحنين بوش
ناس نادوها ناريمان نهى وإيمان
نزار هيثم أسامي رشوش
وناس نادوها يا كلتوم ويا فطوم
وود بعشوم أبو طربوش أسامي بروش
ناس في الحب بتدخل توش
بدون تقديم بدون تلميح معاها قروش
شبح موديل سنة ألفين بيملى الحوش
وناس بتريد بكاها يزيد وما بتوصل
دوام يدوها بالشاكوش
عشان تعبان مفلس تب ما عندو ماكنتوش
وتسمع لب لب لب
وراسو يدوش ويبقى عموش
يقولوا عليهو شهيد في الحب ومات مغشوش
وحالي البي أصبح كيف
ده من شفتك غشاني خريف
مطر من جسمي نازل شو
ويوم سيرتك يجيبوها
أبقى أخاف أكون رجاف
بدل رفدور أرش بف باف
قميصي الساوي لي غلبة
مسكتو لبستو بالقلبة
أدور أنضم أتمتم زين
أمرق الكلمة من علبة
واتلخبط
كراع جزمة واعين التانية ألقى شبط
وأكون ملخوم ..
أشوف سنير .. أقول برلوم
أمش شمبات .. أقول أم دوم
أشوف شندي .. أقول خرطوم
أقلب الحال .. ليلي سهر .. صباحي أنوم
واحلم يوم
تكوني معاي ونطلع في مكاناً هاي
تشربي كولا واقعد ساي
أتوه واسرح وانم دوباي
وا أسفاي وا أسفاي
على قلبي الصبح بكاي
وشن بنسوي لما نشوف قمر ضواي
يطلق النار يشع جواي
ويبقى مناي .. أعاين ليك صباح ومسا
واجر السبحة أقول مدحة
سراي سراي
مناي ألقاك يا السمحة
مناي تجودي بي عينيك قد لمحة
ولمن تلبسي الطرحة .. تصاب معدتنا بالقرحة
ويجربوا فينا كل علاج :
هستامين .. كلودكوين
دة لا ينفعنا إنتستين
ولا يشفينا دربكينين
وما عارفين إنو علاجنا كافلجين
وكافلجين علاج لكل مرض خطري
علاج للبشري والبطري
وأشوف قدري
أكان حبيت وشاع خبري
أكان كفت الهموم كفري
وقبل أموت .. أقول كلمات
أوصي بدفني في الأحفاد
ويبقى فراشي في شمبات

ود بانقا أسمع بقى
أصلوالحريم ديل دربهن درب الشقى
و إنت مش أول بطل تطلع قضيتو مطرشقة
والقمرة كان تشابى كان تطلع جبل ما بتلحقها...
بت الأمين يا نجمةالليل الحزين
الفي سماها معلقة
ما ليك حق تتسدي في ود بانقا
ولدا ظريف حافظ العلم
حل المسائل و فرتقها

تغُشيني وتقولي لي بحبك زين
وانا المسكين وانا المغوش وتاريك لاعبه علي الحبلين
يا غشاشه يا دجاله احبك سيف جديد وسنين
يقطع ليك ادياتك يكسر ليك كريعاتك
يخليك طير بلا جنحين
تطيري سنين وما تلمي بدل واحد تحبي اتنين
واظن عشره
نحن عندك ذي فستان كم طويل وكم قصير
واحد للبس بالليل واحد في الصباح تاتيل
احبك صرمه يا ضرمه واحشك بصله قاؤرمه
واسويك فته لطاشين
برضو تقول لي بحبك زين
وكل قطر رسالاتك تجيني مطر
حبيبي اللونك الاسمر
بلاك الدنيا ما بقدر
قطر يشيلك يوديك السما الاحمر
يشيلك زي هبوب طوكر
وانا الكان مناى نكون اتنين
نسكُن في قصر عابدين
وازور بيك لندن ديك يا السمحه واوديك فسحه لبرلين
لكن فورتي علي دمي
وكترتي علي همي
وانا البوراك نسيت امي
ونساك ربك
برضو تقولي بحبك زبن
احبك سيف جديد وسنين يقطع ليك ادياتك
يكسر ليك كريعاتك يمعط ليك شعيراتك
يخرب ليك لقائاتك يخليك شينه بين قوسين
طالب ربي يوم يبلاك بواحد يكون عنتر
عضلاتو حديد ادياتو متر
يطرشك كف يلفك لف يلخبط ليك وشك المبدول يخليك لا قرد لا زول

سلبطة !! شعر حلمنتيشى!!!!
بحبك
منو القال ليك بحبك
حصل شفتيني اتكبكبت
ولا جريت انا في دربك
ما ساكت قدر مكتوب
كان جابني وقعد جنبك
ولمن كان بعاين ليك
ماعاجبني لون عينيك
ساكت كنت بتسلي
وبفكر في خلقة الله
وقادر انت يا الله
كيف خلقك
وكيف رسمك
وكيف سواك قوريلا
ورقبتك ناطة منسلة
وراسك ذي غطاء الحلة
وكلك توب وباروكة
ياملوخية مفروكة
وبرضك تاني ليكي امل
برضو تقولي شاغلتك
اشاغلك ليه رماني جمل

قالت ليهو : ما لك بتاكل السندويتش حفار حفار
انت فار؟؟
قال ليها :بقيت مجنون بقيت محتار بعد ما زول طويل عريض انا فار؟؟؟؟
يا احلى كديسه في الدنيا
عليك ربك تبلعيني
وماتفضلي شي..وكان ده حصل بكون يا بُرّه اسعد فار
وانطط جوه في بطنك وانغص فيها للاسرار
واقيف اتـأمل الكبده والطوحال..تقول رادار
واخزن جوه في المعده
وافتش لي لكسره ما القى
واقبل جاي ده همبرغر
وكمان بي جاي جلي وكاستر
وكمان بهناك عصير مانجا..
وكمان اصفــــــــــــــــــــــــــر
مصارينها مستّفه بي عسل سكر
مش زي مصارين السماني ملفلفه زي حبال بمبر..
واطير ليك فو وفي الفشفاش اتحكر
وانط طوالي جنب قلبك واشوف الدم هداك احمـــــــــــر..
ابحلق جوه في بطنك اعاين القى صورتي انا..؟؟صورة الفار!!
اها يا عالم ده ما سبب البلع زاتو
اقول يا بره خارجيني..تقول لي نياو
عليك ربك تخارجيني..تقول لي نياو
بحبك ياخي خارجيني..تقول لي نياو
وتتوكل تتطلعني من اجمل فيلا واحلى سجن
يمين من جوه فيها بطن...مفرهده زي زهور الفل
بتعمل نكهة النعناع مطعمه بي طعم ليبتون
وفيها نسيم يجيك بــــــــــــــارد ..مكندشه بس تقول هيلتون
ده من جوه..
ومن بره
تحلف بس تقول يازول واحد شل ليهو حبل وربطه وفي القمر جره
ولما تجي وهناك تقعد
تقوم من تاني تنفره
واشوف الخاشي ماشي بره
واحس بي قلبي فرّ فرّ
سجنتيني وجاري وراك مابنساك وما بتخلّى
حتى لو الزمن عاند
حتى لو السهم جلّى
بموت فيك موت ياسكرانه يابت القرد

كل ما اقول للناس كلام
الناس تقول .. لا ما كده
كل ما اقص لى بنطلون
يطلع قصير ذى الرداء
وكل ما اقول جبتا النجاح
تطلع شهاده مقدده
اه يا مغص .. اه يا آلم..اه يا ندى
ما ده الزمان كاسر قلوبنا وهاردا
ادينا ياخ جرعة حنان
حقنة آمل
كبسوله بسمه وغروده
وانا ما حكايتى معقده
بتعشى ديمه مع الصباح
باكل الفطور بعد الغدا
فى يوم مشيت جنب البنات
من نوع شهيره وشهرذاد
حاجات...كده
وظهرت ندى
ملكة جمال متفرده
قالت لى وين يا حدب
كيفك كدا
كيفى كدا
الحقنى عوك يا مرتضى
اخوك اعصابه بايظه وهامده
زى شنان وكت كندوره مزق ليك
شباكه وقدده
مريخ عديل حاكه المورده
قلتا ليها شوفى يا بت الحلال
دفترى حابى دفاترك ورايدا
وحلف يتقرى عمل الحكايه معانده
وشبشبى حلف ما يمشى خطوه ولاقدم
إلا يشوف كعب عاليك ده
وقميصى حابى بلوزتك الحلاتا مورده
وشوفيه من كتر البكاء
كيفن اكمامه بايظه مهرده
وجريونا حابى جريوتكم شدييييد
فى الحله من دون الجريوات رايده
قلتا ليهو شينه ومقرده
حلف يقتنع عمل الحكايه مكايده
وانا ذاااتى يا ريحانه يا متفرده
احوالى كعبه منكده
يا ام تحبينى واموت
والروح وراك مستشهده
يا ام تشوكشينى واموت
ووصيتى واحده محدده
قبل الدفن والفاتحه
ديك ما يقروا تشهدا
يكتبوا فى قبرى
بى خط عرييييض
فى لافته فوووووق

واااااااااااااااااااااااااااااااااي يا ندى
سجمي خالص ووووب علّي جداVery Happy

آآآآآآآآآآخ يا ندى
الشاعر محمد على عبدالمجيد (الجو الرطب)

كل زول في حياتو يا ما تمر قصص وقصص غريبة معقدة
وأنا جيت هنا داير أحكي بس قصة ندى
في حد ما بعرف ندى
السمحة – لون القمحة – شكل الوردة بقطر الندى
فرح الطيور لمن تشوف النيل عليه ترك وتبسم للطبيعة مغردة
ندى – اللفتة عندها يرتعش ليها النسيم يمسح خدودها يورده
والنظرة ليها حال الحلة وكتين الفجر يمتد نوره يزيح بواقي الضلمة لمن يطرده
لي حسي ما عارفين ندى !!
ابقى الكلام يا أخوانا شكل اللحظة لما يبين وراء الصوت الصدا
نـــدى..نـــدى..نـــدى
واللسه أكثر من كده يوم جات تزور حلتنا ست الناس ( ندى)
الحلة حيوناتا هادية أليفة وأكثر من ظريفة وكل شيء ليه مدى آآآآآآآخ يا ندى
حيرتي كل الكائنات .
شوفي الخروف القلنا جاع لمن ظهرتي قام هدا ما قالا باع بع بع كدا
باااااااااااااااااااااااااااااااااااااااااااااااع يا ندى
شوفي الجداد شافك كدا عاد هاج وماج خلا المنام والغتغتا
والشي الغريب البيض كمان بطلع براه من دون غتا
آآآآآآآآخ يا ندى
ديكنا لمن قام يعوعي وشاف بسيمك براحة كتكت للجدادة وسكتا
هوس هوس ديك ندى
والتيس وهم حرد الغنم غمغم كثير عامل بغير

آآآآآآآآخ يا ندى

شوفي الكلب الكان بهوهو في الدرب خلا النباح
حتى الحوامة الفي الصباح خلاها راح – شمشم وراك كل الحيط لا خلا لستك ولا عمود لا جزمة واقعة ولا ردا
لمن تعب لملم أضافري وعضعضا
آآآآآآآآآآخ يا ندى
تجي تشوفي الكلب ولا الخروف التيس ولا الجداد الديك ولا الحمار
الحمار الكان بهنق بالهظار شافك طرب وقع أنقلب وفضل يغني
الحمار بقي يغني وجاب معاو ديل كلهم
الكلب بيجاي يهوهو ظابط الإيقاع تمام
والتيس بجاي يهرمن والخروف ما بيز تقيل سوها فرقة جاز عديل
وأنا وسطهم عاد شن بقول تعالي
تعالي شان تلقي الكديس الكان بنوم طول النهار خلا المنام وأكل الحمام
ناو زاتا راحت من لسانو جي يقولا ناو طلعت نوى
اختار كمان وقعد يمسح في أضانو يجي يقولا ناو تتطلع نوى قال ده شنو دا الحوش دا لازم فيو صدا
خشا البرنده وجددا آآآآآآآآآآخ يا ندى جوة البرنده ناو زاتا ما طلعت ندى تعالي
تعالي شان تلقي الحصل جد ما كضب أو دبلجة تلقي الكديس للليلا فارق يا ندى
في قصة أغرب من كده ما أعتقد مش كدى

يااااااااااااااااااااااااااااااااااندي [b]

حباب بترولنا فرحانين

ولي جيتك رجينا سنين

طلعت روحنا قبّالك

وطلّعوا زيتنا معصورين

قالوا بطون ، تربطوها .. ربطانها

هم فكّوا .. بقت كرشاً تشيل جاهلين

قالوا دقون ، تربّوها .. ربيناها

هم حلقوا .. صبحوا مُلُس حلاتو حسين

قالوا تدكّوا .. دكيناها

بس جرّونا ليك خمسين

أخدنا السيك وفي قبولنا

ورق يا أخوانّا فيو "آسين"!

