شبكة مراغه الأصاله والتاريخ



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

شاطر | 
 

 الشعر الحلمنتيشي

اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 9:29 pm


تأليف أحمد الشيخ : لما شفتك
لما شفتك
لما شفتك قلبي كان ناصع نضيف
زي الطيور الراحلة في زمن الخريف
عشت متألم وما قادر أقيف
زي زي مشرور وحيد
مستني باصات الجريف
أنا الكيشة صًدقت إدعائك
يوم قلتي لي دمك خفيف
وخدعني بوخ نظرات عيونك
مليانة بالكحل الظريف
قمت شلت الكيس من ايدك
ووقفت في صف الرغيف
دافعت ليك وسط الخلوق
عشان تقولي ولد حريف
واديتك العيش بابتسامة
نابعة من قلبي الرهيف وبعد ما شلتي العيش
نسيتيني ومشيتي بعيد
وانا المشدوه أعاين فيك
زي إقليمي جاي جديد
تاه في زحمة الخرطوم
وشاف الناس شمال وصعيد
ما تنبسطي يا حلوة
بعد نكرانك المعروف
أصلو الحي مصيرو يلاقي
ياما بيشوف
واصلو الناس حياتها ظروف
ويوم بلقاك في ورطة
لانو بلدنا كلو صفوف

farao farao farao farao
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 9:31 pm



واحدة سمينة دايره صاحبنا يحبها بالقوة وكتب فيها..
ريدى ليك يا أم شداق
يقلب اللورى فى الدقاق
ولما أغلط وأقول مشتاق
عيونك جب تكرب جوه فى عيونى
تبهدلنى وتبشتنى
وتجقمت فى مصارينى
وأتوكل وأقول آآآآآآآآى بريدك
بريدك ياسجم خشمى
يا أم إيدا قدر جسمى
يا أم ريدا بعج بطنى
=====
أريدك كيف
وكيف يا ناس أريد فيل
يحلنى الله يالبرميل

Shocked Surprised Sad Smile Very Happy
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 9:34 pm


كبكبة

اتململت في القعدة
واتشهدت مليون مرّة
بخاف المحنة والزرة
لساني خفيف وقلبي رهيف
واكان قالت صباح الخير اقّرب اقيف
براي يوم داك رميت نفسي
طردت الخوف ده من قلبي
سألت السمحة مخطوبة ؟؟
قالت لي : لا ..لكن لييه ؟؟
سمعت قولة لييه تقول بندق
وقلبي الماسكو بين يدي قنّب يدق
ريقي نشف وحلقي يطق
شعرت القول تقول في حُق
واتململت في القعدة
بدور امرق
كان تاني سألتني لييه؟؟
كلامي راسو طار منو
واتقفل عقلي واتدبس
اتاري الخوف ده ما بندس
قريت الحمدو عشرين مرة
حتي قدرت اتنفس
اخوها قال ليها : ساكت بس !!
وعاد السمحة قالت كعبة
وانا السجمان رقم سبعة
الحر ..حسيت بالبرد
تقول قرفان مرق في البر
حاولت اقول باي باي
لقيت خشمي بي كماشة ما بنفك
Laughing Very Happy Razz cyclops king
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 9:35 pm



الزمن الضائع
الزمن الضائع
متين يا الله ألم الفكه
أجيب الشيلة واسوي الشبكه
وأمي تزغرد بي طول صوتها
وأنا مبسوط وظابط الشكة
هدومي معطنة بالأرياح
ريحة الخمرة وريحة الدلكة
واطبع للعيزومة كروت
حاشاها الما زي كرت البنزين
جميله زاهية في ورق التوت
وتحت الإمضاء مشكورين
لأنها لحظة ما بتفوت
وإلا تكونوا مبسوطين
ويجوا الأولاد بوجوهاً نادية
يقشوا الفسحة الواسعة وهادية
نرًكب فيها الصيونات
ونعمل حفلة بود البادية
ولازمن حفلة تكون صباحي
أشفي غليلي وأداوي جراحي
من زمن العذابة الأغبر
السًود عيشتي وزاد لنواحي
أفك القيد من قلبي وأغني
حبيب الروح وغني يا صاحي
وفي العصرية نمرق سيرة
خلوق منتظمة ماشة مسيرة
زي صف دكانأً ناصية
فيه سجاير بالتسعيرة
بناتنا يغنن مبسوطات
دور بينا البلد ده
يلفن يدورن العربات
ولمن أصل بالسيف اتقدم
زي الفارس ماشي ملجم
وشي بينضح لمعه ونضرة
قميصي نضيف وماه مجلبط
بملاح خدره
أهز في البنوت بي سيفي
وابخبخ فيهن لبن البدرة
وفجأة يدق صوت الدلوكة
وتبقى الناس بالجد مربوكة
واحدة تصفق واحدة تزغرد
وواحدةتلوك في لبان بازوكة
جابوا عروسي وبدت الوقفة
سرحت بعيد في حق القفة
جابت قون بي رقة وخفة
ما اتجرست كلا وحاشا
الا هناك واقفين شماشة
قالوا اكيد شارب حرباشة
زعلت شديد وغلبني اللعب
لانو كلامن كلو كضب
قاموا اصحابي بصوت عالي
يا عبد الله اطلع بره إشاعة إشاعة
وحتماً يوم لي أمك عايد
قونها حقيقي ما اوف صايد
صوت أصحابي أثر فوقي
بحركة ذكية جبت القون
وانا والحلوة بقينا درون
وفجأة أضفت الهدف الثاني
وغمر الساحة فرح رباني
مرقوا اصحابي يكوركوا ويهتفوا
فاتوا الفسحة وسدوا الشارع
صوتهم طاغي ظاهر وطالع
يا عبد الله هايل ورايع
جبت القون في الزمن الضايع

Laughing Cool Shocked Sad Smile Very Happy
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 9:37 pm



أقطعي
أقطعي يا الجنيتي على القطع
كمبيوترك ما بعرف الجمع
اقطعي خلينا نبكي بالدمع
اقطعي تكتر مصانع الشمع
وينقص رصيد ناس الضرائب
والحبايب ويا كهارب اقطعي
****
أسلاكك بس بيت عنكبوت
والبهبشك ما اظن يموت
أقطعي خليهن يبكن البنوت
وشًوفي الناس العجائب
يا كهارب اقطعي
***
أقطعي وخلينا بس نبقى الكبش
اقطعي اسعارك ما بتنهبش
اقطعي بنوًر بيوتنا بالشمش
وننفك منك يا ام مقالب
ويا كهارب اقطعي
****
اقطعي يا ربة الحسن والجمال
يا قاسية بكيتي الرجال
بتصيدي في الناس بالنبال
تعيشيهم في مقالب
وتخربشيهم بالمخالب
ويا كهارب اقطعي
***
فشلتي ما قدرت واصلت المسيرة
إيه فائدة البحر الدميرة
والكوابل والعواميد الكثيرة
دللوها واملوا بقروشها الخزائن
ورجًعوا الناس للرتاين
وينفكوا من كل المشاكل والمصاعب
والمتاعب يا كهارب اقطعي
***
أقطعي انت احوالك عجيبة
أقطعي ملينا عيشتنا الرتيبة
أقطعي ضلمي المدن الكئيبة
وتقرًص الناس العقارب
والدبايب ويا كهارب اقطعي

geek jocolor queen king sunny
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 9:39 pm



تمساح توتي
Last week I was sitting
جنب ال river
Smoking a cigarette
والـــدمــــــاغ مــــتــــكــيـفــة
Watching the moon
و كراعي holding خـالــفــا
I saw a man
شــــابـــــــا صـــغــــيــــر
But he was
مـــتــــقــــنـــــــدفــــــا
Driving a car
وال car Corolla
مــــــكـــــنـــــدشـــــــا
He stop it ال جنب river
Start clean it and then quickly
يـــــنـــــشـــــفـــــــــا
When he stop it جنب ال river
تــمــســاح كــــبـــــيـــر ظــــهـــــر
Swim to it
وراح خــــاتـــــــــفـــــا
The man كـــورك بصوت clear
What did you do
تـمــســـاح كـــبــــيـــــر؟
Why did you leave my
ريـــــــحـــــة طــــــيــــر؟
هـــنـــــا التـــمـــســـاح
Appear
وقـــال أنـــــــا الـتـمـسـاح و
Someone like to call me a Crocodile
I am the king of this river
وتــحـت الــكــبــري always صايل always جايل
Do you think the Corolla back & so you
قـــــــــايـــــــــل؟
This is your
بُــــــعــــــــــد
So
لو عدت back by this مزاحي
Or if you just move by this
نـــــــواحــــــــــي
I'll أصـــيــبـك بـالـجــراحــي
ودي قــــوّة عــــــيـــــن
It is better to you
تــخـــلـــيــــك صــــاحــــي
sunny sunny sunny sunny
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 9:44 pm


يا جزمتي
يا جزمتي الشالك يطير
يبلوه بي مرضا خطير
بي الايدز بي شر مستطير
يا جزمتي الشالك يقع
في بركة في يوماً مطير
لا يضوق سعادة ولافرح
لا باسطة لا شاي بي فطير
يا جزمتي الشالك يموت
في السكة بي نطحة عتوت
بي رفسة تتفطس مصارينو التجوط
يا جزمتي الشالك يقع
في السكة في اعفن ترع
تتكسر الرجلين وتنحل الضلع
واخر ختامو يكون صرع

What a Face What a Face What a Face What a Face
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 9:47 pm


في ليل مسدول كاسيه سواد
في غربة حزينة وناسها بعاد
وفي ظل ممدود من غير أبعاد
إمكن ظل قمراً ليه ميعاد
ممدود بين شجر أغصانه سواد
لمحت شبح
أو إمكن ضل
سارح في الليل تائه مُهمل
قرّبت قريب إمكن أندلّ
عن صورة توضح لي أكمل
سمعت نحيب بي صوت مذلول
مخلوط بأنين ممزوج بالذُل
ولمحت دموع سايلة بتهطل
وقفت قصادها بديت أسأل
عن سر مكتوم في جوف مُهملّ
رفعت للرأس بانت أجمل
لمحت عيونها
عيون أمي
وهي وين أمي !!
بعيدة هناك تسأل مني
كل طيراً جاي تسألوا عني
كيفن أمسيت في يوم مقضي
حسيت بدموع غصّت حلقي
ونار الشوق حرقت قلبي
دي ما أمي !!
وإمكن أمي ..
شن جاب أمي في ليل بعدي
أكيد بحلم بعيون أمي
أكيد بحلم أضمّ أمي
أكيد بحلم بي حضن أمي
صحيت من نومي مشيت أجري
كايس لو أسمع صوت أمي
بديت أضرب
تلفون بيرن وقليبي يئنّ
لو أمي ترد وعليّ تحن
وسمعت الصوت ودموعي جرنّ
حليل أمي

Crying or Very sad Crying or Very sad Crying or Very sad Crying or Very sad
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 9:56 pm


سيد بشبش سيد بشبش
عامل حازم وسيفه بيرقش
أمره بيمشي وكفه بيطرش
وعينه الحارة في يوم ما بترمش
عند المكتب رسمي بيغضب
جوة البيت يرفس ويضرب
وسط أصحابه بيرقص ويلعب
راجل نكتة وصاحب مقلب
وآخر الليل يقابض ويهبش
سيد بشبش راجل دين وراجل دولة
وراجل خطوة وصاحب مطوة
وصاحب خولة وصاحب جولة
وبيني وبينكم سيد بشبش
راجل واعي وفاهم
فاهم فاهم
وعامل انه الواحد يعني
وغايتو وبرضه ولازم
بالمفتوح ده كلام سر
ما فيش واحد يمشي يسمع
سيد بشبش راجل دوغري
لكن في الليل هجيجه يولع
وزي ما تقول بحب المنقة
و الحاجات النايس ولظلظ
وقبل ما ندخل ونحكي القصة
لازم نعرف صورة بشبش
أصلع أسمر بادية عليه علامة النعمة
وعرجة خفيفة في حادث حركة
شكل سيادته عموما مدهش
وددايما شايل سبحة
تسبح وحدها دون تسبيح
أوتوماتيك
حكمة ربك وقسمة صحيح
سيد بشبش راجل
Urgent
Rich, intelligant
Smooth and elegant
But sometimes
And this is really
He appears slightly hesitant
وفي عصرية وكانت جمعة
سيد بشبش حكك دقنه وهذب شنبه
وشه بينضح نظرة ولمعة
طق عصايته وخت عبايته
وخبط الباب من خلفة برزعة
خلى البيت يتراجف كله
حاجة نفيسة بناتها ثلاثة
بالاولاد يكملوا سبعة
في المرسيدس أخذ القعدة
كدوسه البني تهبهب ناره
هز دماغه هز
يعني سيادته بحي في جاره
وعاد البنز قال يا ليل
وسط الشارع يلوي غباره
وأثناء ما سايق وسط السكة
كان بيدندن يعني بيمدح
دشكا دشكا دشكا أو دشكا دشكا دشكا
وأثناء ما سايق يغني ويمدح
وعينه الزايغة بتجمع وتطرح
هناك على زاوية لمح المنقة
سيد بشبش تمساح لو يلمح
قلبه ينطط جوه ضلوعه
يطق الروب يثكلب ويردح
لف ودور حول المنقة ودور ولف
رسم الزاوية وكشف المسرح
وبسمة أنيقة صناعة برة
بسمة ثعلب حنكة وخبرة
ما نتفاهم يا خلق الله
وعاد خلق الله ما فهامة وناس واعين
اشارة خفيفة وغمزة عين
عارفين الحال والأمر الواقع
كان الرد الفرح بشبش
وخلى سيادته يهدي يمين
مساء الخير آنسة مرمر
اسمك روعة اسمك سكر
أما سيادته سيد بشبش
رائع مدهش اسمك منعش
موسيقي ومطرب
بس خازوق الناس تتمقلب
وتمشي تقول لسيادتك شبشب
لا يا بت يا نكتة صنفك متعب
وهناك في شارع كم مش عارف
البيت الناصية أشجار وزخارف
عربات تتلاعب أنوار ورفارف
كانت ربة وهيصة تولول
ناس بتصفق وناس بتزغرد
وناس بتهلل
ناس بتنادي شيلي وختي
وناس بتغازل أموت يا أنتي
وناس مبسوطة غاسلة وكاوية
وناس ركاني بتعزف زاوية
وناب بتغني حني يا تتي
وسيد بشبش أمير الموقف وبطل الساعة
كان مشغول مع ناس مرمر
يصلوا جماعة
ولمن تم صلاته وسلم
قام يسلم بالأحضان
قال مشتاق وكاتلو الشوق في الحبان
وزي ما قلنا قبيل عن بشبش
راجل بهجة جد فنان
جدع العمة هناك وعصايته
ولحق جزمته والقفطان
وهاك يا دانص
ودارت حلقة عجاج وغبار
ناس بتسوي ردحي جد
وناس في الردحي رقيصها هزار
وناس انبطحت وناس اندرشت
ناس انكرشت عشان تنمد
وفجأة في لحظة حصلت كبسة
زي ما تقول البيت انهد
الجو اتلغم
فال اتسمم
وصل الكومر شكله يخوف
نزل امباشى معاه الأورطة
عملت سد وجاط الموقف
سيد بشبش ضرب اللخمة
ربط الساعة مكان الجزمة
لبس الجزمة فاكرها عمة
لف العمة محل الساعة
جذب قفطانه رمى الشماعة
فكر ينط من فوق للحيطة
تلب توف جوه البلاعة
جوه الكومر بالبوليس الناس شحنوها
البتباكى والبتوجع والبتعذر والبتشفع
الضحكات باهتة
وفي نص الكومر كان متمحن سيد شبشب
ماسك سبحته
مرة يقحقح ومرة يسب
مشغول بأولاده وحاجة نفيسة
وناس المكتب
كيف القصة هناك بحكوها
وكل ما مرمر تبسم ليه
يسب للمنقة ويوم زرعوها
سيد بشبش

cherry cherry cherry
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 9:57 pm


