تنويه هام لكل الاعضاء

[size=24]الاحباء جميعا ..فى اطار التنسيق لمنتديات مراغه واعطاء كل موضوع محله ومكانه وخصوصيته ..تم نقل جميع المواضيع المتعلقه بشئون القر ية وتكوين المشاريع الهامه الى منتدي المشاريع الهامه ومنتدى شئون القريه
ايضا تم نقل اى موضوع اجتماعى من تعزيه او تهنئه او خلافه الى المنتدى الاجتماعى
وستم نقل اى موضوع ارتبط بالتكريم السابق ا..للاخوة الر ياضين الى المنتدى الرياضى
كما تم نقل بعض المواضيع الخاصه بشون المراة الى منتدى قطاع المراه
وجارى التنسيق ونقل كل موضوع الى منتدى يناسب ويتناسب..اليوم فقط البدايه واى منتدى يتم تعيين مشرف يكون مهمته مساعدة الاعضاء وضبط المنتدى.
وعليه :هناك رجاء من الاداره للاخوة الاعضاء ان يساعدونا فى مسالة التنسيق والترتيب ..
الرجاء اختيار عنوان مناسب لم يسبق استخدامه حتى لا تتكرر العناوين
مراعاة عدم اختيار ونقاش موضوع واحد فى اكثر من محل للعضو الواحد
وضع اى موضوع فى المنتدى المناسب له
المنتدى العام لكل المواضيع العامه من ثقافه وسياسه ونقاشات عامه ومواضيع هامة .ومن مقترحات واراء ..
المنتدى شئون القريه خاص بهموم القريه ومشاكلها
منتدى المشاريع الهامه هو منتدى للانجازات ما تم وما سيتم ومنتظرين المقترحات الجديده والمشاريع الجديده..
وهذا كراى وليس تسلك ادارى ..فقط للتنسيق فشاركونا برايكم ومقترحاتكم ودمتم فى رعايه الله
[/size]

تسلمو ياشباب ورينا يوفقكم ويثبت خطاكم وإلى الأمام دوما وكلنا معكم

شكرا دكتورة نضارو شكرا الاخ شهاب علي تحرككم النشط و المقدر في تنسيق الموقع وقد اعجبني الله يعينكم

التحيه والتقدير لادارة الموقع وكل سنه والجميع بخير ....حقيقه الترتيب مطلوب ولكم الشكر.

الاخوة الكرام والدكتورة نضار السلام عليكم جميعا وكيف الاحوال والامور لعلكم بالف خير .....

اتفق معكم تماما فى تنسيق المنتدى حتى يخرجنا من المنتدى العام الذى شحم وشحم وشحم حتى كرش
بس فى وقفة انو ياريت تهتمو شوية بمقترحات الاعضاء وقبل فترة فى بوست عملو الاخ منير على طة علقت تعليق
حانقول تانى للفائدة واخر مفصل فى منتدى تطوير الموقع باسم (مابين دكاتورية ودالشريف ومشاريع الجعلى الهامة)

تعليقى على منير كما يلى: (بتاريخ 4 ديسمبر 2010)

الاخ منير مشكور جدا وانت اضافة حقيقية للابداع القادم بكل انواعة ولك التحية
الاخت نضار مشتاقين شديد والله اضافة مية المية نائب المدير العام دى ولانو ودالشريف قال مافاهم
انا قاصد شنو فى موضوع تطوير الموقع ياريت تزورى موضوع مابين دكتاتورية ودالشريف وتهتمو بالموضوع شدييييييييييييييييد
وانا اويد بشدة نقل كل المواضيع الى مكانها الصحيح بشرط واحد انو تعملو اعلان ضخم قبل فترة كافية يعنى قبل اسبوع مثلا من يوم 12 ديسمبر مثلا حنقولو كل موضوع لمحلو وكل زول يلتزم بعداك لانو والله المنتدى العام دة شحم عديل وقال الروب الروب بس الاعلان يكون بخط واضح وعريض مامموج زى بتاع الدعم الفوق دة ويكون فى المنتدى وفى الشبكة برضو
ووفقكم الله واعانكم لخدمة الاحباب


يعنى لو كان عملتو الاعلان اول وبعدين مشيتو رحلتو المواضيع كان حيكون افيد فى راى الشخصى .... لكن رحلتوها
وكتبتو تم ترحيل ..... فى اول سطر للدكتورة نضار ....

