قطار التسويف والمحطه النهائيه

من هنا الي السودان الي هناك ضاعت الاوراق والذاكرة
السودان ملون بكل الاحتمالات فلونه الاخضر زرع ولونه الازرق ماء ولونه الاصفر احزان كثيرة وهو اجمل بكثير من البلاد التي ترسو فيها احلامنا فثمن الحلم هنالك العمر وثمن الحلم هنا اللحظه لحظه العناق او لحظه الفراق ,,,,,,,,, صحيح اننا نجد الالوان اكثر في تلك البلاد والشوارع كالمرايا لكن شوارعنا معبّده بالريده واللطف والمحبه ,,, الوطن هو بيتك الخاص في زحام هذا الكون
بيتك عندما تعصف بك رياح الغربه والتسفار,,بيتك عندما تقع من حالق وانت تصاعد في المنافي ,,, بيتك عندما تتركك الاحلام في العراء تقاسي مر الذكريات ,,,,,,, بيتك عندما تبحث عن انسانيتك فلا تجدها في غير الوطن وتبحث عن كرامتك فلا تجدها الا في تخومه وتضاريسه القاسيه ,,, بيتك عندما تبحث عن قيمتك البشريه في ديار الغربه في الغرب او الشرق لتجد انك في الدرجه العاشرة في غالب الاحوال او في الثانيه في حالات نادرة حتي ولو كنت تجيد اللغات العشر وتعمل في الفجر والليالي العشر فانت غريب الوجه واليد واللسان مهما تحسنت الامور واذدادت الاجور
بيتك عندما لا يبقي لك مع الآخرين الا دفتر الحضور والانصراف وبعض احلام كسيرة ,, بيتك عندما يغلب عليك الخوف وتشعر انك في هجرتك الطويله وجريك وراء السراب بدت تخور قواك وتخبو شعله العمر رويدا رويدا والامل الزائف يتمدد كالشبح لا تدركه ولا تتوقف دونه ,,,, بيتك عندما تدرك يقينا انك في نهايه المشوار لا ارضا قطعت ولا وطنا ابقيت ,,,, بيتك عندما تستبد بك الاحزان ويملا ضميرك الاسي ثم تجسو علي الارض لتبكي امام الحائط السميك الذي يسد الدرب
بيتك عندما تغيب الشمس وترجع العصافير الي اوطانها وتبقي وحدك تري فرحه العوده في عيون الآخرين ولا تحسها في وجدانك المكلوم ,,, بيتك عندما ينفلق الصباح وانت تنام في العسل والزمن يركض ليتركك بلا ماض ولا حاضر ولا مستقبل
بيتك عندما يتبعثر كل شئ في حياتك حتي الغالي منها وينفرط عقد الاسرة وتتساقط حبات اللؤلؤ في محطات متباعده ويشت بين الاحباء الذين يفارقون قسرا وهم يركبون طموحات هذا الزمان الوعر في كل بر وبحر وفضاء ,,,, بيتك عندما تغلق الابواب دونك ويطردك المكان لان عمرك الافتراضي انتهي وفات زمانك ومات فنانك ولم تعد لك قيمه انتاجيه وتحولت الي مكينه صدئه ,,,
بيتك عندما تعتلي عليك القنا السمر وتتكاثر عليك الظباء وتتنزل عليك الاحزان مدرارا ويكاد القلب ينفطر ,,,, بيتك حتي ولو اكلت فيه الحصرم والزقوم وتحلفت فيه الهموم ,, لا تأبه للمصاعب الحسيه والجسديه والماديه فعذاب الروح اشد وطأه
وليس غير الوطن من يأويك ساعه الهجير وفي آخر المسير
د/كرار التهامي - صحيفه الخرطوم -
اتكاءه
الزمن يا ولدي ماحقاهو السنين
البعيش في الدنيا ما بعيش مرتين
انت طوّل في البنادر يا الحبيب لا متين ؟؟؟
اتكاءه تانيه
لا خلي عنوان للبعاد
لا حتي وصي علي البلد
يا حليلو روّح وابتعد

