هوووووى ياناس بحري الجدول

]size=18]
ظللنا موحدين بين قبلي الجدول وبحري الجدول سنين عددا حتي روجتم انتم للانفصال.
علي اي حال محفزات الوحدة بين قبلي الجدول وبحري الجدول كانت ضعيفة جدا. انتهي الوقت بدل الضائع ولم تعملوا للوحدة الجاذبة. وبدات طبول الحرت يسمع قرعها بوضوح في جمهورية بحري لجدول الجديدة. الصقورالانفصاليين أمثال هاني وفيصل من روج لنادي الأحراربجمهورية بحري الجدول.

لكن ان قامت اي حروبات بيننا وبينكم فتذكروا ان سعادة العقيد هو قائد الجيش. سوف تهزمون شر هزيمة. بل حروبكم الداخلية كفيلة بهزيمتكم,
ستكون هناك حروبات طاحنة بين اكبر قبيلة ببحري الجدول وهي قبيلة العمد مع قبائل العبيدنجي اكبر القبائل ببحري عددا وعدة, والفقيرنجي ذات التاريخ العريق والتبدي أصحاب المال والسلاح والمدعومين من جمهورية قبلي.
اما ساقية المديري وكل منطقة التماس حول جدول جوزيف فهي تابعة لقبلي الجدول وفقا لأتفاقية ماقبل انشاء السايفون واللتي تمنح كل الاراضي لدولة مراغة قبلي.

وفقا لهذه الاتفاقية فان كل المنشات الخدمية والواقعة في منطقة التماس والممثلة في المدارس والمسجد والمركز الصحي وجنينة جوزيف ونادي الوحدة ومشروع الكروات والتعان فانها تتبع لدولة قبلي.

حقنا للدماء, ومن اجل الوحدة فقط فان دولة قبلي سوف تتنازل عن نصيبها طواعية من انتاج مشروع الكروات لدولة بحري اذا صوت اهلها لصالح الوحدة.
بما ان ثوار قبلي يركزون حديثهم عن التهميش والعنصرية, فان دولة قبلي اقيم بها شارع الظلط والمشاريع الانتاجية لوفرة الامن لاغير.
لكن دولة مراغة اقامت مشاريع كثيرة ببحريالجدول مثل فريق حوش البقر ,كلها تم نهبها, كما ان هناك مخالفات مالية كثيرة ببحري الجدول.
لقد اعلن زعيم مراغة قبلي بمناسبة حش القمح بمشروع الشركة قبلي بانه غير الدستور لدولة مراغة شمال اذا حصل انفصال ودن الرجوع لاي مؤسسة او جهة دستورية(وهو طبعا ارجل راجل ). اعلن بان اللغة العربية هي اللغة الرسمية لمراغة قبلي لان قبيلة الانصار لاتتحدث الرطانة. واعلن انه سوف يجلد البنات بالطريقه التي يراها هو. ويضرب اي معترض ضرب غرائب الابل.[/size]

عدد المساهمات : 31 تاريخ التسجيل : 12/12/2010

[b] هووووووووي ياماهر انا عارفك بتاع مشاكل من زمن اليوب يوب
وهسى عاوز تسيس الموضوع وكمان وصلت لينا ضنب الصوت
ودخلت لينا موضوع البنت التي تم جلدها
ونقول لناس بحري لا عاش من يفصلنا
وعزرا لكلام ماهر الانفصالي
ويااستاذ ماهر لو عرفت سبب جلد البنت واللللللة تقول حقو يقطعوا رقبتها
وانت قول يالطييف

الزميل والصديق وديدي

انا والله وحدوي حتي الثمالة. كل مافي الموضوع انو زعلان من الانفصاليين من الطرفين خاصة الشماليين الاغبياء لانهم ادوا فرص كبيرة للانفصليين الجنوبيين وفرطوا في اشياء كان يمكن تداركها ببساطة. من بداية الاتفاقية ناموا في العسل وعايزين اليوم نطبل ليهم.

