متي سوف نصل الي ذلك الرقي

الاخوان والاخوات السلام عليكم
اليوم اضع لكم موضوع للنقاش اريد رايكم بكل صراحه سلبياته وايجابيته
عندما اتيت لهذه الامبراطوريه وجدت ان فيها الكثير جدا من السلبيات واخطر السلبيات هي التفكك الاسري
وانا اجزم ان هناك قله في هذه الامبراطوريه من ينعمون بظل اسري قائم علي التكافل وانا اعتقد ان الذين ينشؤو في هذه البيئه
ولكن الشي الجميل ان نظام القانون القائم هنا يربي من لم يتلقي قصط كافي من التربيه ولكن مهما كانت تربيه القانون
لن تصل لي روقي ان ينشاء الانسان من هو طفل علي تربيه سديد القانون مهما كان من قسوته يمكن ان يكون اده للتخويف والردع ولكن لن يكون نظام لتربيه سديده التربيه تحتاج ان ينشاء الطفل بين احضانها
ولكن لفت نظري شي اليوم كنت في احد البنوك اليوم وبينما كنا نقف في الصف في انتظار الموظف كنت اري مدير البنك وهو
يقضي مصلحه احد الزبائن وكان لاكمال المصلحه يتوجب ان يذهب مدير البنك للكاشير ليكمل حاجيات الزبون الشي الذي لفت نظري هو ان مدير البنك ذهب الي اخر الصف بانتظار دوره كاي شخص وبعد ان انتهت مصلحتي جلست لكي اري ماذا سوف يحدث وجدت ان مذير البنك يقف في الصف وفي نفس اللحظه يلبي استفسارات الزبائن الذين يقفون في الصف وبعد ان وصل الموظف قضي المصلحه ثم عاد الي البنك وذهب الرجل واتي اخر ووجدت المدير يقف في الصف مره اخرى
بي كل صراحه لو في يوم من الايام وضعت في هذه الوظيف لن اقف كما وقف هو
الاخوان اريد ارائكم في هذا الموقف ومتي سوف نصل الي هذا

شكرا الاخ مالك وذنو علي المرور اتفق معك في كلامك اخي ذو النورين واضيف لك ايضا ان كل ماتتخيله من مساوي اسريه
تجده في هذا المكان اذكر لك بعض الامثله
عندما يتخطي البت والولد سن ال18 لامكان له في المنزل الاسري الا في ماقل من الاسر المستطيعه اذا اراد الابن اكل اي شي
لاتشاركه امه الا اذا دفعت نصيبها والا عليها الفرجه فقط نادر ماتجد عندهم الحنيه للاخ والاخت لايستطيع الوالدين من منع احد ابنائهم من اي شياء كان بعد تعدي سن السادسه عشر واذا حاول احدهم منع الابن يكون نصيبه التحقيق البوليسي لان القانون في صف الابن دائما
اما الاشياء الجميله يمنع بيع او اعضاء اي شخص تحت سن الثامنه عشر السيجاير والمبالغه حتي لو طلب منك ولاعه واعطيته وهو لم يتعدي هذه السن تحاكم يمنع بيع الخمور لما هم دون الواحد والعشرين عام واشياء كثيره مثل هذه الاشياء

شكرا الاخ مجدي هنا الواسطه لي اي زول القانون هنا يعني انا ممكن اكون موظف عادي في اي شركه مثال مجرد بواب برضو بكون عندي حقوق حقتي لو اتعدوها ممكن اقاضي المدير وارفدو من الشركه لو اترفدته بدون سبب واتمارست معي العنصريه
هنا في قوانين مطبقنها في الشركات والمصالح العامه مثال في الشركات من حق العميل او مقدم الطلب ان تقدمو وهو طالع لحدي الباب دا قانون ثابت في الشركات هو برضو العنصريه موجوده بي كثره في بعض الولايات
ومن المواقف الظريفه لاخ سوداني سافر لزياره صديق في ولايه اخري وفي الطريق احتاج ان يتزود بالوقود في احدي المدن ولم يعرف انها من اكثر المدن عنصريه فعندما دخل الي محطه البنزين قال للرجل اعطني وقود فقال له الرجل ليس عندي وقود لك ياعب فغضب الرجل وحاول صاحبه تهدئته وحاول ان يذهبو الي مكان اخر فاتصل بالشرطه وعندما اتي الشرطي حكي له ماجدث وهو غاضب فقال له الشرطي وهل انت غير ذلك ما انت عب والرجل دي دكانو وماداير يديك بنزين امشي من هناك
تعليق
حسي سمؤال يجي ناطي عامل لي فيها امريكي قلنا العلاج جانا ناطي قال هنا احسن علاج مع انو سمؤال لحدي الان لم يدخل المستشفي ولم يقابل اي طبيب ولا بيكون عرف العلاج كويس بالزيارت
سلام

محمود طبعا ما حا أرد عليك رد ما يرضيك عشان ما تغير رأيك وتأخر لى صرفة الصندوق بعد اقيض ممكن أرد عليك تانى ...
دى كانت رمية ولكنى سأضيف لكلام محمود بعض الاضافات عن الأسرة وقيمتها فى المجتمع الامريكى الذى يقوم على ثقافة الاستقلالية والحرية الشخصية المطلقة بعد بلوغ سن الرشد وهذا ما ننظر اليه نحن القادمون من المجتمعات الشرقية بأنه انحلال او تفكك أسرى فالشخص هنا ذكرا كان ام انثى يعتبر مستقلا فى حياته واختياراته والطريقة التى يحب ان يحيى بها دون تدخل مباشر من الاخرين حتى الوالدين وهذه هى العادة او الثقافة السائدة ولكن هذه الحرية تنظمها قواعد وقوانين صارمة جدا بحيث لا يصبح الأمر فوضى وكمثال لهذه القوانين لايسمح ببيع التباكو سجاير صعوط أو اى نوع من انواع التباكو لاقل من عمر 18 عاما ولو بيوم واحد واذا حدث ذلك قد يعرض المحل للاغلاق وللبايع بالسجن والابعاد اذا كان اجنبيا ومن ذلك ايضا لا يسمح ببيع الخمور واحتساءها فى البارات لأقل من 21 سنة وهنا العقاب اشد صرامة مما سبق اعلاه ... أما عن العنصرية فأشهد الله اننى منذ أن وطأت قدماى هذه البلاد لم يعاملنى احد بعنصرية أو كغريب غير مرغوب فى تواجده ولم توجه لى أيى نوع من انواع الاهانة أو عدم الاحترام وهذه هى تجربتى الشخصية التى قد يختلف معى البعض فيها ... نعم نعانى مرارة الغربة عن الاهل والاحباب ونعانى من اختلاف العادات والتقاليد ولكن فى نفس الوقت يمكنك ان تعيش ثقافتك وتقاليدك وأن تؤدى عباداتك دون معاناة أو وجل بل القوانين تكفل هذا الحق للجميع ... وللاسف الشديد ان الحق والعدل الذى نجده هنا قد لا نجده فى اغلب البلدان الاسلامية وقد تفقد حقك ولايتساوى الجميع امام القانون ويعطى الحق لفرد ان يتحكم فى مصيرك (الكفبل) هذه هى الغربة الحقيقية .. أما هنا فانت كفيل نفسك تذهب متى تشاء وتعمل اينما تشاء وتسكن اينما تشاء طالما انك لاترتكب افعالا ضد القانون .. وسنفرد مقالا خاصا عن القبم الجميلة التى وجدناها هنا وتعلمناها وما هو سر تقدم هذه البلاد وتفوقها وعظمتها
وختاما أقول ... نحن فى السودان نهوى أوطان ... وان رحلنا بعيد نطرى خلانا ... ودمتم فى أمان الله

