shakir........

الاخوة ادارة المنتدي الاخوة الاعضاء سؤال اسم (shakir ) هل هو اسم مستعار ام معروف لدي الجميع ؟؟؟؟؟؟؟
بناء علي ماذا تم تغيره ليصبح shakir I-taha علما بانه هنالك اسم اخر مشترك وهو شاكر ابراهيم سعيد بلال .
وان كان لابد من التغيير لماذا لم يخطر علما بانه منذ يوم امس يحاول الدخول باسمه المألوف ولم يستطع ذلك ويفاد بانه عليه تعديل الاسم والدخول فهلا ازنتم له حتي يستطيع الدخول مرة اخري ويكمل عمله الذي بدأه علي صفحته ام يغور كما غار غيره من الاسماء المستعارة .

اختى ايات
مع انو مالقيت اسم ايات فى مراغه لكن تقول اسم مستعار لكن شاكر ده معروف وماليهم حق يحزفوه بحجة انو اسم مستعار
من خشيت المنتدى مالقيت غير موضوع الاسماء المستعاره دى والناس لافه فى دوامة الاسماء المستعاره ونسو المواضيع الهادفه
التى تخدم الحبيبه مراغه . و******* ده منو . وجنس حاجات

ياجماعة بالمنطق كده الزول بتاع الاسم المستعار ده لو نبذ الناس ولا سلوكو كان ماكويس ممكن الاداره تحزفو .. انا لي كم يوم بقرا فى المشاركات لقيت فى ناس مختلفه مع بعض لدرجة الزعل ... ماكده ياخوانى طالما قلنا اسره واحده ويجمعنا حوش المنتدى (السمح والواسع ده) ليه مانقعد فيهو متصافين لازول يزعل زول ...
عاوزين ياجماعه نطلع من الحاجات البتجيب الحساسيات بين الناس ..ونشوف مراغه عاوزه شنو ونعملا ونشوف الحاجه العاوزة الحل ونحلها.
كان هدف المنتدى قيام المؤتمر وتكوين الهيئة ... هسع فى زمتكم ماشايفين النوم ده لافى شغل لاناس المنتدى مهتمين بالموضوع وناس الجنه يقولو القروش ماجات عشان هم يشتغلو... دى الحاجات المفروض تلقى اهتمام من ناس المنتدى عشان بلدنا تبقى تشبه بلد الناس ... مش نقعد السنه كلها ناس معينين هم يكتبو يردو لي بعض والمحصله فى الاخر Bigzero
ودمتم وسو السمح والنجيض

هلا بنورات مراغة هادية وايات

العفو للاخ شاكر ونرجو يقبل اعتزار الادارة وهو شخص معروف

ونعتزر لاصحاب الاسماء المستعارة ونحنا اخوة في النهاية
واتمنى منكم اخواتي العزيزات انكم تخشو قسم التعارف وتنزلو تعريف لانفسكم عشان انتو برضو تتعرفو

ولو ماعرفتوني خشو هناك بتلقو كل معلوماتي ولكم الود
اختكم مشيرة

الاخت / ايات الاخ منير مشكور اعتزر للخطأ الذى حدث وهو غير مقصود وشاكر يمكنه الان ان يشارك ويبدع مره اخره
الاخت هاديه (قلتى النجيض الما ني ) ذى ماقالت مشيره ممكن تعرفو انفسكم انتى وايات عشان الحوش السمح ده كلنا نتونس فيهو بروح طيبه ....

الاخوة الكرام لكم الشكر علي مروركم وتعليقاتكم التي بانت فيها الحقيقة جلية وواضحة بالنسبة لشاكر وللجميع برد مدير الشبكة واكتفي عند هذا الحد واستميحكم عزرا بدخولي الإطراري واقلاعي اللا إرادي تي كوف .......

اختي العزيزة ايات

لااظن انكي افدتي مراغة باي شئ
اما شاكر كان سوف يعود حسابة اجلا ام عاجلا

فإذا كان دخولك المنتدى لافادة الجميع فهلا ومراحب بيك

اما لو كان لما جاء زكرة في الموضوع فصحبتك السلامة عزيزتي
ولك الود

الاخت مشيرة
( لااظن انكي افدتي مراغة باي شئ ) ردا عليه افدت بدخول المعني مرة اخري وذلك حسب استطاعتي الا يكفي ؟؟؟؟؟