لكن بس خلاص سودانّا بتصلّح

وتبقى "أمبّدة " زي "برلين"

تعال شوف كيف جنيهنا يعود

مكانو الفاتو ليهو سنين

جنيه حيساوي اتناشر

ما "دولار" "استرلين"

مزارعنا بتدّور جد.. مزارع فول وأب سبعين

وزيت السمسم قصب سكر ..بنلغي بطاقة التموين

نسوق عرباتنا نص الليل ..ونحرقوا ليك جِنِس بنزين

وتبقي الكهرباء بي بلاش

لا أمطار أبت تهطل ..ولا طوربينا خشّاها طين

والغسالة كهربا بل .. تكوي براها لو عايزين

تعال شوف ليك جِنِس تكييف

ونوم يا زول لحدي اتنين

بدل سودان .. نكون صفران .. نكون بويضان

ونبقى بويض ومرتاحين

والطب زاتو يتطّور .. نركّب للمريض قلبين

دكاكين حقّت اسبيرات .. كلاوي كِبَد أذين وبطين

دكاترة يجونا من برّة..دكاترة يجونا من لندن

عشان القحّة والتسنين!

علاج مجّاني ندفع ليك لو تمرض

منو البمرض! يقيسوا الدم ميّة وعشرين

والتعليم يكون ثورة .. تعم الناس ويفهموا زين

عشان ما يسامحوا زي أوّل

الياكل الناس باسم الدين

يجينا وزير كلامو كُتُر

يخت الخمسة في الإتنين

حندخل عاشرة وحداشر

قراية الجامعة بس سنتين

ينظّر زي فلان داكا ..محامي من أهل لينين

والبسقط ننجحوا لو وحيد أمّو .. عشان مسكين

ونلغي مدارس الوزرا..وينجحوا ناس خلف والزين

والقانون صريح واضح .. مصدّق لي كل زول بيرين

تعال شوف المشاكل عاد ..بيري وبيرك اتفتحوا

وياخ سلّفني طن بنزين

وعايز لي استخدام بتاع علماء فللك اتنين

وعالم ذَرّة متمكّن .. عشان ياخ ولدي ساقط دين

آدم موسى من دارفور

عاوز ليهو بيّاعين للتنباك .. عشان أصلي

يكونوا هنود وجامعيين

وواحد عندو كافتيريا .. خَلّى الحبشة والصومال

قال لبنان وسن عشرين

عاد بنّوتنا باراً جد..مع لبنان واستنطبول

بنات تلقى الشَعر مترين

وما غاليات عِرس الواحدة بي ألفين

ونتبوبر عاد جِنِس بوبار ..كلامنا يكون طرف نخرين

أكيد سوداننا بتطوّر (عشان بطوّر

لو حاكمنا كل سارق ..وكل غدّار بس سنتين

أكيد بترولنا راح يطلع .. وبنسيّروا بالعديل والزين

بس البترول هو ما بنزين..هو الإيمان صحيح ما غِش

هو شرع الله ما تلوين

كيف بترولنا بس يطلع

بترولنا الدهب ..ماسات في المنجم

ومنجّمنا ياهو الدين [b]

واصل من غير فواصل

حــبــيـــبـــتـــي I love you
ومـــــن حـــبـــك I shall die
مــن شِــدّة مـــا إنـــتِ beatiful
شـعــري الــفــي راســــي fly
I see فــــــي عــيــونــك sea
I can't swim بــــــــــــراي
when I see you فـــــــي الـroad
going to the shop بــــي جــــاي
cutting the زلــــــــــــــط
on foot with shoes small and high
I don't know what I can do
I can't believe my eye

انجليييييزىىىىى
كل ما أقبّل وأعاين
ألقى عينيك جات في mine
حاجة very good
حاجة fine
يا suger مصنع كنانة
يا flour مالية البطانة
إنتِ fantastic banana
إنتِ my eyes رتينة
إنتِ where is مابتجينا
إنتِ عينيك فيها light
إنتِ شعرك dark night
إنتِ طبعك كولو right
إنتِ my heart إنتِ نورو
إنتِ my love البدورو
عايز أشوفك more tomorow
عايز أشوفك more tomorow[/b]

يا اللي ريدك فيني طبعة .... يا المكسرة فيني ضلعة
يا البجيك في الجامعة دايش .... يوم خميس ألقاه جمعة

يوم أشوفك ... قلبي ينتف .... عرقي ينزف
وابقى اشوفك سبعة سبعة
" أصلو ريدك جاني فجأة " .... وأدى لي صنقوري كبعة

****
يا طبيبة ... يلا شيلي القرقريبة
ويلا عوسي قليبي كسرة
ويلا دنكلي منو لقمة .... والعبيبا

عل بس شيليها مرة .... وابلعيها كالجاتوه
خليهو يسأل جوة يسأل .... والبيسأل ما بتوه
ولما جات المعدة تهضم .... قيل مهلاً اتركوه
أنه لا يطلب شيئاً
إنه قلبُ ُ متيم .... جاء يسأل عن أخوه

*******
قد سألتك لا تجافي .... إنه حب خرافي
ما بسيبك .... كان بترضي وكان تخافي
ما بسيبك كان رضيتي وكان أبيتي
كان وقعتي .... وكان جريتي
كان عقب طلعتي زيتي

ما بسيبك .... كان خلطتي الأمة جملة
كان طلبتي المهر عملة
وإن طلقتي علي نملة

ما بفوتك إنت ملي
كان بترضي وكان تملي
ما بفوتك إنت للي

إنتي أقري .... وكل معلومة بتفيدك
يا حلاوة المايكروبايو .... جاري في موية وريدك
كل جرثومة بتريدك .... صارو هيلك من عبيدك
وإنتي للباثولوجي تقري .... أصلو شيتاً دمو بقري
علة جنبك يبقى ساهل .... وفيهو تجري

******
وإنتي يا أشطر طبيبة .... يلا شرحي فيني حلي
فرتقي الجواي وسلي

تلقي روحي مناها ريدك
والعلاج جاهز في إيدك

ماهو كم كبسولة "فاليوم"
إسبرين أو كان يورانيوم

العلاج جاهز في إيدك من سنين
العلاج يا انتي آخذ حقنة حُب أو حبتين
من عيونك .... من كلامك .... كلو ريحة بنسلين
واشفى من كل المواجع .... وأبقى زين

حاجة عجيبة ودنيا تنسّي

ناس اغتربت تمشي المانيا

تمشي اليابان ونيوجيرسي

حاجة عجيبة وجات بالعكس

من الصين وللسودان

الجكس اغترب وباع الفيكس

واحدين قالوا جونا هنا

لأنو هناك حرارة الطقس

واحد قال بكين بالنص

للسوق العربي رماهم بوكس

وميه الميه بايركس

وبايركسنا كمان بايركس

السودان ضاع وضح النهار

من غير ما لبس

والشوارع دقداق تفتل دركسون

وتحل جربوكس

ومن الصحافة زلط وللخرطوم بالعكس

ثقيف مشرور وتهتز زي البترول

وما يفضالك كرسي

نهارك ضاع من تصبح لامن تمسي

ركشه هنا وركشه هناك وللصالح العام

أحالوا التكسي ..

الدفار جاك وهاك يا كوداك

تصل عرقان وقميصك ************ان

وحالتك يخسي

راسك زي سخّان يغلي غليان

وما يساوي الفلس

]

راجى جردل ال************

تزكّري قعداتي قدام بابكم

متنفّر في عتبت الدكاني

مستنّي أخوك يفارقك

وأخوك كبسة معاكي في كل مكاني

مستني تكشحي موية ال************ بجردلٍ

يا جردلاً شالته أحلى يداني

تذكري قعداتك في حفلات العرس

مدهونتاً ملفوفة التيباني؟

ويقوم مفعوصاً يلوّح وسطه ويدعوك

للكاروشة في الميداني!

يا ليت لي سماً زعافاً

لقرضتهم قرضاً بلا إحساني

حتى العريس وعروسه

وغرغرت باقي السم للفنانِ

وكوركتُ، يا ناس المطافي

فلتطفوا نار الحب من مصراني

وتأمروا هذه البنت أن تحبني

ما دامت أبت ريديتنا بالاحسان

الزمن الضائع

متين يا الله ألم الفكه
أجيب الشيلة واسوي الشبكه
وأمي تزغرد بي طول صوتها
وأنا مبسوط وظابط الشكة
هدومي معطنة بالأرياح
ريحة الخمرة وريحة الدلكة
واطبع للعيزومة كروت
حاشاها الما زي كرت البنزين
جميله زاهية في ورق التوت
وتحت الإمضاء مشكورين
لأنها لحظة ما بتفوت
وإلا تكونوا مبسوطين
ويجوا الأولاد بوجوهاً نادية
يقشوا الفسحة الواسعة وهادية
نرًكب فيها الصيونات
ونعمل حفلة بود البادية
ولازمن حفلة تكون صباحي
أشفي غليلي وأداوي جراحي
من زمن العذابة الأغبر
السًود عيشتي وزاد لنواحي
أفك القيد من قلبي وأغني
حبيب الروح وغني يا صاحي
وفي العصرية نمرق سيرة
خلوق منتظمة ماشة مسيرة
زي صف دكانأً ناصية
فيه سجاير بالتسعيرة
بناتنا يغنن مبسوطات
دور بينا البلد ده
يلفن يدورن العربات
ولمن أصل بالسيف اتقدم
زي الفارس ماشي ملجم
وشي بينضح لمعه ونضرة
قميصي نضيف وماه مجلبط
بملاح خدره
أهز في البنوت بي سيفي
وابخبخ فيهن لبن البدرة
وفجأة يدق صوت الدلوكة
وتبقى الناس بالجد مربوكة
واحدة تصفق واحدة تزغرد
وواحدةتلوك في لبان بازوكة
جابوا عروسي وبدت الوقفة
سرحت بعيد في حق القفة
جابت قون بي رقة وخفة
ما اتجرست كلا وحاشا
الا هناك واقفين شماشة
قالوا اكيد شارب حرباشة
زعلت شديد وغلبني اللعب
لانو كلامن كلو كضب
قاموا اصحابي بصوت عالي
يا عبد الله اطلع بره إشاعة إشاعة
وحتماً يوم لي أمك عايد
قونها حقيقي ما اوف صايد
صوت أصحابي أثر فوقي
بحركة ذكية جبت القون
وانا والحلوة بقينا درون
وفجأة أضفت الهدف الثاني
وغمر الساحة فرح رباني
مرقوا اصحابي يكوركوا ويهتفوا
فاتوا الفسحة وسدوا الشارع
صوتهم طاغي ظاهر وطالع
يا عبد الله هايل ورايع
جبت القون في الزمن الضايع

.........................

