ناس 000بحري الجدول

[b] بحري السفون000 عبارة كثيرا ماكنا نسمعها من اصحابنا واقربائنا الذين يسكنون في الجزء الجنوبي من مراغة اي قبلي جدول
جوزيف والذي بدوره يقسم مراغة الي جزئين وهذا طبيعي لمروره غير المقصود من ذلك المكان0ولكن مالم نكن نعرفه هو ما المقصود من
من السفون الذي اتخذ كمعلم ايضا يقسم الحي بدوره الي قسمين0 البعض منا ظن ان السفون هو ذلك الموجود بمنزل السيد محمد عوض
احميدي لوجوده قريبا جدول جوزيف سالنا الاخ شريف احمد برسي بصفته اكثر المرددين لكلمة بحري السفون عن ماهو المقصود بهذا
السفون وكانت اجابته المقصود هو مكان كان يلتقي فيه جدول جوزيف القادم من الشرق مع جدول الشركة القادم من الجنوب حيث تمر المياه
عبر سايفون000اصبحت هذه العبارة متداولة بكثرة خاصة عند شخصيات تميزت بخفة الدم والنكتة والظرافة عموما مثل العم حسن باشنتود
الذي لا يفوت مناسبة في بحري الجدول سوي كانت فرح او غيرها ويصف ناس بحري بانهم اقل تمدنا وحضارة من ناس قبلي حيث يبدا
البيوت والشوارع غير المنظمة والمياه المتسربة من المواسير وملابس ناس بحري وطريقة كلامهم وطبخهم للطعام ايضا فعندما تدخل اي
صيوان مناسبة تجد مجموعة باشنتود محسن سيد وصابر سرور وشريف برسي تجدهم ينكتون علي بعضهم مصطحبين معهم كل الظواهر السلبية في بحري ومما زاد الطين بلة واكد تخلف ناس بحري في اعتقاد ناس قبلي ان شارع الاسفلت او الظلت ينتهي عند جدول جوزيف الحد الفاصل بين بحري وقبلي0 وانتقلت هذه المساجلات الي الخرطوم ايضا فعنما تكون هنالك مناسبة يلتقي الجميع في نادي مراغة بالخرطوم
ومن اشهر الشخصيات التي تردد هذه العبارة سعادة اللواء عطا محمد لطيف الذي يلتقي الجميع ببشاشته المعهودة ويبدا سلامه بي ناس قبلي
او ناس بحري حسب المنطقة التي اتيت منهافهو يعلق علي اي سلوك يبدر من البلد او حتي المقيمين بالخرطوم من شكله ولبسه وطريقة تناوله
وشربه للشاي والماء وحتي طرية رده علي الهاتف ولكل منطقة طبعا معاييرها ومميزاتها التي يضعها هو0وقد تعود اهاه من ال عبيدي وال
شهلي ان يحملو معهم هدايا لسعادته وغالبا ماتكون في شكل خبائز(قرقوش00وبسكويت 000وكسرة بلح)وله راي وتصنيف لكل هدية حسب المنطقة التي اتت منها فناس بحري علي حسب تصنيفه يصنعون قرقوش معوج لا يستطيع ان يغمزه في كباية الشاي علي عكس
ناس قبلي الذين يصنعون قرقوش مستقييم وهكذا تكون مقارناته التي لا تخلو من طرافة00000000
طبعا هذة الاختلافات المزعومة ليست حقيقية ولكنها خلافات معنوية تاتي في سياق الهظار والملاطفات بحري وقبلي كلو واحد وكل
الناس اهل واصحاب0
تخريمة0000يامجدي ما تقول لي جدول جوزيف دة من مخلفات الاستعمار عشان مايبقي في تقرير مصير وانفصالذي ناس فوق
ذي ما عملو ناس فوق

!