اعلم يقينا ان هذا الكلمات تزيد الملح علي جراحنا ولكن لابد من وقت نشير فيه للقطار بالتوقف ,, هنا محطتي الاخيره ’’’
العنوان والاتكاءات والجمله السابقه من عندي

استاذي العزيز جمال
لم احسب لمداخلتك الرائعه حساب وان انقل مقال د/التهامي رغم ان التهامي بمقاييسنا مرتاااااااح ( ولله الحمد )
عباراتك (طعم الاحساس بالغربه وانت داخل الوطن) احساس مقيت بكل قتامه هذه الكلمه ،،،، ولكن !!!!
مقال الدكتور ملئ بالشجن والتفاؤل يضع شمعات هزيله علي الطريق ولكنها علي كل حال مشروع انارة
ولكن عندما تصل الي السطر الاخير وتتذكر مداخلتك تصحو من الحلم ( تكورك في نص الطريق .... طيب ....مناورووووو.... يا اخوانا )
علي العموم نحن فقدنا الامل بالعوده بالمااااال الذي يفرح ام سوميت وهي اعلم بالحال وغالي امنياتها ان نعود بي عضمنا بس !!!!!!!!!
اما اولئك الهائمون في الصحاري لو كحلت عيونهم كلاماتك بان حياتهم هي راس مالهم الحقيقي لناموا اليوم في حضن قراهم

وحالنا هسه عزيزنا جمال يلونه شاعر البطانه

اتبعنا المجاهل ودرنو قدرنا
وبقينا بنمازح البسوانا والماهو قدرنا
اكان بالدراهم نشتريهو كدرنا
مافيش فايده نشحن بالغبينه سدرنا
علي العموم تلاشت اماني جمع المال الذي يفرح ام سوميت وهي اعلم بالحال وغالي امنياتها ان نعود بي عضمنا بس !!!!!!!!!
اما اولئك الهائمون في الصحاري لو كحلت عيونهم كلاماتك بان حياتهم هي راس مالهم الحقيقي لناموا اليوم في حضن قراهم

لا تتصور مقدار فرحتي بمداخلتك الراقيه لان المقال لا يستسيقه الا الحازمون حقائبهم دائما وجوازاتهم مختومه 6 شهور خروج وعوده
لك عاطر تحياتي وسلاماتي

استاذي العزيز جمال
لم احسب لمداخلتك الرائعه حساب وانا انقل مقال د/التهامي رغم ان التهامي بمقاييسنا مرتاااااااح ( ولله الحمد )
عباراتك (طعم الاحساس بالغربه وانت داخل الوطن) احساس مقيت بكل قتامه هذه الكلمه ،،،، ولكن !!!!
مقال الدكتور ملئ بالشجن والتفاؤل يضع شمعات هزيله علي الطريق ولكنها علي كل حال مشروع انارة
ولكن عندما تصل الي السطر الاخير وتتذكر مداخلتك تصحو من الحلم ( تكورك في نص الطريق .... طيب ....مناورووووو.... يا اخوانا )
علي العموم نحن فقدنا الامل بالعوده بالمااااال الذي يفرح ام سوميت وهي اعلم بالحال وغالي امنياتها ان نعود بي عضمنا بس !!!!!!!!!
اما اولئك الهائمون في الصحاري لو كحلت عيونهم كلاماتك بان حياتهم هي راس مالهم الحقيقي لناموا اليوم في حضن قراهم

وحالنا هسه عزيزنا جمال يلونه شاعر البطانه

اتبّعنا المجاهل ودرنو قدرنا
وبقينا بنمازح البسوانا والماهو قدرنا
اكان بالدراهم نشتريهو كدرنا
مافيش فايده نشحن بالغبينه سدرنا
لا تتصور مقدار فرحتي بمداخلتك الراقيه لان المقال لا يستسيقه الا الحازمون حقائبهم دائما وجوازاتهم مختومه 6 شهور خروج وعوده
لك عاطر تحياتي وسلاماتي
عفوا للتكرار ..........