ولاد مايعين
ولاد صايعين
قميص رقاش
وقاش حشاش
جسيم ناعم
ممسح ديمة بالفازلين
وحس مخفوض ولين ..لين
حناكيش والله .. ما ناقشين
بياكلوا الجبنه بالبيرجر
والمايونيز ملخبط فيهو حب التين
معلق جدول التسمين
ووكت ما يجوك ..متلمين
تقيف محتار..
تقول يا ناس
ديلا رجال..؟ ولا عوين.؟
هه يا الخيبه.. وكنت امل
معشش في قلوب اهلك
وزي المويه ليك راجيين
طلعت فشوش...
دهب مغشوش..
وما بتنفع..
لا بجنيه..لا طراده ..لا ملين!
منو القال ليك دروب العزه
كان ركبوها بالفيسبا
والبازوكه والفازلين..
منو القال ليك سيوف النصر
كانت عند ولاد لامعين؟
اكان فراسا ركبو الخيل
وصنعو العز
لبست الليله انت الجينز
ركبت البنز
تدور مكنه بالبنزين
وبعد دا ..خسرت الحرب
وجيت راجع مع الفاشلين
منو البسمع كلام مليان
لما يقول:
الشعب العربي وين؟
الغضب العربي وين؟
وين الملايين ؟؟؟
ملايين كان وجودا زمان
لكن صفر في دا الحين
ملايين كان صداها زمان
نعيق البوم فى دا الحين
ملايين كانو فوق في العرش
ووقعوا الليله جوه الطين
من المحيط وللخليج
ملايين كلهم فاشلين
فرد غنيه لي جاكسون
ملايين كلهم راقصين
فرد طلقه من صهيون
ملايين كلهم لابدين
ملايين والله ما نافعين
منو البيرجع التاريخ
لمن كانت اسبانيا
معقل وساحه للفاتحين
منو البيصحى عين جالوت؟؟
بعد ما مات صلاح الدين
منو البقطع رحط القدس؟؟
عروس بت عز
ويا داب في عمر عشرين
وبرضو تقول شباب عرب؟؟
اصح نقول شباب ضائع
مشتت وفي قيود و سجين
لكن يا ناس بقولو كلام
تعالوا ننضف افكارنا
نحارب الجور
نحارب الردة والأثام
نفكر في عروبتنا
نخطط نمشي لي قدام
وبعد اليوم فيا جوليا
ويا ام عزين .. ويا الهام
حلفنا نجدل العملاء
وكل صهيونى ابقى حطام
وتبقي العزه عربيه
تعانق في سمانا غمام

يا طبيبة

يا اللي ريدك فيني طبعة .... يا المكسرة فيني ضلعة
يا البجيك في الجامعة دايش .... يوم خميس ألقاه جمعة

يوم أشوفك ... قلبي ينتف .... عرقي ينزف
وابقى اشوفك سبعة سبعة
" أصلو ريدك جاني فجأة " .... وأدى لي صنقوري كبعة

****
يا طبيبة ... يلا شيلي القرقريبة
ويلا عوسي قليبي كسرة
ويلا دنكلي منو لقمة .... والعبيبا

عل بس شيليها مرة .... وابلعيها كالجاتوه
خليهو يسأل جوة يسأل .... والبيسأل ما بتوه
ولما جات المعدة تهضم .... قيل مهلاً اتركوه
أنه لا يطلب شيئاً
إنه قلبُ ُ متيم .... جاء يسأل عن أخوه

*******
قد سألتك لا تجافي .... إنه حب خرافي
ما بسيبك .... كان بترضي وكان تخافي
ما بسيبك كان رضيتي وكان أبيتي
كان وقعتي .... وكان جريتي
كان عقب طلعتي زيتي

ما بسيبك .... كان خلطتي الأمة جملة
كان طلبتي المهر عملة
وإن طلقتي علي نملة

ما بفوتك إنت املي
كان بترضي وكان تملي
ما بفوتك إنت للي

إنتي أقري .... وكل معلومة بتفيدك
يا حلاوة المايكروبايو .... جاري في موية وريدك
كل جرثومة بتريدك .... صارو هيلك من عبيدك
وإنتي للباثولوجي تقري .... أصلو شيتاً دمو بقري
علة جنبك يبقى ساهل .... وفيهو تجري

******
وإنتي يا أشطر طبيبة .... يلا شرحي فيني حلي
فرتقي الجواي وسلي

تلقي روحي مناها ريدك
والعلاج جاهز في إيدك

ماهو كم كبسولة "فاليوم"
إسبرين أو كان يورانيوم

العلاج جاهز في إيدك من سنين
العلاج يا انتي آخذ حقنة حُب أو حبتين
من عيونك .... من كلامك .... كلو ريحة بنسلين
واشفى من كل المواجع .... وأبقى زين

بووووووبي

احيييييييييييينا!

أحي أنا ! ويا بختنا ! ويا حظّنا!

وأحي أنا!

قالوا في تعليمة في حيّنا

اتلمن أُمات عيون فيهن هَنا

وأُمات جضوم حديهن هِنا

سيقاناً زي القَنا ..

والله أخير حقاتي أنا!

ديل كمان منو الجابوم هِنا!؟

وبدت التعليمة ..

يا بِنيّة يلاّ .. فرفشي وما تختشي

"أدوك فلّة؟" نحمد الله

"أبوكي في؟" متوفّي!

"ماما في؟" ما بتقول شي!

"أخوك في؟" ده لي شنو، ما بسو شي!

وإظنّك كمان بتكفّتي!

"كلبكم في؟" ما بعضّي!

هو كيف يعضّي..

هو زاتو من عمايلك يا فلانة

عقلو منّو طشّ فرّ

بقى لا بفرز الجوّة جوّة ،

لا بعرف البرّ برّة

هو زاتو استغفر الله

وسط كلاب الحِلّة ليهو زِلّه

اتلمّوا ليو كلاب الحِلّّة

يا بوبي "هَو" بي الجنبة دي!

ويا بوبي "هَو" بي الجنبة دي!

واحنا بنقول يا بوبي لأ ، حبّة إختشي

لو إنت سِتّك ما بتختشي

إنت إختشي

يا بوبي "هَو" أهما شي

وا خسارة مجتمعنا

وا خسارتك يا قيمنا

والما بقول "بي الجنبة دي"

هم فقط فيهم أملنا

ويلاّ أكبر يا أملنا

ويلاّ فرهد يا أملنا

,,,,,,,

سطلة مسطول

دي الجرادة القاعدة بترضع في ولد الكديسة
صاحبة الديك والجدادة الحايمة بتكوس في المريسة
والضبانة الزغردت فرحانة بي جيت عريسها
والضب الخاتي سفة يشكي من الظروف العويصة
احييييييييييييييييييييييي انا

دا البمبر قال مصدع من قعاد طول النهار
و فردتو المفراكة تبكي وتشكي من طول الدوار
و الملاح حارقاهو شطة صاري قال ما عاوز هزار
والرغيف فقران وناشف من صف النتظار
و جكسويتي قالت انا ما بغازلها ركبت وش حمار
عاوزاني تحت البلوكنة ليل ونهار
على بالها روميو قالت سيد الرجال
ابيت زعلت تاني ركبت وش حمار
فكيتها الزيها راقدين كتار

تقولي لي سليتك
تقولي لي جفيتك
تقولي لي عفصتك
بعفصك وبعفص حنانك
دبايب وعقارب تداعب بنانك
بتسال عن حالك
وكيفن هو حالك
سالت تمرجي البطاطس بعادي
تجاهل وقبل لغادي
بحبك لمن بغادي
وبعاتبك بلغة سواقين التكاسي
حبيب مال انا ليش هذا عذاب
حبيب انت في كذاب
انت قول في حب واجد بعدين سوي غير نمونا
انت كنسل حب مالي
انت خرب كل حالي

شنو؟؟؟؟؟
ما عاجبك
ياخيييي ديشك
وديش الحب الخلاني سجينك
وديش الشوق البربط بيني وبينك

,,,,,,,

الوداعية

جلست في ظل النيمة

تتأمل في الودع المرصوص

قالت يا ولدي شيل شيلتك

وتسلح فالحرب ضروس

امامك مشوار طويل

الا ان تركب مخصوص

الموقف مكتظ مليان

ستدافر يا ولدي كثيرا

وستركب وسط النسوان

وستنشل كل نقودك

وستصبح دوما حزنان

الناس يا ولدي جيوش

مندفعة مثل الطوفان

فنصيحتي أن تذهب كداري

ولا تركب بص ام درمان

زواجك يا ولدي محال

أصبر يا ود الصًرة

حالياً وضعك بطال

وحتبقى حياتك مرة

فالمهر في كل الحلّال

قد اصبح بالعملات الحرة

احببت فتاة مغرورة

لعبت بي قلبك كورة

أنساها وأبحث عن غيرها

ويا ريت لو شرطت الصورة

أنسى وتبسّم

فالزوجة قسمة وتوتوكورة

,,,,,

بت هندسة

انا راسى جت مابين هواك--------- والدبرسه
الفت عشرين الف بيت-------- سبعين قصيده مؤسسه
شان اقدر الفت انتباهاها ومره اقدر احسسه
ويا حلوه يابت هندسه
يا حلوه يا زينة البنات يا نجمة الليل والمسا
انا رغم اشكال البنات حاضن عواطفك وحارسه
انا فى هواكى بقيت فتات و دخلت عشرين مدرسه
جنيت بكلمات هواكى بقلبى قاعد اتنفسه
ويا حلوه يا بت هندسه
كان شوفتى يا بت هندسه خطواتى دايما بالغلط وامورى دايما معاكسه
يومى اللى فات ساهر فى الهدوم وكويته عشان البسه
لقيته بالصباح حقت اخوى وهدومى قاعده مكرفسه
كان للهدوم ---ما مشكله-----بشوف لى مصيبه البسه
لكن هواكى اعمله ايه دشدش عظامى وهرررسه
داير لى فرصه اكون قريب طب ليه قلبك افلسه
عشان تشوفى هواكى كيف بهدل عواطفى ودعفسه
كلماتى ليكى اتلخبطت ما زى زمان متهندسه
حتى الشعر اللى كان زمان كلماته حلوه مملسه
هسه اتلخم بقى كيف كده ما فيه كلمه مهندسه
وانتى السبب فى كل دا----------- يا احلى اسباب الاسه
انا اللى باريدك اعمل ايه قوليلى يا بت هندسه
امشى واقولك بالزلط------ يا ناس باريد بت هندسه
يا ناس باريد بت هندسه؟؟؟؟؟؟
كم مره قلت اقوم اقعد معاها واحدثه
لكنى ما بقدر عديل ما بقدر انضم اونسه
خليكى مين اشرح ليها حالى وحبى ليكى والدبرسه
ويا هنايا داير اقولك كلام اصل السكوت فيه وسوسه
انا يا ملاكى انا باعشقك وما اظن بلاكى ارجى المسا
دايرك تكونى لى حبيبه وابقى ليكى حبيب قسه
اكسيكى هوايا وتلبسينى نعيم هواكى اجمل كسه
ويارب كل عاشق نبيل تديه زيى بنت هندسه
وترعاها من عين الحسود ومن توب جمالك لبسه
ويارب تحفظها دايما يارب وتحرسه
احبك يا بت هندسه

