| فطام الأخوة | |
|
+6ياسرابراهيم قرشى شيخ ادريس عبدالرحمن نصرالدين نضارالعمده مجدى حسن هيثم شهلي 10 مشترك |
كاتب الموضوع | رسالة |
---|
هيثم شهلي
عدد المساهمات : 599 تاريخ التسجيل : 27/01/2010 العمر : 52
| موضوع: فطام الأخوة الثلاثاء 29 يونيو 2010, 8:39 am | |
| يحدث أن يتولى الأخ الأكبر أو ربما الأوسط أو الأصغر مسئولية الانفاق على العائلة ، وهذه محمدة وبركة له وفيها نوع من البر بوالديه في المقام الأول، ويمكن تشبيه حال هذا الأخ كمثل الجدول الاخدر طول السنة لأن المياه (الرزق) يمر به ليروي ويعطي كل حوض حقه. والتساؤل المشروع هنا لي متين يستمر الري هذا؟ لأن الوضع الطبيعي للوالد مع اولاده أن يقف الري عند استواء المحصول أو لما يكبروا ويعتمدوا على انفسهم.ويكون الوالد قد كبر وشاخ واحتاج اليهم ربما. ولكن في حالة تحمل الأخ منهم المسؤولية هنا تظهر الاشكالية وربما يتأخر الفطاح إلى أجل غير مسمى وقد تمر بنا حالات يظل فيها ذاك الأخ مشتبها بالضحية من أجل أخوانه ويستمر الرضاع حتى ولو بقى عض عديل بالاسنان ، وفي الغالب يكون اللوبي (الأم والأب)-ومدى تأثير ذلك في العلاقات بينهم ونظرة المجتمع كذلك.. ولهذا طرحنا هذا الموضوع لنقاش مستفيض حوله ولكل منا ربما تجارب خاصة أو مر بها أو مرت به نأمل إثراء النقاش بما يفيد ونطلع منو بخير ودمتم في رعاية الله وحفظه | |
|
| |
مجدى حسن
الموقع : الدوحة - قطر عدد المساهمات : 752 تاريخ التسجيل : 10/01/2010 العمر : 45
| موضوع: رد: فطام الأخوة الثلاثاء 29 يونيو 2010, 11:40 am | |
| [center] الاخ هيثم .. دى حالة واقعية يمر بها الكثير منا ...
اى نعم دة من اهم واجباتو ... الصرف على الاخوان ... ضخ مزيد من المياه وباستمرار ... وامك تقول ما فى النهاية اخوانك واخواتك وماف غيرك وجيع ... طيب لكن لمتين ؟؟؟
لو ماف مصدر دخل اخر او جدول فرعى ... فالواجب الاستمرار حتى اشعار اخر ... لكن فى وجود فروع وجداول ومصادر اخرى فمن الذوق انو يخلو الجدول الرئيسى ياخد راحتو حبة ويزرع رز بدل القمح الكل سنة دة ....
طيب كيف مع الاخوات البتخارجو من البيت وبعد تجيب اولاد تانى الاحواض تزيد ... ياخ دة مش جدول جوزيف ... بحر ابيض ما يحلك .... دة قصة دايرة تامل زى مسلسل لن اعيش فى جلباب ابى ... ولن اعيش فى ذاكرة ابى .... لو لقيت اسرة متفهمة لكل دور ماحيكون فى مشكلة لكن لو الغيرة وعدم القهم الصحيح لكل حالة ورد فطيارتك قامت ....
فى زول اعرفة عن قرب ... تحمل المسولية بعد وفاة والدة لة الرحمة ... فربى اخوانة احسن تربية ... ولة بناء ايضا ومازال مستمر ... اخوانة اتو باولاد ايضا ومازال الجدول يمرر فى المياة والخضرة جذابة ... اتى اولاد الاخوان بابناء والمتطلبات كثرت ... فظهرت التوترات .... حتى تشوف الوسق (بكسر الواو) تظل تصرف ... ياعالم ارحمونا ........
لك التحية هيثم وتحياتى للجميع....
شكرا ....