التفريط في الجنوب بالنسبة لي كانه واحد جاء في بيتنا وقال الديوان والمطبخ ده حقي ومافي واحد فيكم يدخل فيه تاني. الديوان اكثر من انه حيوط هو ماضي وتاريخ بالنسبة لي وفيه اشباع الذات. واليغيظ اكثر اذا جاء عامر وكل القالوا( الاجتماع تحت الشجر). الاجتماعات والتصريحات مابتخدم غير ماتفرق.
والبيهدم اكثر ظهور حاجات زي نادي الاحرار(اسال عنه)
ياسعادتو هي فرفرة مذبوح.
ايام اليوب يوب والحروبات بين قبلي وبحري وعماد ومزمل قواد كتيبة قبلي كانت ايام ماأحلاها. اللله يرحم عمنا محمد حسين اللي قام بي حرب اعلامية مضادة ضد حروبات حقيقية بالجريد والالس من اجل الوحدة والسلم. فاليسامح الجميع دولة احمد فقير الذي تم اسره في احدي المعارك وعذب في انتهاك صارخ لحقوق الأسري بجنيف.
ياراجل دورتني في كلمتين وخليتني اجيب اخري
لكن تذكر دائما ان الاجتماع تحت الشجر
وقول يالطيف

عدد المساهمات : 1940 تاريخ التسجيل : 20/06/2010

الاخ الانفصالي ود قبلي استاذ ماهر
موضوعك خطير ... شديد .. وايضا مواضيع كثيره داخل الموقع تتحدث عن قبلي وبحري نأمل ان لاتتسرب هذه المواضيع
من بين الايادي وتصبح سجالا ثم انفصالا بدأها الاخ هاني العمده وها هوالاخ ماهر يقول لناس بحري البادي اظلم .
الأخ سعادة العقيد وديدي مرحب بيك نورت الموقع . لدينا موضوع لان الشفافيه والوضوح في هذا الموقع وصراحة
دخلنا في سجال وخلاف مع احد الدخلاء يدعي محمد وديدي وعند زيارتك للبوست والتعليقات ستتوضح الامور اليك
ولعلك تعرفنا من هو هذا المحمد وديدي هل هو من عائلتكم الموقره ؟؟؟؟

عفوا اخ ماهر تصادف ارسال ردي مع ردك في وقت واحد لذا لم اتمكن من الرد علي موضوع الانفصال لي عوده

سعادتو وديدى نسيت موضوع بت اللزينا.
خاطرنا بي حياتنامن اجل شرع الله القويم . ولن نقبل به بديلا. ولا مشكلة عندنا في الجلد. لكن الطريقة الي جلدوا بيها واعني قوة الضرب والرجال المشاركين وضحك واستهتار القدوقدو (ناسف لللاسم) والتصوير وسن البنت وصراخها اللي يقطع القلب والفتاوي الارتجالية دون الرجوع الي دستوريين وشوري وقانونيين كلها حاجات تقطع القلب وتهري المصارين وتسود الفشفاش.

لكن برضو منقو قل لاعاش من يفصلنا

وقول يالطيف

ااخونا عبدالرحمن

لم استطيع قراءة تعليقك ربما خلل عندي

او حاول غير الطريقة

عدد المساهمات : 1940 تاريخ التسجيل : 20/06/2010

تقريبا هناك مشكله بالموقع من الفجر والمنتدي مغلق
ردي اليك ظاهر وواضح نرجو ان يتدخل الاخ مالك
لتوضيح الحاصل ؟؟؟

عدد المساهمات : 1064 تاريخ التسجيل : 01/09/2010

سلامات الموضوع جميل وشيق واستاذنا يتقتبس من رئيسكم عمورى ويمشى على هداه ههههههههههههههههههههه
قلت ارد بى مزاج لكن سؤال الاخ عبدالرحمن استدعى تدخلى ...الاخ المهندس مالك اوضح عبر تنويه فى كل من الشبكه والمنتدى ان هناك تجديد فى انترنت اكسبلور ...المتصفح المشهور لذلك يجب التصفح عبر احدى المتصفحات الاخرى مثل قوقل كروم او موزيلاا فير فوكس
دمت بخير

الاخ عبدالرحمن...اعد قراءة الموضوع لتتعرف علي الرمزية والاهداف وراء الكلماتك وانا في انتظار الرد.
انفصال مين ياراجل؟
بس انت تيك ات ايزي وقول يالطيف