الأخ العزيز محمود...أنا برضو حأنط ليك.
المشكله ما فى انو البوليس قال ياعب...ممكن جدا يقول...ولكن هناك قانون رادع موضوع للحمايه.
اذا ثبت زول ولا جهه اعتباريه اتعنصرت عليك عشان (لونك-دينك-جنسك)وتم اثبات ذلك.
سوف تنال تعويض معتبر تعمل من مراغه دى قريه نموذجيه.
فهناك فرق بأن يقال لك(ياعب)وتهان كرامتك وتاخده على اللباده ويضيع حقك المادى والادبى.
وبين التمنى أن يقال لك (ياعب)وتاخد حقك المعنوى اعتذار وحقك المادى قروش تغنيك لى جنى جناك.
وهناك واقعه حدثت أيام سباق الترشح الرئاسى..بينما الرئيس الحالى والمرشح وقتها أوباما يستعد لالقاء خطابه.
قام المنظمين بابعاد فتاتين من الصفوف الاماميه..الاولى سودانيه أمريكيه والثانيه مصريه أمريكيه.
ويرتدون الحجاب .
فالتقطت ال (الفوكس نيوز) الخبر وسوقته على أثاث أن أعضاء حملة المرشح قد فعلوا ذلك عمدا.
حتى لا تظهر صورهم بالحجاب وتثبت الادانه له بالاسلام واعتبروه نوع من العنصريه والتمييز الدينى.
مما اضطر المرشح الرئاسى وقتها اوباما للاتصال بالفتاتين واعتذر لهم بنفسه.
وبعد التحقيق ثبت أن المسأله تنظيميه بحته لا علاقه لها بالتمييز من قريب أو من بعيد.

سلام ياناس يا احلا من العسل
اولا شكرا اخوتي علي الاعزاء علي المرور وانا بعترف انو البلد دي فيها مميزات بس برضو ما الجنه اني اتخيل نفسي اعيش في مكان غير الذين يعيشون فيه الاخوان سمؤال وقرشي مع اني عايش في منطقه تتوسطهم
وايه يعني لمن رئيس يضرب لي زول يعتزر ليه الرئيس شيلي اتا لي المنجم الموجود فيه الضحايا عشان في واحد لسع ماطلع
حتي لو افترضنا انه تواضع منه برضو نخت جمبها بعض الجمل المفيده الدعايه الانتخابيه تحول الموضوع كما قلت انتي اخي الي راي عام فحول
بمكالمه بسيطه الراي العام لصالحه الجعانين المالاقين اكل هنا شويه البياكلو من الزباله شويه البنومو في البرد علي الارصفه شويه الشحاتين شويه ياخي انتا مابتشحت الا يكون عندك رخصه من البلديه تشرح ليهم ظروفك مايساعدو لو عرفو ظروفو يقوم يدو رخصه امور مضحكه هذه سموال شكلك مااشتغلتا في الشركه البتمشي ليها الصباح ينقو الناس بالشكل وترجع انتا لسبب مامعروف ومن اقسي الاشياء هنا عندما تفعل اي خطاء يعاقب عليه القانون في اي مرحله من مراحل العمر ولكن انا ارسي علي الشباب منهم لن تنال اي وظيفه مرموقه في هذا البلد حتي ولو كانت عندك كل شهادات الدنيا والمصيبه ان اكثر المصائب تاتي في مرحله الثانوي
اما عن القانون فسوف احكي لكم قصه حدثت لسوداني في مدينه مجاوره اسمها دورهم
يعمل السوداني سائق تاكسي اتاه كول عشان يشيل ناس شالهم في تمام العاشره وبعد فتره ماطويله اتاه بوليس وساله من اسمه ثم اصطحبه الي القسم ومن التحقيق معه اكتشف ان الاتنين الركبو معاه تعدو علي فتاه سودا قبل ان يركبو معه وعند سؤالهم قالو انهم في تمام التاسعه كانو مع سائق التكسي
والسوداني قال لا الناس ديل ركبو معاي الساعه عشره التهمه ثبتت في منتصف الليل استقبل السوداني مكالمه من محامين المتهمين قالو لي انتا قولتا كدا قال ايوه قالو لي تغير اقوالك بكره الصباح قال ليه قالو لي لانو في مليون دولار احنا ختيناها في حسابك قبل الشمس تشرق كان السوداني غير اقوالو والولدين طلعو ملاحظه الولدين واحد منهم ابوه من اغنا اغنياء امريكا
وطبعا الموضوع كبر في المدينه والمدينه السلطه الفيها الغالبيه سود المحافظ ومدير الشرطه والخ السوداني رجع السودان اشتري عماره واراضي ورجع تاني هنا الشرطه جاتو وقبضو عليه ورو شريط قبل تمنيه سنه لي ناس بيسرقو من محل تجاري والناس نفسهم بيركبو معاه في التكسي قالو ليه الناس ديل انتا مشترك معاهم اقل حاجه بتاخدها 25سنه رجع البيت خايف ضرب لي المحامي الضرب ليه اول مره قال لي ماتخاف جو تاني سته محامين قاضو المدينه والمحل التجاري واجبروهم يدفعو للسوداني 280 الف دولار
بقت مليون و280الف دولار وتقول لي يا لطيف

أخى العزيز محمود...عندما يعتذر الرئيس ذ لك يعنى الكثير أقلها انه يمارس فضيلة(الاعتراف بالذنب فضيله).
انها من قيمنا التى نقولها ونصم الآذان بها ويمارسها غيرنا على مستوى الرئاسه.
أما اذا اعتذر لكسب انتخابى فهذا يحسب له لاعليه لأنه اذا تجاهل هذه القيمه فقد الكثيرين واذا مارسها ربح الكثيرين.
وهناك فرق بين أن تقدم اعتذار لفتاه مغموره فتزداد قيمتك و بين أن تسرق وتنهب لا لتذهب الى السجن بل لترتقى سياسيا.
أما القصه فلا تعليق.