يا اختي الغالية المعني كما زكرتي هو اصلا داخل وعضو فعال وسطنا

لكن نحن في حاجة لتعزيز مهيرة مراغة
يعني في حاجة ليكي ولكل الاخوات بمراغة عشان نفيد مراغة ونسمع اراءكم ومقترحاتكم للتطوير القادم

وانا يشرفني ادعوكي للمساهمة معانا في رفعة البلد الغالي
وتعزيز مساهمة المرأة وتفعيلها ولا رايك شنو؟؟؟

ومازلتي لم تعرفينا بي نفسك عشان نتواصل اكتر وكلنا ابناء منطقة واحدة

الاخت مشيرة
تسجيلي بالشبكة والمنتدي يوم 15/11/2010 ولو دخلتي علي بياناتي كلها موجودة بتاريخ التسجيل
اما بالنسبة لاني اشارك بالآراء والمداخلات في الردود استحي ان اجادل من هم ادري مني بهذه الامور ولكن لو وجدت اني افيد بقدر استطاعتي لن اتردد ...
عليه ارجو تفهمي ودمتي مهيرتنا ومفخرة بلدنا

اختي انا اقصد انتي ايات مين من هو اباك ومن اي عوائل مراغة

بياناتك غير واضحة وغير مكتملة سوى ان اسمك ايات فقط

في قسم للتعارف ممكن تدخلية في القسم الاجتماعي روحي طلي علية وشوفي

يعني لازم تحرجينا يعني اوكي بدخل وبشوف دمتي بخير

هههههههههههههههه خلاص يابنية تعالي براحة في اضاني وريني وما بكلم زول هههههههههههههه


ياحبيبة لا احد تخافين منه هنا المنبر والكلمة للجميع مادمتي من مراغة الحبيبة

امشي شوفي وتعالي ورينا رايك في الشباب والشيب المسجلين معانا هههههههه ودايرنك تكوني واحدة منهم

ودمتي بخير

يا مشيرة فلقتيني
يعني عشان انا من مراغة الااتكلم واقول دة كدة ودة كدة انا قلت لكي قدر استطاعتي وانتي كمان ما تحفري قدر دة ولا شنو الحكاية شوية شوية اوكي براي يعني لما تجي مني تكون احسن صح انا خلاص عرفت الفهم يلا شنو خليني اشيل نفسي حبة اوكي ودة كلو من شاكر دة ان شاء الله ما يخش اها

انا بقول بركة الشاكر جابك لينا هههههههههههههههه

وحخليك على راحتك لكن متوقعاك الايام المقبلة معانا

ولك الود

رب ضارة نافعة ... ياريت الادارة كل اسبوع تعطل لينا دخول زول حتي يظهر المختفون و نسمع صوتهم و نحيك اختنا مشيرة ما تخلي المختفون على مزاجهم ضروري اقناعهم بخلع القناع و المشاركة الفاعلة و خاصة العنصر النسائي محتاجين له جدا جدا لائنهم عنصر اساسي فى التطوير ....

الاخوة الكرام السلام عليكم جميعا ونشكر الاخت ايات علي طرح الموضوع ولكن كان لا بد منه رغم انه تكرر الحزف والان تم حزفها هي ايضا وبت علي يقين انكم تهزئون بمن يريد المشاركة وبما أساءت لكم حتي يتم حزفها ولو لم يتم حزفي لمادخلت هي لاني اعلم بها منكم وانا من اشركتها بالشبكة وبالمنتدي وعملت لها ايميل كان الغرض منه مراسلة شقيقتها خارج السودان وعندما تم حزفي طلبت منها هاتفيا بان تدخل علي المنتدي وتطرح موضوع حزفي وكان بالفعل الحزف حادث وافاد مدير الشبكة بذلك وهي حديثة العهد بالمنتدي بالنسبة للمشاركات ومنذ ان اشتركت لم تسجل الدخول الا بعد طلبي لها ولو كنت موجود داخل المنتدي لافتكم بمن تكون في حينه وكان من الاحري ارسال رسالة الي ايميلي الموجود بمعرفت من هي ايات بحكم انها طرحت موضوعي معاناه ان شاكر له صلة بها ويمكن الاستعانة به واقولها مرة اخري انتم صرتم لست انتم ولا اخاف في الحق لومة لائم ومن كان يريد الافصاح عن شئ يفصح به مباشرة دون الرجوع الي ما انتم عليه الان من القيل والقال وحقيقة اسف لما بدر ولكني افيدكم اني الان دخلت بصعوبة وكان يمكن ان ادخل باسم مستعار وارد ولكني احب المواجه ومواجهتي دائما مع نفسي اولا قبل مواجهة شخص اخر
عليه عفا الله عما سلف واني لحزيييييييييييييييييييييييييييييييييييييييييييييييييييييييييييييييييييين
ودمتم بخير وعافية