,,,,,,

منوووووووووور ياعم ماهر وربنا يزرع البسمة في خشيمك زي مابتزرعا فينا

التحيه ليك ياستاذ
واليك والي جميع المغتربين

منقول

ود اللّمين الباقي رايه
وصاني كتر للوصايا
الغربه قال بتفتح الناس العمايا
وصدقنا نحن وقمنا ندهبش حفايا
سافرت آمالي ابعد من مدايا
ولما تهت رجعت للناس الورايا ...
(المقلي ) يا ضراعي اليمين
أبو ( السارة ) يا الداري العقب
يا الباقي لي فرشة وغتايه
وتعبان وراي ما رامي بالك للعطايا
(دكتور/ عمر ) يا حليلي منك
فرقتنا الدنيا يا طيب النوايا
( ود العبيد ) يا روحي يا رفقة صبايا
حكمتك يا سيدي يا رب البرايا
أمي دايرة تشوف جديدي تشم جنايا
وناس عواطف قالوا دايرين بس رضايا
والتايه ..
التايه يا ام نيتا لبن ..
يا الراجيه فرحة يوم هنايا
وناس فرتكان دايرين اطقوا من الزعل ..
قالوا اب سويقاتا رقاق ما جاب هدايا !
كيف بس أجيب ليكم هدايا ؟!
********

وانتوا عارفين الكبير نادا المنادي
وفي المنام قال ليهو :
حاج الجاك تعال .. تعال .. تعال ..
طقاها لي بلد الحجاز
تبع الحجيج ... وصل البقيع ..
انفش زين ..
يبكي ويحج ..
(مرضية) بتدور العلاج
دايما تنق
في كلاها قالت نار توج
وانا دربي مسدود بالكتر
امشي وافج .. واقعد وافج
والبيت يعج ..
ناس ( سامية ) دايرين الأكل والكسوه
دايرين الشراب
ودخري البيت (عمر)
يا سيدي يازين الشباب
جوابو في ضنب الجواب
جوابا قدر نص الكتاب
داير بناطلين شان يهج
*****
واحدين يسووا الحيله بس جواب سلام
وآخر الكلام يصبح وصايا
لي أنا ..... !
تصور .. ! لي أنا المجنون اقرطع في المحايه
وكتب شيخي ومسح ما خل آيه
ووقع قيدي اندفن وسط البنايا
وزعل مني الفكي ورفس الدوايه
وختف حنكولو فوق راسي كسر كم عصايه
*****
اصبحت اكوس لي صورتي في ضهر المرايه
ومآسي الدنيا ما شربت ندايا !
برضو في آخر النهايه
انتو ما مخلني يا ناس ود هنايه وبت هنايه ؟!
راجيني وموسيقا اللوم بتعزف في الزوايا
ويرقصوا الراجين يخمو رزم هدايا
أجيب هدايا ؟ ... أنا ؟
أجيب هدايا ؟ ... أنا ؟
أجيب هدايا ؟ ... أنا ؟

قصيدة من استاذ رياضيات الى استاذة رياضيات

حبيبتي فرق مربعي حدين

أبعث اليك تحياتي الفراغية

وأشواقي التحليلية

محملة ببراهيني الهندسية

شكلها مستطيل

وحلها مستحيل

أتذكرين يوم كنا نتمشي علي الخط المستقيم

ونستمتع بالشعاع الوارد سين فتحة

ويوم كنا نستظل بظله

ونضرب بعضنا بالكسور العشرية

فراقك جعلني شبه مستطيل
وطيفك يرافقني كمنتصف الزاوية

من أجلك جعلت من نفسي

قاسمآ مشتركآ أعظم

ومثلثآ متوازي الساقين

ومازالت نظرية تاس تعبر عن توازي حبي لك

مع حبي للمتطابقات الشهيرة

اذكريني انتي ياوتر حياتي

وياضلعي القائم

المخلص : مجموع مربعي حدين.

*************

عجائب زمن الدردري ..... بقلم : شاعر عن سيريانيوز

قل للمليحة في الخمارِ الأحمرِ ــــــــــــ ماذا فعلت بجيبِ زوجٍ مهتري
قد كان للمازوط يذخر حصةً ــــــــــــــ من راتبٍ متقطّعٍ متبعثرِ
و(يضبُّ) قسماً كي يسدد دفعةً ــــــــــ للكهرباء و عظمهُ (مِبري بَري)
وضع المنظّمَ رافعاً تياره ــــــــــــــــــــــــ يخشى على البرّاد درب السمكري
أما البقيةُ من رويتبه فقد ـــــــــــــــــــــ تكفي الطعامَ لشهرهِ المتعثّرِ
يا أيها الركبُ المُحلُّ بديرتي ــــــــــــــــــــــــــ سترى العجائب في زمان الدردري
وترى من البالات أغربَ صنعةٍ ـــــــــــــــــــــــــــ فالكلُّ بينَ مطوّلٍ و مُقصِّرِ
و السوق يَصْفِرُ من زبائنه فقد ـــــــــــــــــــــــ مات الزبائنُ من هزيمٍ زَمْهَرِ
عضَّ الجليدُ قلوبَهم بنيوبه ــــــــــــــــــــــ والفقر ينهشُ رأسهم بعد المري
هذا يحدّثُ في الشوارعِ نفسَهُ ـــــــــــــــــــــــ والبردُ يقتلهُ وإن لم يُقبرِ
متقاعدٌ أكل الزمانُ رداءهُ ــــــــــــــــــــــــــ واليومَ مصبوغٌ بلون العصفرِ
نَزِقٌ إذا قفز الذبابُ بوجههِ ـــــــــــــــــــــــــــ غلبَ الذبابَ بضربةٍ لم تنذِرِ
وهنا فقيرٌ صارخٌ بعيادةٍ ـــــــــــــــــــــــــــــ من أينَ أدفعُ للطبيب المفتري
وهناك تذوي في الزوايا طفلةٌ ــــــــــــــــــــــ و أمامها حبات خوخٍ سكّري
باتت تبيعُ طفولةً و دراسةً ـــــــــــــــــــــــــــ وغداً تبيع حيائها للمشتري
قل للمليحةِ في الخمار الأحمرِ ــــــــــــــــــ ضمّي عليكِ خماركِ و تيسرّي
روحي لبيتكِ قبل أن يغدو على ــــــــــــــــــــــ هذا الخمار ضرائبٌ أو تُسفري
قولي لزوجكِ سُدَّ حلقكَ إننا ــــــــــــــــــ في ألفِ خيرٍ هكذا قال الثري
أوَ لست تسمع ما تبثُّ إذاعةٌ ــــــــــــــــــ صيف المعونةُ في شتاء الأشهرِ
يا أيها الركبُ المُحلُّ بديرتي ـــــــــــــــــــــ سترى العجائب في زمان الدردري
الكلُّ يدفع للضرائبِ صاغراً ـــــــــــــــــــــــ حتى إذا شمَّ الهواءَ و إن خـ**

وووو

رائعة محمد طه القدال ( مسدار ابو السرة لليانكي )

اماتي القبيل بي حنهن لقني
كرفة وقلدة كيف شوف اللبن
رجنّي حزنا جاني في
ميع الصبا يلجني اطلع
مني يا جلدي المنمل جني
واطلع مني يا حزنًا بقى مكجني

خلني ابدا مسداري
واودي قفايا لي دارا بقت مي داري
جيت الجلدي بيني وبين عضايا الشحمة الا النار بقت قدامي
جلدي الليلة بيني وبين عضايا المافي
الا تراني شوال الكبس نفيخ جلاليب الورم هدانّي
في جلدي الورم قولنلي ولا صحي الورم عضاني
سفريتك مي في النية
ماها الكانت محرية
خابراك عريف زم العربان ولّا قيام الوردية
مالك تريان ومندي كاسي الكتان والهندي
قولك ككيف ترجى البيشان ولا الغربة البي زندي
برق العبدلي الوزني ما طاش يا جاب المزن
فرق ياالضيف فعل الغضبان انفر ثيران الحزن

شن القعدة يا ابو السرة شن القعدة
في ضل العمارات ام كمرتًا بره .. ضقنا الحنضل اليانكي
وبلعنا المرة كملت كوتة التمباك صقعنا الجرة
وكت اتقفلت شقيش قبل بالمرة لن
يأمرنا في بلد المعاني الحرة
الشم خوخّت بردن ليالي الحرة
والبراق برق شوف عيني الصقير بي جناحو كفت الفرة
تلقاها ام خدود الليلة مرقت برة
مرقت برة تغلي مديدة الحلبة التسمن ردفها
السمن المبستر يانكي
والويقود قعيرات الدخان في العين وفي الفشفاش بسوي عمايلو
شن فايدة مديدة الحلبة يا ابو السرة شن فايدة مديدة الحلبة
الويقود يشيلو اليانكي
قامت من دخاخين العمى تلمع وشيها اليانكي مستنيها
كان اليانكي مستنيها في مراية السجم
في الليل لقيتها متل فرايخ الطير مرق ود عينها من ود عينها
رجافة المزمة الحمى جفلت منو وقعت عندي صدرها بغلي
يا ابو السرة شفت اليانكي في ود عينها
حسها للبحر
يمكن يغسل عينها من اليانكي
فتنا الحجرة بالكتة وغتسنا مسافة
تبقى قدر مسالك الريده ما لاقانا من يغبانا في
البحر الفضا التحتاني
ناس عارفاها ناس عارفاك ناس عارفاني
نادينا القعونج والبلطي قرقور السمك ودانا لي دابي الخشش
نادينا عمال الطمي الصارقيلا والقرموط وود الموية وقتنا عليها
كانت نايمة عجال البحر حارساها
كا نت نايمة بين حجرين
وضل ساسوية وعمال الطمي
الصحونا خابرين الدروب لمّو حصى البحر قسموهو
يات من كان سبع جمرات دابي الخشش قال ادوها
في الجمرات تلات سبعات
قلنا ادوها في في الجمرات تلات سبعات
مسكنا دربنا وعمال الطمي مرقوبنا في مشرع مسارب الضي
لقينا الدنيا تترجانا قوقى القمري خوّى صغيرو وعوّى حدي
وعمال الطمي الصحونا لمّو على البعرفو الصي
حصى القيزان دوابي الدارقة والسحلية والناس التحت
خابرين عمايلاليانكي
قولن للاخلا ديارو
دمك فرهد في نارو
غورّ في الارض طارو صقرين
اولاد الارض ما طاروا
لحمي غطى بن عمي شو صار حالو يا امي
منديل العرض في بيت الدين دمي ما يخلي دمي
انا من دير يسن صرنا في جزر التين
عم نسقي بعض حب الزيتون
بدو يرجع للطين صابرا تحت الدورية
صابرة تحت الدورية .. صابرة فوق الدورية
يا حالة ضد لحم الطفلين نابت غصن الحرية جزري مو في شاتيلا
ما قال حالي يا ويلا احنا في الارض
ارض فلسطين يا امي
هيلا هيلا
قوقي القمري خوّا القي وعوّا حدي
وكنا جماعة دابات الارض والسايمة وعوامة البحر والطير
وحتى الغيمة دفاقة المطر فوق راسنا شايفة الدرب
دريب اليانكي لا يودرنا قال الدابي للضليلة خليك صاحية
زوغ اليانكي لايودرنا
قال الدابي ان يغباها ما بيغباني
ولما الشم مودع غاربة وصّت جملة الصقار عيونن كاربة
ابقو الف بفوت للمتلكم ناهدين
وفوق دينن عريبا غادي
قال السحلي لا تغشوهو دول عربان توابع اليانكي
قال الجمعي لا نغشاهو دول عربان توابع اليانكي
وخلوها العريب الغايبة السراق طليقو معاهو
تيجانا عروشها الخروع الهش العويش النار تعلق فوق عقال العرش
ولا خسانا بي هادي العروش الغربة
يا ابو السرة لا عقام مسكنا دربنا وعمال الطمي الصحوها
خابرين الدروب
مرقوببنا من وادي الضلمة الكان عقب لمينا في باقي الجمع قاصين دريب اليانكي
شمور الضيب في الكنغو وخبرا من جنوب امريكا ومن كلهاري ديبا ضاري
والتمساح وليد امزون ونمرا في النمور كمبودي ونمرة خلا الله مكسيكية
ولما لميمنا والشمس البتوقد فوقنا شد شديدنا التمثال مشيل روقنا وعالم حر
يدوعل فوقنا لي يوم فوقنا نبزغ فيهو في عينيهو جر واسوقنا