الاخ محمود تحية وسلاما اولا نبدا ليك من القصة وعندى ليك نصيحة دايما وأبدا ما تستشهد بقصة منقولة اليك ومروية عبر الجلسات والونسات مالم تعايش احداثها وتتأكد من صدقيتها خاصة اذا كنت تستخدم هذه القصة لاثبات واقع معين .. أو تريد بها ايصال فكر معين لذلك لابد ان تكون ما تستخدمه لا يرقى اليه الشك ومتأكد منه
وبعدين حكاية الاكل من الزبالة والشحدة دى موجودة فى كل العالم ولمن تكون فى حاجة زى دى فى بلد زى امريكا هذا يحسب على الشخص نفسو لأنو اما كسلان أو زاهد لأنو العمل متوفر لو هو سعى للعمل انا شخصيا ما شفت لى زول بياكل من الزبالة وما أظنك انت كمان شفتا أما عن الخطأ الذى يعاقب عليه القانون وما يترتب على ذلك يا محمود القانون يعاقب على الاخطاء التى تدخل فى دائرة الجرائم والجنايات وذلك بعد اثباتها عن طريق المحكمة والجريمة عندما تدلن بها بواسطة المحكمة تظل فى سجلك الى مدة معينة وتسقط بعد ذلك ولكن لن تكون فى سجلك مدى الحياة وبعدين يا محمود اذا انت عندك شهادة مرموقة فى البلد دى مافى سبب واحد يخليك تتجه اتجاه اجرامى واذا حدث ذلك فالعقاب من جنس العمل أما موضوع رئيس شيلى دا بشرحو ليك لمن الاقيك لأنى تابعت عملية الانقاذ بكل تفاصيلها ابتدءا بأول واحد حتى خروج آخر المنقذين الخمسة اللذين دخلو المنجم للمساعدة نعم امريكا ليست جنة الله فى الارض لكنها رحبت بنا وتعلمنا فيها ومنها الكثير وأعطتنا من خيرها وكفتنا شرها واعطتنا من الخبرات والدروس والعبر ما لم نكن لنجده فى ايى مكان آخر فيجب علينا ان نعترف بفضلها ..
بلادى وان جارت على عزيزة ... وأهلى وأن ضنوا على كرام

والله ياسموال كلامك جميل بس ماتقولي قصص منقوله واتاكد منها الكلام القلتو انا قلتو لي حاجات موجود في البلد دي
البلد دي جميله جدا لكن يا سمؤال كلمه بقولا ليك البلد دي المساؤي الفيها تعادل حسناتها واحتمال تزيد قليل
انا اتحدي ياسمؤال محمد يس انو واحد يقول لي انو في واحد صعد السلالم حتي اصبح من الاغنياء في هذه البلاد ولكن بشرط انو
يكون بطريقه حلال لانو اي زول عندو القليل من الذكاء انو يبقي زول مرموق بالطرق الملتويه الكريديت الانتريست والكلام الفارغ
النظام هنا انو تاكل تشرب تلبس تعيش كويس واذا درستا الجامعه العيشه بتاعتك بتتصلح لكن برضو حتكون عامل ماحتكون غني حتكون ميسور الحال
ثانيا تحدثت مع امريكي قبل فتره الفرق بين العلاج في امريكا وكندا وبعض الدول اول سؤال سالته ليه ما الفرق بين هذه الدول وايهما ارفع شان قال امريكا قلتليه والفرق في العلاج قال كندا افضل بي 100 مره
سمؤال ممكن تقول انو العلاج هنا احسن احدث لكن انا اتعالج وامشي البيت تجيني فاتوره بي 70 الف دولار طبعا انتا وقرشي حتقولو البيدفع منو طيب لو مادفعتا البيحصل شنو الكريديت بيخسر يعني ياسموال تجيني ااجر ليك الشقه تجيني ااجر ليك العربيه
تجي لي اشتري ليك العفش ولا شنو ياخينا مايكون بالجد خربتو وحتجيني دي تبقي مصيبه وبعدين في معلومه اتاكدت منها مافي كل الحالات بتدفع بعد العلاج لانو في ناس هنا عندهم عمليات قالو ليهم تدفعو جزه قدام
ياخي اول حاجه في الحدود المكسيكيه بعد حرس الحدود عياده الاسنان والكشف بي 5 دولار
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

وبعدين يا سمؤال انتا بلادي بلادي لو جارت علي عزيزه انتا قاصد وين يا اخونا انتا مامحدد خاليها مبهمه
عشان لو قاصد هنا عشان ناجز ونجيك نشوف حرارتك احتمال عاليه ولا حاجه

اوووووووووووووووووو جماعة اوباما متجمعين هههههههههههههه
الامريكان ليكم تسلحنا بى قول الله وقول الرسول ليكم تسلحنا(دا كان شعاركم يوم من الايام ههههههههههه

والله يا قرشى دا حل لمشاكلنا الماديه استغلوا محمود فى استفزاز احدهم ليقول ليهو يا عب وكدا مراغه تبقى جنه
هههههههههههههههههههه
يا محمود يا اخى لك حق الحلم والتساؤل ..ولنا الله وعيشة السوق
سمؤال والعجب لما كفيلك يكون امى لا يعرف ولا يقرا واسمه عميييييييييييش

محمود يا عمده سلامات
عندما كنا في السودان وتلوح لنا سيره امريكا تبدو لنا كانها حلم آخر بعيد
فلم يستوعب خيالنا ارض الاحلام
لو صح تفسيري يا عمده عن نظرتك التشاؤميه لتلك البلاد نابعه من مقارنتك
المعدومه بين هنا وهنااااااااااااااااااااااااااااااااااااااااااااااااااااااااااااااااااااك
فسوداننا يا محمود ينتهي نهاره كله في(الشيخ وصل ، دكتور فلان ما بياكل الملوحه
فجو الصف لي جنابو عشان مستعجل،الريس مشي حوليه سيدي الدسوقي) الخ الخ الخ
وننسي وينسي هؤلاء انهم مجرد موظفيين ياخذون رواتبهم نهايه كل شهر
هنا ايضا وذي ما قال مالك لا يحق لوزير او مدير او جنابو ان يتقدمك في الصف
حتي ولو كنت وافد (امسك السرا طال عمرك)
اعجبني مساجلاتك مع الاخوان قرشي وسمؤال ويا ريت يبطلوا البخل ويطلعوا لينا
ذكرياتهم منذ ان وطئت اقدامهم ارض الاحلام .
اقعد بي عافيه يا عمده

الله غالب يا ياسر نان نحن زينا زي الفكى وااااحد والملوحه بنستحم بيها!!!!

الأخ العزيز محمود...قضيتى الفقر والغنى ليست مرتبطه بزمان أو مكان...قد تجد الغنى فى الصومال والفقير فى أمريكا.
وقد تجده فى النيجر وقد لا تجده حتى فى بروناى(الغنى)فهى أرزاق(ويرزق من يشاء بغير حساب).
لا أحد يبحث عن الغنى يا أخى العزيز...كلما نبحث عنه هو الايفاء بالتزاماتنا تجاه من هم فى دائرة مسئوليتنا.
الداير علاج نعالجو والداير يتعلم نعلمو وما الى ذلك.
وبعد داك الغنى اذا جا خير وبركه والا(فالحمد لله الذى أطعمنا وسقانا وجعلنا مسلمين).
أما العلاج فالمسأله ليس اطلاقا بمعنى ماأى زول بيجيبو ليهو فاتوره ب70ألف دولار.
لأن معظم النا س تحت مظلة التأمين الذى يتكفل ذلك وتدفع أنت القليل ونسبه لا تذكر من مجمل المبلغ.
أما الأطفال فأى طفل داخل الولايات المتحده علاجه مجان وتعليمه مجان حتى المرحله الثانويه.
أما الذين لايندرجون تحت مظلة التأمين وعددهم 40مليون من أصل 350مليون أمريكى.
هناك قانون قدم للكونغرس لتعديل قانون التامين وقد أجيز بعد النقاش حوله لفتره طويله.
وسيدخل حيز التنفيذ على مراحل.
وهذا لايعنى أن الأمركيين يعيشون مدينة افلاطون أو أنها الجنه التى أخطأت طريقها الى الأرض.
بل انهم يجتهدون لجعلها كذلك...يعترفون بالأخطاء ويحاولون ايجاد الحلول.
وما شغالين بنظرية تمام سعادتك كلو فى السليم(لحدى مالقينا السودان بقى اتنين).