قادر ألمو
أصلو مجروح جاري دمو
ضربو زايد..قاسي همو
قالوا سبب الرجفة والموت
الحليو الأسمو مـــــمــو
وأصلو مـــــمــو....
كمو كطو
وكطو كمو
أبوها بابي
ومامي أمو
من الجماعة الكل يوم
قاعد استحموا
والعطر خمسيـــــــــن متــــر
حـــرّم تشمو
ولما تقدل بس تقول
تقلع ترابا البتمشي فيهو
عديل تخمو
طبعو رقه
لونو منقه
في أوروبا مارادونا
وفي بلدنا مافي زيو
الا تنقا
و أصلي مما شفت مـــــمــو
قلت يا ناس دي الملائكة؟
ولا خلقه
قالوا خلقه
قلت انو.. ما أظنو
وأصلي مما شفت مــــــــمــو
عقلي فرّ وقلبي دقه
وبنطلون الجنز طقه
أي عجور ضقتو بعدو
لقيتو منقه
باكو السجاير جوه جيبي
لقيتو حــقـــه
الفنيله اللونا أبيض
فجأة جيت!!
ولقيتا زرقاء
ياريتني لو من مويتو
ألقى ليــا بقه
ان شالله حتى
لو فيها شرقه
ياريتني لو في بحرو
ألقى ليــــا غرقه
كنت بغطس
و ما بدور لي تاني مرقه
تاني أمرق؟
وين أقبّـــل؟
للبعاعيــــــت؟
عليكم اللــه ديا خلقه
مـــــــمــو يا ناس ما أزانا
بي خدودو البرتكانه
مــــــــمــو يا عالم جمانه
لا أكل يوم زي عشانا
كسره بي لبن البطانه
ولا شرب من زير مغبّـــر
زي فلانه وفرتكانه
مـــــــــمــو مافيـــــــــش منو اتنين
هم مخلوقين براهم
ونحن مخلوقين برانا
الفرق........!!!!!!!!
نحن بنعوس كسرة في الصاج
وهم رغيفم بيشتروه
من أجزخانه
الفرق..........!!!!!!!
هم بيمشوا عديييل أفوتو
ونحن نترجى البكاسي
ويومي نتلفت ورانا
الفرق..........!!!!!!!!!
هم عندهم توليت مكندش
ونحن عندنا أ..........خانه
مــــــــمــو حنّـــي عليكي بابا
تعالي نعمل حبكانه
يمكن أتعلم
أحب ناس هاي وأروق
بدله فاخره واستكانه
غايتو حأقول ليكي حالي
كان نفع قولي أوكي
مانفعت
قولي ما نافع معانا
عندي شده
وبنطلون واحد مرقع
حالو حالنا ومستوانا
أبوي مزارع
يحفر الطين بالطواري
عرقو نازل
في هجير الدنيا
في الصيف والسخانه
شان ألقط لقمه...لقمه
شان يتمتم لي...عشانا
شان يشوفنا
نقرا نتعلم برانا
عمي ترزي...وكان تمرجي
ولادو دسته
وكلهم ساكنين معانا
مـــــــمــو يا الجو المكندش
شوفي كتاحة هوانا
وأصلي عارف
بكره يظهر مغترب
ناكل النيم والزلط
وانتو بتلوكو اللبانه
ونحن بنكابد نجابد
ونبقى في الآخر ضحية
الشواكيش كع....كرع
التقول بس بندقيه
والمآسي الفي جوانا
كل يوم بتزيد شويه
الا بس أصبح عزانا
طيبة القلب البينزف
وكتين الناس بتشحد
زكل أطفال التشرد
لما يمشوا عشان يرقدوا
ينوموا في نص الشوارع
يعني ما يلقوا المكانه
الا بس أصبح عزانا
طيبة اخلاصنا ووفانا
وكتين أولاد المدارس
موت يدافرو..في طريقهم
شان يكتبوا الحصة
في حينا وزمانا
الا بس أصبح عزانا
حب بلدنا
حب وطنا
منبع الخير و الوداعة
ريحة الطين و الزراعة
حب تقاليدنا وطباعا
و فوقا ما بنرضى المهانه

flower flower flower
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 9:59 pm



تغُشيني وتقولي لي بحبك زين
وانا المسكين وانا المغوش وتاريك لاعبه علي الحبلين
يا غشاشه يا دجاله احبك سيف جديد وسنين
يقطع ليك ادياتك يكسر ليك كريعاتك
يخليك طير بلا جنحين
تطيري سنين وما تلمي بدل واحد تحبي اتنين
واظن عشره
نحن عندك ذي فستان كم طويل وكم قصير
واحد للبس بالليل واحد في الصباح تاتيل
احبك صرمه يا ضرمه واحشك بصله قاؤرمه
واسويك فته لطاشين
برضو تقول لي بحبك زين
وكل قطر رسالاتك تجيني مطر
حبيبي اللونك الاسمر
بلاك الدنيا ما بقدر
قطر يشيلك يوديك السما الاحمر
يشيلك زي هبوب طوكر
وانا الكان مناى نكون اتنين
نسكُن في قصر عابدين
وازور بيك لندن ديك يا السمحه واوديك فسحه لبرلين
لكن فورتي علي دمي
وكترتي علي همي
وانا البوراك نسيت امي
ونساك ربك
برضو تقولي بحبك زبن
احبك سيف جديد وسنين يقطع ليك ادياتك
يكسر ليك كريعاتك يمعط ليك شعيراتك
يخرب ليك لقائاتك يخليك شينه بين قوسين
طالب ربي يوم يبلاك بواحد يكون عنتر
عضلاتو حديد ادياتو متر
يطرشك كف يلفك لف يلخبط ليك وشك المبدول يخليك لا قرد لا زول

albino albino albino
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 10:00 pm


باص البنات
الليلة شوف باص البنات
عجلاتو كيف متحننات
الكي قبل والكيس حرن
يمشن تقول متوحلات
لمباتو خلقه مكحلاتمن غير دلال
كنباتو من داخل عدااااااااال
شايلات بلومات الكلالي
الحبهم في عروقنا سال
بتزينو من أزكى العطور
عادمو الكبير بطلق بخور
سواقو ديمة صباحو نور
ومساهو نور
ورفارفو من قدام خفاف
مضروبة بي أحمر شفاه
وأنا بس بخاف
وخوفي الشديد لايدك خفاف
دايرين وصولك بالسلامة
وتجينا يا برج الحمام
ونتلمه في الكافتيريا كووووم
ويتلاقو أحباباً قدام
ونعمل تمام
الكل حضور مافيش غياب
كل التياب اتجمعوا
تسمع ضحك تسمع سلام
وتحت التحت تسمع كلام
آآآآه يا حريم نوعكم عجيب
مرات كلامكم لينا طيب
لي روحنا انتو بترفعوا
مرات علينا تزرزروا وتتأندلوا وتتدلعوا
ولمن تحين ساعة الدفع
نحلف يمين ما تدفعوا
ونفضل نجيب الشاي وباللبن الحليب
وكمان نجيب وكمان نجيب
ليمون ملخبط في القريت وتبلعوا
وتقدو جيبنا ونرقعو
وتقولوا ديرين ترجعوا
من نوعنا خالص تقنعوا
تاخدونا طرحة بدون ايجار
تاخدونا وينفك الحصار
وتروحو غير ما تودعو
راكبين علي باص البنات
خطراتو باقة حلا وحمار
يا ناس خلاص أنا قلبي فار
نطرح بلاش من دون ايجار
و جوفنا من باص البنات
جوه الخشم فتحت غبار
نطرح بلاش لستكنا طار
نتعب نلقطا في الظلام
تلقوها ميتات بالنهار يا ناس نزار
تلقوها ميتات بالنهار يا ناس نزار

rendeer rendeer rendeer
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 10:05 pm


يامن حببته وما حصل حباني
قدمت طلبي إليكم من مدة
صهينتموا مثل وزارة الإسكان
حبحبتكم حبا يؤدي بأضلعي
سجلته بالفحم في الحيطان
أنسيت قعداتي مقاصد بيتكم
متفرجخا في عتبة الدكان
راجيكي تفتحي بابكم في مرة
حتي أشوفك حايمة بالفستان
أو تكشحي موية الغسيل بجردل
ويا جردلا شالته أحلي يدان
أو تندهي لأخوك من شارع الظلط
وأخوك كبسة معاكي في كل مكان
أنسيت جلساتك في حفلات العرس
تتجملين بأجمل التيبان ..
وأنا مصنقر ناصية في مقعد
ومقهي فيك مسهي فيك مشحط العينان
وينقرش الطبال في طرقاته
ويلولو الفنان بالألحان
ويقوم ملعون يلوك بوسطه
يدعوك للكاروشه في الميدان
وتقومي ترقصي في الجمايكا بخفة
وتوزعي البسمات بالمجان
والكل ماج وهججوا مثل الجزيرة
تموج بالفيـــــران ..
يا ليتني سما زعافا قاتلا
لقرضتهم قرضا بلا إحسان
حتي العريس وعروسه سممتهم
وغرغرت باقي السم للفنان
جبت الكراسي كلها وردمتها
وأطلقت فيها حارق النيــران
كوركت يا ناس المطافئ الحقوا
النار إمتدت إلي الصيـــــــوان
واذا أتوا ناس المطافئ قلت :
يا ناس المطافئ ثوانــــــــي .!
في القلب بارود وفي المصران ألغام
فلتطفوا نار الحب في مصراني
أو تأمروا هذي البنية تحبني
ما دام أبت ريدتنا بالإحســـــــــــان

🐷 🐷 🐷
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 10:17 pm


قصيدة تقارن البنت المتربيه في الغربه - مع بنت البلد.



هى زى هبهانة وما هبهانة

وزى بنانة وما بنانة

غايتو نحن مجننانا

حتة حتة مكسرانا

لسة ما عرفتوها برضو

دى ما ألانا

ألانا خلتنا عاد ننضم برانا

غايتو لو سكنت حدانا

نحن ما الله معانا

ألانا ما بتاكل فتة اصلو

وما بتمشى الاجزجانة

فيها حاجات مغلغلانا

تلاتة شامات جنب خدودا وجنب اضانا

اضانا زاتا مطنشانا

تلاتة حاجات لاها وحدى ولا توأيز

وفيها أيز اى واحد شافا مرة

الجماعة رقدوا خردة

أولزا بيبل راقدين جنايز

اف انا مرة اغتربت

ولى امورى اورقانايز

لى ابوها جوة هاوسو بمشى ليهو وما بلاوز

اصلى حربى وفقرى ييشن

اقولوا امايستميشن انى يور دوتا

رهيبة وليها عايز اعرسيشن

اف هو قال لى رافضيشن

ولى عيونو حمريشن

بقولو ليشن وبالحجارة بجدعيشن

وابقى بيشن


ألانا جاتنا فى الخرطوم هنا

الجماعة جنس دفر وجنس عفص

وجنس كبع وحريمنا عاد فتحولو تب

من الزعل داير ينفقع

ألانا جاية من استراليا

جكسينا عاد امبدة والديم والربع

ألانا جاية من استراليا

لابسة جنز بلوزة غالية

جكسينا ناس جكس العباية

وفى العباية قماش ملاية

ألانا جاتنا بقوها زى ست الودع

جاها واحد قال ليها يا ألانا

جرى كبسولة الزمن دى شهرين لى قدام

شوفينى بعد الامتحانات بباصى ولا بتشلع

جاتا وحدى قالت ليها الرسول يا ألانا

تجرى كبسولة الزمن دى عشرين سنة

شوفينى بتزوج ولا شاكوش بتلبع

بعدين ألانا لا بتنخلط ولا بتقتنع

الا لى انا دة فقرى جدا مطلع

انا عاد بخاف

قلت ليها ارح نقعد فى سنة تلاتة الاف

وفو مشينا سنة تلاتة الاف

قلت ليها تعرفى ناس القرن العشرين

ناس متخلفين ••• سفر بالطيارة

وكمبيوترات وجنس عوارة

اها قمنا راجعين كبسولة الزمن ضهبت

وقعت بينا فى امبدة جنب المزارع

نزلت منها ألانا شافت الناس بتاكل فى الكوارع

جرت للكمبيوتر قالت ليهو يااى

نحن فى ياتو زمن ؟

قال ليها نحن فى الزمن الضائع

ألانا معاها وحدى قالوا جانا

يعنى بس بالشايقى جينى

يالحلوى وظريفى

الكريشة ماها ظاهرى والرويس تب ماهو نيفى

جينى قمى وكونوا زاتا نشوفا نحنا

دى زاتا نعمى

والشايقى فيها اندهش داير

يقول دة الشغل قال دى الخدمى


يا وجع ساكن كلانا

الا جد جد وبامانة فى بناتنا بنلقى

مليون زى ألانا

فى السماحة عسل بدفق

ومسخن سكر كنانة

وفى العلم افكار دؤوبة

شان يطوروا مستوانا

فى بناتنا بنلقى حاجة ما بنلقاها فى ألانا

فيهن العفة الرزانة

وفيهن الامل البيضوى

فى مدنا وفى قرانا
santa santa
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 10:19 pm


تسألوني كيف عامل
حالتي و الله صعبة
من بقيت واحد موظف
قلبي للعربات حبَ
كل ما شاهدت تكسي
صفق القلب و شبَ
و اظل الليل احلم
راكبا في التكسي جنبة
و اقضي الصبح اشحد
يا عباد الله سحبة
إنني حالف بجدٍ
لو مشيت يوما اوربة
لست اكل لست اشرب
لن اشتري للعلم كتبا
و انوم في السهله برة
أنبطح في اي كنبة
شان اوفر كل مالي
و ابقى صاحب عملة صعبة
و اشتري فرفور (بيجو) مدنكل
خلفه اربط لي طرمبة
و اسوي البيجو تكسي
و ارب العاصمة ربة
و أخت في التكسي يافطة
تلقى جنب اليافطة لمبة
و كل ماشي يشوفها يقرأ
و اللي راجي التكسي جنبة
هذا تكسي خيري صاحب
وقف خالص للاحبة
للعمرهم ما بيقولوا تاكسي
و خشمهم مربوط بضبة
الملاحم ديمه ويكة
البحلوا بشاي و كمبة
مستعد طرح القماير
و للكلاكلة الفيها قبة
وحتى لي زقلونه بمشي
مين عندو في زقلونه رغبة
ماني واعد اي واحد
ما بنوم في الشاطي حبة
التنك مليان لضانو
و اللساتك الخمسة بمبة
Every things is well
و Right
لا كاسرة ياي
لا طافيه لمبة
study study study
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 10:21 pm


لو زهجانه واظنك
ما عرفتي سؤالي عنك
يا اللزيزه الكلكي جنك
عايز اكون انا ابقي منك
اي حاجه قريبه منك
تبقي طربيزه ابقي كرسي
تبقي راكب ابقي تكسي
بيكي اسافر لام دقرسي
وتبقي حافله ابقي بوكسي
وياسلام لو ابقي ببسي
تشربيني
تقرطعيني
تدفقيني
وما مهم
هي قرطعيني
بس مهم شوفت عيونك ابقي اي حاجة قريبه منك
تبقي وردي ابقي ترباس
تبقي سانتو ابقي كدباس
تبقي بنكي ابقي حراس
تبقي برعي ابقي عباس
تبقي اوبرا ابقي ترباس
ابقي غرقان تبقي رفاس
رفسيني
وفتشيني
وغرقيني
وفنجطيني
وماهم
هي رفسيني
بس مهم شوفت عيونك وابقي اي حاجه قريبه منك
تبقي فالق ابقي مفلوق
تبقي كسره ابقي طايوق
تبقي منفوخ ابقي مطفوق
تبقي ويكه ابقي لايوق
تبقي شناق ابقي مشنوق
تبقي حراق ابقي محروق
وياسلام لو تبقي خازوق
مقلبيني
وزهجيني
وعكريني
ومامهم
هي مقلبيني
بس مهم شوفت عيونك وابقي اي حاجه قريبه منك
تبقي حيطه ابقي طوبه
تبقي روسيا ابقي كوبا
تبقي جمباظ ابقي هوبا
تبقي غنمايه ابقي لوبه
تبقي فاطمه ابقي زوبه
ابقي راس هي تبقي قوبه
الميني
وعوريني
وبشتنيني
وزهجيني
ومامهم
هي عوريني
بس مهم شوفت عيونك وابقي اي حاجه قريبه منك
تبقي سكر ابقي ضبان
تبقي بوليس ابقي بمبان
تبقي كبده ابقي مصران
تبقي شيته ابقي طرزان
ابقي حفله وتبقي سكران
فرتقيني
وجهجهيني
وبهدليني
ومامهم
هي فرتقيني
بس مهم شوفت عيونك وابقي اي حاجه قريبه منك
قالو زعلانه واظنك
قالو قرفانه واظنك
ماكي عارفه سؤالي عنك
يااااااااااااا اللزيزه الكلكي جنك
عايز اكون انا ابقي منك اي حاجه قريبه منك
اي حاجه قريبه منك
اي حاجه قريبه منك
اي حاجه قريبه منك
clown clown clown clown
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 10:27 pm



اجمل قصيدة...