يا شمس طلي طلي
شاوري على بيتي دلي
كيال الكيل ختياري مات
ظلي عم يحرس ظلي
عادل على خيي ميلي خيي لا يحمل شملي
ما خف الشمل تاني المرات ما كل الرصاص شيلي
عيني في الفيل ما ظله
كلنا ندريه ما نضله
يا ويل الويل نرمي الجمرات
عدّي المستشهد كله
عدي المستشهد كله

ززز

بسم الله الرحمن الرحيم

اردت ان اقدم الضحك في قالب معقول من الشعر الحلمنتيشي

ارجوا ان تنال رضاكم

مكسر فيك محتحت تب
ونار الريد بتوقد في
حشاي لهب
غرامك بس تقول
فرار لقالوا حطب
أشوفك ماشه اتبرجل
تقول من خوفي اوقع بب
عيونك عمشه مقلوبه
خدودك للكور مضرب
شفاهك بس تقول حلوف
نقول استرنا بس يا رب
بحبك موت حقيقة بموت
لما اشم نفس خشمك
تقول عقرب
ولما اشوف كريشتك ديك
لحاف بي حبلوا اتكرب
وكشك في الارض واسوق
وصوت كرعيك بلا الكركب
ولما اشوف صويفاتك
مجبد انتي بالفازلين
وبالكركار وبالمحلب
مربطه شده بالاستك
تقول اطفال
تفرقوا ضاعوا في ملعب
كم قمبور وكم طمبور
وكم شعرات عليها عجب
تجيك القوره ذي رقشه
وذي امجاد وشيشه كعب
ولما اشوف خلقتك ديك
محال اسم الله ليك قرب
ولدوك في ظلام الليل
بضؤ فانوس كئيب متعب
بشارتك بلحه فيها السوس
ودايتك بالحبل تسحب
حبيبت القلب ما عارف بحبك ليه
عشان اعجوبة في الشينات
عشان مولودة بي سنينات
عشان تاريخ صلاحيتك زمان من
بدري عدي وفات
والله عشان جمال صوتك
تقول منشار نشرلوا خشب
مكسر فيك محتحت تب
عشان مجنون وعقلي هرب

ووووو

الي البحثين عن الزوجة الثانية

منقول - عن الزواج من ثانيه

أتاني بالنصـائح بعـض ناسِ = وقالوا أنت مِقـدامٌ سـياسي

أترضى أن تعيش وأنت شهمٌ = مع امـرأةٍ تُقاسي ماتُقـاسي

إذا حاضت فأنت تحيض معها = وإن نفست فأنت أخو النفاسِ

وتقضي الأربعين بشـرِّ حالٍ = كَدابِ رأسُـه هُشِمت بفاسِ

وإن غَضِبتْ عليك تنامُ فرداً = ومحروما ً وتمعن في التناسي

تزوَّج باثنـتـينِ ولا تـبالي = فنحن أُولوا التجارب والِمراسِ

فقـلت لهم معـاذ الله إني = أخاف من اعتلالي وارتكاسي

فها أنذا بدأتْ تروق حالي = ويورق عـودُها بعد اليباس

فلن أرضى بمشـغلةٍ و همٍّ = وأنكادٍ يكون بها انغـماسي

لي امـرأةٌ شاب الرأسُ منها = فكيف أزيد حظي بانتكاسي

فصاحوا سنة المختار تُنسى = وتُمحى أين أربابُ الحمـاسِ ؟

فقلتُ أضعتُم سُنناً عِظـاماً = وبعض الواجبات بلا احتراسِ

لمـاذا سُـنَّةُ التعـداد كنتم = لها تسـعون في عـزمٍ و باسِ

وشرع الله في قلبي و روحي = وسُنَّة سـيدي منها اقِتـباسي

إذا احتاج الفتى لزواجِ أُخرى = فذاك له بلا أدنى التـباسِ

ولكن الزواج له شـروطٌُ = وعدلُ الزوج مشروطٌٌ أساسي

وإن معاشر النسوان بحرٌ = عظيم الموجِ ليس له مراسي

ويكفي ما حملتُ من المعاصي = وآثـام تنـوء بها الرواسـي

فقالوا أنت خـوَّافٌ جـبانٌ = فشبّوا النـار في قلـبي وراسي

فخِضتُ غِمار تجرُبةٍ ضروسٍ = بها كان افتـتاني وابتـئاسي

يحزُّ لهيـبها في القلب حـزَّاً = أشـد عليَّ من حـزِّ المواسي

رأيت عجـائباً ورأيتُ أمراً = غريبا في الوجـودِ بلا قياسِ

وقلتُ أظـنُّني عاشرت جِنَّاً = وأحسب أنَّني بين الأناسي

لأتـفه تافهٍ وأقلِّ أمـرٍ = تُبـادر حربُهن بالإنبـجاس

وكم كنتُ الضحية في مرارٍ = وأجزم بانعدامي و انطماسي

فإحداهن شدَّت شعر رأسي = وأخراهن تسحب من أساسي

وإن عثُر اللسان بذكرِ هذي = لهذي شبَّ مثل الالتـماسِ

وتبصرني إذا ما احتجتُ أمراً = من الأخرى يكون بالإختلاسِ

وكم من ليلةٍ أمسي حزيناً = أنامُ على السـطوحِ بلا لباسِ

وكنتُ أنام مُـحترماً عزيزاً = فصرتُ أنام ما بين البِساسِ

أُرَضِّعُ نامس الـجيران دَمِّي = وأُسقي كلَّ برغوث بكاسي

ويومٌ أدَّعي أنِّي مريضٌ = مصابٌ بالزكامِ وبالعُطـاسِ

وإن لم تنفع الأعذار شـيئاً = لجئتُ إلى التثاؤب والنعـاسِ

وإن فَرَّطْتُّ في التحضير يوماً = عن الوقت المحدد يا تعاسي

وإن لم أرضِ إحداهنَّ ليلاً = فيا ويلي ويا سود المآسي

يطير النوم من عيني وأصحو = لقعـقعةِ النـوافذ والكراسي

يجيء الأكل لا ملح ٌ عليه = ولا أُسقى ولا يُكوى لباسي

وإن غلط العيال تعيث حذفاً = بأحذيةٍ تـمُّـرُ بقرب رأسي

وتصرخ ما اشتريت لي احتـياجي = وذا الفستان ليس على مقاسي

ولو أنى أبوحُ بربعِ حرفٍ = سأحُذفُ بالقدورِ و بالتباسي

تراني مثل إنسـانٍ جـبانٍِ = رأى أسـداً يهمُّ بالافـتراسِ

وإن اشرِي لإحدَّاهن فِجلاً = بكت هاتيك ياباغي وقاسي

رأيتك حامِلاً كيساً عظيماً = فماذا فيه من ذهبٍ و ماس

تقول تُحبُّني وأرى الهدايا = لغيري تشـتريها و المكـاسي

وأحلفُ صادقا ً فتقول أنتم = رجالٌ خـادعون وشرُّ ناسِ

فصرت لحالةٍ تُدمي وتُبكي = قلوب المخلصـين لِما أُقاسي

وحار الناس في أمري لأني = إذا سألوا عن اسمي قلت ناسي

وضاع النحو والإعراب مني = ولخْبطتُّ الرباعي بالـخُماسي

وطلَّقتُ البـيان مع المعاني = وضيعَّت ُ الطـباق مع الجناسِ

أروحُ لأشتري كُتباً فأنسى = وأشري الزيت أو سلك النحاسِ

أسير أدور ُ من حيٍّ لحيٍّ = كأنِّي بعض أصحاب التكاسي

ولا أدري عن الأيامِ شـيئاً = ولا كيف انتهى العام الدراسي

فيومٌ في مـخاصمةٍ ويومٌ = نداوي ما اجترحنا أو نواسي

وما نفعت سياسة بوش يوماً = ولا ما كان من هيلاسيلاسي

ومن حلم ابن قيس أخذتُ حلمي = ومكراً من جـحا وأبي نواسِ

فلما أن عجزتُ وضاق صدري = وباءت أُمنـياتي بالإياسـي

دعوتُ بعيشة العُـزّاب أحلى = من الأنكـادِ في ظلِّ الـمآسي

وجاء الناصحون إليّ أُخرى = وقالوا نحن أرباب المراسـي

ولا تسأم ولا تبقى حزيـناً = فقد جئـنا بحلٍ دبلومـاسي

تزوَّج حرمةً أُخرى لتحـيا = سـعيداً سـاِلماً من كل باسِ

فصحتُ بهم لئن لم تتركوني = لانفـلتنَّ ضـربا ً بالـمداسِ

يالطيييييييف

قال سواق:

يا واقفة بين صبري وتروس الفرملة
أنا بحكي ريدك للملأ
والجاني من بستم مشاعرك
بلفو طار بحكيبو لليل والخلا
و أنا بعذرك
وأوزن دركسون الصبر
وأضغط كلتش الأمنيات
لو ألحقك
يا الحنتا زي زيت رجوع
أسود من الشقا والدموع
@@@@@@@@@@@@@@@

قال جزار:
يا طاعمة زي كبدة ابل
بالشطة والليمون شفا
أنا بي وراك سبت القطيع
ضل الدريب وعليك حفا
يا كاسرة بي فرار هواك
أضلعي وظروفي المؤسفة
@@@@@@@@@@@@@@@@
قال مكوجي:
يا كاوية قلبي قبل قميصي
رشيت لياقتو وما انكوى
يا ريتني لو أغسل دواخلي من الهوى
زي عمة بيضا أشرها
صابون هواك غسل النوى
@@@@@@@@@@@@@@@@@@

قال نجار:
مسمار ودقيتي
في خشب الليالي المحزنة
منشار هواك
قطع الصلات الممكنة
يا أبلكاش وفورمايكة
أو تك خشب الجنوب
@@@@@@@@@@@@@@@@@@@@@

قال واحد جعان:

يا حاجة أشبه بالرغيف
مرقوها أسي من الفرن
أنا بفقدك لما العيون
تشتاق أماسيك الشبع
واتخيلك قدرة
ورحيق الفول
انشالله في أحلاك ظروف
ما نشتهي الجبنة ونطوف
كل الدكاكين مغلقة
والزيت صبح يا زيت مناي
مافي ونشف
مصران مشاعري المرهفة

