أين الفلسفة هنا !؟

هنالك فئة من الناس فى مجتمعاتنا السودانية تحاول تحدث اللغة كما جاءت بمعنى أنها تهتم بمخارج الحروف
وإعطائها حقها ومستحقها محاولة منها لتجويد اللغة ومخافة الوقوع فى الأخطاء التى تنجم من جرُاء تشابه
أصوات الحروف ولكن هذه الفئة دائماً لا تجد التشجيع من الكثير من عامة الناس وغالباً ما يتم وصفهم
بأنهم فئة متفلهمة أو متفلسفة أو شايفة روحا بالدارجى كده وإليكم بعض الأمثلة لذلك:
حرفى ال(ث) وال (س) ومثال لها كلمة (يحث) فإذا لم يتم نطق حرف الثاء صحيحاً بإستخراج اللسان
فستنطق الكلمة (يحس) وسيتغير المعنى وكذلك حرفى ال(ذ) وال(ز) وأيضاً حرفى ال(غ) وال(ق) وهذه
الأخيرة مهمة للغاية ومثال لها ما جاء فى كتاب الله سبحانه وتعالى ( سورة القدر ) فإذا لم ينطق حرف القلقلة
( القاف ) صحيحاً فستصبح ( سورة الغدر ) ولكم أن تتخيلوا الفرق
وكذلك فى اللغة الإنجليزية هنالك نفس المشاكل نأخذ منها مثال واحد الصوتان ( s & th) ومثال لهما
( iam thinking ) فإذا لم ينطق الصوت (th) صحيحاً بإستخراج اللسان فستتغير العبارة إلى
( iam sinking ) فتخيلوا هنا تغير العبارة من ( أنا أفكُر ) إلى ( أنا أغرق )
إذا كانت هذه الفئة تحاول أن تجود اللغة خشية الوقوع فى مثل هذه الأخطاء فأين الفلهمة وأين الفلسفة هنا !؟

عدد المساهمات : 604 تاريخ التسجيل : 16/01/2011

أفادك الله يا فخرالدين ... أنت فخر للمنتدى

قال أحدهم لصاحبه أنت تنطق (القاف -غين) والعكس , وكذلك تنطلق (الزاي - ذال) والعكس.
فرد عليه صاحبه قائلا: (اتغي الله يا أخي من غال هزا) ..
)

هههههههههههههههههههه
حلوة منك يا عمنا الامين
متعك الله بالصحة والعافية
ومشكوووووووووووور على المرور
دمتم سالمين

صباح الخير أخي فخر الدين

والله الدارجيه السودانيه اصبحت غالبه على الغالبيه العظمه !!

و للاسف حتي المثقفون و يؤسف ان تسمع هذه الأخطاء من رجل دوله او مذيع ..

و أبعد من ذلك تجدها حتي فى كتابات الآشخاص يتعاملون بالدارجية ..

و خليها بالنيه ..

يا صباح الأنواااااااااااااااار أخى الشريف
خليها بالنية دى يعنى مافى أمل ولا شنو !؟
مشكووووووووووووووووور
دمتم سالمين

عدد المساهمات : 610 تاريخ التسجيل : 08/12/2010

العزيز فخرى
اللغة العربية وهى التى نزل بها القرآن كمعجزة للعرب الذين كانوا
اهل شهر ولغة
يجب ان نعطى كل حرف حقه ومستحقه
خاااصة فى تلاوة القرآن
ولكن اخى فخرى (الدارجية)
وهى لهجة موجودة فى كل اللغات فى العالم
هى تقوم بتسهيل الحوارات اليومية للعامة
اى ان الحروف التى يكون بها شك مثل (س ث ذ ز غ ق )
هو يتجاهلها لتكون رحف يسهل نطقه فى الحوار العام
فى السوق والمواصلات وجلسات الانس
وفى بعض الاحيان الدارجية تولد حرف لا يكتب بنفس النطق
مثلا فى اخوانا المصريين يقولون (للقلم ))الم
ينطقونها ولكنهم يكتبونها قلم
اذا الحبيب فخرى نحن مع الدارجية لتسهيل الكلام
ولكن ضد تشويه اللغة العربية اذا كانت فصحى
كل الود والتقدير
م

وفي نفس السياق... تجد البعض يفخم حرف الراء علي طريقة تلاوة القران الكريم, في غير التلاوة (عند الكلام العادي) ظنا منه ان ذلك سيجعل منه متحدث بارع. لكن ذلك يشوه الكلام.

ونقول يالطيف

أخى العزيز جداً طارق
بعد التحية
إذا تأملت موضوعى جيداً فستجد أننى لم أعترض على العامية السودانية والتى تربينا عليها
ولكنى إعترضت على أولئك الذين يصفون الفئة التى تنطق مثلاً حرف الثاء بإستخراج اللسان
بالمتفلهمين والمتفلسفين. أخونا شريف بس خرُم شوية من الموضوع
خالص التحايا
دمتم سالمين

عدد المساهمات : 610 تاريخ التسجيل : 08/12/2010

يا راقى انا فهمتك والله
انت قصدك اناس البيعطشو الجيم لمن دايرة تموت
لكن هذا يأتى من ان تتحدث بهذة الحروف وتفخيمها وتعطيشها فى السوق مثلا
هذا يجعل الامر فيه نوع من الرفض
فى بعض الناس (وخاصة البنات)
يعتبر تعطيش الجيم وقتل الراء هو نوع من البرستيج
وفى نوع متربى كدا