الاخ مدير الشبكة نرجو اعادة حسابي كما هو وخاصة كلمة المرور لان كلمة المرور التي ارسلتها لي يصعب الدخول بها خاصة وان كلمة مروري موحدة في كل المنتديات المشارك بها وعندما ادخل الي شبكتكم العامرة اجد صعوبة عليه ونسبة لعدم انزعاجي من ذلك رغم اني منزعج دائما ارجو رجوع حسابي كما هو واكون شاكرا .
وبالنسبة لصفحة الفيديو لقد حملت فيديو يخص المركز الصحي منذ 4 ايام ولم يتم رفعه وهنالك فيديو اخر بالرمال الزاحفة بالجروف ومعاناة اهل القرية من شح المياه في البحيرة التي كادت تختفي وفيديو اخر بالحلول التي يصل اليها المسئولين عن تخطي هذه العقبة فارجو شاكرا افادتي وهذه امثلة لما يدور هنا وهو الهدف من متعابعتي لشبكتكم وهنالك كل جديد فلا تهزموننا ولكم فائق الشكر والتقدير وهذا هو ندائي الاخير رغم ارسال عدت رسالات منها طلبت حزف كل مواضيعي بالشبكة ولكني وحسب مناشدة رئيس اللجنة التنفيذية بالمواصلة وستكون مواصلتي معهم مباشرة ورفع كل خطوة يخطونها
ودمتم بخير وعافية

الاخوة الاماجد
زيادة عدد الاعضاء ومشاركة البنات هدف جميل لاشك في ذلك...لكن الخوف هو الاستغلال...يعني كمثال اسم بنت مستعار معنا او قد يكون قد تم شطبه هو اسم لرجل يعرفه بعض الشباب...المصيبه ستقع اذا نفس شخص عن سمومه وكتب جملة في شكل قنبلة بحيث تفرتق مراغة كلها دعك من المنتدي...وقد تسبب حدوث جريمة قد تصل حد القتل...ماذا نكون نحن مسؤولين؟
لكن لان كلام يكري منطقي يمكن ان يعتمد بشرط ان يكون شخص واحد موثوق يه يعرف الاسم الحقيقي ولاداعي لمعرفة الاخرين...حتي يعرف صاحب الاسم ان هناك من يعرفه ويلتزم بقواعد الدين والاخلاق... تذكروا كلمة واحدة يمكن ان تكون جريمة

انا مستغربة من كلام شاكر انتا بنفسك قلتا انك حتخليها تخش باسمها كامل لما سألتك منها على ايه هسي بتحاسب الادارة على حزفها

ومع احترامي ليك الاخت ايات على عيني وراسي بس ما احترمت الكبار في المنتدى لما طلبو منها تخش باسمها ولا خوف عليها او على ردودها.وانتا واحد من الناس الوافقو على الظهور باسماء اصحابها.

وسبق وضحو الاسم لو اتعرف حتقدر ترد على حسب الشخص ان كان كبير ياخذ حقة من الاحترام ولو مستهبل برضو ياخد حقو ولو نزل موضوع للنقاش نقدر ننقاشو على حسب شخصيتو
لا ضير في الاسماء المستعارة ولكن بوضع تعريف كامل في بوست التعارف انا ماطلبتا من الاخت ايات اكتر من كدة .