عدد المساهمات : 1940 تاريخ التسجيل : 20/06/2010

اخي استاذ ماهر
اذن أنت وحدوي ونائم في العسل زي المؤتمر الوطني وذوالنورين وقريبك الباقر وأنا انفصالي اذن نحن قطبين متنافرين
من حيث الاتجاه انتم حلمانين ولاشئ ؟؟ خريطة البلد اصبحت شئ من الامس افيقوا واستفيقوا ياناس . كنت قد قرات تصريحات
رجل الانفصال القوي باقان أموم (الوحده الجاذبه قد تجاوزها الزمن) وكتبت من اربعة اشهر القدر المحتوم .اعلم بان لك مصالح
شخصيه من خلال دعوتك ( من اراد الرحيل فاليسجل معي ) عايز تكبر كومك وتحقق طموحاتك واحلامك وهذا سبب وحدويتك
مصائب قوم عند قوم فوائد بس ياخساره ..بطاقات الاقتراع تم طبعها بالقرب منك من قبل شركات انجليزيه كان تولع فيها النيران
اذا انت وحدوي .. طيلة خمسة وخمسون عاما هذه البقعه المتخلفه تأخذ من الشمال ولاتعطي غير البلاوي والمشاكل والتخلف
وفي كل حله فقدنا أعز عزيز كل البواخر والقطارات واللواري من الشمال للجنوب لاتحمل الا جوالات الدموريه مليانه حزم الملايين
من الجنيهات وكل الحكومات لم تلتفت الينا نحن الشماليين باستثناء حكومة نميري هذه البقعه المتخلفه ابتلعت مبالغ تقدر بميزانية
عدة دول .الي الجحيم وفي ستين داهيه لنري في بقية عمرنا ان كان بالعمر بقيه الشمال دون الجنوب ولا رايك ايه ؟؟؟؟؟

[

حبيب المنتدي عبدالرحمن
كلنا يستعمل كلمتى وحدوي وانفصالي هذه الايام كانما ان اي سوداني لايخرج عن هذين المصطلحين (وحدوي وانفصالي) كما أفهمونا ساستنا. انا لاأريد الوحدة ولا الانفصال, اريد السودان القديم وان يذهب الشريكين الي الجحيم. وسوف اكون ديمقراطي جدا اذا تم الانفصال ديمقراطيا. بل اول من يشجع دولة الجنوب بالدعوة الي التصالح والدعوة للأستثمار. ولاني علي يقين باننا ظلمنا أهلنا الجنوبيين سنين عددا.
اماان الجنوب مستهلك...استثمارالدولة كان في الامن (مستلزمات الحرب في الجنوب) . لم يستثمر اي نظام منذ عهد الاستقلال لاستقرار الجنوب. ونحن في الخمسة سنوات الماضية كان بترول الجنوب هو مصدر الاقتصاد الوحيد

موضوع (من اراد ان يرحل معي فاليوقع). عن طريق الدعابة والمرح والمشاغلات وهي اسلوبي المفضل اردت ان اضع قيم جميلة بروح حلوة وحتي يشاركني الجميع الهم وحتي ننسي همومنا ونضحك والموضوع ماشي بروح حلوة.
اننا قطبين متنافرين هو احلي مايجب. لاننا نستطيع سويا ان نناقش الموضوع بزوايا مختلفة. زوايا تجد شريحة كبيرة من اهلنا يقف عندها

وياعبده قول يالطيف

عدد المساهمات : 1940 تاريخ التسجيل : 20/06/2010

اخونا العزيز استاذ ماهر
بما انك تريد السودان القديم اذن انت وحدوي وافقني لكي نثبت عليك هذه الكلمه وتكون من الوحدويين رسميا يعني
بكل وضوح ارسي علي بر كباقي الاعضاء معروف من وحدوي ومن انفصالي . ارجوك يااستاذ ممكن ولا لا ؟؟؟؟؟
ولماذا لانجرب السودان الجديد ؟؟؟ ولماذا لم تعلق علي الاموال المنقوله بجوالات الدموريه للجنوب طيله خمسة
وخمسون عاما ؟؟؟ وسؤال يفرض نفسه ماذا وجدت من الجنوب طيلة هذه الفتره بالله عليك ؟؟؟ واذا كنت شفقان عليهم
نفذ مشروعك وارحل ... اما اثارتك لكلماتي بالاحمر لون الدم احسست فيك شي من الاكوله لا اقول زعل لان هذه
الكلمه لاتوجد في قواميسك عهدناك اصيلا ونقيا ( وجداننا كل شي بعدكم عدم ) بس صريت وجهك شويه ولم تشفع
لك احلي ابتسامه من ابننا وليد علي يمينك . ياراجل هي الدعابه بعينها وهل صدقنا سنوقع ونرحل معك ؟؟ ولوتذكر
كنت انا اول الموقعين وقلت لارتاح من هذه الغربه اللعينه .. ابحث علي ردودك يمنة ويسري كي استريح كلما ينتابني
شي من الكآبه والملل واخير بعد تقول يالطيف حدد موقفك لعمل احصاء للوحدويين والانفصاليين بالمنتدي
ودمت