وانا قلت ايه؟ قلت يالطيف
,

مـــمــو
القليب ما
قادر ألمو
أصلو مجروح جاري دمو
ضربو زايد..قاسي همو
قالوا سبب الرجفة والموت
الحليو الأسمو مـــــمــو
وأصلو مـــــمــو....
كمو كطو
وكطو كمو
أبوها بابي
ومامي أمو
من الجماعة الكل يوم
قاعد استحموا
والعطر خمسيـــــــــن متــــر
حـــرّم تشمو
ولما تقدل بس تقول
تقلع ترابا البتمشي فيهو
عديل تخمو
طبعو رقه
لونو منقه
في أوروبا مارادونا
وفي بلدنا مافي زيو
الا تنقا
و أصلي مما شفت مـــــمــو
قلت يا ناس دي الملائكة؟
ولا خلقه
قالوا خلقه
قلت انو.. ما أظنو
وأصلي مما شفت مــــــــمــو
عقلي فرّ وقلبي دقه
وبنطلون الجنز طقه
أي عجور ضقتو بعدو
لقيتو منقه
باكو السجاير جوه جيبي
لقيتو حــقـــه
الفنيله اللونا أبيض
فجأة جيت!!
ولقيتا زرقاء
ياريتني لو من مويتو
ألقى ليــا بقه
ان شالله حتى
لو فيها شرقه
ياريتني لو في بحرو
ألقى ليــــا غرقه
كنت بغطس
و ما بدور لي تاني مرقه
تاني أمرق؟
وين أقبّـــل؟
للبعاعيــــــت؟
عليكم اللــه ديا خلقه
مـــــــمــو يا ناس ما أزانا
بي خدودو البرتكانه
مــــــــمــو يا عالم جمانه
لا أكل يوم زي عشانا
كسره بي لبن البطانه
ولا شرب من زير مغبّـــر
زي فلانه وفرتكانه
مـــــــــمــو مافيـــــــــش منو اتنين
هم مخلوقين براهم
ونحن مخلوقين برانا
الفرق........!!!!!!!!
نحن بنعوس كسرة في الصاج
وهم رغيفم بيشتروه
من أجزخانه
الفرق..........!!!!!!!
هم بيمشوا عديييل أفوتو
ونحن نترجى البكاسي
ويومي نتلفت ورانا
الفرق..........!!!!!!!!!
هم عندهم توليت مكندش
ونحن عندنا أ..........خانه
مــــــــمــو حنّـــي عليكي بابا
تعالي نعمل حبكانه
يمكن أتعلم
أحب ناس هاي وأروق
بدله فاخره واستكانه
غايتو حأقول ليكي حالي
كان نفع قولي أوكي
مانفعت
قولي ما نافع معانا
عندي شده
وبنطلون واحد مرقع
حالو حالنا ومستوانا
أبوي مزارع
يحفر الطين بالطواري
عرقو نازل
في هجير الدنيا
في الصيف والسخانه
شان ألقط لقمه...لقمه
شان يتمتم لي...عشانا
شان يشوفنا
نقرا نتعلم برانا
عمي ترزي...وكان تمرجي
ولادو دسته
وكلهم ساكنين معانا
مـــــــمــو يا الجو المكندش
شوفي كتاحة هوانا
وأصلي عارف
بكره يظهر مغترب
ناكل النيم والزلط
وانتو بتلوكو اللبانه
ونحن بنكابد نجابد
ونبقى في الآخر ضحية
الشواكيش كع....كرع
التقول بس بندقيه
والمآسي الفي جوانا
كل يوم بتزيد شويه
الا بس أصبح عزانا
طيبة القلب البينزف
وكتين الناس بتشحد
زكل أطفال التشرد
لما يمشوا عشان يرقدوا
ينوموا في نص الشوارع
يعني ما يلقوا المكانه
الا بس أصبح عزانا
طيبة اخلاصنا ووفانا
وكتين أولاد المدارس
موت يدافرو..في طريقهم
شان يكتبوا الحصة
في حينا وزمانا
الا بس أصبح عزانا
حب بلدنا
حب وطنا
منبع الخير و الوداعة
ريحة الطين و الزراعة
حب تقاليدنا وطباعا
و فوقا ما بنرضى المهانه

وقول يالطيف

سيد بشبش

سيد بشبش سيد بشبش
عامل حازم وسيفه بيرقش
أمره بيمشي وكفه بيطرش
وعينه الحارة في يوم ما بترمش
عند المكتب رسمي بيغضب
جوة البيت يرفس ويضرب
وسط أصحابه بيرقص ويلعب
راجل نكتة وصاحب مقلب
وآخر الليل يقابض ويهبش
سيد بشبش راجل دين وراجل دولة
وراجل خطوة وصاحب مطوة
وصاحب خولة وصاحب جولة
وبيني وبينكم سيد بشبش
راجل واعي وفاهم
فاهم فاهم
وعامل انه الواحد يعني
وغايتو وبرضه ولازم
بالمفتوح ده كلام سر
ما فيش واحد يمشي يسمع
سيد بشبش راجل دوغري
لكن في الليل هجيجه يولع
وزي ما تقول بحب المنقة
و الحاجات النايس ولظلظ
وقبل ما ندخل ونحكي القصة
لازم نعرف صورة بشبش
أصلع أسمر بادية عليه علامة النعمة
وعرجة خفيفة في حادث حركة
شكل سيادته عموما مدهش
وددايما شايل سبحة
تسبح وحدها دون تسبيح
أوتوماتيك
حكمة ربك وقسمة صحيح
سيد بشبش راجل
Urgent
Rich, intelligant
Smooth and elegant
But sometimes
And this is really
He appears slightly hesitant
وفي عصرية وكانت جمعة
سيد بشبش حكك دقنه وهذب شنبه
وشه بينضح نظرة ولمعة
طق عصايته وخت عبايته
وخبط الباب من خلفة برزعة
خلى البيت يتراجف كله
حاجة نفيسة بناتها ثلاثة
بالاولاد يكملوا سبعة
في المرسيدس أخذ القعدة
كدوسه البني تهبهب ناره
هز دماغه هز
يعني سيادته بحي في جاره
وعاد البنز قال يا ليل
وسط الشارع يلوي غباره
وأثناء ما سايق وسط السكة
كان بيدندن يعني بيمدح
دشكا دشكا دشكا أو دشكا دشكا دشكا
وأثناء ما سايق يغني ويمدح
وعينه الزايغة بتجمع وتطرح
هناك على زاوية لمح المنقة
سيد بشبش تمساح لو يلمح
قلبه ينطط جوه ضلوعه
يطق الروب يثكلب ويردح
لف ودور حول المنقة ودور ولف
رسم الزاوية وكشف المسرح
وبسمة أنيقة صناعة برة
بسمة ثعلب حنكة وخبرة
ما نتفاهم يا خلق الله
وعاد خلق الله ما فهامة وناس واعين
اشارة خفيفة وغمزة عين
عارفين الحال والأمر الواقع
كان الرد الفرح بشبش
وخلى سيادته يهدي يمين
مساء الخير آنسة مرمر
اسمك روعة اسمك سكر
أما سيادته سيد بشبش
رائع مدهش اسمك منعش
موسيقي ومطرب
بس خازوق الناس تتمقلب
وتمشي تقول لسيادتك شبشب
لا يا بت يا نكتة صنفك متعب
وهناك في شارع كم مش عارف
البيت الناصية أشجار وزخارف
عربات تتلاعب أنوار ورفارف
كانت ربة وهيصة تولول
ناس بتصفق وناس بتزغرد
وناس بتهلل
ناس بتنادي شيلي وختي
وناس بتغازل أموت يا أنتي
وناس مبسوطة غاسلة وكاوية
وناس ركاني بتعزف زاوية
وناب بتغني حني يا تتي
وسيد بشبش أمير الموقف وبطل الساعة
كان مشغول مع ناس مرمر
يصلوا جماعة
ولمن تم صلاته وسلم
قام يسلم بالأحضان
قال مشتاق وكاتلو الشوق في الحبان
وزي ما قلنا قبيل عن بشبش
راجل بهجة جد فنان
جدع العمة هناك وعصايته
ولحق جزمته والقفطان
وهاك يا دانص
ودارت حلقة عجاج وغبار
ناس بتسوي ردحي جد
وناس في الردحي رقيصها هزار
وناس انبطحت وناس اندرشت
ناس انكرشت عشان تنمد
وفجأة في لحظة حصلت كبسة
زي ما تقول البيت انهد
الجو اتلغم
فال اتسمم
وصل الكومر شكله يخوف
نزل امباشى معاه الأورطة
عملت سد وجاط الموقف
سيد بشبش ضرب اللخمة
ربط الساعة مكان الجزمة
لبس الجزمة فاكرها عمة
لف العمة محل الساعة
جذب قفطانه رمى الشماعة
فكر ينط من فوق للحيطة
تلب توف جوه البلاعة
جوه الكومر بالبوليس الناس شحنوها
البتباكى والبتوجع والبتعذر والبتشفع
الضحكات باهتة
وفي نص الكومر كان متمحن سيد شبشب
ماسك سبحته
مرة يقحقح ومرة يسب
مشغول بأولاده وحاجة نفيسة
وناس المكتب
كيف القصة هناك بحكوها
وكل ما مرمر تبسم ليه
يسب للمنقة ويوم زرعوها
سيد بشبش

وقول يالطيف

ود الامين

ود اللمين .. حنكو السنين
كسَّر بنات الحلَّة جت
ود اللمين ما زول وجاهة
ولا سماحة
ولا جمال
ولا عندو مال
بس زول كلام
حبَّ الفطين بت الحسن
شفتوا الفطين بت الحسن؟؟
قطعة جمال
زهرة خريف
(أموت ركن)
فيك يا الفطين
بت الحسن
( وأصبح قطن)

وداللمين
أشكيك لمين؟؟
نشفت ريقي مع البنات
طيرتهن
جننتني

وأنا يا شباب
بكل صراحة وكل أدب
لا زول وجاهة ولا جمال
ولا عندي مال
ولا زول لسان
زول الله في بلد الله
بس
عشقي البنات
مكتول أنا..
فيك يا الفطين بت الحسن!!
ود اللمين
كان شفتو يا اخوي الخزين
جنن بنات الحلة جت
خلانا نحن العاشقين
نضحك برانا بلا سبب
وقتين يقول
( اجلي المقاطع بالدهب )
مرات نهيم وسط الغيوم
و نتوه كمان وسط السنين
مرات يقول ( اربعة سنين )
مرات يزيدها كمان سنة
سنة يا أنا
يا أنت يا ود اللمين
خليت بنات الحلة جت
ختو الجرايد في الأرض
جاريات وراك طول النهار
شان يسمعو النغم الحنين
و خليتنا نحن المتعبين
جارين وراك
طول السنين
لو نلقى ( همسة شوق ) معاك
أو حتى نظرة من الشباك
لي الأسمر الراسي الرزين
قول لي كيف بعد السنين
و الغربة و الشوق و الحنين
تهجد عيوني من السهر
و اهتف معاك ( رجع البلد )
للغالية أم طبعاً رزين
القالو سموها الفطيــن
أنا ياالفطين بت الحسن
( مكتول هواك أنا من زمان )
قبل الزمان يصبح زمان
و قبل المكان يصبح مكان
من قبل ما عيال أب جويلي
اتغربوا في كردفان
و قبل الشباب ما يعرفوا
لــــــــــــــــيه ؟؟
ود اللمين
جهجه بنات الحلة جت

نقول يالطيف

ام شداق

ريدي ليكي يا ام شداق
اقلب اللوري في الدقداق
وكت اغلط واقول مشتاق
عيونك جووو تبحلق جو في عيوني
وتجعوط في مصاريني
اتوكل واقول بريدك يا سجم خشمي
!!!بريدك قايله من قلبي
وحاتك خوف
خايفك يوم تهجميني وترجميني
وفد ام كف تكتليني
هي يا ام ريدن بعج بطني
هي ام حبن شرط عيني
!!!اريدك انا
!!! اريد لي فيل
احلني الله يالبرميل
شقوق كرعيك تدخل ضب
تدخل فار
تقول سحليه راسا عديل
!!!اريدك انا
وحاتك الا بي الشلوت
هي يا الهارياني يا الكتلاني
يالباقيه لي شوكة حوت
كل ما اجي
تطفشي مني البنوت
شكيتك علي الله يا ام زعمووط

يالطييييف

ناس دلعلع

ياخ قليبك
لما قاليك أمشي ريدا
ولما قاليك ياخ دي زولتك
وإنت سيدا
أجري حصل قبل ما واحد يصيدا
كمان جكيت وجيت جاري
وديل شاتوك وكانت شوتة ضفاري
ومين داري؟؟؟