تشكر حبيبنا ماهر على المداخلة
ويا لطييييييييييييف
دمتم سالمين

يا راقى شديد إنت يا طارق
تتخيل إنو ده برضو ما قصدى , الناس البيعطشو الجيم ديل بيسموهم الحناكيش
ولكن أنا قصدى مثلاً يعنى إذا إفترضنا إنك داير تنطق كلمة ( الحديث ) وقمت لمن نطقتها
طلعت لسانك فى حرف الثاء وده شئ طبيعى جداً ونطق صحيح مية المية ما فيهو أى فلهمة
ولا فلسفة يقوم واحد يسمعك يقوليك عليك الله عاين الزول ده بيتكلم كيف ده داير يتفلسف علينا ولا شنو
إنشاء الله أكون قربت ليك الشغلانة يا حبوب
دمتم سالمين

عدد المساهمات : 610 تاريخ التسجيل : 08/12/2010

والله مش قربتها دخلتها جو جيبى عديل كدا
تشكر وبجيك بى رواقة

عشت يا حبووووووووووب وربنا ما يحرمنا من طلتك علينا
دمتم سالمين

يا فوكس بالبلدي كدا نسوي شنو إتعودنا علي كده وطبيعي نشوف الزول المتحدث بالفصحي مشاتر

بعدين إنت حاكيها مع الرشاشة دا كدا مالك هسي يقوم يزهج يجيب لينا سيرة أبطال إفريقيا

أول حاجة هى ما فصحى فصحى عديل كده , هى بس بعض الحروف
وتانى حاجة نحنا إذا سمعنا زول بيتكلم كده مالنا حارقين رزنا ما نخليهو
فى حالو وما نقول عليهو متفلسف ولا بتاع
تالت حاجة ودى المهمة أصحابك الرشاشات ديل ما عندهم أى حاجة وهسع
سجلوا ليهم واحد بتلاتة مليار والموضوع عمل بلبلة وفتنة بين اللعيبة وإنشاء الله
حيحصلونا فى سيكافا
دمتم سالمين

عدد المساهمات : 719 تاريخ التسجيل : 25/05/2010

لك التحية الاخ فخرالدين علي هذه المعلومات القيمة ولكن العامية غلبت علي اللغة العربية الفصحي نسوي شنو لكي نحارب لغتنا الدارجية

الأخت وصفية
أول حاجة أنا والله العظيم سعيد جداً بمشاركتك فربنا يديك الصحة والعافية قولى آمين عليك الله
تانى حاجة نحنا والله ما دايرين نحارب دارجيتنا كل الأنا دايرو إنو نحنا ما مفروض نحبط من معنويات
الناس البيحاولوا يتكلموا بمخارج الحروف ونخليهم فى حالم
مشكووووورة كتيييييييييييير
دمتم سالمين

تحياتي الاخ فخري

نعم ردي كان به تخريمه عريضه ...ههههههههههه

حتي اطرق باب أخر للنقاش مع موضوعك الأصلي ..

لان موضوعك يصب فى نفس البوست للاخ محمود بأسم مالك و مالوا

و اعتقد الشغله دى دايرة ليها وقفه تأمل من وزارة التربيه و التعليم Cool

..

تخريمه ثانيه ..

الشريف مبسوط منى عشان أنا بريد لغتى
يا سيدى خرم زى ما إنت عايز ربنا يديك الصحة والعافية
ويخلى ليك أولادك وبالمناسبة السعيدة مبروووووووك
المولود الجديد ويتربى فى عزكم
معليش جات متأخرة شوية لأنى عرفت أمبارح من
رمضان أخوى وتقبل تبريكات الوالدة نبوية
دمتم سالمين

الله يبارك فيك ياقريبي و تحياتي للخالة نبوية و كل الاسرة الكريمة

و عليك الله الدنيا دى مش كلها تخريمات ...

بس لامن تخرم ليك من ركشة ما زى تخرم ليك
من قندران زى ما رمضان عملة فينى عرس قدامى
وخلانى فى الصقيعة
دمتم سالمين

خخخخخخخخخخخخخخخخخخخخ

الظاهر عليك عامل فيها حبيب ...

و رمضان زول عملي ... السؤال

أين الفلسفة هنا -------------- اطرق الحديد و هو ساخن يامواطن _( فخر الدين)

عدد المساهمات : 719 تاريخ التسجيل : 25/05/2010

امــــــــــــــــــــــــــــــــــــــــــين
يدينا الصحة والعافية كلنا انت كمان قول امـــــــين
وربنا يوفقنا وما نحبط معنويات الناس قول امـــــــين

يسمع منك ربنا أختنا وصفية
وإنشاء الله تكون ساعة قبول
دمتم سالمين

عدد المساهمات : 43 تاريخ التسجيل : 25/05/2011

نتمني لك التوفيق في مسعاك لتصحيح الافهام

حبيبنا فخري كلامك طيب وجهدك مقدر

يديك ألف عافية يا كمندان
مع خالص تحياتى لك وللأسرة الكريمة

دمتم سالمين

عدد المساهمات : 330 تاريخ التسجيل : 25/04/2011

الاخ فخرى اناعاوزة اخرم بالموضوع مش اخرم منو
واللة ازكرة لى قصة فى الموضوع دى مرة فى مدرسة كنت فى مكتب المديرة وهى معروفة بانهابتشمئز من اى حاجة يعنى بتفرف بالدارجة
وجاءت مدرسة من نوعية المتفلسفين
وبدات بالحديث الاحاديث الصحيحة والضعيفة وبعد كل كلمتين تقول كلمة الحديث
والمديرة تستمع وكانت تضع امامها كبابة شاى
ولما الاستازة انتهت من كلامة انتبهت للشاى وقالت ليها ما شربتى الشاى لحدى الان
فردة عليها بانو هى عاوزاة بنكهة النعناع ما بنكهة التفاف
[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههههههههه
أها كده كويس عليك الله !؟
لكن برضو الأستاذة بالغت شوية الشغلانة ما لدرجة التفاف

دمتم سالمين