[ خرج ولم يعد

قول يالطيف
كل الجماعه متواجدين بس انت بتلعب لعبة القط والفأر
أو غيب وتعال وكل المواضيع التي ذكرتها انت بطلها
وصراحة نفتقد الترفيهيه والتوثيقيه وياريت تبدأ وتبطل
الهروب الكتير

الاخ ماهر مشكور جدا على تفقد الاخوان واعتذر للغياب الذى حدث بظروف خارجة عن الارادة ...

وبحمد الله يكاد يكون الجميع متواجدين عدا

ذنورين والهيثم والاصلى ونامل عودتهم فى مقبل الايام

الاخ ماهر الصغير محمد مجدى لمن يتكيف يقول ليك شفت شوفتا توفتا
شوفت بى هناك ذنو كتب لى حاجة والهيثم برضو يعنى باقى الاصلى فقط (توفتا توفتا) والحمد للة وربنا يكتر اللمة والاخوان

سلاااااامات استاذ ماهر
بالله عليك اسأل لي معاك عن الاخ الذي غاب كثيرا عادل الفاضل لعل المانع خير

حقيقه نفتقد الأخ عادل الفاضل...له التحيه.

الخال ماهر سلامات بارك الله فيك وانت تبحث عن الكل وتسال عنهم خاصة الغائبين او الذين لا يدخلون المنتدي
فبحمد لله رجع معظمهم ولكن هنالك اشخاص لم يظهرو بعد .خاصة امجد عوض خاصة بعد النكتة حقتو الامن
فعل المانع خير

الأخوة الأجلاء
عبد الرحمن و قرشى و اعضاء المنتدى جميعا
لكم التحية و الود و كل سنة و انتم طيبين و اهلنا فى مراغة طيبين و سالمين
نشكركم جدا على متابعة غياب الأعضاء و السؤال عنهم و ان دل ذلك انما يدل على الترابط القوى المتين بين أبناء المنطقة و يا رب يكون الكيان الجامع بين ابناء المنطقة كيانا شاملا و رابطا و تعاونا قويا بين ابناء مراغة فى المهجر و داخل المنطقة لبناء مراغة الجديدة.
حقيقة الأمر فترة الغياب كانت لظروف خارجة عن الارادة و من ضمن الظروف السعى فى ما اتفق عليه ابناء المنطقة فى المساهمة التى سوف ترسل هذه الايام القريبة جدا للأخ بكرىجعفر صالح و الظرف الثانى هو ما عليه الجماهيرية من مؤتمرات عدة و كما تعلمون دور الأمن فى هذا الأتجاه من فرض شبه حظر تجول داخل المدن و بما اننى من ضمن الذين يرتادون مقاهى النت الا اننى قللت من الخروج فترة المساء تفاديا لهذا الحظر و الذىما زال مفروضا حتى الان.
و هذه هى كل الأسباب التى جعلتنى اسجل غيابا فى منتديات مراغة
و اشكركم جزيل الشكر.

العم العزيز عادل سنه هجرية سعيده عليكم ..مشتاقين ..افتقدناك جدا والحمدلله ان طمنتنا عليك وماعايزين نخش فى السياسه لكن قلوبنا معاكم ومع شعبنا الطيب فى السودان وخارجه الله يعينا على الغربه وعلى اشياء تانيه ويعين اخوتى بالداخل القابضين على الجمر من اجل القضيه..خلوا بالكم من روحكم وتياتنا لفطومه العزيزه ووالدتها
حكومات تجي وحكومات تغور.
تحكم بالحجي بالدجل الكجور. مرة العسكري كسار الجبور.
يوم قسم النبي تحكمك القبور. تعرف ياصبي مرة تلف تدور. ولا تقول بري او تحرق بخور ..
@@@@@@@@@@@@@@@@2
الله غالب

نحنا الموجودين وعاملين وجع وش شديد طبعا ههههههههههههههه

الاخ / ماهر تحياتي
لكن انته شغال في المنتدي (بوكي بوكوس)
نرجوا من الاخوة مجاهد ومحمد جعفر ومشيرة تفسير ما بداخل القوس
[ والله من وراء القصد
[/b] ابوعزام

الأخ العزيز جدا ذو النورين ...نحنا مالامين فيك عشان نقول مبروك نجاح المؤتمر والأجابه على السؤال الكبير(الحل شنو).