الحبيب عبده
انا وحدوي لكن علي اسس جديدة (يعني عرماني بالواضح). حتي الاسس القديمة مالاقنها عشان نعدلوا فيها. مشكلة االانفصال ياعبدالرحمن حتخليي الحكاية زيي (امبنقرتود) . وانت مازي ناس مشيرة ونضار ومحمد جعفر, بتعرف امبنقرتود وكت تصطاد واحد بالبزاغ ماعليك الا انك تربطه بي خيط وتحفر لي اخوه في الرملة وهو ينزل في الرملة واخوه يتلصق وهكذا دواليك ممكن يصلوا عشرين كل واحد عاضي ضنب الثاني وانت ماسك الخيط. الان الشريكن في الحكم ماسكين الخيط واول امبنقرتود اتربط في الخيط هو الجنوب, باقي الامبرقرتودات (باقي الاقاليم) حتقع في الخيط.

اما الكلام بالخط الاحمر مازعل والله لكن حبيت انفخ جضومي شوية واجخ حبتين. لكن انت الله ينعل شيطانك خليتني انعل شيطاني وامسحه.
لكن برضه ياعبده قول يالطف

عدد المساهمات : 1064 تاريخ التسجيل : 01/09/2010

والله سجالكم لذيذ وكلامكم جميل الايام دى اعانى من كسل (حصلت ياسر ابراهيم)..لكن قصة (امبنقرتود) (غلبنى انطقها واكتبها قمت نسختها..المهم يا سيدى انى فرحت ليه ؟؟لانك ختيتنى مع مشيرة ومحمد جعفر..بختى!1 انا كنت من النوع العبيط بفتش حفرة حفره ..وكمان بنفعل وبدق الارص شديد ..ولو مؤاخذه كدا ..(كنت بستعمل البصاق ) اخىىىىىىىى !!!
ههههههههههههههههههههههههههههههههه
دمتو بخير
انفصال ووحده ...والله غلبنى اقول شئ لان اختلط الحابل بالنابل وماعدت افهم اصل الاشياء..لكن بنقول يا لطيف

الحناكيش علي قلهم ببحري الجدول لكن يادكتورة كنت قايلك حنكوشة ساااااااااااااااااااااااكت.
امبنقرتود من ( امباب قر تود), وكنا ننطقها زي حكاية اخوكم الاصغر أبود.
وبي مناسبة الرملة (السيو) والبزاغ كنت بشبه لي واحد حكاية الوحدة مع تلفزيون السودان زي حكايتنا زمان اذا ضاع منك قرش وعايز تفتشو في الرملة. كل البتعملو تكوم الرملة (السيو) وتبصق في قمة جبل الرملة وتبدا تكحت من تحت مع اهزوجة ملحنة تلحين جميل (ياأبليس ما حقي... حق الناس بضبح ليك جدادة وديك). وتستمرفي الغناء حتي تجد القروش. وكنا مقتنعين بكرم ابليس الذي اوجد لنا القروش. عشنا في وهم صغاراانابليس لازم يوجد الضايعة واليوم ونحن في هذا العمر حاول التلفزيون ان يقنعنا كثيرا بان الشريكين سوف يصنعان الوحدة, وان قوي الاتكبار وراء الانفصال.
حياتنا كلها قضيناها في وهم مع ابليس والحكومات
متي نفيق ونقول لابليس بسم الله ونعلنها ثورة ضد الخونة.
سيحدث لو قلنا يالطيف

» ناس 000بحري الجدول
» اطول نفق بحري في العالم
» رايكم شنو ياناس؟
» وينكم ياناس
» دعاية إحدى شركات الطيران فى مطار هيثرو يالله ياناس مراغه حلو لينه اللغز ده؟