ولكم الود

الاخت مشيرة لما الاستغراب فكلامي واضح ولا يريد زيادة سوي اعلمك باني ابلغتها ولكن ليس معني هذا انها علي طول تدخل وتعدل فلها مشاغلها وليس بأنها موجودة علي طول الخط لكي تعدل بياناتها وبعدين هنالك امثلة كثيرة لذلك بان الادارة لا تتحسب هل هذا العضو يدخل كل يوم ام كل فترة وهل يقرأ ايميله كل يوم ام من حين لاخر لابد من اعطائه فرصة كافية ومثال لذلك زكريا حمد - سعيد يسن - نبيل طلب
مدثر حسن وهذا كمثال وليس للحصر لقد قمت بادخال الكثيرين من الشباب علي الشبكة والغرض مواكبة الركب والمساهمة الفاعلة وما كانت النتيجة تم حزفهم ايضا ولكن واقولها صريحة بهذه المعاملة سنفقد وبل فقدنا الكثيرين ونرجع لرأي عبدالرحيم الجعلي في موضوعه للاسماء المستعارة حينما قال عضو واحد فاعل ولا 100 مستعار وكفي وبهذه الطريقة وبهذه الادعائات اري وبل احتمال جائز ان شخص واحد هو من يكتب الموضوع وهو من يرد لكاتب الموضوع ولكن باسم اخر اي بمعني يمكن اشرك ذيت وعبيد وعلوية ومحاسن بالمنتدي وهم نفسهم شخصي وارد عليهم وترد محاسن وهكذا وهذه دوامة لن نجد لها مخرجا سوي احسان الظن وبالنية
وهنالك ملاحظة اخري ملاحقة الردود بعد كتابة الموضوع حسب كاتبه يرد له من يمد له بصلة ومباشرة دون الانتظار وهما كالخطين المستقيمان لا يلتقيان ابدا وإما إذا تلاقاء فلا حول ولا قوة الا بالله
وخلوها بالنية وما تصعبو الجية

الاخوة الاعضاء الاخوة بالادارة اقترح ترك الاسماء المستعارة وشأنها ودعوها تفعل ما تريد فان أسائت يتم حزفها من قبل الادارة مباشرة ولا يتم الرد عليهم واغلاق بوست الاسماء المستعارة نهائيا بعد اخذ الاذن من صاحبه وهو ( الاخ عبدالرحيم الجعلي ) والالتفات الي ما هو اهم لمشاريعكم المستقبلية ومواكبة المسيرة واقصد بذلك ان لا نترك فرصة للاسم المستعار ان يدخل بالبوست المعني ويجد فرصة للنقاش ونترك له حق الخيار وسيكون بذالك ليس له سبيل الا المشاركة الخاصة بموضوعه بمعني حيطر ليكتب موضوع وان وجد انه خير تفاعلنا معه وان كان غير ذلك يتم الحزف وحسابه عند ربه
الاخ الجعلي ارجو الرد منك بالموافقة وللمصلحة العامة واكون شاكرا لحسن تعاونك وخاصة بانك صاحب البوست . وهنالك من يرد وليه ومن طلب منك وما شابه دة اقتراح ومتروك لصاحبه ولكم الشكر
والواضح ما فاضح لاني وبكل امانة الشغلة دي بقت مسيخة لدرجة لا تطاق ارجو فهمي جيدا واسف لو اسلوبي به حدة ولكني صريح ولا اعرف التعبير المنمق فارجو المعزرة ان اخطأت
ودمتم كما عهدناكم اول اشتراكنا معكم لرفعة المنطقة واقسم لكم بقيت اعجز عن الدخول لمنتداكم
وكان من المفترض ان انجز في هذه الفترة اشياء كثيرة وهي ما زالت بحوزتي فاتوسل اليكم ان ترجعوا بنفس الروح العالية والتفاني والاخلاص ولا نلتفت لمن يريد ان يعرقل مسيرتنا وكلنا اخوة وكلنا خطائون وخير الخطائون التوابون والي الامام وما زالت يدي ممدودة لكم جميعا .
فهل من مقيث
أغيثونا والله الموفق

السلام عليكم الاخ شاكر كل الناس بالاداره اجتمعو علي حزف الناس الخاشين بي اسماء مستعاره انتا لو عندك راي تاني ورينا واقنعنا ما تقول ما تقول لو عملو حاجه غلط اطردوهم واحزفوهم احنا شايفين دخولهم بي اسم مستعار في حد زاتو خطا مستحق الحزف
والكلام الكتير دا كلو من الاداره تحزف الناس كلهم ولو ما دايره تزعل الناس ما مشكله يتقفل حساب الشخص الخاشي بي اسم مستعار وترسل له رساله تنبيه بالاتصال بي الاداره وتتفاهمو معاه احنا ما عندنا اخواتنا خاشين هنا بي اساميهم مالم ما قعدين والناس عارفين اهلهم
مستعار مستعار افادونا بي شنو لحدي حسي ناس الاسامي المستعاره ولا دايرين تمجدوهم زي ناس الكتشينه كمان وتقولو انهم خدمو البلد