احييك الاخ هاني علي هذه التحف
ونتمنى كل المواضيع تكون علي هذا المستوي
علي فكره الاخ الجعلي في احدي دورات الرابطه اعطي اقتراح بان يكون ردم جدول جوزيف من اولويات الانشطه الصيفيه
والجعلي زي ماعارفنو يتمتع بروح عاليه من الدعابه

رائع يا هاني
كلمات حلوه وتتدفق ذكريات
كنت دائما علي يقين ان الذين يتناولون هذه القفشات بين بحري وقبلي الجدول هم اكثر الناس محبه
للجانبين بحري وقبلي
ولي وقت قريب كنا قااااااادرين نرد تريقات ناس قبلي لحدي ما توقف (اسود الطريق) الزلط عند حافه الجدول
الحاجه التغيظ اكتر تلقي الاسفلت ممتد خطوات باهته وخجوله
علي اطراف حدود بحري الجدول وكانما يمد لسانه لنا
لحدي ما نقطع طرف هذا السان بامتداد اسود الطريق ده ما حنلقي طريقه مع ناس قبلي
والله مشكور ياهاني

شكرا الاخ هاني علي الموضوع لاكن الموضوع من زمان ولا ينتهي ومراغه قيلي وبحري كلهم اهل بس كان الشباب بداعبوا او بهظرو مع بعض والموضوع مافيه اي حساسية
الاخ ياسر لقد اضحكتني فعلا بكلامك ؟؟ الحاجه التغيظ اكتر تلقي الاسفلت ممتد خطوات باهته وخجوله
علي اطراف حدود بحري الجدول وكانما يمد لسانه لنا
لحدي ما نقطع طرف هذا السان بامتداد اسود الطريق ده ما حنلقي طريقه مع ناس قبلي
ياسر هذا الكلام ده مداعبه ولا لاء والتحيه لكم جميعا 

التحيه لي اخونا هاني
العمل اللمه دي كلها فوق بربخ جزيف
اخونا الكبير الباقر
والله كلامي حقيقي وربنا يسهل وتنزل البلد حتشوف برااااك
من حد البربخ كشوا ليهم شويه زفت امتد سنتمرات علي حله بحري
كانما يقول لينا
(جّب عليكم يا ناس بحري اشي سوووودي)

التحيه لي اخونا هاني
العمل اللمه دي كلها فوق بربخ جزيف
اخونا الكبير الباقر
والله كلامي حقيقي وربنا يسهل وتنزل البلد حتشوف برااااك
من حد البربخ كشحوا ليهم شويه زفت امتد سنتمرات علي حله بحري
كانما يقول لينا
(جّب عليكم يا ناس بحري اشي سوووودي)

عفوا للتكرار بس كلمه كشحوا دي مهمه جداااااااااااااا
عشان الصورة تتضح لي اخونا الباقر

الأخ هانى موضوعك دمه خفيف واسلوبك سلس وكلامك هادف اعتقد انو فيك خامة كاتب او صحفى يمكن صقلها بالمواظبة على الكتابة والاطلاعارجو ان تتحفنا بالمزيد

الاخ هانى ..لك التحيه





ما تعمل لينا مشاكل مع ناس قبل الجدول ديل عشان مايعمل ليك ذى ماعملولينا انا والنور ومروان ناس شلة الدكه واسأ ل الباشمهندس مجدى
لولو لاتدخل الاخ ياسر فواد لكنا فى المقابر

الاخوة الاعزاء جميعا تحياتي لكم
علي هذه التعليقات الجميلة
استاذنا ياسر الظلط خزلنا بي مدت لسانو
دكتور بكري في الحقيقة ناسكم بيقولو اولاد بحري حناكيش
الجعلي عرفنا العمل ليكم كمين بس بوريك منو بعدين
سمؤل تحياتنا من علي البعدوشكرا
محمد حسن لو كنتو ردمتو جدول جوزيف
كان حيكون اكبر انجاز للرابطة
باقر ابو زيد تحياتنا وانت تشارك ابنائك قفشاتهم
ابننا الواعي مجاهد شد حيلك
ود الشريف انت في الحدود ماتعمل مشاكل عشان
شفع بحري ما يفلعوك

الدكتورة تحياتي
المنتدي دة بقي فيهو ناس قبلي مشكلين حضور قوي
وسمؤل غايب وسط الجليد ورضوان غرقان في العسل
وياسربراهو في وش مدافع قبلي