وما يقبل
كمان يزعل
ومد بوزو
وخلاه زي وش شاحنة فوزو
خلاه أطول من كدوسو
زي رفارف حل قوسو
لما تنش
وحتى طرومو اللي دلاه
وخلاه نازل زي مظلة
وقاااااادر الله

وقال بريدك يا دلعلع
وناس دلعلع
خصر يطرح.. صدر يجمع
عيون تشرح.. جسم يلمع
تشوف العين
تشوف البغلة في الإبريق
وتبقى عليك يا إبليس الدنئ وبديك
وبضبح ليك جدادة وديك
نظر عينيو
دا قرش البصلة فوق الريق
كسر أنناس شهر ما بفيق
ولابسة التوب
وفيها جمالو أصلي أصول
وخصر جميل تقول مربوط
وجسم حرير بتلألأ
ويمشي خيوط
عيون تنعس رموشا تجوط
وماخدة اللون من الشربوت
وقوة كمان
تقول الملكة حتشبسوت

وناس دلعلع ناس قروش
فوق بيتو طابقين العروش
فوق سورو ساوين النقوش
مالك علي هوي يا القليب
عارفني من ناس البروش
ناس الكفاح ناسا غبش
نص النهار ضارب الشموس
الراس يدوش
هوي يا القليب ما تنقرع
خارب الطبع
والحالة ما نشفت زمااااااان
كرابا داير ينقطع
وهوي يا القليب ما قلنا عيب
لو كونو منقتنا الدليب
أولى.. ورقادنا العنقريب
رفعوا الملاح في المشعليب
وحتى العجينة الخمرت
بيكوسوا ليها فوق قرقريب
وكونو الوليد الفوق نخيرتو قطع كديب
عايش نصييييييح
طول عمرو ما شاف الطبيب

وهوي يا القليب تنطر يوم الكت مسافر
وجاي ضارب في البنادر؟
اليومة ديك ساعة الدغش
حاج عبدو كان داخل المراح
شايل ليه قش
ساعة الوليد لفخو الدحش
تنطر فاطمة وكيف كلاما؟
لما سالت دمعة من عينيها فوق سومة زماما
وأبت ترجع
راجية اللوري حد ما يمش
رغم الحجل فوق الرجل
سخن عليها من الشمش
طاري الدلعلع وريدا داك متجاهلو
بت البلد حارساك بي طولة الزمن
تفتح خشيما وتقفلو

ونقول يالطيف

يامن حببته وما حصل حباني
قدمت طلبي إليكم من مدة
صهينتموا مثل وزارة الإسكان
حبحبتكم حبا يؤدي بأضلعي
سجلته بالفحم في الحيطان
أنسيت قعداتي مقاصد بيتكم
متفرجخا في عتبة الدكان
راجيكي تفتحي بابكم في مرة
حتي أشوفك حايمة بالفستان
أو تكشحي موية الغسيل بجردل
ويا جردلا شالته أحلي يدان
أو تندهي لأخوك من شارع الظلط
وأخوك كبسة معاكي في كل مكان
أنسيت جلساتك في حفلات العرس
تتجملين بأجمل التيبان ..
وأنا مصنقر ناصية في مقعد
ومقهي فيك مسهي فيك مشحط العينان
وينقرش الطبال في طرقاته
ويلولو الفنان بالألحان
ويقوم ملعون يلوك بوسطه
يدعوك للكاروشه في الميدان
وتقومي ترقصي في الجمايكا بخفة
وتوزعي البسمات بالمجان
والكل ماج وهججوا مثل الجزيرة
تموج بالفيـــــران ..
يا ليتني سما زعافا قاتلا
لقرضتهم قرضا بلا إحسان
حتي العريس وعروسه سممتهم
وغرغرت باقي السم للفنان
جبت الكراسي كلها وردمتها
وأطلقت فيها حارق النيــران
كوركت يا ناس المطافئ الحقوا
النار إمتدت إلي الصيـــــــوان
واذا أتوا ناس المطافئ قلت :
يا ناس المطافئ ثوانــــــــي .!
في القلب بارود وفي المصران ألغام
فلتطفوا نار الحب في مصراني
أو تأمروا هذي البنية تحبني
ما دام أبت ريدتنا بالإحســـــــــــان
يالطييف

شعر هندي يقتلك من الضحك

اسمعوو يقول:
ايس فيه ايس فيه ايس فيه

اسم كومار عتيق....... اخو انت والله صديق

هندي انا والله رفيق......بلد انا اسمر كتير

بابا انا شيبة كبير......ماما انا مريض كتير

اخو انا كلو صغير......فلوس اما ما في فقير

عشرة سنه شغل هنا......ما في شوف اهلي انا

ممكن اموت انا هنا......فكر مشغول تعبان انا

اتنين سنه ما في فلوس.....كفيل كلام بعدي يشوف

والله حرام لازم فلوس....انا مسلم مافي هندوس

لازم سفر انا رمضان....انسان انا ما في حيوان

مخ انا حقي خربان....جسم انا كتير تعبان

لازم انا في روح بلد...سوى زواج جيبوا ولد

كفيل كلام هذا بلد....ما في زواج ما في ولد

انت شغل هنا حمار....مفهوم كلام يا كومار

اتنين شغل هنا حمار....كفيل انا سم سم بغل

هو اكل على طول لحم....انا اكل توم وبصل

على طول كلام كومار تعال....نظف هنا انا زبال

جيبتوا بلد شعر كتير....شعر اسود سمسم هرير

هالحين شعر كلوا يطير.....ما في صغير ولاا كبير

كفيل انا كرشوا كبير....ممكن اكل لحم همير

انا كرشي صغير كتير....والله تنفخ والله يطير

سكن انا في غرفه صغير....ما في مكيف ما في سرير

انا صبر سم سم جمال....ولاا شغل انا صبر سم سم جمال

كفيل ما في بخشيش....ولا يبغى انا شغل حشيش

لازم ساعد انا صديق....اخو انتى كومار والله رفيق

انت اخو انت صديق....عنوان انا هنا هربك

قصيدة عن اهلنا الانجليز

قوم جورج وجون وعيونهم زغر مـا تعـرف لترجمتهـم بالكـلام

عنـدهـم الأم سمـوهـا مــذر & والأبـو فـذر قليليـن الـرحـام

والمـرأه فيميـل والميـل الذكـر وأختك السستر وترى البوي الغلام

والبدي جسمك وباك اسم الظهـر واليدين الهنـدز والفنقـر ابهـام

والغنم هي شيـب والكـاو البقـر واللحم هو مييت والبـون العظـام

والدجاجه هـن والهـوك الصقـر والبجن قالوا تراه اسـم الحمـام

وشمس ربي صن والمون القمـر والشهر سموه منث وييـر عـام

والدقيقـه منـت والسـاعـة أور وهولـدي عطلـة وديوتـي دوام

والبـرد الخبـز والسكـر شكـر والعسل هاني وسوب اسم اليـدام

والشجـر تريـز والنهـر الرفـر والسماء اسكاي واكلـود الغمـام

والنجوم استارز والطقس الـوذر والضو لايت ودارك اسم الظـلام

وكلمة فلور تـرى تعنـي الزهـر وكل عشب قراص لو انه ارمـام

وكل غرفه روم والهاوس القصـر وباب بيتك دور والروف الطمـام

ولو علـى بلدانهـم دايـم مطـر ما تساوي ديـرة العـرب الكـرام

انبكي يالطيفكي وي

بنت نجيضة...ادبت حنكوش
فى درب الريد
كم شاققت .واتفولحت..كم غنيت
كم مقلبت..كم ضحكت..كم بكيت
وكنت الفارس المنصور
انا الشبكت خط العرض وخط الطول
انا الهباش..انا النهاش..انا الخترى
اصيد الهاوى شاقى الجو..واصيد الارضى والبحرى
انوع فى مطايب الصيد..اصيد البحبى والبجرى
مخازن فل.............نكات بالكوم
مهذبة للعفيف وعديل..مكهربة للبحومو الليل
شباب ورياش .. ورقة ولين
وخفة دم..........وقلة دين
دموع تمساح..تبكى الزينة والقاسيين
غزال الجن..بدون ما يدرى قلبو يحن
ارمى حبالى فى دربو واقيف قدامو
امثل دور ..حميل مسكين
ويبدآ سلام ..وراه كلام..وكيف الحال ..وكيف عاملين
سلام....يا اجمل الحلوين
سلام ياناس..ويا اناناس..صباح الورد والياسمين
وتسمع هاى..... وتسمع لين
وهمسة شوق.....وكسرة عين
وبعد شوية... بيتكم وين ؟؟
وبعد ايام..وين؟؟ -ليك مدة- مشتاقين
ومشتاقين..توصل شوشو للسكبن
ويجى الشاكوش...يصنف شوشو فى الارشيف
وتبدا القصة فى التكرار
وكل عويل....بدايتو هذار
يزين....للفراش النار
وهاك ياصيد.....وجاك باصيد
وفى ذات يوم نسايمو تهب
مكندش....بى دعاش الرب
طريت الصيد
وشالنى الشوق على سكة جدى الريل
مدردح...مانى راجى دليل
مسلح ب الخفيف وتقيل
مدى النيران....يصيب النملة
ويتصاعد.....يصيد الفيل
وقولت تيت
جات الصيدة..وجه جديد
بسماتا..تضوى الثورة والحلفايا
تدى الباقى .. لباريس

وناس الكبكبة السبقونى..رقدوا العيش
عيون زاغت....رجول خارت
قلوب وقفت....رؤؤس طارت
مدحرجة فى درب تاجوج
وكت ما بعومو شن وداهم يصارعو الموج
وجيتك....يا صباح العيد
انا الهباش..انا النهاش..انا الخترى
ويادوب ما بديت ...ب البسمة
قبل اقدم اوراقى...صباح الورد ماتميتا
سحبت ايدا.....صرت عينا
لفت جيدا
قالت...........بس
تبسى كديسة......ياتاجوج
عاملة عيونك الحلوات
انا.......اب شنبات...تقول لى بس
كما كنت..انسحاب تكتيكى لو ينفع
اتلفت يمين...لقيت شامتين
اتلفت شمال.....لقيت...وس...وس
ومن يوم داك...حردت الصيد
محل اقبل اسمع ب...................س بس

يالطيف

يالطيف

ست الشاي
**
قصيدة للشاعر هاشم صديق

***

الرادي يساسق
بين بريطانيا
وبين أمريكا
و(صابر) سارح
لنفسو يصارح
- يا صابر هوى
رمضان جاييكا
حتجيب من وين
قروش السكر
وحق الويكة؟!
(الرادى ) يناهد
وسط الحوش
بين ( بن لادن)
و(مستر بوش)
- تصريح
من لندن
- أخبار
من (غزة)
وجيران صابر
عاملين( قعدة )
انقلبت (ندوة)
الرادى يكورك
وسط الحوش
- أفغانستان
موت أفغان
- مستر بوش
وخواجة بيصرخ
وصوته مرخرخ
زى (حنكوش)
- القصف يدك
أركان ( كابول )
ووالدة (صابر)
حاجة (بتول)
مشدوهة تقطع
عيش الفتة
تكب سرحانة
فى موية الفول
- يوماتى عشاهم
(فتة بوش)
والرادى يساسق
بين ( بن لادن)
ومستر( بوش)
وصابر يطنطن
- الصاح مقلوع
السيف مرفوع
الكلمة غموض
والمعنى فروع
الدنيا خراب
والأقوى مهاب
والعدل رهاب
الليل مشروق
بى فتة فول
وصوت ( الحاجة )
الوالدة (بتول)
يناغم صابر