لو زهجانه واظنك
ما عرفتي سؤالي عنك
يا اللزيزه الكلكي جنك
عايز اكون انا ابقي منك
اي حاجه قريبه منك
تبقي طربيزه ابقي كرسي
تبقي راكب ابقي تكسي
بيكي اسافر لام دقرسي
وتبقي حافله ابقي بوكسي
وياسلام لو ابقي ببسي
تشربيني
تقرطعيني
تدفقيني
وما مهم
هي قرطعيني
بس مهم شوفت عيونك ابقي اي حاجة قريبه منك
تبقي وردي ابقي ترباس
تبقي سانتو ابقي كدباس
تبقي بنكي ابقي حراس
تبقي برعي ابقي عباس
تبقي اوبرا ابقي ترباس
ابقي غرقان تبقي رفاس
رفسيني
وفتشيني
وغرقيني
وفنجطيني
وماهم
هي رفسيني
بس مهم شوفت عيونك وابقي اي حاجه قريبه منك
تبقي فالق ابقي مفلوق
تبقي كسره ابقي طايوق
تبقي منفوخ ابقي مطفوق
تبقي ويكه ابقي لايوق
تبقي شناق ابقي مشنوق
تبقي حراق ابقي محروق
وياسلام لو تبقي خازوق
مقلبيني
وزهجيني
وعكريني
ومامهم
هي مقلبيني
بس مهم شوفت عيونك وابقي اي حاجه قريبه منك
تبقي حيطه ابقي طوبه
تبقي روسيا ابقي كوبا
تبقي جمباظ ابقي هوبا
تبقي غنمايه ابقي لوبه
تبقي فاطمه ابقي زوبه
ابقي راس هي تبقي قوبه
الميني
وعوريني
وبشتنيني
وزهجيني
ومامهم
هي عوريني
بس مهم شوفت عيونك وابقي اي حاجه قريبه منك
تبقي سكر ابقي ضبان
تبقي بوليس ابقي بمبان
تبقي كبده ابقي مصران
تبقي شيته ابقي طرزان
ابقي حفله وتبقي سكران
فرتقيني
وجهجهيني
وبهدليني
ومامهم
هي فرتقيني
بس مهم شوفت عيونك وابقي اي حاجه قريبه منك
قالو زعلانه واظنك
قالو قرفانه واظنك
ماكي عارفه سؤالي عنك
يااااااااااااا اللزيزه الكلكي جنك
عايز اكون انا ابقي منك اي حاجه قريبه منك
اي حاجه قريبه منك
اي حاجه قريبه منك
اي حاجه قريبه منك

:afro: :afro: :afro:
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 10:28 pm


آاااه على قلبي
وعلى أملا حملته دهور
قطعت بحور
سواد الليل علي ليلين
صبرت كتير
و يادي النور

يا قطعة البلور
ويا رنة الطنبور
ويا سكر بنات الحور
ويا قصبة جروف أهلي
و يا رنة الطنبور
عليك اسم الله يا حاني
علي ما تجور

شفتك يوم عجبتيني
و قلت أقول
أنا الفي أولى داير أخطب؟؟
دا ما معقول
بقيت ساكت

فرحان بيك
أحدث زول و أدس من زول
و ماااا حبا أصيل و عريق
لف و دار عليهو الحول
لكن صحيح
الدنيا ما بتصفى و تروق لي زول

كربتو المعاك.. محلول
أتقدم و أتراجع و أتردد
لاااامن حصل محصول
إتمحن.. وقف
سكر مدلول
و قلبو المجرح بالملح مسلول

يا اللينة
يا شتلة فريع البان
ويا أملا بنيتو عليك..
وعشت زمان
أفكر فيهو لامن بان

بقيت للحسرة و الأهات
يا درة دامر المجذوب
ويا زينة الطالبات
و يا أمل السنين الفات
و يا طفلي الرضيع المات
إتحسرت و إتبهدلت ما خليت
ودمع نزل
وقت قات لي.. أووووه

cat cat cat
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 10:30 pm


طوعني الدكتور عشا البايتات
وعاد خطبوك لي زولا عريض و كبير
وعجنو كتير
و لابس ليهو نضارات
عربتو تسوي حي وا ليل
و حافظ الدنيا في راسو
وحاكي أشنابو نصطربات
دا عاد شغال و باني البيت
رضيتي بيهو طوالي
و ما قتيلو
Ooooh Too late
بعد الحصل
قالت لي يا مولانا
أدعو لينا معاك
يجازيك الله يا فلانة
زماني و فات
و دايراني
أجيب إبريقي و أتوضأ ؟؟
و أفرش الفروة و أتمكن
و أصنقر ليك للدعوات ؟؟
و تقول لي أدعو لينا معاك ؟؟
زمان ما كنت بدعو ليك
و أفكر فيك
لكن الليلة بدعو عليك
بركة البغدادي و الجابر
و كيتا فيك يا فلانة
أبوك لا يرضى لا يخاطر
ومما تجيبي سيرة الخطبة في خشمك
يعاين ليك يحمر فيك
و يجيب كرباجو و يتكرب
يمسكك من طريف التوب
طرفو طوييييييل ما بيمسك العرقوب
و أمك عاد تقول حي ووب
و تتعارض
تجمل باللي يا أبو فلان
و يقول ليها يا فلانة
كان عارضتي طلقانة
تقول لا لا
خليتك
براك زعلان
و تقعد تك
و يجرك كر على الديوان
و تصرخي جااااك بلا خجلة
التقول شيطان
لامن يسمعوا الجيران
ينطوا الحيط و يدقوا الباب
و يتطانش تقول طرشان
يكسروا الباب و يدخلوا عليه
و يقول ليهم حلفت يمين
اليصلني قريب هدي السكين
يزحوا بعيييييد
يختوا الخمسة في الإتنين
و تسمع جيت و تسمع واي
و يابا كفاي عليك الله
و تسمع جو و تسمع حي
و حي حي حي.. و حي حي ووب
و تسمع جيت و تسمع واي
و يابا كفاي
و تسمع جو و تسمع حي
و حي حي ووب
و تسمع جيت و تسمع واي
و تسمع جيت و تسمع حي
و تسمع جيت و تسمع جو
دميعاتك يصبن جو
و أمك برة تنبح هو
و وقت ينقطع صوتك و تفتري تب
يشد الباب يقفلك رب
إن لفيتي
مركوبو يقوم فيك كب
و يكنكش فيك و يمسكك طب
و يكفتك تاااااخ
و يخنقك خنقة بت الكلب
jocolor jocolor jocolor
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 10:35 pm


دا البمبر قال مصدع من قعاد طول النهار
و فردتو المفراكة تبكي وتشكي من طول الدوار
و الملاح حارقاهو شطة صاري قال ما عاوز هزار
والرغيف فقران وناشف من صف النتظار
و جكسويتي قالت انا ما بغازلها ركبت وش حمار
عاوزاني تحت البلوكنة ليل ونهار
على بالها روميو قالت سيد الرجال
ابيت زعلت تاني ركبت وش حمار
فكيتها الزيها راقدين كتار

alien alien alien
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 10:36 pm



تقولي لي جفيتك
تقولي لي عفصتك
بعفصك وبعفص حنانك
دبايب وعقارب تداعب بنانك
بتسال عن حالك
وكيفن هو حالك
سالت تمرجي البطاطس ببعادي
تجاهل وقبل لغادي
بحبك لمن بغادي
وبعاتبك بلغة سواقين التكاسي
حبيب مال انا ليش هذا عذاب
حبيب انت في كذاب
انت قول في حب واجد بعدين سوي غير نمونا
انت كنسل حب مالي
انت خرب كل حالي
شنو؟؟؟؟؟
ما عاجبك
ياخيييي ديشك
وديش الحب الخلاني سجينك
وديش الشوق البربط بيني وبينك
queen queen queen
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الجمعة 15 أبريل 2011, 10:38 pm



عواسة في بلاد الغربة
ارجوك يا اماه يا محبوبتي....
لا تهبشيها عصيدتي....
مدي الي بمقبض المفراك...
و حبيبة من ويكة مدقوقة ...
في الفندك...
ارجوك يا اماه يامحبوبتي...
ان مرة جاءؤا اليك وخبروك ....
بأنني...انا حامل للحلة..
لا تجزعي...لا تجزعي...
بل زغردي....بل كبري...وتهللي....
ماذا اعوس هنا في غربتي...
غير العصيدة...وملاح الويكة...
فالبوش غالي والرغيف قليل...
اماه ان اخبرتك لا تحزني....
اني اعيش هنا في حالة من دبرسة...
عارفاني اني لا اطيق التربسة ..
اني اميل الي حياة الفرفشة والدردشة...
او تذكرين عزيزتي اني ....
احب الركلسة...
اقضي حياتي متكلا اتونس...
اليوم افرك ويكتي وعصيدتي...
في حلتي...
واذا الغبار احل يوما ضيفنا ..
فلغرفتي سأنضف..وأكنس...
عفوا انا ما كنت يوما ...
ربة للمنزل ...
لكننا في ابحراز سنفعل...
سنعوس رغم المستحيل ....
وسنأكل العدس المدنكل ..
بعد ان تمسي الوكائك ..
في الفطور مسيخة...
وندكه في الصحن بوشا...
بعد ان يضحي الرغيف قليل...
اماه كم اشتاق...
بل متشوق...لطبيخك...
فهنا مللنا اكلنا للويكة ..
انّا اذا غيرنا اكلنا للاحسن...
لاتحسبيها للافضل..
فعصيدة منها اليها سكر..
ان كان يوم العيد فيه نحرنا...
سيكون فيه خروفنا...
عصيدة باللبن ...
اماه كم اشتاق كم للشاي...
شاي الصباح مدنكلا باللبن...
فهنا تعزز..واستفز ظروفنا..
في الغربة...
والكل يعلم حالنا بالفلس...
واذا استلمت الراية ...
من اشرف..او سامي...
او زاهر وعجوبة او غازي...
لا تجزعي لا تحزني...
انا هنا في جنة الفردوس...
انا سلكنا دربنا للزحف...
نحو شهادة ...
باكر اجيئك غانما...
ومحملا بشهادتي....
في علم صنع الويكة ...
اوشين ...علم عصائدي..
ومن ابحراز اجيئك ...
باكر انا بشهادتي..
اماه لا لاتحزني ...
لا تجزعي..
بل زغردي بل كبري و تهللي ....
هزي الي بمقبض المفراك...
باكر اجيئك غانما ومحملا بشهادتي ...
في علم صنع الويكة وزراعتي...
اماه لا لا تحزني لاتجزعي

monkey monkey monkey
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الإثنين 23 مايو 2011, 2:31 am



في الليل داك
وفي نفس المكان الكان
بفتفت فيه كل الهم
واسوق أفراح بدل أحزان
أجيبا معاي من الحبان
ودفتر لف من الدكان
واجيب بالباقي منو لبان
واصنقر في الأرض وانجم
ولما ألف بكون فرحان
بكون هيمان
بكون خرمان
أفت الحمرا في الورقة
وأكب من فوقا سر الجان
ولي صباعي الصغير أمدغ
وأطلّع للبذر بحنان
وامسك للوريقة الحلوة
وأبدا ألف بخور الجان
وبلساني المرطب ديمة
ألحسا بالعرض بأمان
وأبرم للطريف الفوق
واشمّها زي حريف إدمان
واختّها في الخشيم المر
سواد شلوفته زي قطران
وكبريتي الملهلبة نارا
أشعل عودا زي بركان
وامرّر للهب بشويش
سجارة الدوكو دايرة حنان
ولنفيس البداية أجر
وألحقو بالتني بجنان
ويتقل راسي زي صخرة
ويبرد حيلي زي تعبان
واحس برجولي زي مافي
وأهبش فيها زي مرضان
وأبدا في دور من السرحان
وواصل في السجارة شراب
واشوف حاجات عجيبة كمان
أشوف غنماية في فستان
ممكيجة في خشيما لبان
ومرة كمان أشوفلي بحر
وفيه حسان بكل ألوان
وضحكات صاخبة منداحة
والكل بي فرح طربان
وأوصل بالسجارة هناك
محل شوشاوتا وازدان
وازغرت بيها زي نسوان
واجرجر للرجول أوقف
واهبش في الارض حفيان
نعالي نسيته وين ختيته
من جيت للمكان خرمان
وأمسك دربي زي برجل
أدوّر في المشي السكران
وأوصل بيتنا دربه أمان
واشيل الجك وفوت للزير
ده ريقي نشف نشاف البان
واقرطع للجكيك كله
وبرضي كمان بكون عطشان
وأفتح للمواسير سيل
وكل دقيقة بمشي كمان
وفي الآخر سريري حنين
يشيلني نعاس ونوم غمران

very angery very angery very angery very angery
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الإثنين 23 مايو 2011, 2:36 am


شوق للنيل
وشجر نخيل
وشمساً باردة وراه تميل
وأرضاً طيبة وطينا وحيل
وشجر النيم الضله ضليل
وغصن البان فرحان بيميل
شوق لليل
وسمر الليل
وشلة ونسة مساهرة الليل
في ضو القمرة الكاشفة الليل
في الرملة الباردة الشاربة النيل
وفي نص الونسة الشاقة الليل
نسمع صوت غناوي الليل
ونتنفس نسايم الليل ..
شوق للناس
وطيبة الناس
الصافية قلوبا بدون وسواس
والعامرة قلوبا بالإحساس
والطاهرة قلوبا بحب الناس
والماخدة الطيبة وجوب وأساس

يا بلدي
تهنا هناك واتعذبنا في بُعدك
شربنا المر وعشنا الذل بعيد عنك
صبرنا كتير نفتش في وطن بَعدك
يكمل لينا من نقصا بدر منك
محال لكن نلاقي هدفنا غير عندك
أو صدراً يسعنا جميعنا غير صدرك
نلف نرجع نقول إنك..
عزيز وانحنا اتعذبنا في بُعدك

very angery very angery very angery very angery
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الإثنين 23 مايو 2011, 2:38 am



منو القال للسحاب إتلم
واهطل يا مطر ألوان
وأروي سهول غشاها عطش
واسقى غصون شجرة البان
شجرة البان دي أصل الخير
جزورا عميقة في الوديان
وكلها حب ولامة كمان
حواليها الزهور بحنان
حنان امي حنان مليان
وقلبها بالفرح رويان
شجرة البان دي ما امي
ومشتاق ليها يا انسان
والاشواق بسوقا سحاب
وتهطل بالدموع في البان
وأخواني الصغار ازهار
مشبعة بي نداها حنان
بجيك يا يمة اصبري لي
بجيك اشبِع قليبي امان

منو القال للشمس تطلع
تغازل بي خيوتا زهور
تمد النور عشان يوصل
يغطي سهول ويدفي بحور
شمس ما حارة حراقة
شمس دفاية مشتاقة
وحبها للجميع مجهور
شمس بالخير تنادييلنا
ووصفها بالجمال زي حور
وحور من جنة ضواية
بتلمع في ضلام مسحور
شمس تبعد ضلام الليل
وتنصر كل حزين مجبور

منو القال للدموع تنزل
تبل وجه الفرح احزان
وتعصر في القليب اهات
بتطلع حارة من وجدان
ما دموع الفرح حلوة
وطعمها بالسعادة أمان
واما طعم دموع الحزن
مرة ومالحة من الكان
لكن في النهاية دموع
وكلها للقلب سيان
with
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الإثنين 23 مايو 2011, 2:41 am


الخير في الطير البلعو الريح
الطار في الليل من غير ترويح

كايس لي وطنا كونه فسيح
لي موية وخضرة ونسمة ريح
لي شعبا طيب وقلبه جريح
مجروح في مشاعره ودمه يسيح
ماتت احلامه وحظه الراح
معفوصة بجزم اقداره ارواح
والارض الكانت ليه براح
اندفنت بي دم الأشباح
والكل أصبح املاك سفاح
حكم الأرض الكانتلو براح
والطير فارق احلامه وراح
واصبح في عالم مجهول لاح

الطير اتلفّت وين يبدا
والوطن الراح بوراو عدى
وصوت الخوف للصدى رد
................................
الطير اتذكر زمنو الراح
اتذكر اهله وحبه الفاح
اتذكر شلة ونسة فصاح
لمة حبان وبحور افراح
واتذكر امه مع الفجرية
اتوضت صلت ركعة هدية
وجاتو تصحيه بكل حنية
يا طير قوم اتوضا وصلي
واكسب خيرها دي دنيا رثية
وفجاءة اتذكر بطش الظالم
جاهم في ليل منحوس غايم
ضبح اولاد بلده حمايم
وقرض الطاير منو وحايم
وفتّح لعيونه واتلفّت
واوجاعه المرة عليو حفّت
وعيونه عليها دموع جفّت
وانوار الحلم وراو خفّت
وعاودله ضلام الليل وانينه ..

والطير الواجه وش الريح
هلكان وبعافر وجوعه يصيح
...............................
قبّل من دربه قراره صريح
يرجع للغربة بدون ترويح
ودموعه الحارة بدت تنزل
تغسل من قلبه هموم وتريح
وافكار الطير راحت لبعيد
لي وطنا ينزل فيه نزيح
والطير في طريقه لقالو ضريح
والناس حوالينه وكله بصيح
ومعاهم شيخ واقع تسبيح
والطير قرّب عاوز يندل
للصورة الواضحة الليو تكمل
والكل مشغول عنو ومُهمِل
والطير بعيون الدهشة وصل
في الارض إنهار وقليبو وقع
من شاف الجوة ضريحه نزل
الشعب الصابر الموته حصل
واتذكر ارضه وكله أمل ..