الشكر كميات ....للنجوم



طبعاً ناس بحري اول لمن تخش فرفشات زي دي طواااااالي بيقولو ليك نحن ناس العاصمة ( مسجد + نادي + مركز صحي +مدارس + جزارة ....هههههههههههههههههه

وأول لمن ناس قبلي يجيبو سيرة الظلط طواااالي ناس بحري بيقولو ليك تالظلط ده السواهو منو ؟؟؟ ديل ما نحن هههههههههههههه

تحياتى الى جميع المراغاب قبلى وبحرى الداجين والقاعدين ... ويا اولاد باشنتود عينى باردة عليكم ....
لقد القيت حجراً فالبركة الساكنة ..
يا الجعلى افو..... اركز ...... وختاما اتمنى انتدوم هذه الروح
نص:.... حلم العالم ناس تتسالم
والبنى ادم صافى النية

[right]التحية لعبدالله اوراس للمرور وعبرك تحياتي لكل الاهل
وناس قبلي الفي السعودية

التحيه للاهل بمراغه قبلي وبحري ولي كل المتداخلين حقيقه الليله بنقلب في صفحات المنتدي ومعي العم محمود ابوزيد وابراهيم جمعه والاخ حمزه ابراهيم وقفنا عند هذا الموضوع وحقيقه شيق وجميل وبالرغم من وصولنا متأخرين لكن هنالك طرفه حصلت في مناسبه عزاء بي قبلي وكان يحضرها المرحوم حسن جزار وبعد تناول الغداء المدنكل وقف وسط الحضور وقال والله يانس قبلي بكاكم احسن من عرس ناس بحري عندها ضج الحضور بالضحك ومنها اصبح الاخوان بي قبلي يردون كلام حسن جزار متي ما اتت مناسبه ج

الأخ العزيز هانى ....انت وكت بتكتب كلام جنس ده باقى لى مجدى فى حلقو مالك هههههههههههههه.
موضوعك جاب لينا ناس لينا زمن نفتش ليهم...ربنا يديم المحبه والخوه والصفاء ولكم جميعا ودى.

الاخوة نزير وقرشي تحية طيبة
منورين ..
ياقرشي الزول دة رشح موضوعي دة لافضل موضوع
في الشهر الكتبت فيهوا الموضوع دة لكن هسي
بيكون غير رايه

حقيقة موضوع شيق وجميل ياهاني
وكمان يبعد الناس شوية من المساجلات (الخشنة دي )
وعشان ابننا شهاب مايزعل من تريقة الجعلي
يفترض ان نعاملهم كمناطق النيل الازرق وجنوب كردفان
يعني نعمل ليهم مشوره شعبية اما الانضمام لبحري السفون
او ناس قبلي حيث الحضارة والرقيي

سعاده العقيد وديدى
اولا مرحب بيك فى المنتدى
ثانيا فعلا قبلى ديل مثفين ماذى ناس بحرى الدليل على ثقافتهم ماسكين اداره المنتدى ثلاثه من قبلى وبعد حنو علينا دخلوا لينا الدكتوره نضار كترضيه لكن نحن نطالب الاداره بادخال اخرون من بحرى السيفون
يا جماعه هذا الكلام على سبيل الطرفه وبس
عشان ياسعادتو المنتدى فيه صقور وحمائم انحن ناس قبلى ديل خلاينهم يبرطعو لكن لو قمنا عليهم حنستلم المنتدى ده برانا او حنمل تفرير مصير وانتو حتتعبوا معانا

ولذا امشو معانا بالسياسه

سعادة العقيد وديدي تحية طيبة
والله سعدنا بي وجودك في المنتدي ونتمني انك
تكون اضافة حقيقية لينا وتثري ساحة النقاش والفكر
وتتحفنا بمواضيع شيقة ومبادرات جميلة ..
بعدين ناس قبلي ديل نحنا عندنا ليهم استراتيجية
حنقدر نحجمهم كويس هههههههههههه
وبعدين شهاب سعيد في منطقة تماس ذي
ما انت قلت حقوا يعمل حسابوا من ناس قبلي
ديل بيفلعوا ...
المك الجعلي ..
صحبك مع الحمائم ولا مع الصقور