سؤالين فقط

الأخ العزيز سيف ...هذا المنتدى قد ناقش السياسه بأمتياز وهناك الكثير من المواضيع السياسيه والتعليقات .
فقط المطلوب تحديد منتدى سياسى ومشرف له.
وبما أن الأخ والصديق ماهر قد عرك السياسه قولا وفعلا ودراسه نتمنى أن يكون على رأس هذا المنتدى .
فالأمر متروك للأداره.

الاخوة الكرام الاخ سيف لك التحية وتقبل مروري
الاخ مجدي تحياتنا الخاصة ونشكرلك مرورك والرد السريع علي مواضيعي
الاخ قرشي طولنا من طلتك وبقيت جافي ونسيت الخوة
ابن اخي الاستاذ ماهرنشكر لك الحرص والمتابعة ونرجو الموافقة علي الاقتراحات
الاخت الدكتورة نضار لكي التحية و ( مــــبروووووك )

الاخوة الكرام ... السلام عليكم ورحمة الله
هذا الموضوع طرحته شهرمارس 2010 كرأي لو وجد القبول اهلا وسهلا ولو ماوجد اهلا وسهلا
ولكن مالداعى لتقول . نضار الجمله ادناه ؟؟؟ ا
سؤالينك هم البيحيروا يا سيف وانت اقل الناس مشاركة من حيث المواضيع فقط ردودك ومداخلاتك
الحمد لله شاركته فى المنتدى الاول وحأظل اشارك فى المنتدى الحالى وماطلبته زول يقول لي كتر خيرك
والسلام

سلام سيف ما قصدت اقلل من مشاركاتك وجهدك مقدر وواضح لكن كان مكن تقول لى المهم نوعية وكيف المشاركه وليس الكمية ودا الانا قصدتو ..ومافى زول هنا منتظر الاخر يقول ليهو كتر خيرك لاننا فى حوش واحد وبنبنى بيتنا الواحد مراغه وانت مشارك وليك حق زينا وزى غيرنا واكرت
دمت بخير

الاخت : نضار
(( وانت اقل الناس مشاركة من حيث المواضيع فقط ردودك ومداخلاتك ))
هذا هو نص ردك يعنى انا مامن حقى اقترح اي اقتراح لانو مشاركاتى وردودى
قليلة ولا كيف . لو كده كان الاخوة من البدايه كان وضعو فى شروط التسجيل مثل هذه الاشياء
التى تحتم للعضو ان يشارك بمواضيع كثيره حتى يكون له راي واقتراح.
والحمد لله هذا المقترح وضعتو يوم 8/3/2010 وحينها كانت هنالك مواضيع سياسية
عن الانتخابات وكانت هنالك مهاترات واذكر حينها كان الاخ مالك هو الوحيد الذي يدير الشبكة
ولا كان يوجد مشرفين وكانت الاقسام فارقه من المواضيع وازكر حينها كان يطلب منا ان نكف
عن هذه المهاترات لهذا جاء مقترحى هذا . واحس الاخوة مشكورين بأهميته وقام الاخ ماهر بنبش الموضوع مره اخرى
فالمانع ان يقام هذه المنتدى علما بأن المنتدى السياسى موجود فى اي منتدى...
فلماذا ترفضى مجرد الفكرة ونربطها بمشاركات العضو وردوده فالمعلوم ان المشرف دوما محايد
ويقبل اي نقد واي رأي طالما هذا الرأي والمقترح يقدح فى تطوير الموقع ...

الاخوة الكرام بالمنتدي ......... السياسة ليست مرتبطة بمنظومة معينة ....فهي موجودة في مجتمعنا لان حتي تربية الابناء تحتاج الي سياسة..........ففهم السياسة عميق جدا يحمل بداخلة الاف الملفات......... وسياسة الدولة ملف اساسي يشغل بال حتي سيد الكارو (وتعال بالشايلو وتعال).... وبما ان لدينا صحف متخصصة في السياسة ..... وداخل المنتدي يوجد صحفيين واعضاء مولعين بالسياسة فلماذا لا نعطيهم ركن خاص داخل الحوش الكبير........

نفس الاسئلة لفت ودارت ورجعت تاني انا افتكرتو موضوع جديد

واتمنى من الادارة تلبية طلب الاعضاء اذا ارادو قسم سياسي تكون فيه الكلمة مسموعة بدون جرح الغير

والاراء ديمقراطية جدا وماف داعي للقسم القانوني ماعارفة منو اقترح الكلام دا وانا بؤيدو

اما السؤال التاني دا انا بتزكر في بداية المنتدى وماشاء الله عيني باردة عليكم الناس اتلمت وبدت تشارك والمواضيع بقينا ماملاحقين

وربنا يديم المحبة

الاخت نضار هذا التعليق كان فى مارس 2010 وقبل الخلافات والنقة واللك والعجن والضجيج .....
ومحمد حسن هو شقيقى وهيثم هو اخى الاكبر وصديقى العزيز لذلك طلبت على سبيل المثال عدم
التكلتل ودة كان احساس جواى فقط .....

مازال اقتراحى بوضع منتدى شئون مراغة تحت العام مباشرة فى الترتيب بدلا من المنتدى الطبى اولوية فى راى الشخصى .....
وهناك اقتراح من الاخ هيثم فى هذا المنتدى بنقل كل المواضيع الى العام لان الناس لايقراون الا العام ....

ولدى اقتراح جديد بالغاء المنتدى العام وتوزيع مواضيعة على بقية المنتدى والمنتدى الثقافى كفيل باحتواء كل المواضيع العامة خارج اطار مراغة .... حتى نخرج من التقوقع داخل المنتدى العام ....
والله الموفق .....