الطير لملم أحزانه وطار
والجو حولينه غيوم وامطار
..............................
والرعد الصاخب الضارب الغيم
اتذكر بيو غضب الجبار
الزار الارض الواسعة نضار
دمر اشجارها وسابها دمار
والطير مسكين هلكو المشوار
خارت قواه من الاسفار
غمض لعيونه وغاص في ظلام
يائس في ليله بدون احلام
والريح اتولت امر الطير
كانتلو وسادة خير وسلام
هبطت بيو في أرضاً واسعة
مفرودة سهول وحدودها ضلام
والطير النايم وحلمه جميل
راقد في غيم ابيض نسّام
وأمه الطيبة الحلوة عيونا
بانتلو في توب ابيض قسام
قالتلو يا طير فتّح عينيك
ده دربك ويل ومخاطره جسام
وفجاءة الغيم أصبح نيران
وحرقت جوف طيرنا الحيران
وانتفض الطير من هول احلامه
وفتح لعيونه وكان في أمان

الطير فتّح لعيونه وقام
والدنيا صباح ونسيم وغمام
.............................
بحلق حولينه وكله ذهول
من حسن المنظر كان بسام
والخضرة عجيبة امامه سهول
وزهور الفل زادتا انسام
وجداول موية خريرا عجيب
مناسبة موسيقى من الأنغام
والطير إحتار من المنظر
معقولة يكون لسة بيحلم !!؟؟
أو إمكن مات في الرحلة الشوم
وفتّح لعينيه في جنة سِلِم
والطير إتلفّت حوله وحام
إمكن يلقالو دليل ينضم
والجنة دي واسعة وخيرها وفير
بس خاوية كمان من زول بنضم
والطير منحوس ..
في الجنة يكوس ..!!
كايس لي شر حظه المنحوس
الجنة يا طير جوها الأشرار
قلبوها دمار والدنيا عبوس
شتتو سكانا واطفالا
برجول الشر الكل مديوس
والفاضل من الجنة يا طير
سموه الكل ( وادي المنحوس )
أطلع يا طير من وادي الشر
وامسك لطريقك وللخير كوس
lol! quite
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الإثنين 23 مايو 2011, 2:43 am


شوق للنيل
وشجر نخيل
وشمساً باردة وراه تميل
وأرضاً طيبة وطينا وحيل
وشجر النيم الضله ضليل
وغصن البان فرحان بيميل
شوق لليل
وسمر الليل
وشلة ونسة مساهرة الليل
في ضو القمرة الكاشفة الليل
في الرملة الباردة الشاربة النيل
وفي نص الونسة الشاقة الليل
نسمع صوت غناوي الليل
ونتنفس نسايم الليل ..
شوق للناس
وطيبة الناس
الصافية قلوبا بدون وسواس
والعامرة قلوبا بالإحساس
والطاهرة قلوبا بحب الناس
والماخدة الطيبة وجوب وأساس

يا بلدي
تهنا هناك واتعذبنا في بُعدك
شربنا المر وعشنا الذل بعيد عنك
صبرنا كتير نفتش في وطن بَعدك
يكمل لينا من نقصا بدر منك
محال لكن نلاقي هدفنا غير عندك
أو صدراً يسعنا جميعنا غير صدرك
نلف نرجع نقول إنك..
عزيز وانحنا اتعذبنا في بُعدك
Basketball Basketball Basketball
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الإثنين 23 مايو 2011, 2:44 am



ضلافينك جميلة وكت
تعفصي طين قليبي حنان
وتقدلي زي سخل منداح
بسابق في ضنيبو الكان
بهش ضبان ثقيل متلم
ويرقص لما تمشي كمان
عيونك سر جمالا قضا
ملايس خافي حوصاً بان
حلات اضنينك النازلات
وواصلة حليقك الضهبان
وصوتك ميييع بهرني كمان
بيسحر كل تيوس الضان
geek geek geek
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الإثنين 23 مايو 2011, 2:46 am


يا زول تعال شوف الخشيم
ممطوط تقول جاريه سيل
ولة الكضوم منفوخة كيف
منفوشة زي طشت الغسيل
وده كلو كوم ولة الكرش
تحلف تقول بالعالا فيل
وعيونا داقشات الغزال
كافتات شمال من غير دليل
والصوت كمان ما شفتو كيف
صوتاً خمير زي العويل
ووبّاً علي من شفتا
صاج العواسة اخير عديل
ولة الحبوب الفي الوشيش
طربيزة عِن حدّاد بخيل
ايديها واصلات الارض
ممدودة زي حبل الغسيل

ولة الخشيم الما خشيم
ده كبير وشين وش قندران
والنخرة ممطوطة التقول
خور في الخريف سايل كمان
ورجولا سكاكات عديل
لا لحمة فيها تقول أضان
والراس مدوقس فولة بس
فاضي ومحفر وقمله بان
bom bom bom
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الإثنين 23 مايو 2011, 3:02 am


قصيدة بعنوان ليه طلقت الولية

شكيتي وبكيتي وقلتي عاوزة موبايل
مشيت وجريت وجبت ليك ستاير
ستاير ومرايل ودواير على قافية موبايل
اوع يا ولية اسمع منك قوايل
حردتي واعترضتي وقلتي ابوكي شيخ قبايل
طيب طالق بالتلاتة ولو في رابعة انا كنت قايل
بس ما عاوزين نعقد المسائل
شوفي احسن الموبايل ولا الستاير
study flower geek
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الإثنين 23 مايو 2011, 3:04 am

يا دنيا ليه دايما كده
كل الظروف متمردة
حظ الشقي الما خلّا باب
في الدنيا لافي مُحّددة
لا طال حلم لا طال نصيب
بقراية كوم متعددة

يا دنيا ليه دايما جري
ما تقيفي مرة واصبري
مستعجلة ولاحقة الشنو
ما كوم حصادك مُهتري
والفايدة مبلوعة في كروش
تاجر ضلال أو مفتري

يا دنيا ليه دايما عذاب
أسفار بعيدة واغتراب
كان فيها ايه لو خير بلد
بالعدل مقسوم بالحساب
ما الخير كتير ما بدور سفر
وضياع عمر محسوب سراب

يا دنيا ليه دايما حزن
دايما دموع وقلوب تئن
وسواد كثيف دخان ألم
نابع من القلب السِخِن
وغراب كلام بوم الفقر
ساكن معشعش في البدن

يا دنيا ليه دايما ضلام
وغيوم مكدسة ليلا دام
وسكون عجيب مبتور لسان
محروم بيهمس بالكلام
وعيون مقدقدة بالسهر
عميانة تسبح في الظلام

يا دنيا ليه ما فيك أمان
والظلم آمر في الزمان
والخوف دخل نخر العضم
والسوس ده هو الندل الجبان
والروح مُعّذبة بالسكوت
سِكّين عذاب وسياط هوان

يا دنيا ليه دايما كلام
affraid affraid affraid
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الإثنين 23 مايو 2011, 3:06 am


اتململت في القعدة
واتشهدت مليون مرّة
بخاف المحنة والزرة
لساني خفيف وقلبي رهيف
واكان قالت صباح الخير اقّرب اقيف
براي يوم داك رميت نفسي
طردت الخوف ده من قلبي
سألت السمحة مخطوبة ؟؟
قالت لي : لا ..لكن لييه ؟؟
سمعت قولة لييه تقول بندق
وقلبي الماسكو بين يدي قنّب يدق
ريقي نشف وحلقي يطق
شعرت القول تقول في حُق
واتململت في القعدة
بدور امرق
كان تاني سألتني لييه؟؟
كلامي راسو طار منو
واتقفل عقلي واتدبس
اتاري الخوف ده ما بندس
قريت الحمدو عشرين مرة
حتي قدرت اتنفس
اخوها قال ليها : ساكت بس !!
وعاد السمحة قالت كعبة
وانا السجمان رقم سبعة
الحر ..حسيت بالبرد
تقول قرفان مرق في البر
حاولت اقول باي باي
لقيت خشمي بي كماشة ما بنفك
Twisted Evil Twisted Evil Twisted Evil
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الإثنين 23 مايو 2011, 3:08 am


غزل خواجات

انت مهما جريت ومهما قسيت
حبك برضه لذيذ sweet

ليه يا قاسي ستة شهور
Since I saw you وامكن more
ماشي وجاي حزين مأسور
بين الـ window وبين ال door

ليه تظلمني وتنسي هواي
وأنا بحبك زي my eye
وصولك كيف ومكانك high
تعال أدركني before I die

ليه يا قاسي كفاي تعذيب
في ذكراك I can't sleep
داخل قلبي جروحك deep
تعال أدركني before I weep

بحلم بيك أنا day and night
أنا والنوم دوام فيfight
ماعرفت شمالي من my right
هل الكلام دم منك right !
winner winner winner
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الإثنين 23 مايو 2011, 3:10 am


غزل خواجات

مجادعـة خـواجـات
.........................



أيا ذا القلب لا تحزن فذاك الحب
Infection

فلن تجدي عقاقيرا ولن يشفيك
Injection

فكم من عاقل فطن مضى بالحب
Direction

ستنكره وتنساه ولن يبقى له
Mention

فلا تكتب له شعراً ولا تكتب له
Section

ولا يحزنك من باعك فقد أخطأت
Selection

ولا تبدي له أسفاً ولا تبدي له
action

فإن الحب منزلةٌ لبعض الناس
exception

وبعض الناس إن هجروا فلا حزنٌ ولا
tension

وبعض الناس إن هجروا يظل ويبقى
* **connection*

فوصل الروح له مفعول وما أحلاه
*reaction*

*بدعوة في جوف ليل لها تأثير
و** affection*

*فان لم يبق لي شيء فلا حب
و لا **affection

فلا أسف على دنيا لك اليوم وغدا عليك
*conversion
مصطفى نورالاسلام
santa santa santa
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الإثنين 23 مايو 2011, 3:13 am



البنت عرسوها لرجل كبير في السن فكتب الآتي :
ياعمو لا
البت بكت البت شكت قالت ابيت
الأم حلفت تحججه وغشيت ابوها اديتو بيت
بيتك انيق عربية بيجو ومرسديس
قايل العرس حزمة قروش
قايل الفساتين والتياب
قايل الزخارف والنقوش
كل السعادة في الزواج الريدة بس
والباقي في حكم الرتوش
ياعمو لا .. ياعمو لا .. ياعمو لا
ياعمو بتك قدره وامكن تكون اصغر من عمره
ياعمو بعد الشيب تعب ناس الرطوبة في العضام والسكري العشرين صليب
ياعمو كملت السمك داير كمان تشرب حليب
ياعمو لا..
بالله حتقول شنو لمن تجيك وتكلمها
حتقول اقة اللحم السمين بقت بقرش!!!
والويكة مفروشة فروشة في السودان بالبرش!!!
عقلك يعود للماضي تمنين سنة يخرب مشاعر خدره دوب يشقي البنية ويالمها
وخليك كمان يادون جوان عمر الشريف خليك ظريف
جايز تعيش معاك زي راهبة في دير وجايز تخونك ياعوير
ياعمو داير تبقى جوز امشي الحديقة بتلقى حاجة بتشبهك قدامه موز
شمبانزي لاكن ما عجوز بتعجبني ليك وبندورا ليك
ياعمو داير تهج احسن تحج
كتر صلاتك والصيام ومن سجودك والقيام
واعرف تمام عرس الصقر من الحمام اكبر حرام ؟؟؟؟؟؟؟؟؟؟؟؟؟؟؟؟؟؟

rendeer rendeer rendeer
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الأربعاء 21 سبتمبر 2011, 5:29 pm



Cooleb10 انتي زعلانه؟؟؟؟؟

انتي زعلانه
واظنك ماكي عارفه سؤالي عنك
يالزيزة الكلك يجنك
عايز اكون انا ابقي منك
اي حاجه قريبه منك
كان أبوكي كان أخوكي
ابقي امك ابقي واحد من ضيوفكم
ابقي عمك
بس اكون انا ابقي منك
اي حاجه قريبه منك


تبقي ناظرة ابقي استاذ
تبقي شكلة ابقي حجاز
تبقى صورة ابقي برواز
تبقي بقره ابقى امباز
ويييياسلام لو تبقي بتجاز
تحرقيني, ومامهم لو تحرقيني
المهم شوفت عيونك
وابقي منك اي حاجه قريبه منك


تبقي استاذ ابقى الفه
تبقي شباك ابقي ضلفه
تبقي عيان ابقى سلفه
تبلعيها وتبلعيني وما مهم لو تبلعيني
, المهم شوفت عيونك
وابقي منك اي حاجه قريبه منك


واحده من انغام جميله تردديها
او مجله بتقري فييها
او حفيره لما تكنسي تدفنيها
وتدفنيني ومامهم لو تدفنيني
المهم شوفت عيونك
وابقي منك اي حاجه قريبه منك


ذرة من ذرات غباركم
درجه واحدة من حراره نص نهاركم
قشة من قشات خداركم
,تمعطيها وتمعطيني وما مهم لو تمعطيني
بس المهم شوفت عيونك
وابقي منك اي حاجه قريبه منك

ماكي زعلانه
و اظنك يادوووووب عرفتي سؤالى عنك
يالزيزة الكلك جنك
عايز اكون انا ابقي منك
اي حاجه قريبه منك

goldy22
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الأربعاء 21 سبتمبر 2011, 5:31 pm


شنا شديده

يا زول تعال شوف الخشيم
ممطوط تقول جاريه سيل
ولة الكضوم منفوخة كيف
منفوشة زي طشت الغسيل
وده كلو كوم ولة الكرش
تحلف تقول بالعالا فيل
وعيونا داقشات الغزال
كافتات شمال من غير دليل
والصوت كمان ما شفتو كيف
صوتاً خمير زي العويل
ووبّاً علي من شفتا
صاج العواسة اخير عديل
ولة الحبوب الفي الوشيش
طربيزة عِن حدّاد بخيل
ايديها واصلات الارض
ممدودة زي حبل الغسيل

ولة الخشيم الما خشيم
ده كبير وشين وش قندران
والنخرة ممطوطة التقول
خور في الخريف سايل كمان
ورجولا سكاكات عديل
لا لحمة فيها تقول أضان
والراس مدوقس فولة بس
فاضي ومحفر وقمله بان

Being_Funny
الرجوع الى أعلى الصفحة اذهب الى الأسفل
dr.babikir
 
 
avatar

الموقع : السودان
عدد المساهمات : 780
تاريخ التسجيل : 13/02/2010

مُساهمةموضوع: رد: الشعر الحلمنتيشي   الأربعاء 21 سبتمبر 2011, 11:08 pm

الاخيرة دي مهداة الي يا الخال وانتو تشيلكم الكراكة

وارجع واصل وما تقيف الله يخليك
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الإثنين 24 أكتوبر 2011, 11:41 am



بص البنات

الليلة شوف باص النات

عجلاتو كيف متحننات

الكي قبل والكيس حرن

يمشن تقول متوحلات

لمباتو خلقه مكحلاتمن غير دلال

كنباتو من داخل عدااااااااال

شايلات بلومات الكلالي

الحبهم في عروقنا سال

بتزينو من أزكى العطور

عادمو الكبير بطلق بخور

سواقو ديمة صباحو نور

ومساهو نور

ورفارفو من قدام خفاف

مضروبة بي أحمر شفاه

وأنا بس بخاف

وخوفي الشديد لايدك خفاف

دايرين وصولك بالسلامة

وتجينا يا برج الحمام

ونتلمه في الكافتيريا كووووم

ويتلاقو أحباباً قدام

ونعمل تمام

الكل حضور مافيش غياب

كل التياب اتجمعوا

تسمع ضحك تسمع سلام

وتحت التحت تسمع كلام

آآآآه يا حريم نوعكم عجيب

مرات كلامكم لينا طيب

لي روحنا انتو بترفعوا

مرات علينا تزرزروا وتتأندلوا وتتدلعوا

ولمن تحين ساعة الدفع

نحلف يمين ما تدفعوا

ونفضل نجيب الشاي وباللبن الحليب

وكمان نجيب وكمان نجيب

ليمون ملخبط في القريت وتبلعوا

وتقدو جيبنا ونرقعو

وتقولوا ديرين ترجعوا

من نوعنا خالص تقنعوا

تاخدونا طرحة بدون ايجار

تاخدونا وينفك الحصار

وتروحو غير ما تودعو

راكبين علي باص البنات

خطراتو باقة حلا وحمار

يا ناس خلاص أنا قلبي فار

نطرح بلاش من دون ايجار

و جوفنا من باص البنات

جوه الخشم فتحت غبار

نطرح بلاش لستكنا طار

نتعب نلقطا في الظلام

تلقوها ميتات بالنهار يا ناس نزار

تلقوها ميتات بالنهار يا ناس نزار
ذذذذذذذ
الرجوع الى أعلى الصفحة اذهب الى الأسفل
رمضان عثمان
 
 
avatar

الموقع : الخرطوم
عدد المساهمات : 743
تاريخ التسجيل : 11/04/2011
العمر : 40

مُساهمةموضوع: رد: الشعر الحلمنتيشي   الإثنين 24 أكتوبر 2011, 1:32 pm



بت هندسه

انا راسى جاط ما بين هواك والدبرسه

الفت عشرين الف بيت سبعين قصيده مؤسسه

شان مره الفت انتباهه ومره اقدر احسسه

يا حلوه يا بت هندسه

يا حلوه يا زينة البنات يا نجمه الليل و المسه

انا رقم اشكال الشتات حاضن عواطفيك وحارسه

انا فى هواكى بقيت فتات ودخلت عشرين مدرسه

جنيت مع كليمات هواك بى قلبى قاعد اتنفسه

يا حلوه يا بت هندسه

كان شفتى يا بت هندسه........