الاخ مالك: نتمنى ان لانجد خيار وفقوس فى نقل المواضيع يعنى ياتنقلو اى شى لمحلو الصحيح اعتمادا على نص
المقال او البوست وليس اعتمادا على العنوان أو تخلو اى شى فى محلو وتلحو بالاعلانات وبعدها تنقلو اى شى للمكان الصحيح ... وفى كل الاحوال نتفق معكم فى النقل للمكان الصحيح ....

اسماعيل بلال (سمعة): ناسف جدا بشدة لانو حظك تطابق زمنيا مع نقل المواضيع القرباها ليك بعد فتيش ....

ودمتم احبتى ....

يديكي العافية دكتورة اها يا اخونا مجدي لقيتك تاني وشفت الشغلة دايرة كيف يوما لك ويوم عليك انت قلت
الاخ مالك: ( نتمنى ان لانجد خيار وفقوس ) فى نقل المواضيع يعنى ياتنقلو اى شى لمحلو الصحيح اعتمادا على نص
المقال او البوست وليس اعتمادا على العنوان أو تخلو اى شى فى محلو وتلحو بالاعلانات وبعدها تنقلو اى شى للمكان الصحيح

الاخت الدكتورة اسمي احمد علي ايكفي ذلك . اما باني الاحق مجدي هذا ليس له اساس من الصحة رديت عليه في موضوع بكلمة وهو استفذاني بانه ليس لديه وقت عنده فرديت عليه .
اما بخصوص هو عضو فعال فهذا مردود له ولا يعنيني بشئ حتي ولو صار رئيسا .
وبخصوص الغاء اشتراكي اوكي ليس لي اي مانع ساظل اكتب وارد علي اي شئ لحين انتهاء الاسبوع وفي العدم غنانا الله بان ياتينا سكري ولا ضغط بمجاراته او عدمه يعني بالواضح الغي اشتراكي ولك الشكر وستجديني سعيد بذلك ايضا ولك العتبي حتي ترضي

الاخت نضار نشكرك على متابعاتك الدقيقة للمنتدى ولهذا اطلقنا عليك مهيرة مراغة وعزة مراغة .....
نتفق معكم فى التنسيق المستمر للبوستات ونوافق على دكتاتوريتكم مادام تودى الى المصلحة العامة وانتم خبرة عملا واكبر منا سنا فاعتبريها تعليمات وماعلينا الا التنفيذ كما زكرت لك الصباح عبر الهاتف ودمت .....


اقتراح اخر: زكرت للاخ ودالشريف بانة بعد اغلاق محمد وديدى سوف يظهر محمد وديدى اخر واخر واخر وحدث
والحل فى راى الشخصى اى زول ماداير يكشف هويتو معناهو عند قصد ولحدى مانتاكد من قصدو سيى ولا خير فلابد من عدم الرد علية ونعتبر لاسمعنا ولا راينا ولا رايكم شنو ؟؟؟

اقتراح اخير: وضع منتدى شئون مراغة بعد المشاريع الهامة مباشرة وبعدة الشباب والطلاب والمراة والثقافى والامر النهائى متروك للادارة .....

