التطاول في المباني وانحطاط القيم والمعاني

عدد المساهمات : 200 تاريخ التسجيل : 10/02/2010

اسرة (ابو الحسن) من الاسر العريقة هناك في اقصي القرية ......... تنعم بالدفء والاستقرار الكامل في وسط الحي الفقير ......

وكان ابنها (كلوش) عاملا بسيطا يعمل في الزراعة....تزوج (كلوش) وكون اسرة (كلوش ابوالحسن).... وكانت الاسرة مترابطه جدا يحكمها نظام الحوش الواحد والدكه والنفاج .... كلوش واولادة وابوالحسن وبناته.... توفي رب الاسرة (ابو الحسن) ...... ترك (كلوش) العمل في الزراعة .... وباع كل الممتلكات وقرر العيش في العاصمة ..... اشتري منزلا فخما في احد الاحياء الخرطومية .......... ووجد عملا يدر عليه خيرا كثيرا وانغمس في الجري وراء المعيشة ............. تبدلت مفاهيم الاسرة تماما واصبح همها الاكل والرفاهية ونسيت مبادئ القرية... وانغمست في ملاهي الخرطوم المغرية .....وانجرفت وراء تيار ملزات الحياة .....اصبحت بنات (كلوش) من المشهورات في دروب الرزيلة ... تفككت الاسرة وانقطع الاهل من زيارتهم ... وتاهت الاسرة الجميلة وسط صخب وضوضاء العاصمة....ما السبب وراء كل زلك؟

عدد المساهمات : 1064 تاريخ التسجيل : 01/09/2010

صباحاتك بيض يا قدورة ..وانت تخلينا نتون معاك وبعد البدايه الحلوة وكلنا فرحنا لكلوش لكن ..ضيعتهم ..ضياع القيم يا اخى العزيز ..بوابة كبيرة وتدخلنا على حوش واااااااسع اوسع من حوش كلوش ..اسباب عديدة منها زى ما قلت الجرى وراء المعيشه وترك الاهم ...الاسرة والتربيه والمتابعه والمراقبه... ويمكن انه كلوش كان غشيم وثقته امتدت الى ابعاد ووضع الثقة فى غير موضعها..يمكن اتغشوا فى ان الثقافه هى التفكك والانحلال وان الرقى هو اللبس الضيق والاكل من البقالات ومعلبات ورمى الثوب القديم والبالى والجرى وراء الحضارة ..لكن ما كل الحضارة هى سيئه المشكله فى اختياراتنا واندهاشنا وتعلقنا باى شئ مخالف لما يناسبنا والادعاء بانه ممكن يليق بنا..ووالله يا قدورة .النفس البشرية دى غريبه ..غريبه جدا وحبها للملذات غريب ..وما بنقدر نضع على عاتق كلوش انه اساء التربيه او اتخذ قرار خاطئ ويمكن يكون دا هو السبب..
والله يا قدورة قصتك سمحه مليانه ومدفقه ..معانى ودعوة للتفاكر وسؤالك لسه مطروح ولنا عودة ما تيسر ذلك

الاخ قدورة فى رايى السبب الاول الوضع الاقتصادى الحالى .... والتانى التربية والمتابعة من رب وولى امر الاسرة
وبين هذا وذاك بعد الناس عن الدين ...

ولابد من ان تتاكد بانو برضو فى ملاهى اخرى اسمها حديقة نميرى جنبك .... وفى صفحات فى النت يطلق فيها كل ماهو رزيل
ولا بد من عمل مصدات لتلك الرياح العاتية القادمة .... حتى لاينغمس شيوخنا قبل شبابنا ....

ودمت .... وفى انتظار ماوعدتنا بة من الاستاذ الموقر .... وتحياتى لكل الدكة والزقاقات

كتب قدورة:

(وانغمست في ملاهي الخرطوم المغرية .....وانجرفت وراء تيار ملزات الحياة ).
لاأعتقد ان بالخرطوم ملاهي مغرية... وليست لللحياة ملذات هناك...بل تقاربت الكتوف مابين المدينة والريف.
اعرف اسر سودانية تسكن في قلب عواصم العالم اللبرالية,وهي الملذات بعينها, ولم يزدها ذلك الا تمسكا بدين الله الحنيف واصرار بالتمسك بتقاليد القرية.
اما اسرة كلوش فهي مثال لاسر كثيرة جدا ذهب في ذات الطريق وخسرت كل شئ.
السبب في رايي الخلعة لانها ناس قلبها مامليان...واعتقادها الشديد انها ارتقت درجة من درجات الرقي والتمدن ومسموح لها بعمل شئ جديد.
وقبل هذا وذاك هي ناس مابتقول يالطيف

شكرا يا قدورة

يا ربي يكون السبب في التطاول في المباني وانحطاط القيم والمعاني هـو ما ورد في معنى حديث أمارات الساعة من وترى الحفاة العراة رعاة الشاة يتطاولون في البنيان .. ولاشنو؟؟

انا شايفة العامل الاساسي ليس في العاصمة انما التربية وتوعية الاسر

ولا الخطر من النت والملاهي

توعية الابناء من الصغر على القيم الاصيلة

اهو اسر كتير راحت العاصمة ومازلت كماهي في قيمها واصولها
ودا ما تشكير لشخص انما التأكيد على التربية
يعني اللي كان بايظ من اساسو لو لف العالم حيكون بايظ
والاصيل اصيل لو اتقفل في بيت ............

ولكم الود

عدد المساهمات : 200 تاريخ التسجيل : 10/02/2010

التربية هي الاساس .... ولكن انكسار الانسان في لحظة ضعف ناتج من البعد عن الدين .... يعني يامشيرة ما تقولي لي .......... الشين شين لو استحم مرتين ... والسمح سمح لو قام من النوم.... في كثير من الاحيان الحوجة تضعف البشر ........ والناس لو ما مسكو في الدين دا قوي واطاتم اصبحت ... ولا شنو يا شباب........

اكيد اصلا الانسان بتربى بي شنو اكيد الدين والقيم الحميدة

وياقدورة الشين شين لو استحما عشرة خليك من مرتين والسمح سمح لو ما استحمى زاتو هههههههههههههههه

عدد المساهمات : 65 تاريخ التسجيل : 30/11/2010

ياقدوره ...هي اسرة (عمرابوالحسن) صناع(السينما)في دنقلا...وملاك الاطيان,,,هجرواالبلد.......كلوش واولادو شن جابرهم علي القعاد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عدد المساهمات : 200 تاريخ التسجيل : 10/02/2010

الاخ الموقر \سمعة

المشكلة ليست في السفر و الهجرة وانما في ترك المعاني السمحة و المبادئ الجميلة للقرية ..........

عدد المساهمات : 1064 تاريخ التسجيل : 01/09/2010

اظن يا قدورة كلوش واسرته لو كانوا قعدوا فى حتتم برضو كانو حيعيثوا فسادا ..المشكلة مافى الهجرة المشكله فى طينتهم
ابقى واصل قصصك السمحة ديا ياا قريبى

عدد المساهمات : 200 تاريخ التسجيل : 10/02/2010

تحياتي يادكتورة .... كلوش لسه خاتي يدينو في راسو ياربي السبب شنو........... كلوش نموذج فقط ....ايام كنا طلبه في جامعة النيلين زملائي في الكلية

من كسلا ومن الجزيرة عندما يجلسون جلسه حب هادئه مع البرالمة اقول ليهم دا شنو وين قيمكم وين مبادئكم يقولو لي خلينها في السوق الشعبي..... وانحنا راجعين البلد نشيلهم معانا.......