اخى العزيز (انا لو محلك بجي بكره راجع مافى احن من الوطن لانو فيه الامان والراحه
وووو المهم انك ماتطول تعال وكون متفائل (البيعيش فى الدنيا مابيعيش مرتين انت طول فى البنادر ياحبيب لا متين؟؟؟؟

حنرجع بكرة اكيد يا جدو عندما يكون التفاؤل وضع حقيقي تجده في انتظارك بالوطن
مؤمنا لك لقمه العيش الكريمه هذا منتهي امانينا لا اكثر
وصيتك عملنا ليها ( داون لود وجار ي التحميييييييييييييييييييييييييييل)

سلامتك من مشي الهجير يا دكتورة
انا واستاذ جمال لا نملك من الذوق الحبه اذا هديتنا اليك ليله من النحيب الحار والشجن المر
بدلا من باقات البنفسج ،،،،،،،،،، اعذرينا
سؤالك عن تغير الحال في الوطن سؤال مستف بالامل مشحون بالتفاؤل
ولكن لابد من العوده يا دكتوره مهما ضربنا في الآفاق وباعدت بنا وبين الوطن الايام
فالضل بعيدا عن الوطن اغلبه رقراق
الا نيم العمد بااااااااااااااااااااااااااااااااااااااااااااااااااااااااااااارد
مشكورة علي المرور

التحية الاخ الرائع ياسر
وانت تكتب لتفتح مساحات من الابداع وطاقات نتونس من خلالها
صدقني اخي العزيز نحنا حاسين بي معاناتكم ولولاها ماكنتو ابدعت انتو بتعانو
لانكم عايشين الغربة حقيقة وبي عزركم المشكلة نحنا عايشين غربة نفسية وسط
اهلنا او مايسمي الاحساس بالاغتراب(allince

واكيد القروش السبب الرئيسي للغربة الواحد يشيل هديماتو ويطلع ولسان حالو
بيقول0000اما جبنا مالا فرح الراجينا000واما حلقت فوقنا الصقور ماجينا
وانا بقرا مقال الدكتور اتخيلت شعورك000 ذي حال عبد العال السيد لمن قال 000
الدنيا ليل غربة ومطر
وطرب حزين وجع تقاسيم الوتر00
شرب الزمن فرح السنين والباقي هداهو السفر000
ياسر كما الحياة خياراتها صعبة لازم تختار فجبن انا لا تختار
ما بين الغربة الجسدية والغربة النفسية ودي صعبة جدا000

تخريمة00000000البقولو ليك تعال بيغشوك

الشكر موصووووووول لكل النجوم ( آبا ياسر , جمال , عريس الموسم "جدو" , د.نضار , هاني

ناس (آبا ياسر ) برة بيحسدو القاعدين هنا .... وناس ( هاني ) بيحسدو القاعدين برة ...

دنيا غريبة .... دنيا غريبة ...

تحياتي يا عمده
مقال د/التهامي نظر الي الجالسين هنا علي الرصيف ينتظرون الغد الافضل
ولا ياتي الغد
وانتظارهم سيطول لانهم وحسب مقال الدكتور لم يعدوا لغدهم قبل خروجهم من الوطن
اما المقارنه بين هناك وهنا فما اجمل فقط !!!!!!!!!!!!!! ان تنام وتصحو علي كيفك
اسمع الكتيابي يقول
علي كيفي ارقّع جبتي او لا ارقعها
اطرزها من اللالوب
البسا علي المقلوب
اخلعها
علي كيفي
مشكور علي المداخله

يا محمد جعفر
يحسدونا علي شنو بس ؟؟؟؟؟يمكنني ان أحرّف ابيات قديمه لشاعر قديم تحكي واقع الحال
وان يحسدوني علي مغصتي فأن لهم
حتي علي المغصه لا اخلو من الحسد
مع الاعتذار للاغنيه
عايز اسألك
انت قلم الرصاص الشغاااااااااال طوااااااااااااااالي رسم ده بتبريهو متين ؟؟؟؟؟؟؟؟!!!!!!!!