والله يا زوالنورين ماعرفتا البين القوسين دا عربي ولا انجليزي اصلا ولا تلقي رطانة

ترجم انتا كدي ومنكم نستفيد

الاخ ماهر وين هيثم تاتى شرد

لكن ذنورين كان معتقل مع ناس زهير وياداب فكو .... ومن المطار لى منتدى مراغة
كان فى مشروع (فلنجعل ساعة من وقتك لاجل الوحدة) .... كان فى الجنوب ورا الانفصال ورا باقان اموم

دخلت الاستاذة هبة عبدالقادر للمنتدي باستحياء وخرجت ربما باستحياء ايضا بعد ان اتحفتنا بادبياتها الراقية.

جاري البحث عنها

من يتعرف علي اي معلومة عنها عليه الاتصال بالادارة

وعليه ان يلزمها بقول يالطيف

.

]size=18]

افتقدنا الموجه العام للمنتدي هذه الايام الاخ عبدالرحمن...نرجو ان يكون بخير
الاخ جمال سعيد غاب وغابت معه تقارير اللجنة التنفيذية
قدورة الاصلي نايم في الكسل
خالد عبدالحميد, وديدي,عصمت ... مشغوليات[/size]

حبيبنا الغلي ورفيق درب الصبا ماهر
صباحاتك منوره
صدقنني مافي مشغوليات وانا متابع المنتدي وارجوك ان تدعني استمتع بقراءة مواضيعة
والملكات الفكربة لهؤلاء الشباب
وان كان للمنتدي مدير ومشرف فقد تكون انت حكمدار المنتدي وذلك بمراقبتك لكل الاعضاء
وحكمدار دي يعني ذي الالفة في الفصل( لمن لايعرف معناها )
شكرا لسؤالك عن الغائبين

السلام علي الجميع ..... افتقدت المنتدي كثيرا ..........

لا تعلمون كيف يكون حالي وانا بعيدا منه....................


اخيرا عدت لاعانق احبابي ........... وانا سعيد بكم.......

الخال الغالي ماهر بارك الله فيك وانت تتصل وتسال عني واخباري وعن سبب بعدي وغيابي عن المنتدي و اخبار كل الاعضاء الذين
الذين لا يسجلون حضورا في المنتدي وقد عرفت سبب غيابي فشكرا كثيرا لك وكل الاعضاء الذين سالو كي يطمئنو ويعرف سبب الغياب فكتبت في المنتدي الطبي في البوست الذي خصصته دكتوره نضار وهذا هو فائدة المنتدي فنعرف ونسال اخبار البعض
فشكرا جزيلا الخال العزيز ماهر فقلنا يا لطيف وعدنا

دكتور بكرى سلامات وربنا يوفقك ونشوفك دكتور اكبر من فضيل وعشميق قولو امين ............
وربنا يوفق كل الدكاترة والممتحنين فى مشا رق الارض ومغاربها ....

والليلة ياقدرو صبحنا فى جنقتك حتى نتابع الحالصل وفعلا دة وادى دهب كبير زى ماقال فتاح الجميل وميس جد جد

صاحب المقال خرج ولم يعد
اين نبحث عنك بين النخيل والنيل والجروف والجناين والحله ولمة القمراء والجيران وسنابل القمح والفول
أم بين الخواجات والسوبرماركتات والابراج العاجيه والزحمه والوجوه الغريبه

هم
محمد جعفر
السمؤأل محمد يسن
اسماعيل عبدالحميد
مطلوب القبض عليهم

كل هؤلاء الذين تم ذكرهم عودونا بالغياب والرجوع اما سؤالي
اين مجدي باشنتود ؟؟؟؟؟ ؟؟؟؟؟ لعل المانع خير

لامات عبدالرحمن وماهر ..نعم طال غيابهم ..الاخ مجدى حسن اتصلت عليهو قبل اسبوع وقال انه مشغول لكنه راجع ووعد بذلك
الاخ ساماعيل تم تكليفه بمشروع مهم جدا واظنه بيحضر فيهو وحيعود وينور المنتدى
الاخ السمؤال بنعتب عليه الغياب
الاخ خالد يتواجد بصورة دورية فى المنتدى لكن دون مشاركات .اظنه بتابع بصمت !!
نتمنى من كل الطيور الهاجرت ترجع وتكن على عشتنا الجميلة
ويلبوا النداء

كتب ماهر
دخل بعض الاعضاء المفقودين وخرج بعض الموجودين

واصبحنا نردد القصة الشهيرة (دخلت نملة واخذت حبة وخرجت)

متي نتواجد كلنا في وقت واحد لنتناول وجبة دسمة سويا؟

قولوا يالطيف