الاخوة الاكارم والله متعتونا بى نقاشكم الهادى .... شايفين الهدو سمح كيف ؟؟؟؟؟؟؟؟
لكن لن نرضى عن الاستخفاف بالملوحة هكذا .... لو تانى مازكتوها بالخير تاكدو انو حيجيكم جواب من امبدة لامريكا وسى سى للسعودية .... ياخ انتو خليكم فى بيتزا هت وامريكانا كبستكم الصفرا والحمرا وخلو لينا قراريصنا بى الشطة الخضرا ام قرن والليمون البلدى .... لكن ياسموال سريع نزل لينا قصة المناجم لان ماشفناها كلها .... اكتر شى بيعجبنى فيك ياود محمد يس انك بتحب التفاصيل .... مابتحب الـــ summary

الأخ قرشى لقد كفيتى مشقة الرد على محمود المشاغب وأزيد شيئا قليلا أنه ايى شخص يذهب الى المستشفى يجد العلاج دون يسأل عن المقابل لأن الدفع يتم لاحقا حتى ولو كنت مطالب من علاج سابق مئات الالوف فسوف تجد العناية ... وحاجة تانية هنا لا يوجد جناح خاص ودرجة اولى وتانية كل الناس سواسية فى العلاج والرعاية والاهتمام ولا توجد غرف خاصة فأغنى الاغنياء يتعالج فى نفس المكان الذى يتعالج فيه المعدم وبتفس قدر الرعاية والاهتمام ... أوليس هذا تميزا ما بعده تميز
دكتورة نضار ما تشوفى لينا حل مع ود عمك دا رسلى ليه اقامة عبر الكفيل عميش عشان يورى النجوم عز الضهر لكن تخيلى محمود هو حا يوريهو النجوم عز الضهر
حبيبنا مجدى انشاء الله لو ربنا جابك امريكا أول حاجة تعملا تمشى محل بيتزا تضرب ليك واحدة عشان تعرف حتى البيتزا الامريكية مختلفة وحا تقود حملة عشان اصحاب مطاعم البيتزا فى السودان ومصر والخليج ما يغشو الناس ويسمو ذلك الشىء العجيب بيتزا ... (دا ما المهم) المهم يا باشمهندس باشنتود أنو عملية الأنقاذ بتاعت منجم شيلى كلها تمت بفضل التكنولوجيا الأمريكية فمن حدد مكان عمال الانقاذ بالضبط هى وكالة الفضاء والطيران الامريكية (ناسا) عبر اقمارهم الاصطناعية والحفارة التى تم الحفر بها صناعة امريكية (جلبت من افغانستان حيث كانت تعمل فى مساعدة القوات الامريكية هناك فى استخراج المياه العذبة فى المناطق الجبلية الوعرة) والأجهزة التى تم بها تحديد اماكن الحفر أجهزة امريكية كما ان كل عملية الانقاذ تمت تحت اشراف مهندس امريكى وخبراء انقاذ أمريكيين بمساعدة من بعض الدول الاخرى ... وقد كان هولاء الناس يعملون على مدار الاربعة والعشرون ساعة فى سباق مع الزمن .. وتمت عملية اخراج العمال ال33 بالاضافة الى 5 عمال انقاذ ادخلو الى داخل المنجم للمساعدة فى عملية الانقاذ حوالى 23 ساعة ونصف حيث خرج اول عامل حوالى الساعة الحادية عشر ليلا بتوقيت شق الولايات المتحدة واخر عامل انقاذ حوالى الساعة العاشرة والنصف من ليل اليوم الثانى وقد تمت العملية دون توقف وهذه هى ثقافة تجويد الاداء والعمل الجماعى (team work) التى ينادى بها مجدى والتى انجزت هذا العمل العظيم وهى استخراج هولاء العمال من عمق700 متر تحت سطح الارض ... آسف للأطالة مع فائق ودى واحترامى للجميع

والله يااخوانا اخونا محمود المشاغب ده وداه الزمان وعجبو المكان ولا اظن يااخ سموأل يحتاج الي عميش وكفيل ودوشة راس
بعد ان وجد الحريه والتعامل الراقي اضم صوتي الي الاخ ياسر بدخول الاخ قرشي وسموأل في الخط في ثرد المزيد عن بلاد
العم سام وخلونا نستمتع ياشباب . يامجدي اكتر من مره قلت ليك لاتجيب سيرة القراصه والملوحه والشطه مع السيره دي ببلع
في الريق وتجيني حكه وكاروشه . وجسمنا مكبوس بالكبسه . دكتوره نضار حمدالله علي سلامة الوالده الي ربوع البلد اكيد
يادوب ارتاحت بعد (الحبسه) . الاخ قرشي الشجره منار ولن تنهار مش ده شعارها ؟؟؟؟؟

أخونا عبد الرحمن تحياتى وتقديرى الخاص....خلينا نخلص من موضوع الشجره..والعيد يدينا قفاهو والمؤتمر يظبط.
بعد داك نقبل على أمريكا.

الاخوة الكرام : مشكورين جدا على النقاش المفيد ... سموال ماف اطالة ولا حاجة لو باقى شى جيبو .... لكن شفت كيف العمال الـــ 5 ديل يوثرون على انفسهم ... هسة دة لو عربى ولا افريقى كان قال انا لو مت تحت الارض ..... لكن بينى وبينك يكون العامل الواحد من الخمسة ديل فى مجاسفتو دى ادوهو كم الف دولار امريكى ؟؟؟؟ كدى فتش بالموثق وتعال لينا راجنك .....

سوال تانى .... الحفارة دى اظنو تقنية اغلى من المفاعلات النووية ....قول لى لى ؟؟؟ لانك قت جابوها من افغانستان .... يعنى بكونو عددها فى الدنيا كلها ما اكتر من 5 حفارات ولا كم ياسموال ؟؟؟ السوالين ديل مهمين والهوادة تدينا الويب سايت بتاع مصنع الحفارات دة .... ودمتم احبتى الامريكان اصحاب الجنسيات المراغاوية .....