التحية للمبدع ياسر وهو ينقل لينا ابداع الدكتور
كرار التهامي والله ماكنت متخيل كرار التهامي داك بي وجاهتوا وسامتو ديك
يقدر يكتب بالاحاسيس دي عموما مقال جميل والاجمل انتقاء ياسر للكلمات
والمواضيع ومقدرتوا علي ربطها ببعض تحية ليهوا ...
وبالمناسبة ياسر وين

الحبيب والاديب الريب ياسر ..
تحية ليك وانت تنتقي الكلمات الجميلة والانيقة والتي تعكس
زوقك واناقتك في الكتابة ..
تلك المساجلات كادت ان تفقدنا توازننا واتزاننا وقاتل الله
الشيطان كاد ان ينزغ بيني وبين اخي مجدي ..
نحن في انتظار ابداعاتك ولو ماجيت حنتشاكل تاني
كن بخير

أخى العزيز ياسر ماعاد المكان ذات المكان وماعاد الزمان ذات الزمان...ماعادت تطربنا أغانى مصطفى التى كنا نشم فيها رائحة الدعاش.
فالطعم عزيزى الغالى أصبح مرا فى الداخل وفى الخارج فاصبحنا كالمستجرين من الرمضاء بالنار.
كل شى للأسف نقص حتى بلدنا نقصت وربنا يكون فى العون.

ابو محمد تحياتي
هي اقدار الله
في ذلك الزمان والمكان يمكنك ان تخرج من البيت وتتجه لي تحت
ثم بلا سبب معين تغير وجهتك الي قبلي او بحري دون ان يعكر
ذلك صفو يومك ودون الحوجه الي الاستعانه بالجوال لشرح سبب التغيير
الآن وفي هذا المكان والزمان تسير في اتجاه واحد في اغلب الاحيان وبمرور
الوقت تحس انك مثل القطار لا تستطيع ان تفارق قضبانك
شكرا لمرور الكريم وكلماتك مثل رائحه الدعاش والحكمه الكبيره في ان كل شئ
الي نقصان حتي الوطن
ارجو ان تكون والاسره بكل خير
وسلاماتي

استاذي ماهر
الخير يمسيك ويصبحك
لعل دكتور التهامي كان يرنو بطرف خفي الي جهاز المغتربين الذي
اصبح الآن علي رئاسته لذلك زرع كل هذا التفاؤل في حشايا مقاله
الا اننا (انا وانت يا عزيزي) نظرنا بكل عيوننا فلم تجد انت سوي ساقيه
دياب طه
ولم اجد انا سوي ساقيه طه دياب
تحياتي للاسره ودمت بخير

حباب ابو حباب........ونسيت ضوء القمر في اجمل ليالي وشعاع النجوم ..يلمع كالالئ..والبلابل سالو القمر في امريكا وقالوليه(ليه طلعتك في الغربه سودا؟) ان بقرا ليك ياياسر ولسه طعم شاي اللبن الشربتومعاك في المغربيه علي لساني ونحن متوجهين علي بيت الاخت مسكه عبر باب هاشم الداخلي..وتصحبنا دندنات سيف اليزل ب(المعلمه لي بلادنا مفيده المعلمه وربنا يزيدها المعلمه0)(واشكي وابكي لمين انا الديمه قلبي حزين انا)........زمان ما عشنا في غربه ولا قاسينا نتوجع وهسه بقينانتاسف علي الفرقه الزمانا طويل.....ومصيروالحي بلاقي احبتو الغايبين

العزيز سمعه ابوالتيمان
تحياتي بعد كلامك ده اقول ليك شنو بس؟ اقول شنو بس ؟؟ وانت ما خليت لينا جنبه نقول عليها
وذلك المشوار يا عزيزي من باب هاشم حتي باب مسكه هو ما جعل فينا كل هذا الحنين والجرسه
شكرا لكلماتك المجمره
وذكرياتنا والغالي سيفو هي رصيد الايام عندما نعود ونمشي نفس المشوار (من باب هاشم لي باب مسكه)
إن شاء الله العافي تبراك وين ما تقبل ....
اتكاءه
بيض الحمائم حسبهن اني اردد سجعهن