خطواتى دايماً بالغلط وامورى ديما معكسه

يوم داك مساهر فى الهدوم وكويتا جت شاهن البسه

لقيته الصباح حقات اخوى وهدومى قاعده مكرفسه

كان للهدوم ما مشكله بشوف لى مصيبتا البسه

لكن هواك اعملو ايه دش دش عضامى وهرسه

داير لى فرصه اكون قريب طبله قليبيك افلسه

عشان تشوفى هواكى كيف بهدل عواطفى ودعفسه

كليماتى ليك اتبشتنت ما زى زمان متهندسه

حتى الشعر الكان زمان كلماتوا حلوه مملسه

هسى اتلخم بقى كيف كده مافيهو كلمه مهندسه

انتى السبب فى كل دا يا احلى اسباب الاسه

يا حلوه يا بت هندسه

انا ياخ بريدك اعمل ايه ورينى يا بت هندسه

امشى واكورك فى الظلط يا ناس بريد بت هندسه

كم مره قلت اقوم براى واقد معاها واحدثه

لكنى ما بقدر عديل مابقدر انضم اونسه

خليك من اشرح ليها حالى وحبى ليك والدبرسه

يا هنايه دا اقوليك كلام اصلو السكوت فيهو وسوسه

انا يا ملاك انا بعشقيك وما اظن بلاك ارجا المسه

دايريك تكونى لى حبيبه وابقى ليكى حبيب قسه

اكسيك هواى وتلبسينى نعيم هواك اجمل كسه

ويا ربى كل عاشق نبيل تديهو زى بت هندسه

وترعاها من عين الحسود ومن توب جمالك لبسه

ويا ربى تحفظا لى براى ويا ربى تحفظا تحرسه
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الأحد 06 نوفمبر 2011, 11:55 pm


طبع الخروف / كمال عبدالمحمود

***
مع الاعتذار للفنان صلاح بن البادية وشاعره
***
شوف يا خروف
في عيونا بنشيل الصبر
رغم الظروف
إنت بتجينا على الميعاد
تحرق فؤاد خرمان بعزك
وتسيبو لي قدر الظروف
وده أصلو طبعك يا خروف
لا راضي انت تغيرو
ولا نحن راضين بالثمن
قدامنا شوف
كم زول بكى
قدامنا شوف كم زول صبر
واليوم شكا
لا مرة يوم كان اشتكى
ولا قال خلاص ما داير يضحي عشان (ثمن)
اهو نحن عارفين الحصل
وبرضو بنقول عاوزين خروف
وبي روحنا ماشين للمحن
ده اصلو طبعك من زمن
شوف نحن عارفين تيس شقى
وعارفنو كان عايش سعيد
ما كان في زولا بضبحو
والليلة
لا راسو لا قرنو اتلقى
طول عمره كان مستنى ليلى الغانمية
وكان بيحلم بالجديد
والليلة صار هوَّ الضحية
وبرضه بيفكر يريد
وكلو منك يا خروف
شوف يا خروف
أنا ما بقول يا جيبي اقسى وخلي للسوق الدرب
لكن كمان ما تكون عنيد
وتعلي سعرك للسما
ما يشتريك غير مغترب
معقولة بس؟ مليون عديييل؟؟
الزول كمان يعصر وراك دم القلب؟؟
ساكت نضيع وتروح قروشنا
وإنت بتضيع في الضبح
وتفنى في نص الدرب
وشربوتنا داك ح يروح هدر
وفولنا العزيز بنشيلو عز
***
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الأربعاء 23 نوفمبر 2011, 3:49 am










الـفار فرفر في الفـروة



شابكنا يومـاتي فـتاوي!
كم أرنـب جوه الطاقيـة
مستني منـديل الحـاوي!
الحاجـة اليـوم تتحـرم
وينكتلو علـشانا شـباب!
تتحلل في اليـوم التانـي
ويـقولو لي ناسا حـباب!
الجـن من جنـو اتجنـن
واتعـوذ مـن الـجايات!
@@@
والهـون رفـع التلفـون
في لحظة ضرب البليـون!
والهـم واقــف طابـور
من تصبح ما نلقى فـطور!
الفــات فات لف اللـفات
فـي جـيبو الكـنجالات!
من مافـي ركب العربات
جالوصو أصبح صرايات!
والفـلة وقعت في البـير
محروسة بي كم خـنزير!
لا محاسب لا كشف حساب
لا ذمــة لا اقــرارات!
@@@
الحالـة بس زي الطـين
في جيبـنا مافيش مليـن!
وأي سـعر أصبح سعران
ما بـنقدر ندخـل دكـان!
والسـوق أصبح مطلـوق
وأي قرش أصبح ممحوق!
يا حلـيلو زمن الضـيفان
ما بنقـدر نعـزم إنسـان
على فطـرة بمـوية فول
لا جبـنة فيـها لا زيـت
لا سلـطـة لا طعمـيات!
@@@
بترولنا بى نسمـع بيهو
بس منو ما ضقنا ثمـار!
العـائد أكـبر مجـهول
وتوزيعو ســر الأسرار!
أفتــونا يا مـدنيـيـن
ورونا يا نـاس الـجيش
لى جدادنا ما نلقى العيش!
لى غنمنا مافـيش برسيم
لو جعـنا بس ناكل نيـم!
كم ليلـة القـوى بتناهو
واصبحـنا زي الحطبات!
@@@
ورسوم راجياك بيـجاي
وجباية حارساك بيهـناك!
على راسك تدفع دقنـية
النبكة مقسـومة مـعاك!
وضرائب حولك تتـحاوم
لو تجري تلـقـاها وراك!
التـور ذاتـو يحلبــوه
الأرحم عهــد الاتـراك!
باى باى سوولا رسـوم
تحصيلا بدون إيصـالات!
@@@
الكـان مستـور الحــال
الليلـة مقـطوع الـراس!
وابليـسنا سارح بي غنمو
وغـنمو سارحات بالناس!
الفاطـي سطـرين وتلاتة
الفاطـي كـل الكــراس!
لا يحلـو الشيخ الجعلـي
لا تحـلو سيطان كـدباس!
@@@
عمّي على ضاق بيهو الحال
ساب مرتـو خلالا البـيت!
عمّي على باظت أعصـابو
وأخلاقو قطعـت كم خيت!
عمّـي على أصبـح نقناق
ومين يسمع في بلاد الواق!
عمّي على ضاق خيرا زمان
والليلـة ما شايف حاجـة!
بتـمنـى الماضـي يعـود
ويحكمنا من تاني خواجـة!
لا وطنــي نافـع لا امـة
لا حـركة لا مـؤتمـرات!
@@@
الشافـع بس الله معــاهو
الشافـع ما لاقـي اللـقمة
الشافـع ما لاقـي دواهـو!
الشافـع أصبـح بكــاي
الشافـع أصبح ضــبلان!
كرشوه من جوه الاوضـة
طـردوه مـن الديــوان!
حرمـوه مـن أي حـلاوة
حرموه من باقـي الشـاي!
في العيد ما يشوف عـيدية
بي عينو ما يشوف لعـبات!
@@@
الطالـب طالـب مـن الله
كيف يصـبح من الشطار؟!
كل همو بقى بس في بطنو
كيف يقطع كـمين مشوار!
الجامعة يا حليل الجامعـة
لا صـفرة لا داخلــيات!
الجـامعة يا حليل الجامعة
لا مـعامـل لا مختـبرات!
@@@
الكهـربا بتسـل الـروح
بتـقطـع من دون انـذار!
الموية تقطـع على كـيفا
وتنشـف حلـق الأزيـار!
الأزمـة من دون تفـسير
ما النـيل هو أبو الأنهـار!
لو أصلو معـدوم الفائـدة
لو مويتو صبحت سجمانة
بيعـوه لشعوب عطـشانة
عبـوه فـي جـركـانات!
@@@
تلـفازنا بـوظ أعـصابنا
النـشـرة زي حفلة ظار!
بيجاي واحـدين بيكوركو
بيـهناك بـيدقو الـطار!
النشـرة مجروس متحرك
والعـسكر يلعـب بالنـار!
وعكـليتة يقـدم برنامج
طـفشـنا من السـهرات!
@@@
فنـانا أصـبح هـنـاق
بيغنى غـنا ما مفهـوم!
بـيعكر جـو أمدرمـان
بيـفور دم الخـرطـوم!
النجم الأوحد في سـمانا
مـداح بيـغـني الـراب!
يتلولح زي شافع الروضة
يطوطح من دون أسـباب!
حنينا لي حقيـبة الجـن
حنينا لي الـحكـامـات!!
@@@
الكورة صبـحت دافوري
اللاعب أصـبح كحيـان!
يا دوب قـادر يتحــرك
كيف يعني حيجيب اقوان!
ومعلـق باظت اعصـابو
ومشجع مـسكين غلبـان!
وبـلاد ما تسوى الحـبة
تغلبنا جـوه الـسـودان!
البلعــب دون ميزانيـة
ايه يجني غير الخيـبات!
@@@
القـومي في امـم افريقيا
لا ريحـة لا طـعم لا لون !
فـي تلاتة غلـبونا تـلاتة
ما طلعـنا ولا مـرة درون!
ما تزعـل أبـداً يا فـردة
لو تيـمنا واقف كـراكون!
ما عـزانا الاوحد يا سادة
في نفسـنا جبناهو القون!
@@@
للهجرة الـباب مفــتوح
الرايـح انـشالله يـروح!
الهاجر من ضـيق الحـال
الهاجر من ضيق الـروح!
الهاجر من فصل جماعـي
بالجملـة أو بالقطاعـي!
كم جـيل بـدل جــيناتو
كم جـيل اتناسى قديمـو!
لو طـرتا لي آخـر الدنيا
لو رحـتا بلاد الاسكيمـو
حـتقابل زول أو زولات!
@@@
في الغـربة بتلاقي مصايب
في الغــربة بتلاقي مآسي!
دكـتور شــغال جرسون
ومهــندس شـغال تكاسي!
واحـدين ساكنين مقطورة
كان احـسن سكنة تنقاسي!
واحـدين ساكـين الميتـة
ما شبـعو من الـصدقات!
@@@
الغـربة صبـحت ملعـونة
الغــربة صبـحت بطـالة!
لا سـفارة تنصـر مظلـوم
بي هرشة او حتى رسـالة!
كم زول مغلـوب على امرو
معصـور بكفـيل وكفالـة!
قــلاع يقلــع مقــلوع
لا منطـق ينفـع لا رجـالة!
واحـدين فـي مـحلك سـر
واحـدين قايميـن دفـرات!
@@@

اطفـالنا في الغربة اتولـدو
وتراثـنا مدمـوس مدكوك!
لا اكـلو ولا مـرة كـجيك
لا ضـاقو وريـق مفـروك!
لا لعـبو شــدد لا شلـيل
لا طـارو زي الماكـــوك!
لا لعـبو فـد يـوم بالطيـن
لا ساقــو عربيـة سلوك!
لا شافـو فد مـرة حمــار
لا سكـو سخـلان وديـوك!
لا حامـو في وسط السيرة
لا نامـو في بيوت بكـيات!
@@@
وحكـومة شغالة رجـالة
بالعلنـي قالت لي ناسـا
الدايـر حقــو يحـاربنا
سيبـونا من اي سياسـة!
كل حتـة مرقـت بسلاحا
كل حتة جـمعت فـراسا!
خايفـين مـن الشايفـنو
خايفيـن مـن الزنـدية!
خايفـين سـودانا يضيع
يتقســم زي كمـونيـة!
كل حـتة تتـناول كـوما
وتتحـول لي جمهوريـة!
الحـال ممكـن يتلخـبت
والواقـع يصبـح كالآتي
كل حـلة ترفـع اعـلاما
تتمـتع بالحكـم الـذاتي!
الـشايقي ينازع الجعـلي
في حـدود ما مرسومات!
@@@
وحـكومة شابكنا حلـيفة
الـوزرا يحلفـو بالـدور!
قـوات دوليــة يمــين
ما تدخـل اقـليم دارفـور!
وكم قـوة دوليـة تحـوم
في جنوبنا وجـبال النوبة!
المنطـق راح في حق الله
والجوطة قلبـت كم هوبة!
@@@
وجنوبي وشمالي اتشبكو
كل واحد بيكورك عووك!
صرتنا في ابيي مدفونة
لا جـدك هيلـو لا ابوك!
في ابيـي الموت بالكوم
في ابيـي الدم مسفوك!
في ابـيي الجن متحرك
في ابيي شيطان مفكوك!
يا ساتر اسـتر يا سـاتر
تنحـلا باخـوي واخوك
@@@
الإحـصاء قرب يا اخـوانا
ورونا كيـف حــيعدونا
الطفـشو ضعـفين الفضلو
حيـجلو مهـما يحسـبونا
كم مـرة جاطت حسبـتنا
كم مرة جاطـو وجاطونا
كم مرة قـسمونا وضربو
كم مرة جمـعو وطرحونا
شــالونا من خانة الزيرو
في خانة الماينس ختـونا!
@@@
في النـظري طالعين الاول
في العملي طالعين الطيش!
في الـشارع اجيال بتضيع
وكل كـيلو نقطة تفتـيش!
الشـعب ممنوع ما يرقص
ما يفرفش وسط الحفلات!
والكاكي يرقص على كيفو
بي عصاية وبي رشاشات!
يابـلة كيفـــن نتحـلا
شربكـنا زولن اتشـربك
واتورط جـوه الـشبكات!
@@@
مشروعنا القالو حـضاري
غرقنا في حروب وحروب!
فرقـنا شـرقاً وشـمـال
فرقـنا غـرباً وجنــوب!
لا سلـطة تنفـع لا ثـروة
ما دام ضــاع الانسـان!
يا حليـلو الكان سـوداني
يا حلـيلو الكان سـودان!
الفاتحة على ناس عايشين
لاكيـن زي الأمـــوات!
@@@
وسـدود بالـقـوة تقـوم
وتـهدد اوطـان وتـراث!
الـراي الرسمـي اتنفـذ
ما مهـم رد فعـل الناس!
الصهـين باكـر يـترحل
بالـمـوج أو بالـحراس!
القـاوم خنـقـو البـمبان
القـاوم كـتلو الرصـاص!
منصوري قمعوه ومحسـى
مافيـش لا خـد لا هـات!
@@@
بال ميري مسـكون بالـهم
ناس زهـرة يشكن وحواية
غير شاينا كـيفن حنعـيش
بنـربى جـنيات وصـبايا
الكـشة كابوسـنا الـيومي
يا مـاشا فـوقنا يا جـايه
يا اخوانا كيف سـت الشاي
تتـعامل زي سـت انداية؟!
كـم مرة يانـاس كشـونا
ما خـلو لـيـنا الـحبايه!
كـم مـرة طفـقو البـراد
كـم مـرة كـسرو الكبايه
كم كشحو شايات وسـكاكر
كـم دفقـو ازبط جبـنات!
@@@
الدولـة الشمولية اوانطـه
والـكورس بيقـول آمـين
الـدين قلبـوه سـياسـة
حكـمـونا تجـار الـدين
أي فـشل سمـوه البلوى
بس ميـن حيحاسب مين؟!
وجهلـول ادوه حـصـانة
تحمـيهو لى يـوم الـدين
البـنقد حكـمو التكـفـير
ينفـوه من المــــلات!
@@@
إسـلامي وكمان نصراني
فرعونـي ود غابة كمان!
ســودانا متـحف اديان
ســودانا متحف اجناس!
بتفـرتك لـو اتعاليــنا
ومـسكنا جن الطـغـيان!
بتـوحد لـو اتصـافيـنا
وراعـينا حقـوق الإنسان
الحـل واضـح يا اخوانا
مـش محتاج لى تنظيرات!
يـلزمنا التنفـيذ العمـلي
يلزمنا حــسن النـيـات
@@@
وحكومـة اكتر من فاشلة
والـشعـب زي المافيـش!
حكمـوهو باقسى طـواري
لكـنو ضارب التـطنيش!
قمعــوهو صهيـن ما ردا
رفوهو رضـى بالـتهميش!
في الـشارع قبـلان يتفتش
ويتفـرج على كل تفـتيش!
@@@
اوكامـبو بقى اشهـر زول
وسيـرتو في كـل لسـان!
عايز يقبـض الريـس ذاتو
ويخـتو جــوه الليمـان!
اوكامـبو رقصـنا التانغو
اوكامـبو نســانا بطـان!
بالحكــمة لوما حليـتوها
بتـعاقـب كل الـسـودان!
@@@
اوكامـبو من قدم طلــبو
فرتكـنا كيـمان كيــمان!
واحـدين طايرين بالفـرحة
شايفنــو احـسن ما كان!
واحـدين هايجـين فايرين
شاتمـين اوكامبو كـمان!
واحـدين عايزين الحـكمة
شـان يسلم كل السـودان!
@@@
أوكامـبو مـن قام اتـجنن
جنـنا وجـنن نــادوس!
عيـشنا في أكـبر هـرجة
عيشـنا فـي كم كابـوس!
وحكـومة تتحــدى العالم
بخـطاب بالـجن ملبـوس!
والحـل في الحـل السلمي
المخرج في سـاس يسوس!
@@@
الريس اصـــبح مطلوب
كايسنلو نـسوان راجلات!
ما بنفـع غزغيز الـريش
ما بتنفـع كل الجـوطات
ما بنفـع طـرد البيـغيثو
ما بنفع هرش الخـواجات
ياريس بس اركـب عجلة
ما تفكـر في الطيـارات!
@@@
الريس بـيزور موريتانيا
عـقبال توغـو واخـواتا!
كان احسن يمشي الحتانة
كان احسن يمشي الحواتة!
لكــن خلـوه يــنوع
أوربــا يا اخوانا حلاتا!
سيبوه يسافر بريطـانيا
يتقـدل فـي لنـدن ذاتا!
@@@
القـالو عقـلاني وفـاهم
في راسـو اصـبح عيان!
بيقـول قبــل الإنقــاذ
كان بشحد شعب السودان!
يا راجل بس عاين حـولك
اتلـفت فـي كـل مكـان
ملايـين عايشـين باغاثة
في الفاشـر في امدرمان!
@@@
ابـيي النـبكة الحلــوة
قسـموها بخيـط ميزان
ابيــي وحـدة ارواح!
ابيــي وحـدة وجدان
كيف تقبـل قسمة لاهاي
وتتقـسم بـين الحـبان؟!
الواحـد يصـبح اتنـين
العايلة تصبـح جـيران!
ملعـون ميـتين لاهـاي
وين حكمة اهل السودان؟!
@@@
سكـتنا القالــو حديـد
يا اخوانا صبحت مافيشة!
العامل بالجـوع بيمـوت
لـو زاغ من التفنيـشة!
الكـان يا نـاس تفتيحـا
الليلة اصبح هو الكيشـة!
الراتب ما بعيـش النمـلة
كيف يعني حيكفي العيشة؟!
@@@
يا اهلنا في اغلـى جزيرة
مشـروعكم كيفن يتباع؟!
ياكـم قلـب الـسـودان
ياكـــم احـسن زراع!
من دون طـين الحواشة
ما فيش لا راس لا كراع!
افـدوها بالـروح والـدم
ما يشيلو ولا حتى ضراع!
@@@
قانـون الامـن الوطنـي
بالـقوة اصـبح قـانون!
تـهديد لى كل معـارض
في جو بالخوف مشحون!
تنتخـبو او ما تنتخـبو
الفـوز للـكوز مضمون!
ايه يعنى لزوم التصويت؟!
يا عاقـل وري المجنون!
@@@
خرطتنا اللـيلة انقـسمت
الليلـة ضـاع السـودان!
ناس منقو الليـلة انفصلو
وناس تنقو ضبحو التيران!
والنـار في جبال النـوبة
والـنار حرقـت قيسـان!
سودانـي يكتل سـوداني
خيبتنا صبحـت خـيبات!
@@@
الصورة الكاملة بتزعـجنا
وتفصـيلا اكبر ازعـاج!
تفـكيرنا دايـماً مشـلول
فوق راسنا سيف الحجاج!
وجـهتنا دائماً مجـهولة
رؤيـتنا ملـيانة عجـاج!
الامـة ساكتـة بتـتفرج
ومثقـف ساكن الابـراج!
ومصيرنا معلق بي شعرة
وقعـتنا صبـحت وقعات!
@@@
نـادوس يا رمز الطـيبة
نـادوس يا وش الخـير
نـادوس يا سكة عديلـة
نـادوس يا خـط السـير
خلصنا مــن الكـابوس
انـقذنا مـن الـكســير
زودنا ببصارة وحـكمـة
شان نبقى يوم بكرة اخير
ونتحـرر مـن الاوهـام
ونتخارج مـن الـورطات!