عم عبدة الف حمد الله على سلامة عواطف .... ولحد هسة ذنو ماورانى ولا يكون هو زاتو ماعارف ....
د.نضار : صدقينى عميش دة لو خشا موقع مراغة دة حيجهجهكم .... الف حمدالله على سلامة الوالدة واطمنا على وصلولا تلفونيا وقالت مستعجلة قعدت فى الخرطوم نص يوم عشان تلحق العقاب قت ليها العقاب دة ستة شهور كان وين ؟؟؟؟ ماقدرت تجاوب ..... هههههههههههههه

كتر خيركم كتيييير اخوانا الكرام محمود وقرشي وسموأل علي المعلومات ووالحاجات الحلوة دي
ونحن خلاص قربنا في دولتنا الصغيرة مراغة نبقي ذيهم واحسن كمان انشاءالله
بس لحد ما نبقي رسلو ليناوخلونا نستمتع معكم شوية ونشيل حاجات عشان نعمل بيها في مراغة بعدين

الاخ العزيز قرشي ونعمه بالله الارزاق بيد الله
ولكن اخي انا حقيقه لم اسمع بدوله مافيها اي زول غني الدول اي دوله في العالم يكون فيها الاغنياء والفقراءولكن هنا في هذه البلد الحياه لاتختلف من دول كثيره جدا وكا قلت ان الذين لا يملكون التامين الصحي 40 مليون من اصل 300 مليون الكلام دا احتمال يكون صح قبل الازمه الاقتصاديه لانو في 50مليون تانين فقدو العمل وانضمو الي 40 الاوائل وقاربو علي 100مليون ليس لهم تامين صحي وفعلا قانون اوباما للتامين الصحي اصبح مشروع موافق عليه ولكن غير منفز سيتم تنفيزه بمراحل تصل الي سنتين سنتين عشان العلاج تخف قيمته وانتا قلتا انو الناس كلهم بتعالجو في مكان واحد ما اي غنيان بتعالج معانا ياسيدي اذا في سوداني هنا عشان يقعد في سرير براه في غرفه وهو عندو تامين صحي من الشركه الذي يعمل فيها طالبو منه 8الف دولار للسرير يدفع منها 5الف التامين مابغطيها الاغنياء هنا محلاتهم براهم جامعات مابتخشها الا انتا غني مدارس مستشفيات
هل تعلم قرشي ان نسبه الاغنياء هنا في امريكا 10في الميه من العدد الكلي وهناك دراسات تاكد ان في خلال 25 سنه سوف يكون اقتصاد امريكا كله في يد 10اسر فقط والذي يؤكد هذا ان مواني الولايات المتجده في امريكا تابع لاسره واحده فقط

الأخ العزيز محمود...تحياتى وتقديرى أولا عدد الذين فقدو وظائفهم فى الولايات المتحده حتى الآن عددهم 6.5مليون.
2.5مليون فى الربع الأخير من العام 2008و4مليون فى عامى 2009و2010.
أما الوظائف التى فقدت فى العالم ككل هى 50مليون وظيفه منها 2مليون فى بريطانيا والباقى موزعه على بقية دول العالم.
أما العلاج زى ماشرحنا قبل كده عندك تأمين بتتعالج والتأمين بيدفع ليك.
أما اذا ماعندك تأمين برضو بتتعالج وتتحمل فاتورة علاجك واذا جيتم مطلوب برضو بعالجوك وبرضو بطالبوك.
أما نسبة الأغنياء 10% دى كتيره اذا بل غيتس براهو ثروتو 40 مليار وديون السودان 37 مليار.

الاخوه الاعزاء
اخي قرشي انا ماقلتليك انو 10في الميه من اغنياء العالم انا قلتليك انو الاغنياء في امريكا مقارنه بسكان امريكا انفسهم هم نسبه لا تتعدي ال 10 في الميه او 15 في الميه وبعدين في نوعين من الغنا في هذه البلد في الغني وفي الغني غنا العواره يعني ماممكن نقول انو لعيبه السله والبسبول واوبرا مثلا اغنياء وبلقيس صاحب مايكرسوفت غني لانو بليقيس لو صحا من النوم لقا ثروتو تعادل احد الثلاثه المزكورين عشره مرات بينتحر لانو فلس
الاخ قرشي اسواق الول مارت يعاد المحل الواحد مركز تسوق عفراء 20 مره تخش المحل تلقا اي شي تحتاجه في 4 الف محل في امريكا بتاعت اسره واحده تتكون من بضعه اخوان بيتزا البابا جونز نفس الشي يوجد منها قرابه 10الف محل في امريكا المقدنلز قد تتعدي 20الف فل نقل 5 الف منها ملك اشخاص ماذا عن الباقي جميع المستشفيات التي توجد في مدينه قرين اسبورو ملك شخص واحد اكبر فندقين ومول وشقق سكنيه في قرين اسبورو ملك لي لبناني امريكي وتقول لي تتعالج معاهم في مستشفي واحد وتعلم ولدك في مدارس اولادهم وجامعاتهم انتو جنيتو المساوه في بس انتو كمان ماتطمعو كتير
هل تعلم ان اقرب جامعه لي بيتك وهي قلفر كلج لو جبتا واسطه من اوباما برضو مابتخشها الا وانتا عندك قروش
هذه وجهة نظري وانا حر في وجهة النظر الليلتي

سلاااااااااااااام واحترام كبير جدا الحقيقه انا متابعه نقاشكم الهادف والجميل والهادئ يعنى ونسه بى فهم
محمود احييك على طرحك حقيقه انا تابعت الخبير ه الاقتصاديه فى رنامج اوبرا ونقاشها عن الازمه الاقتصاديه وكيف الحقت الضرر بالاقتصاد الامريكى وقريت كتير عن الفوارق الطبقيه الاجتماعيه والماديه هناك وعن اوضاع فئه من المهاجرين
وجدت حديثك صاح فى بعض النقاط وبعضها جانبت الخطا وكان الصواب من نصيب قرشى وسمؤال ولكن يا عزيزى مهما تضجرت وقارنت احمد اقدارك ان القت بك على شواطئ امريكا وقارن بين وضعك فى السودان وهناك ..وسؤالى ليك يا بن عمى هلى انت تعانى من سء اوضاع اقتصاديه هناك ام مشاكل تميز بين الاغنياء الامريكان والمهاجرين البسيطين..وهنا اتوجه
لسمؤال وقرشى..بتساؤل بعد مداخله سلامات لا ادرى هل لمستم تميز كمهاجرين رغم القوانين والحقوق المكفوله وهل الرقى والحضاره والتعامل الحمايه الفرد متوفره للجميع وهل انصهر الشعب الامريكى ..انا يبدو مشكلة الهجرة تطرح قضيّة تكييف واندماج اعداد ضخمة من الأفارقة والعرب والأتراك والألبان وغيرهم .. ومن مشاكل المهاجرين على المجتمع الأمريكي: فرص عمل أقل، إجور أوطأ،صراع ثقافي وتآكل مفاهيم الهويّة القوميّة التقليديّة. وإذا كان الأمن القومي يهتم بالسيادة، فأمن المجتمع يهتم، قبل كل شىء بالهويّة....قصدت هلى المهاجر العربى والافريقى هو مواطن درجة اولى يكفل تحت رعاية الحقوق المدنيه وممكن ان يدخل الكونغرس ويدخل الجامعات حسب كائه ورغبته ويتمتع بكافة الحقوق دون ادنى رهق؟؟؟ والامريكان ليكم سلام