عدل سابقا من قبل مجدى حسن في الأربعاء 30 يونيو 2010, 1:39 pm عدل 1 مرات | |
|
| |
نضارالعمده
عدد المساهمات : 295 تاريخ التسجيل : 17/01/2010
| موضوع: رد: فطام الأخوة الثلاثاء 29 يونيو 2010, 3:44 pm | |
| هيثم ومجدى حياكم الله موضوع جميل وربنا يقوينا ومن هنا التحية للشقيقه الكبرى التى مازالت ترتب لنا حياتنا وتهتم لقضاء حاجاتنا وامورنا كلها رغم اطفالها ومشاغل الحياة وهى فعلا مسئوليه كبيره لانو الكبير بيكون مقام الام والاب وتوجيهاتو وسلوكو فى الحياة بيأثر ربما اكتر من الوالدين..ومن الاشياء التى فعلا لاحظتها ان الاخوة الكبار حتى لو تزوجوا ومضت بهم الحياة لاشئ ينسهم ما تعودوا عليه من مسئوليه تجاه اسرهم ..يعنى الايثار وعدم الانانيه هى من صفاتهم دايما شكرا كتير | |
|
| |
عبدالرحمن نصرالدين
عدد المساهمات : 1940 تاريخ التسجيل : 20/06/2010
| موضوع: رد: فطام الأخوة الثلاثاء 29 يونيو 2010, 7:01 pm | |
| اخي الحبيب هيثم شهلنتود لك عاطر التحايا والاشواق كويس اللي لقيناك
ولك التحيه مره ثانيه لاثارة هذا الموضوع الذي يتدفق شلالا ويمكن أن يكون منطلقا نحو حورات ونقاشات لاحدود لها ويمكن ان اشبهه ا بما اثاره الاخ قرشي ود الشيخ موضوع تسمية مراغه الذي لم يجد حظه من النقاش وايضا لم نصل الي اصل التسميه حتي مع اعتي فطاحلتنا الكبار. ناسف لوعرجت قليلا عن جوهر الموضوع .أمر يجب ان نقر ونعترف بأن الحمل ثقيل والمسئوليه جسيمه اذا كــــانت للبنت او الولد لدرجة يمكن ان ينعكس علي حياة المرء نعم انه القدر ويجب ان يواجه ويضحي بما يمليه لــــه عظمة هـــــذه المسئوليه وبما ان ديننا الحنيف واخلاقنا ومبادئنا وثوابتنا وصدق انتماءنا تجلت في ان لايشعر المرء بما يعانيه مـــــن يقوم بهــــذا الدور العظيم وفعلا الاخ مجدي الواجب الاستمرار لحين اشعار آخر ولكن ؟؟ هنا اين واجبنا وواجب الدوله ايضا في مـــــد يد العون لمـــن يســـطر اعظم ملحمة بطوليه بتضحيه لاحدود لها ولماذا يواجه القدر بمفرده خاصة اذا حدثا أو لايستطيع مجابهة ظروف هذا الزمـــــن الردئ الذي لايرحم ( ارحموا من في الارض يرحمكم من في السماء) ولكم مني اجزل الشكر | |
|
| |
قرشى شيخ ادريس
الموقع : الولايات المتحده عدد المساهمات : 974 تاريخ التسجيل : 28/03/2010
| موضوع: رد: فطام الأخوة الأربعاء 30 يونيو 2010, 7:19 am | |
| الأخ العزيز هيثم التحيه والتقدير الخلاكم تجو أول شنو مافى أى طريقه | |
|
| |
ياسرابراهيم
عدد المساهمات : 466 تاريخ التسجيل : 24/01/2010
| موضوع: رد: فطام الأخوة الأربعاء 30 يونيو 2010, 10:25 am | |
| وموضوعك يجعلنا نلتفت بقلوبنا عزيزي هيثم الي امهاتنا وابائنا وكيف سالت جداولهم تسقينا رغم تعاقب القحط والجدب والسنوات والظروف وكيف احتملونا سعيا وكدا لاطعامنا وكسوتنا وعلاجنا وتعليمنا ولربما كان ذلك زادنا في تحمل مسئوليتهم مع الاخرين والجدول الاخضر عزاء رائع لمن احتمل هذه التركه وتبعاتها فخير لي اخي هيثم ان نجتمع سويا حول صحن ملئ بالزلابيه من ان آكل كنافه براااااااااااي | |
|
| |
هيثم شهلي
عدد المساهمات : 599 تاريخ التسجيل : 27/01/2010 العمر : 52
| موضوع: في أوان الحصاد لا ينفع السقي بل يضرهم الأربعاء 30 يونيو 2010, 12:25 pm | |
| [b] الأخوة والأخوات الكرام تحياتي لكم وسررت بممروركم الكريم الأخ الباشمهندس مجدي أظن الموضوع وقع ليك وبالأخص لما ذكرت كلمة وسق ، ولكن حكاية ياخد راحتو .. و المصادر التانية دي ما بتفق معاك فيها عشان الجدول يظل اخدر ولو فيها انانية يعني. العزيزة د. نضار .. نحيي معاك الأخت الشقيقة الكبرى الكبيرة بهمتها ومسئوليتها تجاه ناس البيت ودا المنشود من الكبير والصغير.. ، واما كلمة الايثار فلا محل لها هنا لأن الأسرة دائما أولا قبل النفس وتوابعها. الأخ الكبير عبدو (عبد الرحمن) .. الله يديك العافية .. والله مافي هناك حمل ثقيل ولا حاجة بس الهم بالخوف من عدم تحمل الأخرين لمسئولياتهم مستقبلا ودا كل مافي الموضوع