الرجوع الى أعلى الصفحة اذهب الى الأسفل
عادل الفاضل
 
 
avatar

الموقع : maragaarea.com
عدد المساهمات : 310
تاريخ التسجيل : 03/02/2010
العمر : 48

مُساهمةموضوع: رد: الشعر الحلمنتيشي   السبت 17 ديسمبر 2011, 10:28 am

مرة واقف فى المحطة
و فجأة طاخ ضربتنى شنطة
قلت أخ و التفتة
لقيتها واحدة شينة قالت لى متأسفة ما قصدت
و ممكن يحصل تعارف لو سمحت
قلت ليها جدا أسمى عاااااادل
قالت أسمها سحر ما بتستاهل الأسم
انتى سحر توب عليك وشك زى اخر الشهر
راسك كبير متل الككر
شلاليف تقول ضفة نهر
برجل عديل شكل الضهر
أتمنى يوم أكون سايق قطر
و انتى واقفة على القضيب
أوزن الديزل عديل قاصد الضهر
و اصدمك و اقتلك و يكون بلى و انجلى
#############
الأخ ماهر عابدين
منور بالشعر الحلمنتيشى هذا الشعر الذى أحبه جدا
و تقبل مرورنا على البوست المتميز جدا .
و كل عام و انت و الأسرة بالف خير.
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الأحد 12 فبراير 2012, 9:37 pm



صديقنا الشاعر المرهف عادل
عفوا لم انتبه الي مداخلتك الانيقة والتي زانت البوست القا
نحن في انتظار مساهماتك القيمة

قول يالطيف
الرجوع الى أعلى الصفحة اذهب الى الأسفل
عادل الفاضل
 
 
avatar

الموقع : maragaarea.com
عدد المساهمات : 310
تاريخ التسجيل : 03/02/2010
العمر : 48

مُساهمةموضوع: رد: الشعر الحلمنتيشي   الإثنين 13 فبراير 2012, 2:18 pm

الأستاذ الأكرم ماهر
اولا تحية من عند الله مباركة
و نهنئك و الأسرة الكريمة بالعام الجديد(2012) يجعله الله عاما سعيدا و خيرا كثيرا على جميع المسلمين بل و العالم اجمع.
كما تعلم طول غيابنا عن المنتدى انما هو عدم وجود النت بكثرة فى دنقلا او بالأصح عدم امكانيتنا باتاحة جهاز لدخول النت.
ربى يجمعنا و اياكم فى ساعة خير باذن الله.
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الأربعاء 28 مارس 2012, 11:07 pm


العزيز عادل
نحن مقدرين وعارفين بأوضاع النت في السودان...لكن كلما اتيحت لك الفرصة لاتبخل بالمرور والتحية

اشواقنا الي اسرتكم الكريمة ولكل حلة العمد من حوش عمك عبدالكريم لين حوش عبدالعظيم وباقي الناس

قول يالطيف
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الأربعاء 28 مارس 2012, 11:10 pm







قصيدة في الحب

تغُشيني وتقولي لي بحبك زين

وانا المسكين وانا المغوش وتاريك لاعبه علي الحبلين

يا غشاشه يا دجاله احبك سيف جديد وسنين

يقطع ليك ادياتك يكسر ليك كريعاتك

يخليك طير بلا جنحين

تطيري سنين وما تلمي بدل واحد تحبي اتنين

واظن عشره

نحن عندك ذي فستان كم طويل وكم قصير



واحد للبس بالليل واحد في الصباح تاتيل

احبك صرمه يا ضرمه واحشك بصله قاؤرمه

واسويك فته لطاشين

برضو تقول لي بحبك زين

وكل قطر رسالاتك تجيني مطر

حبيبي اللونك الاسمر

بلاك الدنيا ما بقدر

قطر يشيلك يوديك السما الاحمر

يشيلك زي هبوب طوكر

وانا الكان مناى نكون اتنين

نسكُن في قصر عابدين

وازور بيك لندن ديك يا السمحه واوديك فسحه لبرلين

لكن فورتي علي دمي

وكترتي علي همي

وانا البوراك نسيت امي

ونساك ربك

برضو تقولي بحبك زبن

احبك سيف جديد وسنين يقطع ليك ادياتك

يكسر ليك كريعاتك يمعط ليك شعيراتك

يخرب ليك لقائاتك يخليك شينه بين قوسين

طالب ربي يوم يبلاك بواحد يكون عنتر

عضلاتو حديد ادياتو متر

يطرشك كف يلفك لف يلخبط ليك وشك المبدول يخليك لا قرد لا زول


تغُشيني وتقولي لي بحبك زين

وانا المسكين وانا المغوش وتاريك لاعبه علي الحبلين

يا غشاشه يا دجاله احبك سيف جديد وسنين

يقطع ليك ادياتك يكسر ليك كريعاتك

يخليك طير بلا جنحين

تطيري سنين وما تلمي بدل واحد تحبي اتنين

واظن عشره

نحن عندك ذي فستان كم طويل وكم قصير



واحد للبس بالليل واحد في الصباح تاتيل

احبك صرمه يا ضرمه واحشك بصله قاؤرمه

واسويك فته لطاشين

برضو تقول لي بحبك زين

وكل قطر رسالاتك تجيني مطر

حبيبي اللونك الاسمر

بلاك الدنيا ما بقدر

قطر يشيلك يوديك السما الاحمر

يشيلك زي هبوب طوكر

وانا الكان مناى نكون اتنين

نسكُن في قصر عابدين

وازور بيك لندن ديك يا السمحه واوديك فسحه لبرلين

لكن فورتي علي دمي

وكترتي علي همي

وانا البوراك نسيت امي

ونساك ربك

برضو تقولي بحبك زبن

احبك سيف جديد وسنين يقطع ليك ادياتك

يكسر ليك كريعاتك يمعط ليك شعيراتك

يخرب ليك لقائاتك يخليك شينه بين قوسين

طالب ربي يوم يبلاك بواحد يكون عنتر

عضلاتو حديد ادياتو متر


يطرشك كف يلفك لف يلخبط ليك وشك المبدول يخليك لا قرد لا زول

الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   السبت 23 يونيو 2012, 1:50 pm

ﺷﻤﺎﺭ ﺳﻌﺪﻳﺔ ﺑﺖ ﺟﺒﺮﻳﻞ..بقلم: هاشم صديق


(ﺍﻟﻔﺼﻞ ﺍﻷﻭﻝ)

- ﻧﺎﺱ ﺍﻟﺒﻴﺖ

ﻫﻮﻭﻭﻱ ﻳﺎ ﻧﺎﺱ.

ﻳﺎ ﻋﺸﻤﺎﻧﺔ.

ﻳﺎ ﺇﺧﻼﺹ.

ﺑﻨﺎﺕ ﻛﻠﺘﻮﻡ

ﻳﺎ ﻓﻮﺯﻳﺔ

ﻛﻴﻒ ﺣﺎﻟﻜﻦ

ﻣﺸﺘﺎﺍﺍﺍﻗﻴﻴﻦ

ﺳﻼﺍﺍﺍﻡ ﺑﺎﻟﻜﻮﻡ

……….

ﺟﺎﺕ ﺳﻌﺪﻳﺔ

ﺷﺎﻳﻠﻪ ﺷﻤﺎﺭ

ﻣﻌﺎﻫﻮ »ﺍﻟﺘُﻮﻡ«

ﻣﺸﺖ ﺷﻬﺮﻳﻦ

ﺗَﻨَﻔِّﺲ ﺑﺘﻬﺎ

»ﺍﻟﺨﻤﺠﺎﻧﻪ«

ﻓﻲ ﺍﻟﺨﺮﺗﻮﻡ

ﺗﻤﺎﻡ ﺷﻬﺮﻳﻦ

ﺑﻴﻮﺕ ﺍﻟﺤﻠﻪ

ﻻ ﺳﻤﻌﺖ ﺧﺒﺎﺭ

ﻻ ﺷَﻤﺎﺭ

ﻭﻻ ﻗﺮﻗﺮ ﺿﺤﻚ

ﺣﻠﻘﻮﻡ.

ﻭﻻ ﻃﻘﻄﻖ ﻟﺒﺎﻥ

ﻫﻴﻤﺎﻥ

ﻓﻲ ﻣُﺒْﺨﺮ

ﺑﺨﻮﺭ ﺗﻴﻤﺎﻥ

ﻭﻻ ﺷﺎﻟﻦ ﺣﺮﻳﻢ

ﻓﻨﺠﺎﻥ

ﻭﺳﻴﺮﺓ ﺯﻭﻝ

ﻋﻠﻰ ﻗﺪﻭﻡ.

ﻻ ﺿﺤﻜﻮ ﺍﻟﺼﻐﺎﺭ

ﻓﻲ ﺣﺠﻮﺓ

ﻻ ﺳﻬﺮﻭﺍ ﺍﻟﻜﺒﺎﺭ

ﻓﻲ ﺣﻜﻮﻩ

ﻭﺍﺗﻤﺤّﻦ ﻭﻃﺎﺭ

ﺍﻟﻨﻮﻡ.

……

ﻧﺎﻥ ﺳﻌﺪﻳﺔ

ﺑﺖ ﺟﺒﺮﻳﻞ

ﻛﺎﻥ ﻋﺎﺭﻓﻴﻦ؟!

ﺭﻭﻳﺤﺔ ﺍﻟﺤِﻠﺔ

ﻭﺍﻟﻄﻠّﺔ.

ﻻ ﻗِﺪْﻣﺖ

ﻭﻻ ﻫِﻤْﻠﺖ

ﻻ ﻣﺴﺨﺖ

ﻟﺨﻠﻖ ﺍﻟﻠﻪ

ﻻ ﻋِﺮْﻓَﺖ

ﺑﻴﻮﺕ ﺍﻟﺤﻠﻪ

ﻟﻴﻬﺎ ﻣﺘﻴﻞ.

…..

ﻛﺎﻥ ﻏﺎﺑﺖ

ﺗﻘﻮﻝ ﻧﺎﻣﺖ

ﻋﻴﻮﻥ ﺍﻟﻘﻤﺮﻩ

ﺃﻭ ﺗﺮﺗﺮ

ﻭﻓﺎﺕ ﺍﻟﻨﻴﻞ.

…….

ﻫﻲ ﺍﻟﻤﺸﺎﻃﻪ

ﻭﺍﻟﺤﻨﺎﻧﻪ

ﻭﺍﻟﺪﻻّﻛﻪ

ﻭﺍﻟﺪﺑّﺎﺭﻩ

ﻭﺍﻟﺸﻤﺸﺎﺭﻩ

ﻭﺍﻟﺴﻤﺴﺎﺭﻩ.

ﻭﺍﻟﻄﻬﺎﺭﻩ

ﺑﻲ ﻣﻮﺳﺎ

ﻣﺎ ﺧﻠﺖ

ﻓﻲ ﻫﺬﺍ ﺍﻟﺸﺎﻥ

ﻟِﺒﺖ ﻓﻲ ﺍﻟﺤﻠﻪ

ﺷﻲ ﻣﻄﻠﻮﻕ.

……

ﻫﻲ ﺍﻟﺠﻬّﺎﺯﻩ

ﻟﻠﻌﺮﺳﺎﻥ

ﻣﺎ ﺑﺘﻘﻌﺪ ﻋﺮﻭﺱ

ﻓﻲ ﺣُﻔﺮﻩ

ﻟﻮ ﺳﻌﺪﻳﺔ

ﻣﺎ ﻭﻗﺪﺕ

ﻃﻠﺢ ﺩﺧﺎﻥ.

ﻫﻲ ﺩﻳﻤﻪ ﺍﻟﺮﺍﺱ.

ﺍﻟﻘﻴﺪﻭﻣﻪ.

ﺩﻕ ﺍﻟﺮﻳﺤﻪ.

ﺳﺖ ﺍﻟﺸﻮﺭﻩ

ﻭﺍﻟﻄﺎﻳﻮﻕ.

ﻣﺮﺳﺎﻝ ﺍﻟﻨَﻘَﺺ

ﻟﻠﺴﻮﻕ

ﻋَﺮَﻕ ﺍﻟﻬِﻤّﻪ

ﻟﻠﺤﺒﺎﻥ

ﺧﺒﻴﺮﺓ ﺍﻟﺨُﻤﺮﻩ

ﺑﻲ ﻣﻴﺰﺍﻥ

ﻟﻮ ﺷﻢ ﺍﻟﻌﺮﻳﺲ

ﻋﻮﺳﺎ

ﺗﺴﻴﻞ ﺩﻣﻌﺎﺗﻮ

ﻭﻳﺘﺠﺮّﺱ

ﺗﻘﻮﻝ ﻭﻟّﻊ

ﻋﺪﻳﻞ ﺑﻤﺒﺎﻥ.

……..

ﻛﺎﻥ ﺩﻗّﺖ

ﺇﻳﺪﻳﻦ ﺳﻌﺪﻳﻪ

ﻓﻲ ﺍﻟﺘﻌﻠﻴﻤﻪ

ﺩﻟﻮﻛﻪ

ﺗﻼﻗﻲ ﺍﻟﻨﺨﻠﻪ

ﺗِﺘْﻔَﻨّﺲ

ﻭﻋﻮﺩﻫﺎ ﻳﻤﻴﻞ

ﺗﺒﻮﺱ ﺳﻌﻔﺎﺗﺎ

ﻣﻮﺝ ﺍﻟﻨﻴﻞ.

ﻭﻛﺎﻥ ﺷﺎﻟﻦ

ﺑﻨﺎﺕ ﺍﻟﺤﻠﻪ

ﻏﻨﻮﻩ ﻣﻌﺎﻫﺎ

ﺗِﺘْﻘَﻄّﻊ ﻋﺪﻳﻞ

ﻗﻤﺼﺎﻥ

ﻭﻳﺘﻜﺸّﻒ

ﺿﻬﺮ ﺷﺒﺎﻥ

ﻳﻮﻟﻮﻝ ﻓﻲ ﺍﻟﺠﻠﻮﺩ

ﺍﻟﺴﻮﻁ

ﻳﺮْﻛﺰ ﻓﻲ ﺍﻟﺒُﻄﺎﻥ

ﻋﺎﺷﻖ

ﺗﺰﻏﺮﺩ ﻟﻴﻬﻮ

ﺯﻭﻟﺘﻮ ﺍﻟﺴﻤﺤﻪ

»ﺳﺖ ﺍﻟﻔﻮﺕ«

ﻳﻔﻮﺭ ﻋِﺸﻘﻮ

ﻭﻳﻘﻮﻝ

- ﻳﺎ ﺳﻮﻁ

ﺍﺭﻳﺪﻙ ﻣﻮﺕ

ﺗﻬﺰ ﻓﻮﻗﻮ ﺍﻻﻳﺪﻳﻦ

ﻃﺎﻳﺮﺍﺕ

ﺗﻮﻟﻊ ﻧﺎﺭ

ﻓﻲ ﻭﺳﻂ ﺍﻟﺪﺍﺭ

ﺗَﺠِﻦ ﺯﻏﺮﻭﺩﺓ

ﻣﻦ ﺳﻌﺪﻳﺔ

ﻭﻳﺘﻠﻬﻠﺐ

ﻏﻨﺎ ﺍﻟﺒﻨﻮﺕ.