تحية وسلام ابن عمى الاستاذ ماهر لقد أوجزت فوفيت وكفيت
دكتورة نضار سلامات نعم دكتورة لمسنا مميزات وأول هذه الميزات أن عملنا وتوظفنا دون وساطات ولم نكن اعضاء فى الحزب الجمهورى ولا ندين بالولاء للديموقراطيين فقط ما احتجنا اليه هو الاقامة القانونية ورقم الضمان الاجتماعى .. وعندما ضربت الازمة الاقتصادية امريكا تأثرنا بها ولكن لم نكن من ضحاياها بسبب اصلنا وديننا وعقيدتنا وعندما تم الاستغناء عن 50% من العمالة فى الشركة التى اعمل بها لم اكن منهم ولله الحمد والمنة فلم يكن المعيار اللون ولا الجنس ولا الدين أوليس هذا ميزة وبعد الاقامة القانونية لمدة 5 سنوات لا ترتكب فيها جريمة جنائية أو ضد الامن القومى تمنح الجنسية الامريكية بعد امتحان غاية فى البساطة هذه الجنسية التى تكفل لك ان تتولى ارفع وارقى المناصب الا رئاسة امريكا لتحصل على هذا المنصب يجب ان تكون مولود فى الولايات المتحدة وعشت بها 15 سنة بالاضافة الى الشروط العادية الاخرى وبوجب هذه الجنسية تصبح مواطن امريكى لك كافة الحقوق وتوفر لك الحماية اينما كنت فى العالم
أما عن الاندماج فى المجتمع الامريكى فى اعتقادى ان اسهل مجتمع يمكن الاندماج فيه هو الامجتمع الامريكى لأنه مجتم يعتمد على البساطة فى التعامل دون تكلف وهومجتمع يتقبل الاخر دون توجس وهذا اكثر ما ادهشنى عندما جئت الى هذه البلاد فقد زالت الرهبة سريعا وتكشفت لنا بساطة الحياة وسهولتها حتى فى كثير من المرات ننسى أننا فى امريكا ووالله الغربةالوحيدة التى شعرت بها هىالبعاد عن الاهل والاحباب والذكريات حلوها ومرها أما غير ذلك فأحساسى وهذه هى الحقيقة كأنما ولدت فى هذا البلد اللذى لم اشعر فيه حتى اللحظة بأى نوع من انواع التمييز ضدى
أما عن معناة المهاجرين فالمهاجر اللذى يعانى هو المهاجر الغير قانونى أى اللذى دخل بطرق غير مشروعة أو حتى مشروعة ولكن ليست له اقامة أو رقم ضمان اجتماعى وحتى هذا معناته تنحصر فى صعوبة ايجاد العمل المناسب رغم انهم يعشون ويعملون ولكن المعاناة هنا لا تعنى ابدا المطاردة وعربة الدورية وحتى الترحيل يتم بأمر المحكمة وذا كان هولاء المهاجرين يعانون لما بقى من المكسيكالدولة الجارة لامريكا وحدها 12 مليون مهاجر غير شرعى غير مهاجرى المناطق الاخرى
وامريكا بلد متعدد الثقافات والحرية مكفولة للجميع فى حدود القانون لذا لا يوجد صراع ثقافى بعناه الواضح أما الاجور يا دكتورة نضار يحدد الاجر بناءا على الوظيفة لا على الشخص وأصله او لونه او دينه ولم اسمع من احد السودانيين على الاقل ان احدا فى نفس وظيفته وبنفس الاقدمية اجره اعلى من اجور احدهم وأظنكم سمعتم مقولة ان فى الغرب اسلام ولكن ليس هنالك مسلمين اما نحن نعايش هذه المقولة الان فى كثير من أوجه الحياة هنا .... بعد كدا قرشى يجى يتم ليكم الباقى ودمتم فى رعاية الله

الاخت العزيزه نضار اي الاخطاء هي التي وجدتيها في حديثي واي انواع التداخل التي تقصديها مع المجتمع الامريكي
انا حقيقه استغرب من كلام الاخ سمؤال عن سهوله التداخل في المجتمع الامريكي انتا قصدك انو لمن تمشي الشغل وتلقي الامريكي تقولي منو الفاز في مباره السله او كره القدم الامريكيه وتسمي هذا تداخل جميع المهاجرين الي امريكا تكون حياتهم منفصله من المهاجرين من جنس اخر دعك من التقرب الي الشعب الامريكي الشعب الامريكي عاداته وتقاليده تمنعك من التقرب اليه الشعب الامريكي بطبعه غير متداخل ومن الدلالات انو سموال حدثني انو في اتنين في شركتو اصحاب ليهم زمن طويل ومافي واحد منهم عارف الاخر ساكن فين وهم مرتين
الوحيدين الذين يدخلون في مجتمعات الامريكان يدخلون لاغراض محدده وهي المخدرات والفاحشه والمنكر ونهايتهم هي الدمار التام او ان يترمو احدي سجون هذه البلد
الولايات المتحده فيها خليط كبير جدا من المجتمعات دعك من الامريكان والمولود في امريكا وصاحب الاصل الامريكي
الوحيدين الذين يتمتعون بهذا الحق بعتراف القانون الامريكي لانهم الوحيدين في هذه البلد المتمتعين بحقوق لايجدها الرئيس الامريكي ومنها الاعفاء التام من التاكس او الضرائب وهم الهنود الحمر وهناك عنصريه في بعضهم فالبيض في انفسهم منهم من يفتخر باصله فمثلا في البيض انفسهم يتميز منهم الايرش وهم الذين تنحدر اصولهم من ايرلندا ثم باقي البيض تم نوع من البيض ويسمي الريدنق وهو بمعنا واضح زباله البيض ثم السود و المهاجرين من جميع الانحاء مع ان امريكا جميع سكانها عباره عن مهاجرين ولكن الفرق تفاوت فترات هجرتهم وهناك سؤال ثابت في اي استمار تملاها وهي عن الجنس او اللون ارجو ان يجاوب عليها الاخوان قرشي وسموال ابيض اسود اصفر
اما عن العمل والاجور فهي عادله وتقدر علي حسب شهادتك ومجهودك لانو اساسا لو قارنا هذه البلد باي اخري
نجد ان تطور هذه البلد تطور شركات وليس اخر تبحث الشركات علي من ينفهعا في جميع العالم ليس امريكا فقط وتاتي به
لكي تستفيد منها وزي ماقال مصلحه الشركه فوق الجميع دلاله ان هناك عدد ثلاثه يعملون في ناسا صاحبه اقوي الاجور
والمقيمين الغير شرعيين كانت هناك محاولات لشن حملات عليهم من الكنقرس ولكن قوبل هذا المقترح بالرفض وهو ان يستطيع ان يوقف البوليس اي زول من طرف ويحقق معه ولكن حول الي صلاحيه البوليس ان يحقق منه اذا مابدر منه خطا فقط وزياده علي هذا تصريح اوباما ان المقيمين الغير الشرعيين هم انفسهم الذين يعملون في الاعمال التي يرفض ان يعملها المقيم وهي الاعمال الشاقه وكما قال مسؤال امريكي كبير بامكاننا ان نبني حايط حول كل الحدود ولاكن لن نجد احد يبني هذ الجدار الا المقيمين الغير شرعيين
ومن الاسباب الرئسيه للرفض سبب قوي جدا هو ان اغلب المقيمين الغير شرعيين هم من الكسيك وهم من اكثر الناس انجاب
ويتمتع ابنائهم بالجنسيه علي حسب القانون الامريكي فكيف يكون الحل لهذه الحاله
وشكرا اطلعوني لو اخطات