ياولدا احمد و الله الكلامك كلام زول زعلان و هذا المنتدى جامع للاحباب و الاخوان و انا باعتبرة الواصل بين الطيور المهاجرة وارض الوطن و اكيد سوفا تراجع كلامك و تكون عضو فعال ومساهم في تطوير المنتدى و القرية و النقض البناء مطلوب لانه يساعد الادارة على تسيير الامور هذه دعوى شخصية لمراجعة قرارك بمغادرتنا ..... لو كل زعلان تمسك بكللامة ما بتتحقق اهداف المنتدى خلي زعلاك جانب و انظر الى الايجابيات للمنتدى و شوف الناس تعبانة كيف فى تسيير الامور بدون مقابل و على حساب وقتهم الشباب اخذوا وقت اسرهم واهدوه لينا ضرورى نجازيهم بالكلمة الطيبة على الاقل ....... مره اخيرة فكر وما تندم دائما الولد ما بيزعل من بيت اهلة يدور و يدور و يرجع تاني و نحن عايزينك ترجع تاني والاحمق هو البيكابر ... دعوه اخوية صادقة........

الاخ شريف عبدالمتعال نشكر لك اسلوبك الراقي في المخاطبه وحقيقة اسلوبك عجبي شديد وجعلني استحي امامكم رغم عدم خطئي في شئ سوي ردي لمجدي وبكل صراحة وكلامه به كثير ثلج علي قول اخونا قدورة الاصلي ههههههه عموما كنت اود ان لا ارد عليه اصلا ولكن كما قلت انت ان هذا بيت لاسرة واحدة وحقيقة لا احب التخصصات التي يزكرها وهذا ليس مكانه يعني مثلا انت كنت معي هاتفيا وانتهي الموضوع وعندما اراك ثانية لا اقول لك نفس الشئ عامة واقصد بذلك تباهي وكلام اعتبره ليس مكانه وليس به جديد ولا مفيد .
وختاما اري عدم استفادة الاعضاء من ما كتب سوي قلت لي ويوم داك ... وصاحبك بتاع ..... وذي ما انت عارف ... بقول ليك بعدين ..... انا ذاتي قلت كدة ....... ولا رأيك شنو ......لما اشوفو بقول ليك ........ ويا حبيبنا والله انا ذاتو ما عارفو بفكر كيف لكن انا لسع ما اتم كلامي معاك جي فات بي جمبي زي الهواء ........ وبعد داك انتهت المكالمة لكن اتذكرت انو انا ما قلت ليك موضوع ناس ..... وعارفك انت مشغول قلت الخصو ليك بعدين ......... ههههه المهم لما ترجع اضرب لي تاني وبشرح ليك الحاصل بالضبط شنو ...... مع خالص تحياتي ....... وناسف اختنا الدكتورة لاستغلالنا البوست بتاعك لكن الزول دة انا كنت بفتش فيه لي مدة وما صدقت عندما وجدته هنا وتقبلوا مروري .........
الاخ شريف نأسف للاطالة لكن عليك الله شئ يقال بالتلفون يذكر بمنتدي عام وكلام متقطع به كل معاني الاستفهامات ونحن ندخل لنفيد ومستفيد والادارة كل همها من انت عرف نفسك ولد منو وساكن وين اقسم لك انا مشترك بمنتديات الخاتمية ولي ما يقارب الستة أشهر ولم يطلب مني أحد التعرف مباشرة سوي بالرسائل الخاصة عبر الايميل الخاص بي وكل همهم بالمشاركات التي اكتبها ولها مدلولها وايجابيتها وليس بشرط ان تعرف من هو الشخص المشترك سوي باسمه فالامر يرجع اليه واذكرك بانه هنالك رقيب وعتيد وما يلفظ من قول وعمل وختاما اطلب من الادارة الكريمة إلغاء أشتراكي واقول لمجدي تكلم بموضوعية دائما وركز كلامك ولو رجعت لمواضيعه تجد ماذكرت ودون فائدة واكرر شكري لك اخي شريف لكلماتك التي جعلتني اصرف نظر عن من سواه

شكرا للاخ احمد على الاهتمام و الرد على سطورى و القرار طبعا بيرجع ليك و اميلي مسجل املا المراسلة و فى النهاية يا صاحبي المجهول الدعوى ما انتهت هنا و اكيد المنتدي بقرارك هذا مابيفرحوا لان فقد الاب لابنه صعب .......... عسي نسمع عنك خير