……..

- ﻧﺎﺱ ﺍﻟﺒﻴﺖ

ﻫﻮﻭﻭﻱ ﻳﺎ ﻧﺎﺱ.

ﻳﺎ ﻋﺸﻤﺎﻧﻪ

ﻳﺎ ﻓﻮﺯﻳﻪ

ﻳﺎ ﺇﺧﻼﺹ

ﺑﻨﺎﺕ ﻛﻠﺘﻮﻡ

ﻛﻴﻒ ﺣﺎﻟﻜﻦ

ﻣﺸﺘﺎﺍﺍﺍﻗﻴﻦ

ﺳﻼﺍﺍﺍﻡ ﺑﺎﻟﻜﻮﻡ



ﺇﻧﻔﺘﺤﻦ

ﻋﻴﻮﻥ ﺍﻟﺒﻴﺖ

ﻭﺍﻧﺠﺪﻋﻦ

ﺍﻳﺪﻳﻦ ﺍﻻﻭﺿﻪ

ﻭﺍﻟﺮﺍﻛﻮﺑﻪ

ﻭﺍﺗﺴﺮّﺡ

ﺷَﻌَﺮ ﻻﻟﻮﺑﻪ

ﺭﺟﻌﺖ ﺷﺎﺑﻪ

ﻓﺎﺗﺎ ﺍﻟﺸﻴﺐ.

ﻭﺭﻛّﺖ ﺭﺷّﻪ

ﻓﻮﻕ ﺻﻔﻘﺎﺕ

ﺷﺪﻳﺮﺓ ﺍﻟﺤﻨﻪ

ﻭﺍﺗﻤﺴّﺢ

ﻏَﺒﺎﺵ ﺍﻟﺼﻨّﻪ

ﻭﺍﺗﺠﻤّﻊ

ﺣﻤﺎﻡ ﺍﻟﺤﻠﻪ

ﻭﺍﺗﺮﺍﺻﺺ

ﺗﻘﻮﻝ »ﻗﺮﻗﻮﻝ«

ﺻَﺪَﺡ »ﻗﻮﻗﺎﻳﻮ«

ﺑﻲ ﺗﻬﺬﻳﺐ

…..

- ﺟﺎﺕ ﺳﻌﺪﻳﻪ

- ﺟﺎﺕ ﺳﻌﺪﻳﻪ

…..

ﺟَﺮَﺕ ﻋﺸﻤﺎﻧﻪ

ﻟﻲ ﺳﻌﺪﻳﻪ

ﺣﻔﻴﺎﻧﻪ

ﻭﺟﺎﺕ ﺇﺧﻼﺹ

ﺗَﻨَﻘِّﺰ

ﺯﻱ ﻭﻟﻴﺪ ﺍﻟﺮﻳﻞ

ﻭﻃﺮﺑﺎﻧﻪ.

ﺿﺤﻚ ﻗﺮﻗﺎﺭ

ﻭﺩﻣﻊ ﺍﻟﺸﻮﻕ

ﻧﺰﻝ ﺳﺮﺳﺎﺭ

ﻭﺻﺎﺭ ﺷَﻬَﻘﻰ

ﺍﻟﺴﻼﻡ

ﺩﻭﺑﻴﺖ



- ﺟﺎﺕ ﺳﻌﺪﻳﻪ

- ﺟﺎﺕ ﺳﻌﺪﻳﻪ

….

ﺳﺒﺎﻟﻴﻖ ﺍﻟﺒﻴﻮﺕ

ﺭﻓﻌﺖ ﻋﺪﻳﻞ

ﺗﻌﻈﻴﻤﻬﺎ

ﺑﺎﻟﺘﺮﺗﻴﺐ.

ﻭﺷﻮﻓﻮ ﺍﻟﺸﺎﻣﻪ

ﺑﺖ ﻛﻠﺘﻮﻡ

ﻭﻛﺖ ﺳﻤﻌﺖ

ﺳﻼﻡ ﺳﻌﺪﻳﻪ

- ﺑﺎﻟﺪﻫﺸﻪ-

ﻗﺪّ ﺍﻹﺑﺮﻩ

ﺍﺗﻐﺎﺗﺖ

ﻭﺍﺗﺴﻤّﺮ ﺭﻭﻳﺲ

ﺍﻟﺨﻴﺖ

ﻭﺇﺗﻨﺨَﺠَﺖ

ﺗﻘﻮﻝ ﺭﺍﺟﻴﺎﻟﻪ

ﺑﺲ ﻫﺒﺸﻪ

….

ﻭﻣﻦ ﺑﻴﻦ ﺇﻳﺪﻳﻦ

ﻓﻮﺯﻳﻪ ﺑﺖ ﻛﻠﺘﻮﻡ

ﻭﺑﺎﻟﻬﺠﻤﻪ

ﻛﻤﺎﻥ ﻃﺎﺭﺕ

ﻋﺪﻳﻞ ﻛﻤﺸﻪ.

ﻭﻧُﺺ ﺍﻟﺴﻬﻠﻪ

»ﺑﺖ ﺍﻟﺮﻳﻠﻪ«

ﺇﺗﻨﻔَﻀَﺖ

ﻭﺍﺗْﻨَﻔَﺸَﺖ

ﻭﺟﺎﺕ ﺯﻏﺮﻭﺩﻩ

ﺇﻧﺒﻬﻠﺖ

ﺇﺗْﻘَﺴّﻢ

ﺿِﻠﻴﻞ ﺷَﺪَﺭﻩ

ﻭﺍﺗﺒﺴَّﻢ

ﺧﺸﻴﻢ ﻣُﻔﺮﺍﻛﻪ

ﻓﻲ ﺣَﻠﺔ ﻣُﻼﺡ

ﺧُﺪْﺭﻩ

ﻭﺍﺗﺸﺮﺷﺮ

ﻓﻲ ﻧُﺺ ﺍﻟﻄﻮﻩ

ﻭﺍﺗْﻄﺎﻳﺮ

ﺣﻨﻴﻦ ﺍﻟﺰﻳﺖ.

…..

- ﺟﺎﺕ ﺳﻌﺪﻳﻪ

- ﺟﺎﺕ ﺳﻌﺪﻳﻪ



ﺍﺗﻌﻨﻜﺶ

ﻓﻲ ﻋﻮﺩ ﺳﻌﺪﻳﻪ

ﻛﻞ ﺍﻟﻨﺎﺱ.

ﺍﻟﺸُﻔَﻊ

ﺣﺮﻳﻢ ﺍﻟﺒﻴﺖ

ﺍﻟﺠﻴﺮﺍﻥ

ﺗﻘﻮﻝ ﻧﺨﻠﻪ

ﺳﺒﺎﻳﻂ ﺧﻴﺮﻫﺎ

ﺇﺗﺪْﻟّﺖ

ﻭﺗِﻘﻠﻮ ﺧﻼﺹ.

ﻭﻫﺎﻙ ﻳﺎ ﺳﻼﻡ

ﻭﻫﺎﻙ ﻳﺎ ﺷﻮﻕ

ﻭﻫﺎﻙ ﻳﺎ ﻛﻼﻡ

ﺇﺗﺠﻤّﻊ

ﻓﻲ ﺭﻣﺶ ﺍﻟﻌﻴﻦ

ﻫﻮﻯ ﺍﻷﺭﺣﺎﻡ

ﻭﺍﺗﺠﺪّﻉ

ﻭﻃﺎﻝ ﺍﻟﻀُﻞ

ﻓَﺮﺵ ﻟﻲ ﺑِﺮﺷﻮ

ﻟﻲ ﻗِﺪّﺍﻡ

ﻭﺍﺗﺮﺩّﺕ

ﺭﻭﻳﺤﺔ ﺍﻟﺒﻴﺖ

ﻗﻠﻊ ﺗﻮﺏ ﺯﻫﺠﻮ

ﺑﺎﻻﻳﺪﻳﻦ



ﺍﺗْﻔَﺮﺷﺖ

ﻓﻲ ﻏﻤﻀﺔ ﻋﻴﻦ

ﻋﻨﺎﻗﺮﻳﺐ ﺍﻷﻫﻞ

ﺻﻔﻴﻦ

ﻭﻛﻢ ﺳﺠﺎﺩﻩ

ﻛﻢ ﺑﻨﺒﺮ.

ﻭﻣﻦ ﻣﺒﺨﺮ

ﻣﺴﺘّﻒ

ﺑﻲ ﺑﺨﻮﺭ ﺗﻴﻤﺎﻥ

ﻃﻠﻊ ﺻَﻔّﻖ

ﺳﺤﺎﺏ ﺩﺧﺎﻥ

ﻭﺍﺗﺤﻜّﺮ

ﻓﻲ ﻧﺺ ﺗﺮﺑﻴﺰﻩ

ﺟﻚ ﻟﻴﻤﻮﻥ

ﻣﻨﺪِّﻱ ﻗﺰﺍﺯﻭ

ﺯﻱ ﺣﺘّﻞ

ﺩﻣﻮﻉ ﻣﻜﻨﻮﻥ.

ﻭﻭﺳﻂ ﺍﻟﺮﺟّﻪ

ﻭﺍﻟﻀﺤﻜﻪ

ﺇﺗﻤﺎﺳﻚ ﺗﻤﺎﻡ

ﺍﻟﻜﻮﻥ

ﺻِﺒِﺢ ﻣﻮﺯﻭﻥ.

….

ﺟﺎﺕ ﻗُﺮﺍﺻﻪ

ﺑﻲ ﺩﻣﻌﻪ

ﻭﺍﺗﺮﺍﺟﻒ

ﺻﺤﻦ ﻟﻘﻤﻪ

ﻭﻛﺖ ﺩﻟﻘﻦ

ﺇﻳﺪﻳﻦ ﻧﻌﻤﻪ

ﻋﻠﻴﻬﻮ ﻣﻼﺡ

ﻧﻌﻴﻤﻴﻪ

ﻭﺍﺗﺮﺻﺖ

ﺻﺤﻮﻥ ﺍﻟﻔﻮﻝ

ﺗﻘﻮﻝ ﻟﻤﻪ

ﻭﺑﺎﻟﻔﺮﺣﻪ

ﺿﺤﻚ ﺳﺮﻭﻳﺲ

ﻭﻛﺖ ﺭَﺩَﻣَﻦ

ﺇﻳﺪﻳﻦ ﺍﻟﺸﺎﻣﻪ

ﺑﺖ ﻛﻠﺘﻮﻡ

ﺗﻼﺕ ﻣﺮﺍﺕ

ﺗﻞ ﻣﻦ ﻧﺎﺭﻭ

ﻃﻌﻤﻴﻪ



ﻭﻫﺎﻙ ﻳﺎ ﻭﻧﺴﻪ

ﻳﺎ ﻗﺮﻗﺎﺭ

ﻭﻳﺎ ﺳﻌﺪﻳﻪ

ﺳﺖ ﺍﻟﻘﻌﺪﻩ

ﺇﻧﻔﺘﺤﻲ

ﺗﻘﻮﻝ ﺭﺍﺩﻱ

ﻭﻫﺎﻙ ﻳﺎ ﻧﺸﺮﺓ

ﺍﻟﺸﻬﺮﻳﻦ

ﻣﻦ ﺍﻟﺨﺮﺗﻮﻡ

ﺟِﻨﺲ ﺃﺧﺒﺎﺭ؟!

ﺗُﻮﻡ ﻭﺷﻤﺎﺭ

ﺣﺘﻰ ﺍﻟﻀُﻞ

ﻭﻗﻒ ﺷﻤﺸﺎﺭ

….

ﺻﻮﺍﻧﻲ ﺗﻔﻮﺕ

ﺻﻮﺍﻧﻲ ﺗﺠﻲ

ﻗﺼﺺ ﺑﺎﻟﻜﻮﻡ

ﺿﺤﻚ ﻭﺣﻜﻲ

ﻭﻳﺎ ﺳﻌﺪﻳﻪ

ﻣﺎ ﺧﻠﺖ

ﻧَﻔَﺲ ﻳﺘﺸﺎﻝ

ﻭﻻ ﺇﻳﺪﺍً

ﺗﺤﻚ ﺍﻟﺮﺍﺱ

ﺟِﻨِﺲ ﻗﺼﺼﺎً

ﺗﺠﻴﺐ ﻫﻠﻮﺍﺱ

….

ﺭﺍﺱ ﺍﻟﺒﻴﺖ

ﻭﻗﻒ ﻣﺸﻄﻮﺏ.

ﻓﻲ ﻋﻴﻦ ﺍﻟﻨﺨﻠﻪ

ﻛﺎﻥ ﺍﻟﺰﻳﺮ

ﺧﺮﻭﻑ ﺩﺑﺪﻭﺏ

ﻭﺑﺎﻟﻬﺠﻤﻪ

ﺇﻧﺰﻟﻘﻦ

ﻣﻦ ﺍﻻﻳﺪﻳﻦ

ﻛﺒﺎﺑﻲ ﺍﻟﺸﻮﺏ

ﻭﺍﺗﻠﺨﺒﻂ

ﺣﻤﺎﺭ ﻣﺮﺑﻮﻁ

ﻧﻬﻖ ﻓﻲ ﺍﻟﺨُﻠﻌﻪ

ﺑﺎﻟﻤﻘﻠﻮﺏ.

ﺻﻬﻞ

ﺿﺤﻚ ﺍﻟﺤﺮﻳﻢ

ﻛﻮﺭﺱ

ﻭﻛﺖ ﻓﺮﻗﻊ

ﺗﻘﻮﻝ ﻓﻲ ﺍﻟﺤﺘﻪ

ﻧُﺺ ﺍﻟﻘﺼﻪ

ﻛﺎﻥ ﻣﻜﺘﻮﺏ.

…..

ﻳﺎ ﺳﻌﺪﻳﻪ

ﻫﺎﻙ ﺍﻟﺮﺹ

ﻭﺭﺍﻫﻮ ﺍﻟﺮﺹ

ﻭﺗﺘﺠﺎﺩﻉ

ﺣﺮﻳﻢ ﺍﻟﺒﻴﺖ

ﺳﺆﺍﻝ ﻭﺳﺆﺍﻝ

ﺗﻘﻮﻝ ﺩﻭﺑﻴﺖ

….

- ﺳﺠﻢ ﺧﺸﻤﻲ

ﻣﺴﻚ ﺇﻳﺪﻳﻨﻬﺎ

ﺟﻮﻩ ﺍﻟﺒﺺ؟!



- ﺃﺟﻲ ﻳﺎ ﻳﻤﻪ؟!

ﻛﻤﺎﻥ ﻗﻠﻌﻦ

ﻋﺪﻳﻞ ﺍﻟﺘﻮﺏ؟!

….

- ﺳﺠﻢ ﺃُﻣﺎﺗﻦ

ﺍﻟﺨﺎﻳﺒﺎﺕ

ﺷﻦ ﺭﺍﺟﻴﺎﺕ؟!



- ﺃﺧﻴﺮ ﻭﺍﺣﺴﻦ

ﻳﻘﻮﻟﻦ ﺭﻭﻭﻭﺏ

…..

- ﻗﻠﺘﻲ ﺷﻨﻮ؟!

ﻭﺍﺣﺪﺍﺕ ﺷﺮﺑﻦ

ﻋﺪﻳﻞ ﺍﻟـ……

ﺷﻨﻮ؟!

ﺍﻟﺸﻴﺸﻪ

ﻭﻻّ ﺣﺸﻴﺶ؟!!

….

- ﺳﺠﻢ ﺃﻣﻲ

ﻳﺎ ﺳﻌﺪﻳﻪ

ﻗﻠﺘﻲ ﺍﻟﺸﻲ ﺍﻟﻮﺭﺍ

ﺩﺍﻙ

ﺳﻤﻮﻫﻮ ﺑﺮﺿﻮ

ﺷﻨﻮ؟

ﺍﻟﺪِﺵ؟!