الأخت الدكتوره نضار...التحيه والتقدير.
فقد سبقنى الأخ السموأل فوضع حقيقه النقاط على الحروف وأجاب تقريبا على كل التساؤلات.
وأنا هنا سأورد الدليل المادى على تقدم النظام الأمريكى المبنى على كثير من العداله وتكافؤ الفرص.
وسأستوحى ذلك من عبارتين قالهما الرئيس الحالى باراك حسين أوباما.
الأولى قالها عندما فاز بترشيح الحزب الديمقراطى:-
(من كان يتصور أن أسودا فى العقد الخامس من عمره سيصبح مرشحا للحزب الديمقراطى)
والثانيه قالها يوم فوزه برئاسة أمريكا أمام حشد من أنصاره فى شيكاغو:-
(للذين يتحدثون عن التمييز والعنصريه فى أوساط المجتمع الأمريكى هذه هى اللحظه التاريخيه للأجابه على ذالك)
حقيقه عندما تسمع ذالك الخطاب ينتابك كثير من العاطفه والشجن...لطفل بائس فقير يتيم.
هجر والده امه وعمره سنتين فقط...وعاد الى بلده كينيا بعد أن أكمل دراسته فى جامعة هاواى.
وتزوجت والدته بآخر وهو طفل غض فى سنوات عمره الأولى ...فرافقهما الى أندونيسيا موطن زوج والدته.
ثم عاد الى هاواى ليعيش مع جده وجدته...فبدا حياته بعيدا عن والده ووالدته مستفيدا من النظام الأمريكى.
الذى يوفر التعليم المجانى لأى طفل سواء كان اسودا أو حتى برتقالى...وتدرج الى أن التحق بجامعة كولمبيا.
وبينما هو فى نيويورك سمع نبأ وفاة والده ويحكى ذلك هو فى كتابه(أحلام من أبى) وذلك كيف أنه تلقى مهاتفه من عمته المقيمه فى أمريكا .
تخبره وفاة والده..وذكر انه فى تلك اللحظه كان يعد البيض لطعامه فى دلاله ورمزيه لفقره وقد احترق طبق البيض فضاعت عليه وجبته.
فتوفى جده ثم والته متأثره بمرض السرطان..ويحكى فى كتابه بكثير من العاطفه والحنان معاناة والدته مع المرض اللعين.
وأثناء حملته الانتخابيه توفت جدته قبل أن تراه رئيسا للولايات المتحده.
لم يتبق له غير زوجته وابنتيه وأهل والده فى كينيا.
رغم كل ماذكرناه آنفا من معاناة وفقر ويتم وحرمان...درس اوباما فى أرقى جامعات أمريكا ( كولمبيا وهارفارد).
وجمع ثروه بلغت 7.7مليون دولار وذلك موجود فى اقرار الذمه من بيع كتابيه (أحلام من أبى-جرأة الأمل)
ثم أصبح رئيس أقوى دوله فى العالم.
وأختم بعباره قالها هووهى(بالرغم من الظروف التى مرت بى انه يحمد الرب بنشأته فى المجتمع الأمريكى)
هذا هو أوباما ابن المهاجر الكينى الذى تقبله المجتمع الأمريكى ونصبه رئيسا عليه.
فهنا يادكتوره لا ينظرون من أنت وما لونك وماجنسك ودينك ولكن السؤال ماذا تضيف وتقدم.
,أهدى هذا النموذج للأخ محمود ( زول مفلس وغنى وزول يتيم وقرا فى أعرق الجامعات)
أها تانى عندك حاجه ولا بكره حتقولى السودانى وماأدراك ما السودانى.

السلام عليكم
اخي العزيز قرشي هناك نقطه قد نساها او وقعت منك سهوا وهي القصه التي تحدث عنها اوباما بعد فوزه عن المراه السوداء التي قالت له قبل نتائج الانتخابات لن يدعوك وبعد ان فاز قال لها نعم نستطيع هذه امريكا بلد الحريات والدمقراطيه هل تستطيع اخي قرشي ان تحدثني عن عقاب القانون الامريكي تحرش باي شخص بلونه او جنسه بعنصريه وهل تجزم ان اوباما لم يتعرض لاي شي من هذا القبيل في ايام انتخاباته
وفي النهايه ممكن ان تلقي زول في جامعه مشهوره ولكن هل تنكر ان هناك جامعات لا يدخلها الاغنياء هذا فقط ما اردت ان اقوله جامعات خصصت للعنياء مالينا احنا انا وانتا ممكن سمؤال لانو من الاغنياء

ما يعجب في النظام الامريكي انه مبني علي ايدلوجيات ثابته لايستطيع تغييره بواسطة فرد او حذب.
لكن مالا يعجلني شخصبا اللبرالية والراسمالية المطلقتين...اللررالية المطلقة التي تتمثل في حرية التملك اوجدت ثقافة تملك السلاح الذي افرز العنف والقتل في المجنمع الامريكي ... في كثير من المناطق لن تكون امنا بين عصابات المخدرات وغيرها. وربما مكون الضحية لوجودك في المكان الخطأ في الزمان الخطأ.
اما الرأسمالية المطلقة فقد ولدت التنافس الغير متكافئ واطلقت العنان ليد السوق لتحدد كل شئ مما يجعل الفرد مجرد منتج لاغير. هذا اانظام يجعل الانسان الة انتاجية مجرد من انسانيته...تنعدم الانسانية بمشاعرها ومتطلباتها. ان لم تكن منتج ٢٤ ساعة في امريكا فسوف تطحن تحت عجلات الراسمالية التي لاترحم , وربما يقودك النظام الي الطريق الخطأ لجلب المال من اجل ان تعيش
الانظمة التي تكبح جماح السوق والحرية الزائدة مع خليط من الاشتراكية التي تعبر الانسان في انسانيته هي الانظمه المثلي
ويامحمود قول الطيف

ابن عمي العزيز قرشي تحياتي
بعيدا عن تشاؤم محمود وتقاؤل سمؤال
تعليقك الاخير يسجن كلمات الاسي والحرمان في مساحه ضيقه
ويعلي من كلمات الامل والتطلع وان من سار علي الدرب
حتما الي وصول
استوقفتني المفارقه بين فقدان اوباما المسكين لوجبه البيض
في ذلك الزمان وبين مائدته الآن المرصوصه بكل مطايب الدنيا
يا الهي يا الهي ،،،،
لو جاءت الدنيا بكل حضارتها وديمقراطيتها وانسانيتها وجاءت امريكا
بذلك الكيني الاسود لكفتها
تربع يا ابن عمي في ارض الاحلام واكتب لنا عن روائعها
سلامــــــــــــــــــــــــاتي

الأخ العزيز ماهر تحياتى ...النظام الشيوعى سابقا والنظام الرأسمالى فلكل مثالبه كأقصى يسار وأقصى يمين.
والخير كل الخير فى الوسطيه والتى ينادى بها الاسلام.
أما أن يضطر الانسان لسلوك الطريق الخطأ لجلب المال من أجل أن يعيش ويعيش فقط فهذا مجانب للصواب.
فالحكومه لها برامج توفر الحد الأدنى للأعاشه والسكن بالنسبه للبالغين الفقراء وتتكفل كل الأطفال تقريبا صحه وتعليم.
والحكومه أيضا تقوم بدفع مرتبات من فقدوا وظائفهم حتى يعودوا الى أعمالهم مره أخرى.
فبعد ده اللى يسلك الطريق الخطأ ما عشان يعيش ده بس كايسلو غنى عديل.