قرشي اوباما .. بالله شوف التناقض دا والله ما يحلك منو حتى ولو كنت في مكة حاليا ... والله يا قرشي ما تفهم انو في جرسة ( وما في طريقة وكدا) بل بحمد الله وتوفيقه الجدول بخدر طول السنة والحيضان تملآ وتفضي .. يعني بركات ساي تسد كل الوساوس .. ودا بيان بالعمل عدييل. الأخ العزييز ياسر .. الزلابية والله أفضل عندنا من كنافتكم دي ، بس عايز أوضح ليك ان القصد هو أن استمرار السقي في أوان الحصاد يفسد المحصول وانت سيد العارفين
والموضوع ما شخصي بقدر ما هو حالة يتجنب المجتمع طرحها وايجاد حلول لها وبالتالي يتضرر منها فيالمقام الأول الذين لا يتم فطامهم في الوقت المناسب ويظلون عالة على غيرهم وربما بالاكراه ويحدث شرخ في العلاقات وتهرب في المواقف ولا سيما تحت ضغوط الوالدين والمجتمع ... أرجو أن اكون فقد وفقت في هذا التوضيح.. وفي انتظار آراءكم ومشاراتكم لنقاش مثمر وبناء ودمتم بخير وعافية
| |
|
| |
قرشى شيخ ادريس
الموقع : الولايات المتحده عدد المساهمات : 974 تاريخ التسجيل : 28/03/2010
| موضوع: رد: فطام الأخوة الأربعاء 30 يونيو 2010, 5:48 pm | |
| أخى العزيز هيثم...هذا موضوع اجتماعى كبير حقيقه فظروفنا واحده وحياتنا كذلك فهى حاله مرت على الكل ومازالت تمر فهى ليست حاله خاصه أوشخصيه بقدر ماهى عامه قدرنا ان الكبير ياتى أولا ويتحمل المسئوليه مع والديه فيتعود على ذلك ويصبح والد ثالث لبقية اخوته ويحاول أن يرد الدين لوالديه والذين ربما ربونا فى ظروف حقيقه قاسيه وفى نهاية الأمر الكل حقيقه يتحمل التزامات الحكومه من تعليم وصحه وماعلى الحكومه الا انها تحكم ودا السبب اللى يخلى الأخت تكابس والأخ يكابس بجانب الأب والأم اللى أصلهم مكابسين مقارنه بسيطه مع الأوضاع هنا الحكومه ملزمه بتوفير الغذاء للطفل حتى 5سنوات الحكومه ملزمه بتوفير العلاج حتى 18سنه الحكومه ملزمه بتوفير التعليم حتى المرحله الثانويه اضافه للترحيل ووجبه خلال اليوم الدراسى اما المرحله الجامعيه تدفع جزء من التزاماتها اما اذا كنت من المتفوقين فالحكومه تدفع ليك كل مايعينك على التفوق عشان كده ياهيثم اكتر زول مرتاح فى السودان الحكومه وأكتر زول تعبان الأهالى ان صح التعبير | |
|
| |
نضارعبدالكريم العمده
عدد المساهمات : 1064 تاريخ التسجيل : 01/09/2010
| موضوع: رد: فطام الأخوة الثلاثاء 21 ديسمبر 2010, 12:06 pm | |
| الاخ العزيز هيثم ..تحياتى وايضا انت اختفيت من الساحه ..نتمنى ان تعود وتناضل وربنا يديك العافيه واختفت ايضا الاخت هبه ..لكن ناوية اجر ليكم الصغنونه هيام ..محتاجين فعلا لاثراء المنتدى بامثالكم دمت بخير | |
|
| |
هيثم شهلي
عدد المساهمات : 599 تاريخ التسجيل : 27/01/2010 العمر : 52
| موضوع: رد: فطام الأخوة الأربعاء 02 فبراير 2011, 8:51 am | |
|
شكرا يا دكتورة على التفقد.. والله يديك العافية بس ياهو الجري (دة) زي ما قلنا في مقالة (يوم يسبتون) ... وجوطة شوية في ترتبيب الافادة من الزمن والله المستعان
الاخت هبة سوف تصلنا في السودان خلال الأيام الجاية دي ان شاء الله ، ومن هنا ربما يسهل عليها المزيد من التواصل مع منتدانا ، واما هيام فهي معكم بالرياض وشدي حيلك معاها.. لك تحياتي وشكري تاني وتسلمي
ومخرج : بمناسبة الفطام دا .. امبارح بالليل الصغير عمر مساهر بينا لحدي ما خلاني مطشش هسع وزي ما بقولوا (مفطوم اللبن ما بسكتوا اللولاي) أو كما قال ...
| |
|
| |
وصفية عيسي
عدد المساهمات : 719 تاريخ التسجيل : 25/05/2010
| موضوع: فطام الاخوة الأربعاء 02 فبراير 2011, 10:42 am | |
| لك التحية الاخ هيثم وللاسرة الكريمة لهم خالص تحياتي وموضوعك هادف وموضوع مثير للنقاش وهذا حال الاخوان الكبار ربنا يديهم الصحة والعافية ويكونوا سنداً لكل فرد من الاسرة والمحتاجين منهم بالاخص ويدوم المحبة بينهم وطبعا الاخ سيف الدين ذيك كدة مسئول مننا بحكم الاخ والاب المثالي ربنا يديه الصحة والعافية والظروف الاجتماعية تجبر الواحد علي ذلك
وتقبــــــــــــــــــــــــــــــــــــــــــــــــــــــــــــــل مـــــــــــــــــــــــــــــــــــــــــــــــــــــروري | |
|
| |
هيثم شهلي
عدد المساهمات : 599 تاريخ التسجيل : 27/01/2010 العمر : 52
| موضوع: رد: فطام الأخوة الخميس 17 فبراير 2011, 12:30 pm | |
| شكرا يا وصفية على مرورك بي هنا وتحياتي للأخ سيف الدين .. وربنا يكتب السلامة والعافية للوالدة الكريمة والموضوع زي قلت قبال مدة ما فيهو (جبر) ولا حاجة بل بالعكس تشوفي الجدول طول السنة رويان و اخداااار وباقي الانقايات والحيضان تخدر ومرات تكون فاضية... يعني الجدول دا بكونه يحمل الموية للحضيان دي بكون هو محظوظ بيها .. أها شفتي كيف؟ بس الكلام كلو انو كيف جدولنا دي يعرف أوان احصاد بتين؟ عشان يوقف السقي في الوقت المناسب ولا يفسد الزراعة (المحصول).. ودا الجاب حكاية الفطام دي.. وتسلمي
| |
|
| |
الباقر عكاشة
عدد المساهمات : 198 تاريخ التسجيل : 17/05/2010 العمر : 59
| موضوع: رد: فطام الأخوة الإثنين 21 فبراير 2011, 11:45 am | |
| الاخ هيثم موضوعك حيوى ومعاش وهو ما يميزنا عن بقيه الخلق نحمدالله عليه ربما ما يفعله الاخ الاكبر من واجب دينى واخلاقى واجتماعى اتجاه اخوته كانت سببا فى توفيقه فى الدنيا والاخره انشاء الله لكن نجد فى بعض الاحيان يؤثر تلك العلاقه والواجب سلبيا فى بناء قدرات بقيه الاخوان من تطلعات وطموحات ما دام هناك بقره حلوبه تتضرع . | |
|
| |
هيثم شهلي
عدد المساهمات : 599 تاريخ التسجيل : 27/01/2010 العمر : 52
| موضوع: رد: فطام الأخوة الإثنين 21 فبراير 2011, 12:41 pm | |
| شكرا يا البــاقر ... الواجب نعم .. والتوفيق بيحصل بحمد الله... تبقي بس مشكلة التأثير السالب على بناء قدرات الأخوة كما ذكرت أهــا ... دي نحلها كيفن؟ نأمل في مشاركات للحــل وربما بتجارب ذاتية..
