بالله دي نصائح دي

يا بت هوي فتّحي عينك كويس وابقي نجيضة وفالحة ....

قدر ما أجي داخله عليكم القاكي .... هي هي هي .... و قر قر قر ..... تضحكي مع ماهر دا....

الراجل ما تضحكيلو كتير..... يسعلني الله بعدين يحقر بيك.... الراجل اديهو العين الحمرا. وان قدرتي

لعند ايدك تلحقيها ليهو لحقيها... ابقي نجيضة..... آآي ..... زي أمك كدا..... الله بسعلني وقت ابوكي

يقول حاجة تضحك.... امشي اتحشر في الاوضة واضحك زين واجي مارقة صارة وشي.... وبعدين اوعك

وأوعك وبعدين تااااني اوعك... تقوليلو الجلابية دي سمحة ولا العمه اللابسها دي سمحة... نفسو تقوم تعجبو

يعرس فوقك.... وبعدين تشربي ما تروي.... واكربيهو بالطلبات.... اوعي تخلي لك قرش يبيت في

جيبو.... وقت المسلسل داك يبدا جيبي فندكك واقعدي دقي أي حاجة جنبو ... ويا ريت لوكانت شطة...

ولو كان شافعك جيعان وداير يرضع وبيبكي خليهو في بكاهو داك لمن المسلسل ينتهي.... وبعدين ما يجى

داخل يلقاكى تغنى ..حتى ان بقيتي دايرة تغني اوعك من الغنا الخايس ناس حبيبي حبيبي .... امسكي في

الغنا الحار زي "البيجري مصيبتو و مرتو طلقانة" ولا "اندب حظي" ولا "دفاعنا الشعبي ياهو دي" ولا

"النار ولعت بقلبي بطفيها"..... اااااااااااي... عشان تربيلو الزلعة ....والخلعة....بس اوعك تغني ليهو

الليلة يوم الرجال".... بيقوم يصدق و يتحنفش فوقك ساكت........واوعك تشكريلو حاجة جابها.... ان

جاب لك لحم، ختي ايدك فوق راسك وقوليلو: ووب علي ووب علي ووب علي، غشوك وادوك الجلافيط

..... وان جاب لك فتيل ريحة اول ما تفتحيهو وتشميهو طوالي كشري وقبلي غادي وابزقي قوليلو: دا شنو

يا ماهر؟......الريحة المتل ريحة الفسيخ دي جايبها من وين؟ غايتو انت مغستك تقد....... وان جنك نسوان

ولا بنات....ما تخليهو يقعد وسطن....ويتونس.... طيريهو من البيت.... وان ابى يمرق... قدر ما يقول

ليو نكته ولا يخفف دمو قدامن صري ليهو وشيك.... وقوليلو: انت يا ماهر ما عندك غير النكتة دي؟ يا خي

عملت لينا بيها وجع ... وش...... اصلهم الرجال عارفاهم ... الواحد فيهم لمن يشوفلو لمت بنات يقعد

يخفف في دمو ويعمل فيها ودنفاش..... وتلقيهو يضحك بلا سبب... حتى ان واحدة قحت ساكت ... يقعد

يضحك ويصفق ايديهو.... واوعك تخليهو معاهن وتدخلي المطبخ تسوي ليك شربات ..... وحات الله ..

بنات الزمن دا ان غفلت من راجلك دقيقة بس ... تلقيها عرستو .

رايكم شنو في نصائح المره دي ..

شرفتي ونورتي .........

جماتك الخايفه منهم ظهروا ...... الله يستر

حبيبنا ماهر ..... سلامات ...

أول حاجة إنتا إجازتك دي كلها حتقضيها في البلد ولا شنو ... ناس الخرطوم ديل ما عندك ليهم حاجة ....

ما تخاف ما حنطالبك بي هدايا المقتربين وكدا ... إلا إنت تصر وتلح علينا براك

الحاجة التانية إنتا الشلاقة العليك شنو خليت المدام تطلع علي البوست ..تستاهل .. شيل شيلتك بقيت للنص

دي الممطورة ما بتبالي من الرش ...

مشكور للمرور وإنشاء الله نتشرف بي شوفتك في الخرتوم ... لأنو شوقنا ماسورة محلوجة

عمنا الفلتة ابو اللمين ... يديك العافية ويدينا

بالنسبة لي سكينة البين القوسين نتنمي تكون في قلوبنا جميعاً

اما بالنسبة لي سكينة الفي قلبي اقصد الفي بالي فهي دائماً في حدقات العيون وربنا يسلمها من كل بلا

وبالنسبة لي هناية دي وراك وراك ... ودا حالتو إنتا في الغربة .. يعني كان جيت البلد دي الله يكون في عونك ...........

اشكر لك المرور وربنا ما يحرمنا من طلتك

يا أبو الشوش منور والله .... ليك حق تشتغلني كدا ... إنت شان ما جربت

سامايات البلد دي .... تلقي سمايتك هناك حضروها بالكتير اربعة خمسة أشخاص ...... كدي المولود الجاي

إنشاء الله تعال سميهو هنا .. كان ما هضربتا وقعدت تتكلم براك ما تديني يدك ... هنا كسر ركبة بالطريقة

الصاح .... يعني عرس إلا ربع

تقولي شنو .. تقولي منو

مشكور للمرور يا لذيذ يا رائع

حضورك الأنيق وحده يزين البوست وكفي ...........

شكراً سعادة المشيرة ..

دفعتي في الصلعة قدورة الأصل ... المريخي الأصيل .. لك التحية

ماهر المقصود واحد في الإتنين ... لكن ما بوريك ياتو فيهم .. أنقرها نقر

شكراً للمرور والتعليق

مبرووووووورك للصفوة ... وهاردلك للجماعة الطيبين ... البيتو زعلانيين

حذاري أن تستخدمي المتفجرات دي يا صفاء ........

النصائح دي للقراءة فقط ......

شرفتي ونورتي يا بت الخال .....

تسافر بورتسودان وما تدينا خبر ولا حتي بس قولة سلااااااااام ....

وجاي هسي بعد غياب طويل داير تكسر تلج ..

أنا احرش ليك القاضي بتاع المنتدي يجري اللازم

حوداً حميداً والظاهر لي النت بتاع بورتسودان فيهو سكر