- شنو الإرهاب؟!
وتمتم صابر
قل...قلتى
شنو؟!
وترد (الحاجة)
- مالك مرعوب؟!
تتلفت ليش؟!
تقول مزرور
بى عسكر وديش؟!
سألتك بس
شنو الإرهاب؟!
واتنحنح (صابر)
صنقع ودنقر
حك رويسو
اتمدد وصنقر
وقال للحاجة
- سؤالك يمة
جوابو كتاب
لكن ...
لكن يا(حاجة)
زى ماتقولى
طلع ربَاط
فى الليل
لى زول
بى سيف مسلول
وشال من جيبو
قروش العيش
وحق الفول
أو زول آمن
يقع فى مكيدة
يموت مكتول
وزى تغيان
علىالفقران
على المسكين
على الأعزل
على المشلول
وتتدقق
غبينة (الحاجة)
زى راجمة
وتصبح ناغمة
- وحسع نان
منو الربَاط؟!
أمريكا؟!
( بن لادن )؟!
ولا الأفغان؟!
منو التغيان
منو المسكين؟!
منو المظلوم
مستر بوش
ولا فلسطين؟!
شنو ال...
منو ال...
ضحك (صابر)
وحك رويسو
واتنحنح
وقال للحاجة
- يمة اتعشى
اكلى البوش
لو عارف ردود
لى ديل
ما كان الرويس
مدووش
سكت صابر
رقد معبور
وصوت الرادى
لافى الدنيا
لسه بيدور
سرح صابر
ودمو يفور
نكش حزنو
وقال لى نفسو
من قلبو
أريت الدنيا
حسه تغور
سمع صوت أمو
تانى يلح
- دحين ياوليد
بدور أسأل
ويرد صابر وضيق العبرة
طعمو ملح
- نعم يمه
قايلك نمتى
وترد الحاجة
أنوم كيفن
وصوت الرادى
فى إضنى
زى مكنة؟!
بدور أسال
دحين أمريكا
ما ياها
العذابا دنا؟؟!
ويرد صابر
وضحكو علا
- عذاب أمريكا
ولا هنا؟؟!
عذاب أمريكا
ولا أنا؟؟!
ويصن لحظات
- دحين يمه
- ورمضان جاى
هم أمريكا
ولا اللقمة
والويكة
ترد الحاجة تفتش
لكيس تمباكا
فى الكراب
نقول همين
عذاب وعذاب
تخت السفة
وتبرطم
- دحين يا وليد
ده مو الإرهاب؟!!
ويصن الليل
ورأس صابر
يدقدق ساى
يشرق جاى
يغرب جاى
- كراتشى
- أباتشى
- أنقرة
- عنقرة
- ربع الويكة
- جمرة خبيثة
- مكيدة دسيسة
- بي . بي . سي
- آي . إن . تي
- سي . إن . إن
- توني بلير
- كلام الطير
- خبر وحواشى
- إبراهومة
- أموكاشى
ويقع صابر
فى بير النوم
ويشوف روحو
بدل (أمجاد)
ركب بعشوم
وشاف الناس
توسوس ساى
خبر يا هناى
ست الشاى
أف. بي.آي
وأحمد بيه
سي . آي .أيه
ووسط الموز
لقينا ( كروز)
- برج كلتوم
ملان بحمام
وقع صاروخ
شق حشاهو
سكن جواهو
سوا حطام
ويغوص صابر
غرق أكتر
فى بير النوم
ويشوف الحاجة
امو ( بتول )
وسط الزحمة
رافعة ايدها
بي قندول
تكورك وتهتف
- لا أمريكا
- (بل فتريته)
(أنحنا الساس)
رافعين رأس
ما بنتراجع
ما بنتهان
ما بنخاف
الأمريكان
ويشوف صابر
بيوت الحلة
تتغامز
وتتريق
على الحاجة
وتتلامز
ووسط اللمة
صوت الحاجة
عالى فصيح
(تشيلو الريح)
صوت الرادي
مابي النوم
الموت أخبار
الظلم حصار
الرعب خيار
والليل حزنان
الليل عريان
والقمرة هدوم
الليل مفضوح
والنجم كتوم
الدنيا تصن
القيامة تقوم
صابر مجروح
في نومو
يئن
وفي الرادي تجن
بالتار
(بيق بن)
والنشرة تجيب
أخبار الشوم
كابوس صابر
قفة خضار
سوت جنحين
طارت لي فوق
والفاقة مطار
كابوس صابر
يعمل إيه والدنيا
مصالح
وسي. آي. أيه
كابوس صابر
الناس بتوسوس
وتنضم ساس
ست الشاي
أف. بي. آي
كابوس صابر
الدنيا مغازي
يموت الحب
ترمي أخوك
في بطن الجب
وتترتر غادي
تناصر الغازي
كابوس صابر
الكلمة ضحية
إرهاب مشروع
وإرهاب وحشية
ضحايا غبش
وضحايا غنية
كابوس صابر
الناس ( بالقرجة )
تقيف للفرجة
تغير لونها
ميتين درجة
كابوس صابر
هم الويكة
والفتريتة
ونار أحزانو
ونار أمريكا
كابوس صابر
الصاح مقلوع
السيف مرفوع
الكلمة غموض
والمعنى فروع
الدنيا خراب
والأقوى مهاب
والعدل رهاب
الرادي يلغلغ
وسط الحوش
بين ( بن لادن )
ومستر بوش
- أفغانستان
- موت أفغان
- القائمة تطول
- عراق .. سوريا
- جنوب لبنان
- وما معروف
- تاني كمان !
تجي الحملة
عقاب جملة
( علي الإرهاب )
علي الإنسان؟!
القصف يدك
أركان كابول
ووالدة ( صابر )
حاجة ( بتول )
حلمانة تقطع
عيش الفتة
تكب سرحانة
في موية الفول
يوماتي عشاهم
فتة ( بوش )
والرادي يساسق
بين ( بن لادن )
ومستر ( بوش )
صوت الرادي
مابي النوم
والليل حيران
الليل حزنان
الليل عريان
والقمرة هدوم
الليل مفضوح
والنجم كتوم
كابوس صابر
قفة خضار
سوت جنحين
طارت لي فوق
والدنيا مطار
كابوس صابر
صوت مبلوع
حق مقلوع
والموت بالجوع
كابوس صابر
يعلم أية
والدنيا مصالح
وسي. آي. أيه
كابوس صابر
الناس بتوسوس
وتنضم ساي
ست الشاي
أف. بي. آي

(ضحكة1)

(ضحكة1)

بااااااااااااااي

انا المشرور
انا المشرور على حبل الهوى ونشفان
انا الزهجان ومادى البوز وجد قرفان
انا الما راعوا فينى حق الجار لا احسان
ولا عرفان
انا الادونى كم شاكوش
انا الجلدونى بى خرطوش
انا الداسونى بالبرطوش
وانا الما ضقت ماكنتوش
انا الفطمونى بى قرقوش
انا الولهان انا العيان انا المبهوط
انا المشرور على حبل الهوى ونشفان
انا المبلول فى سيل العرق غرقان
دموعى تسيل بكاى تقيل وجنى عويل
ضربنى الزول فرد شاكوش رمانى قتيل
دا ما شاكوشو حار وصعيب يشنقل فيل
يعطش حتى سمك البلطى فوق النيل
دا لاشاكوش ولا حاجتين
اظن مدفع .. اظن رشاش
مضاد للريد دا دوشكا عديل
دا خلى رويسى ولع نار
وخلى قليبى حالاً طار
عشان ارتاح
اريت يصدمنى بس دفار
وتتفرتق عضامى تطير
ويطير راسى ويدق فى حيطه حقت جار
يقوم الجار يدشدشو ليك بى فرار

مهندس كمبيوتر بيعاكس
يا مسطب حبك في قلبي .
ومكنسل منه الآهات.
بعدك خلاني أهنج.
وأحرق كل الرامات.
كارت عيني ولع.
وكمان الساوندات من كتر ما اتحركت انصبت بالبادات.
فضلت أدور عليك نصحوني بالشات.
أتخيلت بيك يا خسارة طلعت فيروسات.
من بعدك عقلي خلاص أتعمله فورمات.
وعلشان أشوفك تاني لازم ابقي فات.
لا نافع في ويندوز ولا حتي ريد هات.
من كتر ألم فراقك بسقط ملفات.
عملت سكان لقلبي مالقيتش بارتيشنات.
حتي التقسيمة ضاعت.
ياخسارة على اللى فات وحياتي الى دخلها الفيروسات

شكرا الدكتورة بائعة الكسرة... واصلي ابداعاتك... المقصود ان يحوي منتدانا اكبر عدد من الشعر الحلمنتيشي علي الاطلاق (ماتقروها علي الطلاق)... ونحن قادرين علي ان نكونوا اهم مرجعية للشعر الحلمنتيشي في فضاءات الانترنت..

ونقول يالطيف

حبيبتي…انا من غيرك زى الشارع بدون اناره

زى التقاطع بدون اشاره

زى السلطه بدون خياره

زى السواق بدون سياره

زى المدخن بدون سيجاره

زى الصحراء بدون بعير

زى بوش بدون بلير

زى الأهبل بدون هبلة

زى عنتر بدون عبله

آآآآه......

انا النار وانتي الدخان

‏انا الزلزال وانتي البركان

انا من غيرك اضيع اضيع

انا من غيرك فى الشوارع بصيع

انا من غيرك زى الخروف بدون قطيع

انا من غيرك حالي فظيع

انا روميو وانتي جوليت

انا سوبرمان وانتي طيارته

انا باتمان وانتي سيارته

انا عشانك اشتغل سواق تاكسي

انا الميراندا وانتي الببسي

انتي القشطه وانا الزيتون

انتي نعناعه وانا ليمون

انتي الجزيره وانا سبيس تون

انتي بومبا وانا تيمون

انتي العراق وانا صدام

انتي الهند وانا الافلام

انتي الباب وانا المفتاح

انتي الضفدعه وانا التمساح

يا اجمل من بنات المغرب واليونان

آآآآآه ياريتك بنت الجيران

انا لعيونك بغلب جاكي شان

واعبر المحيطات والخلجان

واصارع في حلبة الثيران

يا احلى من شاكيرا وبرتني وكريستان

طولي..
طولي يا طول العدو
زي التقول ماطنّي مط
ماشي في الشارع عديل
وعشان طويل
يقولوا بتّاوق بي الحيط
رجليني الطوال
الاتنين شمال
رجليني جايات غلط
الناس رجولا قدُر كِده
تلبس في الجِزم
وأنا رجولي قَدُر كده
ألبس في الشنط!
طولي يا سبب الأذيّة
الناس طولها ميّة سنتي
وإنتَ ألف وخُمسميّة
الناس تِحت تصلي العشا
وأنا لسه شايف المغربية
طولي يا سبب الوجع
الناس لو دايره تتكلم معاي
إلا في كم وكم حاجة تطلع
أدنقر في الباب أقوم ألقي الباب هنا انقلع
أخش جوّه الأوضة
ألقى العرش ارتفع
طولي يا طول الهنا
الساعة ديك أظن أمي كانت تفكّر في برج
وبعد شوية جيت أنا
ولادتي كانت متعثّرة
وأظنها في كم سنة
الظاهر كل يوم تطلع 10 متر
ولسّه ما كملتَ أنا
وفي النهاية، يومي الإتولدتَ
شالتني الدهب ختتني في المخدّة
نايم جوّة في الأوضة
ورجليني برّة في البرندة
طولي يا البقيت لي دليل
مما دخلت المدرسة لا قريت أولى لا تانية
دخلت ساته عديل
قعّدوني في آخر كنبه عشان طويل
والشُفّع يقولوا طويل عنقوق
راسك ما فيو طايوق
عشان طويل
لكن نحنا الطوال
حصّلنا القمر في النجوم نتشال
نحنا طوال زي قصر الشباب والأطفال
وزي قاعة الصداقة
والناس القصار ديل، سكن عشوائي
بتشيلن الكرّاكة

» الشعر و الخواطر
» اهدء لكل من يعشق الشعر