والله يديك العافية | |
|
| |
ماهر عابدين دياب
الموقع : لندن عدد المساهمات : 2905 تاريخ التسجيل : 02/05/2010
| موضوع: رد: فطام الأخوة الإثنين 21 فبراير 2011, 1:39 pm | |
| الملاحظ عندي طريقة تربية البكر نفسه...غالبا هو لايعيش طفولته, مما يؤثر علي تصرفاته... دائما يعيش بعقلية اكبر من سنه...يعني البراءة معدومة... تحمل المسؤوليات للاطفال تكون في حدود...لاتقول لي ان ذلك يساعده في الكبر, اذا انعدمت براءة الطفولة بشكل واضح قطعا سوف يؤثر في السلوك عند الكبر وتظهر الطفولة المتاخرة
المصيبة تظهر عندما يمارس البكر لاشعوريا مع ابناؤه نفس السلوك...يعامل كل الابناء بكر وغير بكر باعتبار انهم ناضجين اكبر من سنهم..وفي بعض الحالات العكس تماما, الدلال المفرط اما تحمل المسؤولية المادية ومستقبل الاسرة هي حاصلة وربما تكون اقل ضررا مقارنة بالتاثير النفسي للبكر.
الموضوع شيق وجدير بالبحث والتمعن وقولوا يالطيف
| |
|
| |
هيثم شهلي
عدد المساهمات : 599 تاريخ التسجيل : 27/01/2010 العمر : 52
| موضوع: رد: فطام الأخوة الأربعاء 23 فبراير 2011, 8:15 am | |
| الأخ الاستاذ ماهر سلامات ... ووجودك بهذا البوست اضافة كبيرة له بالنسبة لملاحظتك حول (طريقة تربية البكر) اشير هنا الى بداية هذا البوست حيث تمت الاشارة إلى أن مسؤولية الانفاق هذه قد يتولاها الأكبر من الأخوان أو الأوسط أو حتى الأصغر ، وبالتالي فان كونه (البكر) أم غيره لا يشكل فرقاً فيما سوف يصيب (المنفق عليهم) من آثار سلبية بسبب عدم الفطام في الوقت المناسب... وأما بخصوص موضوع (البكر) وكيفية التربية فهذا في رأيي يعود إلى البيئة والمربى نفسه أو القائم على أمر التربية (ولي الأمر) والذي ليس بالضرورة أن يكون (بكرا).
ــــــــــــــــــــــــــــــــ وبمناسبة (البكر) تحضرني طرفة كنت شاهدا عليها : العروسة لما شافت قسيمة زواجها بمناسة تجهيزات السفر للخارج وأمعنت القراءة فيها واخذت تردد جملة ( (البكر) البالغ فلانة الفلاني ...) ثم رمت القسيمة وهي تقول أكيد الشيخ المأذون دا غلطان ... يعني ما كان يورهو انو (البكر) ما أنــا (البكر) دي اختي فلانة وهي متزوجة اصلا وبعيالها كمان) | |
|
| |
الباقر عكاشة
عدد المساهمات : 198 تاريخ التسجيل : 17/05/2010 العمر : 59
| موضوع: رد: فطام الأخوة الخميس 24 فبراير 2011, 10:04 am | |
| [right][b] | |
|
| |
هيثم شهلي
عدد المساهمات : 599 تاريخ التسجيل : 27/01/2010 العمر : 52
| موضوع: رد: فطام الأخوة الخميس 24 فبراير 2011, 1:54 pm | |
| شكـــرا يا البــاقر على الملاحظة اللي في محلها واتفق معاك انو الوضع دا في وجود جدول قد يتحكم في سريان الموية للحيضان ممكن تحدث دكتاتورية في بعض الأحيان .. ودي مشكلة اخرى.
واكيد من لا يملك قوته لا يملك قراره ... ولكن لعل البعض يريد لنفسه حالة الوصاية هذه -من الطرفين ربما- وبالتالي فلا داعي لامتلاك القرار أصلا لا يتطلب السعي (منفردا) لجلب القوت وما يترتب عليه من متاعب وتحمل مسؤوليات اتخاذ القرار زاتوو.
وعليه فلابد من الفطــام كحل للطرفين ..وان لم يرضوا.
| |
|
| |
نضارعبدالكريم العمده
عدد المساهمات : 1064 تاريخ التسجيل : 01/09/2010
| موضوع: رد: فطام الأخوة السبت 04 يونيو 2011, 10:10 pm | |
| | |
|
| |
| فطام الأخوة | |
|