قرشي انا مافقدتا العمل بتاعي ومتجرجرين معاي في الامبليمن مالهم معاي وكتار مالاقين ماتكلموهم لي ياناس العداله والمساواه
حقيقه انا شايف انو النظام الراس مالي المستخدماه امريكا فشل ونظام ضعيف جدا لانو قائم علي حاجه مقاربه للانانيه اناس معينين بتكون عندهم الصلطه والاموال وباقي البلد عمال بمفهوم مبسط وخبراء كتار بينادو بالنظام الاسلامي لانقاز مايمكن انقازه ولكن هناك المعادين للاسلام واي شي اسلامي
والنظام الاسلامي مافي مصلحتهم ولو دخل النظام الاسلامي هنا انا متاكد حيبدعو في تنفيزو

الأخ محمود سلامات سبق وقلت ليك لمن تكتب حاجة خليك متأكد منها ... اولا التداخل او التعايش المقصود بيه المقدرة على الحياة والعيش بسهولة ودون تعقيدات فى وسط اجتماعى غريب عليك ودا الحاصل الان أنو فى امريكا أى شخص مهما كان يمكنه التعايش والحياة فى هذه البلاد والدليل انت والمكاسيك
وأما قصة التعليم وجامعات ومدارس الأغنياء فى امريكا التى نعيش فيها نحن لا توجدجامعات حكومية نهائيا كل الجامعات جامعات خاصة تقوم كل واحدة منها بأسس مختلفة لتحقيق اهداف واغراض مختلفة أما دور الحكومة فهو دفع بعض المساعدات للجامعات أو الطلبة محدودى الدخل وقد تكون المساعدة فى شكل منحة او قرض بدون فوائد أو قرض بفوائد ودا موضوع تانى أما التعليم الاساسى حتى مرحلة الثانوى فهو تعليم حكومى مجانى ويقبل الطالب فى هذه المدارس حسب التوزيع الجغرافى ولا يعتمد على اى مقاييس أخرى .. انت متأكد يا محمود أنك معانا فى نفس الولاية دى والمدينة كمان .... أما موضوع السلطة المتركزة عند ناس معينيين يا محمود هذا الكلام لا يستقيم لأانو فى فترة حكم البشير بس مروا على امريكا ثلاث رؤساء وانت من جيت عمدة المدينة الانت ساكن فيها اتغير مرتين عبر الانتخابات دا غير انتخابات الكونقرس
بعدين يا محمود فى مصطلحات وكلمات انجليزية او امريكية ان صح التعبير لمن تكتبا اشرحا عشان الناس تواكب معاك مثلا الرد نك(redneck)الذين قلت عنهم زبالة البيض هذا الاسم(red neck)_هذا الاسم يطلق على مجموعة من البيض يعيشون فى الولايات الجنوبية وهم مزارعون فى الغالب الاعم ويحيون حياة خشنة ولا يحبون السكن فى المدن وهذا المصطلح ذوى الرقبة الحمراء اطلق عليهم بسبب عملهم لفترات طويلة فى الشمس مما يعرض جلودهم البيضاء للسعات الشمس فيتحول لون الجلد الى الاحمر وخاصة المنطقة خلف الرقبة وهم لا يتحرجون فى ان يعرفو انفسهم بهذا المصطلح وأول تاريخ معروف لهذه الكلمة وجدت فى صحيفة كانت تصدر فى ولاية مسسبى فى اغسطس 1891 تدعو فى اعلان يدعو الردنيك الى احد السباقات يعنى ابدا لا تعنى البيض الزبالة ... وبعدين يا محمود امريكا دولة علمانية يعنى ما ممكن تعترف بنظام اقتصادى دينى حتى ولو كان مسيحى فكيف بالنظام الاسلامى فى بلد مسيحى محافظ ....اما موضوع اعانة البطالة(unemployment) الاتجرجرو معاك فيهو دا لأنو دعم البطالة مرتبطة بمدة زمنية محددة وربط معين عشان المسألة ما تبقى اتكالية الواحد يشتغل سنة ويقعدثلاثة عشان يصرف من بند البطالة ويكون عالة على الدولة وسنة ونصف او سنتين كافية جدا للشخص من خلالها ان يجد عملا ويكون شخصا منتجا يعتمد على نفسه اما فى حالتك اذا اتجرجرو معاك معناته انوفى شرط من الشروط انت ما اوفيتو
اما موضوع المرأة السوداء التى قابلت اوباما فقد كان ذلك قبل الانتخابات لأن شعاطيعر اوباما كان التغيير .. نعم نست(chang.... yes we can )ولقد كان هذا شعار حملته الانتخابية
محمود كفاية كدا شوف لينا موضوع تانى ... ودا آخر رودودى فى الموضوع دا

الاخ سمؤال اولا انتا بتلف في مواضيعك بعيد من الحاجه القلناها الدكتوره نضار سالتك سؤال واضح مدي تداخلكم في المجتمع الامريكي ماقالتليك انتو ممكن تعيشو هناك مع الامريكان والانسان ممكن يعيش في اي حته في العالم بي سلام بدلاله انتا تقدر تقول لي دوله او حله في العالم مافيها سوداني او اجنبي بالعموم
وبعدين انتا ماتخش فينا كدا احنا عارفين انو الحكومه ماعندها غير المباني الحكوميه في المدينه بس نقاشنا كان مع قرشي لمن قال انو الاغنياء وانتا ممكن تكونو في مدارس واحده وانا قلتلي في جامعات ومدارس سمؤال مابقدر يخشها لانو ماغني ولا عندك راي تاني
وبعدين انا وانتا والريدنق عارفين انهم زباله البيض والبيض بعتبروهم اقلا منهم وهم الاغلبيه منهم لم يتلقا التعليم الكافي انا مالي بي نشاتهم والسماهم معلومتي القلتها غلط
وبعدين نسبه العطاله زادت كتير وبقت الجرجره مع الناس كلهم وهم عارفين انو مافي عمل حسي بكفي الناس كلهم
وبعدين شنو مابرد تاني الكمبيوتر بتاعك مافيهو حبر كمل ولا مافاضي لينا ولا كلامنا فارغ
ولا نعمل معاك مشكله حسي انتا خلاص استلمتا الشغله دي مامستمره ولا تاني ما خاشي معانا
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههه