انا في البلد (شقوري )

أمي البتصحى مع الفجر..
وتندلى لا طرف الجرف..
وتجينا لا عند الضُهر..
تفرش بشنتيقا وتجُر..
نماً تمسربو الصبر..
وقداما لوبايات خُدر..
تقعد قصادن للعصر..
ولا حيلا كب تنهض تقوم..
وبلا كسل توقد الجمر..
وتجيب حليلتا دي الزماان..
كانت تشد فوقا النزُر..
وتكرد قعيرا من المكرتب فيها عاد من كم تشر..
وترمي البليلة وتزردا..
بي المي تب لامن تخر..
وترميلا بصلاتا قلاد الحلة من تقلن تتُر..

وساساقا لا عند العشا ولامن يأذن بابكُر..
وكتين خلاص تبقى استوت..
ترميلا فيها هوين تمر..
وتملا الصحين للحاج أبوي..
دايماً تقسم بالكُبر..
وتنده علي بت الخزين..
الحاجة أمنا أم نصر..
وتملا الكويرية وتخب لي ود علي الحامي العزر..
ونحنا البطان..
تملالنا عاد قدحاً يمين ما شاف فقر..
توقدلنا اللمبة ام ضنيب..
وترميلنا تاني هوين تمر..
وبلا وصية نغرفو تب..
ونجغم الميهية ضُر..
يغلبنا ما نقدر نقوم نافخين بطيناتنا السمر..

فوقا السيايل والغبار تنجارى من حد السدُر..
كاتل عويناتنا النعاس..
نصل العناقريب بالجبر..
وامي البتصحى مع الفجر..
تلقاها لا عند الفجر..
تنده علي سابل الستر..
زيد الاجر..
زيد الاجر..
زيد الاجر

عدد المساهمات : 1940 تاريخ التسجيل : 20/06/2010

ابداااع بحضورك شهاب
ابدااااع خالد شقوري
ما اروعكم

ما عندي تذوق للشعر الدارجي

لكن نقول ليك ..

[ندعوك للتسجيل في المنتدى أو التعريف بنفسك لمعاينة هذه الصورة]

ابو محمد ربنا يسعد ايامك ... وخالد شقوري دائماً ابداع في كلماته وسرد واقعنا وهي حقيقة وواقعيه عاشها اقدمنا من اجيال ويااااا حليلك يا زمن

محمد جعفر ... مشكلتك مشكلة لو ما اتزوقت طعم الشعر الدارجي شوف الكلمات دي والوصف كيف وما مشكلة انها تكون دارجي المهم كلمات ماخوزه من واقعنا ويتزوقها الانسان العائش حقيقة هذه الكلمات

جمييييل جميل ذكرتنا ايام جميلة ورائعة من زراعة اللوبيا طرف البحر ليييي اكل البليلة
ونجغم الميهية ضُر..
يغلبنا ما نقدر نقوم نافخين بطيناتنا السمر..
والله يا شهاب الابيات الاخيرة دي ذكرتني ونحن في بور (الاستوائية)الخدمة الوطنية ما عندي واسطة وما كوز عشان كدا مشيته
كل يوم جمعة كانت في ختمة قران وبنعمل بليلة بي عيش ولوبيا
المهم في جمعة من الجمعات بعد الختمة اولاد الجنوبييبن كانو بتلمو عشان ياكلو البليلة دي لقيت ليك شافع ياكل في البليلة اكل جد والصحن مليان وهو ياكل ويبكي سالتو مالك بتبكي يا ولد بعربي جوبا قال لي انا شبعت وبطني اتملت والصحن لس فوقو بليلة والله انا ذاتي قربت ابكي المهم شلت باقي البليلة واديته ليه(ونجغم الميهية ضُر..
يغلبنا ما نقدر نقوم نافخين بطيناتنا السمر..

حبايبنا انتو والله

وعشانكم انتو يا زينين
.. ويا اجمل خلايق الله

عشانكم .. شايل
الاشواق .. وحايم بيناتكم

وادق ابواب جميع بوستاتكم .. واقول يا ناس زول الله

» ود البلد ....
» الف مبرووووووووووك لســـــــــــيـــــــــــــد البلد
» حكاوي البلد 2
» البلد من غيركم ما بلد
» البلد مافيها معاناة او غلاء معيشة