الاخ محمود لك التحية لا نريد تمجيدهم ولا نركب لهم دبابير المفهوم لا نلتفت لهم ودعنا منهم والعاوز يخش بي وضوح حبابو والعاوز يخش متخفي حبابو وكل الهدف نستقطب الثمرة ونقطفها وان لم توجد فلا ضرر والكلام لما يكثر في شئ غير مفيد هو التمجيد واخذ الوقت منا جميعا
وما لنا ومال ناس الكوشتينة يلعبو ولا يرقصو دع الخلق للخالق ولا تخلطوا الامور ببعضها البعض وكلامي واضح وانت يا محمود اكثر الناس بالتعرف علي ايات لماذا لم تخبرهم وانت اول شخص اضافها علي الفيس ودردشت معها الا تذكر .
دعنا منها فهي اتحزفت ايضا ولا ضرر في ذلك سوي رجوعنا الي الوراء والوراء البعيد المنال وربنا يخلي ليكم اعضاء لا يشق لهم غبار يثنوا ويردوا ويواصلوا وهم كافين علي ان يحتكروا الشبكة فهنيئا لكم بها
ودمت بخير وعافية

الاخ شاكر لك التحية واصلا ايات دي بما انها داخلة الفيس وبتدردش كمان والناس عارفاها ماقادرة تخش في منتدى يضم اخوانة وخيلانة باسمها الحقيقى.
عليه العوض ومنو العوض يااخوي الكبير شاكر
بالجد كدا انا كنتا مع عدم حذف اصحاب الاسماء المستعارة واعطائهم فرصة لكن بالجد كدا الموضوع زاد عن حدو ياجماعة ماتردو عليهم بس لو موضوع مفيد كان بها غير كدا يتحذف ومايناقش في امور دقيقة لانو زول مامعروف لدينا وماحنقدر نتفاهم معاه وبس واخلصو من الليلة دي

ومع احترامي ليك موضوع شاكر دا يتحذف برضو ماعندو اي لازمة لها التحية ايات وشاكر اهو بينا ومنور

الاخت مشيرة ردك ليس بجديد وانتي ايضا اسمك مشيرة ولكي بياناتك كاملة في سجل التعارف وهي ايضا عندما ملات لها الاستمارة بها اسمها واسم والدها واسم جدها وكونك لم تتعرفي عليها دة شئ يخصك وكونها موجودة بمراغة فهذا صحيح وايه هو انصفو واظلوا .
والمشكلة الحقيقية ليست في انو ايات دي منو ولا بت منو المشكلة فيكم انتم تعرفي السبب شنو لانكم بتخرجو عن الموضوع واكثر الناس يدخلو ويرد كلمتين عن الموضوع الاساسي وبعد كدة يخرم
وكونها دخلت الفيس بك جريمة ارتكبتها ومصيبة وطامة كبري وافيدك بان الفيس ذاتو لم يعجبها وطلبت مني حذف عضويتها فيه وحزفتها كما اتحزفت هنا ايضا وكفي
واقتراح موضوع شاكر يتحزف يتحزف واثني عليه وبشدة وانتي قايلاني يعني بالحيل كدة عاجبني

ماعارفة لكن شايفة ردك فيه بعض الجفاف مع اني كتبت ردي بكل صدر رحب وماجرحتك او ايات في شئ وانا ماعرفتها لانو عندي مليون ايات في لستتي من بنات مراغة البعرفن وختيت تكون وحدة منهم ومازلت شاكة تكون وحدة منهم عشان كدة قلت لعم ماهر هي في مراغة مع انها يمكن تكون برة .
وانا ماقلتا الفيس فيه شئ لاني مسجلة هناك برضو لكن انو الناس يعرفوها هناك ويدردشو معاها ومادايرة تورينا هي منو دي الشئ الغريب دا القصد من الرد لو مافهمت القصد

وتانيا اسمها الكامل زي ما بتقول ماوارد في بياناته لانو رجعتا لبياناته فقط ايات وما اظني جرحتها لاني اتكلمته معاها بكل ود وترحاب .
اما عن الخروج من الموضوع دي ماحردك عليها لاني عارفة نفسي .
واسفة على الاطالة بس لمجرد انو اسلوبك ماعجبني لانو لو رجعت قريت كلامي براحة ورواقة ماحتلقى فيه اي سب او اي شئ بس لانك زعلان من موضوع الحزف ردودك جافة فأرجو انك تفصل الامور عن بعضها وماتخلطة .
ولك الود

الاخت مشيرة لك الود والتقدير واسف جدا ولن تتكرر
ولك الشكر

مازلت في انتظارك اخونا الجعلي
أغـــــــــــــــثـــــــــــنــــــــــــــــــــــــا