ﻳﺎ ﺳﻌﺪﻳﻪ

ﺑﺖ ﺟﺒﺮﻳﻞ

ﺗﻘﻮﻝ ﺣﺎﻭﻱ

ﺍﺗﺤﻜﺮﺗﻲ

ﺷﻠﺘﻲ ﺍﻟﺠﻮ

ﺣﺮﻳﻢ ﺍﻟﺒﻴﺖ

ﺑﻀﺤﻜﻪ ﻃﻮﻳﻠﻪ

ﺳَﻮّﻥ ﺷﻮﻭﻭﻭ

ﻭﻛﺖ ﺳﻌﺪﻳﻪ

ﺇﺗﻔَﻨَﺴﺖ

ﻭﻗﺎﻟﺖ

- ﺃﻳّﺎ

ﺍﺳﻤﻮ ﺍﻟﺪِﺵ

ﻭﺣﺎﺓ ﺍﻟﻠﻪ

ﺷﻔﺖ ﺑﻨﻴّﻪ

ﻧُﺺ ﺍﻟﺴﻮﻕ

ﻭﺑﺎﻟﻔﺴﺘﺎﻥ

ﺗَﻘَﻠِّﺐ ﻟﻴﻬﺎ

ﻓﻲ ﺩِﺷّﺎً

ﺗﻘﻮﻝ ﻋﺘﺎﻟﻲ

ﺷﺎﻳﻞ ﻟﻴﻬﻮ

ﻗﻨﻄﺎﺭ ﻋﻴﺶ

ﺟﻮﻩ ﺍﻟﺨﻴﺶ



ﻭﻳﺎ ﺳﻌﺪﻳﻪ

ﺑﺖ ﺟﺒﺮﻳﻞ

ﻭﻛﺖ ﻛِﺘْﺮ

ﺍﻟﻄَﻌِﻦ ﻓﻲ ﺍﻟﻀُﻞ

ﺇﺗﻌﺪﻟﺖ

ﻓﻲ ﻧﺺ ﺍﻟﺪﺍﺭﻩ

ﺯﻱ ﻣﻠْﻜﻪ

ﻭﺧَﺸّﺖ ﺗﻮﻭﻭﺵ

ﻋﺪﻳﻞ ﻓﻲ ﺍﻟﻔﻴﻞ

….

- ﻫﻲ ﻳﺎ ﻳﻤﻪ

ﻧﺎﻥ ﻣﺎ ﻧﺴﻴﺖ

ﺃﻗﻮﻝ ﻟﻴﻜﻦ

ﺣﻜﺎﻳﺔ ﺍﻟﺰﺍﻛﻲ

ﻭﺩ ﻗﻨﺪﻳﻞ

- ﺍﻟﺰﺍﻛﻲ ﻣﻨﻮ؟

- ﻭﺩ ﻗﻨﺪﻳﻞ

ﺟﺎﺭ ﺍﻟﺘﻮﻡ

- ﺍﻟﺘﻮﻡ

ﺭﺍﺟﻞ ﺑﺘﻚ

»ﺍﻟﺨﻤﺠﺎﻧﻪ«

ﻓﻲ ﺍﻟﺨﺮﺗﻮﻡ؟

- ﺃﻳّﺎ



ﻭﺍﻧﻌﺼﺮﻥ

ﺣﺮﻳﻢ ﺍﻟﺒﻴﺖ

ﻋﻠﻰ ﺳﻌﺪﻳﻪ

ﺟﺎﻳﻰ ﺷﻤﺎﺭ

ﻛﺒﺎﺭ ﻣﺮﺩﻭﻡ

ﻣﻌﺎﻫﻮ ﺍﻟﺘُﻮﻡ

ﻭﺷِﻴﻬﻦ ﺭﺍﺭﺍ

ﻟﻼﺧﺒﺎﺭ



ﻳﺎ ﺳﻌﺪﻳﻪ

ﺧُﺸﻲ ﻋﺪﻳﻞ

ﻃَﻌِﻦ ﻓﻲ ﺍﻟﻔﻴﻞ

….

- ﻫﻮ ﺯﻭﻝ ﺳﻤﺴﺎﺭ

ﻗﺮﻭﺷﻮ ﻛُﺘﺎﺭ

ﻭﺧﺎﻟﻮ ﻭﺯﻳﺮ

- ﺳﻤﺴﺎﺭ ﺳﻮﻕ

ﻭﻻّ ﺑﻴﻮﺕ؟!

- ﻓﻲ ﺷﻴﺘﺎً

ﻣﺎ ﺑﺴﻤﺴﺮ ﻓﻴﻬﻮ

ﻭﺩ ﻗﻨﺪﻳﻞ؟!

ﻣﻦ ﺍﻟﺨﺮﻓﺎﻥ

ﻟﺤﺪﻱ ﺍﻟﺨُﺮﺩﻩ

ﻭﺍﻟﻌﺮﺑﻴﺔ ﻭﺍﻟﺘﻼﺟﻪ

ﻭﺍﻟﺪﻛﺎﻥ.

ﺳﻮﺍﻗﻲ

ﻟﻮﺍﺭﻱ

ﻃﻴﺎﺭﺍﺕ.

ﺑﻴﻮﺕ ﻟﻠﺒﻴﻊ

ﺑﻴﻮﺕ ﺗﺄﺟﻴﺮ

ﺣﺼﻴﻦ

ﻭﺣﻤﻴﺮ

ﻛﻤﺎﻥ ﺃﻛﺸﺎﻙ

ﺗﺠﺎﺭْﺓ ﺍﻟﺸﻨﻄﺔ

ﻭﺍﻟﺘﻤﺒﺎﻙ.

ﺟﺰﻡ

ﻗﻤﺼﺎﻥ

ﻭﺭﻕ

ﺃﻗﻼﻡ

ﻛﻤﺎﻥ ﺩﺧﺎﻥ.

….

ﻭﻛﺖ ﺩﻗّﺖ ﺳﺪﻳﺮﻫﺎ

ﺍﻟﺸﺎﻣﻪ

ﺑﺖ ﻛﻠﺘﻮﻡ

ﻛﻤﺎﻥ

ﻛﻞ ﺍﻟﺤﺮﻳﻢ ﺗﺒﻌﻮﻫﺎ

ﻓﻲ ﺫﺍ ﺍﻟﺸﺎﻥ

….

- ﺳﺠﻢ ﺧﺸﻤﻲ

ﺳﺠﻢ ﺧﺸﻤﻲ

ﻭﺍ ﺧﺠﻴﻠﺘﻲ

ﻭﺍ ﺧﺠﻴﻠﺘﻲ

ﻳﺎ ﻧﺴﻮﺍﻥ

- ﻛﻤﺎﻥ ﺩﺧﺎﻥ؟!

….

ﺳﻌﺪﻳﻪ ﻏﻤﺰﺕ

ﻟﻴﻬﺎ

ﻏﻤﺰﻩ ﻃَﺮَﻑ

ﻭﺯﻱ ﺣﺎﻭﻱ

ﻭﺑﻲ ﺣﺮﻛﺔ ﺻﻮﺍﺑْﻊ

ﺍﻹﻳﺪ

ﺳﻮّﺕ ﻟﻴﻬﺎ

ﻭﺭﻗﺔ ﻟﻒ

ﻭﻣﻄّﺖ ﻟﻠﺤﺮﻭﻑ

ﺗﺒﻴﺎﻥ

- ﺩﺧﺎﺍﺍﺍﺍﺍﻥ

ﻣﺎ ﺩﺧﺎﺍﺍﺍﺍﻥ

ﻓﻬﻤﺘﻦ ﺣﺴﻪ

ﻳﺎ ﻧﺴﻮﺍﻥ؟!

- ﺳﺠﻢ ﺧﺸﻤﻲ

ﺣﺘﻰ ﺍﻟﺒﻨﻘﻮ

ﺑﺎﻋﻮ ﻛﻤﺎﻥ؟!

- ﺃﺻُﺒْﺮَﻥ

ﺃﺻُﺒْﺮَﻥ

ﻭﻗﺎﻟﻮﺍ ﺍﻟﺴﺎﺗﺮﻭ

ﻭﺳﺎﻧﺪﻭ

ﺧﺎﻟﻮ ﻭﻓﺎﻫﻤﻮ.

ﻭﺳﻤﻌﺖ ﺷﻤﺎﺭ

ﻗﺎﻟﻮﺍ ﺍﺳﺘﻮﺭﺩﻭ

ﺍﻟﺒﻤﺒﺎﻥ

…..

ﺍﻟﺸﺎﻣﺔ ﺷﻬﻘﺖ

ﻭﺻﻮﺗﻬﺎ ﻋﺸﺮﻕ

ﻭﺍﻟﺮﻳﻠﻪ ﻧَﻔّﺖ

ﺩﻣﻮﻋﻬﺎ ﺳﺎﻟﺖ

ﻭﻓﻮﺯﻳﻪ ﻗَﺤّﺖ.

ﻋﺸﻤﺎﻧﺔ ﻋﻄﺴﺖ.

….

ﻭﺳﻌﺪﻳﻪ ﺿﺤﻜﺖ

- ﺳﺠﻤﻜﻦ

ﻣﺎﻟﻜﻦ ﺣﺴﻪ

ﻳﺎ ﻧﺴﻮﺍﻥ؟!

ﺷﺎﻥ ﻗﻠﺖ ﺑﺲ

ﺑﻤﺒﺎﻥ؟!!

….

- ﻭﺧﺎﻟﻮ ﻭﺯﻳﺮ

- ﺃﻳّﺎ

ﻣﻜﻨﻜﺶ

ﻓﻲ ﺍﻟﻜﺮﺍﺳﻲ ﻋﺪﻳﻞ

ﻻ ﺷﺎﻟﻮﻫﻮ

ﻓﻲ ﺗﻌﺪﻳﻞ

ﻻ ﻧﻘﻠﻮﻫﻮ

ﺑﺮﻩ ﺳﻔﻴﺮ.

ﻭﻟﻮ ﺳﺎﻁ ﺍﻟﺒﻠﺪ

ﺑﻲ ﺣﺎﻟﻬﺎ

ﻣﺎ ﺳﺄﻟﻮﻫﻮ

ﻣﻦ ﺗﻔﺴﻴﺮ

- ﻣﺴﺎﺧْﺮ ﺍﻟﺪﻧﻴﺎ

ﻓﻲ ﻧﺎﺱ ﺩﻳﻞ

- ﻧﺎﺱ ﻣﺪﻓﻮﺭﻩ

ﻳﻮﺕ ﻟﻲ ﻓﻮﻕ

ﻭﻧﺎﺱ ﺑﻨﻴﺎﻧﻬﺎ

ﺩﺭﺏ ﺍﻟﺴﻴﻞ.

….

ﻭﻳﺎ ﺳﻌﺪﻳﻪ

ﺯﻳﺪﻱ ﺷﻤﺎﺭ

ﻟﺴﻪ ﺍﻟﺮﺍﺩﻱ

ﻓﻴﻬﻮ ﺧﺒﺎﺭ

….

- ﺃﻫﺎ ﺍﺗﺬﻛﺮﺕ

ﺣﺎﺟﺔ ﻛﻤﺎﻥ

ﻭﺍﻟﻠﻪ ﻟﻮ ﺣﺠُّﻮﻧﺎ

ﻣﺎ ﺑﺘﺪﺧﻞ

ﻋَﻘُﻞ ﻭﺃﺿﺎﻥ



ﺍﺗﻔﺘﺤﺖ

ﻋﻴﻮﻥ ﺷﺒﺎﻙ

ﻭﺻَﻨُّﻮ ﺍﺗﺼّﻨﺘُﻮ

ﺍﻟﺒﻴﺒﺎﻥ

ﻭﺍﺗﻤﺪّﺕ

ﺇﺿﻴﻦ ﻧﺴﻮﺍﻥ

ﻭﻳﺎ ﺳﻌﺪﻳﻪ

ﺍﺗﺸﻤﺮﺗﻲ

ﻭﺍﺗﺤﻜﺮﺗﻲ

ﻭﺍﺗﻤﻬﻠﺘﻲ

ﻭﺍﺗﻮﻛﻠﺘﻲ ﺑﺎﻟﺮﺣﻤﻦ

ﺷﻤﺎﺭﺍ ﺍﻟﺠﺎﻱ

ﺻﻨﻔﻮ ﺗﻘﻴﻞ

ﻋﺪﻳﻞ ﻳﻜﺴﺮ

ﺭﻗﻴﺒﺔ ﺍﻟﻔﻴﻞ.



- ﻗﺎﻟﻮ ﺍﻟﺰﺍﻛﻲ

ﺧَﺶّ ﻋﺪﻳﻞ

ﻳﺴﻤﺴﺮ

ﻓﻲ ﻣﻘﺎﺑْﺮ ﺍﻟﺒﻜﺮﻱ

ﻭﺃﺣﻤﺪ ﺷﺮﻓﻲ

ﻭﺣﻤﺪ ﺍﻟﻨﻴﻞ



ﻓﻲ ﺗﺮﺑﻴﺰﻩ

ﻧﺺ ﺍﻟﻘﻌﺪﻩ

ﻣﻦّ ﺍﻟﺨﻠﻌﻪ

ﺍﻧﻜﺴﺮﺕ ﻛﺒﺎﺑﻲ

ﺍﻟﺸُﻮﺏ

ﻭﻃﺎﺭﺕ ﻟﻴﻚ

ﺻﻮﺍﻧﻲ ﺍﻟﺸﺎﻱ

ﻭﻗﻌﺖ ﺭُﺏ.

….

- ﻋﺸﺎﻥ ﺍﻟﻤﻮﺕ

ﺻﺒﺢ ﺑﺎﻟﻜﻮﻡ

ﻭﻣﻮﺕ ﺍﻟﺠُﻤﻠﻪ

ﺻﺎﺭ ﻣﻌﻠﻮﻡ

ﻧﺎﺱ ﺍﻟﺰﺍﻛﻲ

ﺷﺎﻥ ﻣﺎ ﻳﺒﻘﻮﺍ

ﻳﻮﻡ ﻓﻲ ﻟﻮﻡ

ﻗﺎﻟﻮﺍ ﺍﻟﻨﺎﺱ

ﺗﻘﺪﻡ ﻟﻲ ﻗَﺒُﺮ

ﺑﺪﺭﻱ

ﻭﻣﺎ ﺗْﺴﻬِّﻰ

ﻭﻳﺸﻴﻠﻚ ﻧﻮﻡ

ﺗﺨُﺖ ﺩﻣﻐﺎﺕ

ﻓﻲ ﻃﻠﺐ ﺍﻟﺘُﺮﺑﻪ

ﺗﺪﻓﻊ ﻟﻠﺤﺠﺰ

ﻭﺭﺳﻮﻡ

ﻭﻳﺪﻭﻙ….

ﻭﻳﺪﻭﻙ….

ﺷﻦ ﺳﻤﻮﻫﺎ ﻳﺎ ﺳﻌﺪﻳﻪ

ﺑﺖ ﺟﺒﺮﻳﻞ

ﺷﻦ ﺳﻤﻮﻫﺎ ﻳﺎ ﺳﻌﺪﻳﻪ

ﺑﺖ ﺟﺒﺮﻳﻞ….

ﺃﻳّﺎ

»ﺷﻬﺎﺩﺓ ﺑﺤﺚ«

ﻣﻜﺎﻥ ﻋﺎﻳﺰ.

ﺗُﺮﺏ ﻓﺎﺭﻭﻕ

ﻭﺩ ﺍﻟﺒﻜﺮﻱ

ﺃﺣﻤﺪ ﺷﺮﻓﻲ

ﺣﻤﺪ ﺍﻟﻨﻴﻞ

….

ﺇﻧْﻘَﻠَﺪﻥ

ﺣﺮﻳﻢ ﺍﻟﺒﻴﺖ

ﻭﺍﻧﻔﻘﻌﻦ

ﺩﻣﻮﻉ ﻭﻋﻮﻳﻞ



ﺻﻮﺕ ﺍﻟﻨﺨﻠﻪ

ﺑﺎﻟﻤﻠﻴﺎﻥ

ﺯِﻋِﻞ ﻛﻮﺭﻙ

- ﻳﺎ ﻧﺴﻮﺍﻥ

ﺑﺪﻝ ﺗﺒﻜﻦ

ﻋﻠﻰ ﺍﻟﺨﺮﺗﻮﻡ

ﺑﺪﻝ ﺗﺒﻜﻦ

ﻋﻠﻰ ﺍﻣﺪﺭﻣﺎﻥ

ﺃﺧﻴﺮ ﺗﺒﻜﻦ

ﻋﻠﻰ ﺍﻟﺴﻮﺩﺍﺍﺍﺍﻥ
الرجوع الى أعلى الصفحة اذهب الى الأسفل
ماهر عابدين دياب
 
 
avatar

الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: الشعر الحلمنتيشي   الثلاثاء 17 يوليو 2012, 1:29 pm


يا جزمتي
يا جزمتي الشالك يطير
يبلوه بي مرضا خطير
بي الايدز بي شر مستطير
يا جزمتي الشالك يقع
في بركة في يوماً مطير
لا يضوق سعادة ولافرح
لا باسطة لا شاي بي فطير
يا جزمتي الشالك يموت
في السكة بي نطحة عتوت
بي رفسة تتفطس مصارينو التجوط
يا جزمتي الشالك يقع
في السكة في اعفن ترع
تتكسر الرجلين وتنحل الضلع
واخر ختامو يكون صرع



يا جزمتي
يا جزمتي الشالك يطير
يبلوه بي مرضا خطير
بي الايدز بي شر مستطير
يا جزمتي الشالك يقع
في بركة في يوماً مطير
لا يضوق سعادة ولافرح
لا باسطة لا شاي بي فطير
يا جزمتي الشالك يموت
في السكة بي نطحة عتوت
بي رفسة تتفطس مصارينو التجوط
يا جزمتي الشالك يقع
في السكة في اعفن ترع
تتكسر الرجلين وتنحل الضلع
واخر ختامو يكون صرع


الرجوع الى أعلى الصفحة اذهب الى الأسفل
 
الشعر الحلمنتيشي
الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  القسم الثقافى -
انتقل الى: